المساعد الشخصي الرقمي

مشاهدة النسخة كاملة : (مصر) مساعده فى تجميعه جهاز لالعاب والجرافيك اقصى ميزانيه 2200 ج



mahmoud-nadal
25-08-2012, 02:09
بسم الله الرحمن الرحيم



- أقصى ميزانية محددة: 2200 جنيه بالكتير اوى ما ينفعش ازود
- استخدامك للجهاز: جرافيكس (أساس التحديث) - العاب مهمه طبعا -نت -
- حجم الشاشة و الدقة (Resolution) التي تستخدمها: 15 بوصه Nec Crt ودقه 1024×768
وبعد فتره هجيب شاشه LED 19 inch سامسونج ماليزى
ميعاد الشراء : النهاردة ادعولى ربنا يوفقنى :]
مكان الشراء كنت هجيب من مول سوق العصر لانى من روكسى وقريب منى بس ممكن انزل كومبيو سيتى مول فى جامعه الدول لو فرق الاسعار كبير يصل مثلا 60 جنيه فى المجمل
القطع التي ستعيد استخدامها من الجهاز القديم: الشاشة والهارد 250 جيجا ويستيرن ديجيتال
القطع التى تنوى شرائها :
1175 جنيه : processor : i5 ivy bridge 3470 3.2G / 6MB
ودة نفس سعر 3450 i5 3.1G لانه مش موجود الفرق فى الاداء مش كبير بينهم
RAM : 4G King Stone 1333MHZ
ايهما افضل قطعه واحده ام قطعتين ؟
دول الحاجات اللى انا مستقر عليهم
دلوقتى بقى محتار بين اكمل بالتجميعه الاولى وهى :

Mother Board : gigabyte Ga-B75M-D3H socket 1155 :520 LE
case : Thermaltake v3 Black Midower:375 LE
وفى الحاله دى هسطب ويندوز بالفلاشه لانى مش هجيب دى فى دى وانا مش بستعمله اساسا غير فى تنزيل الويندوز
وكدة التجميعه 2210 جنيه
وبين التجميعه التانيه
ASRock H61iCafe Socket 1155 (https://www.********.com/product.php?id=15870):440 LE
DVD Writer ASus 24 X :125 LE
Case: Cooler Master 311 Basic + PSU :340 LE
او Cooler Master 310+PSU : 340 LE

يعنى من الاخر فرق السعر فى الكيسات يستاهل ولا لأ وهل الفرق فى الشرائح بين البوردات يستاهل فرق سعر 80 جنيه
وهجيب كارت شاشه فيما بعد ان شاء الله كمان شهر مثلا
ATi6670 1G DDR3
او
ASUS GT 440 1G DDR5
انا عارف ادائهم مش قوى اوى اوى فى اللعاب وفى احسن منهم بس هى دى ميزانيتى وانا كدة كدة مش هلعب يعنى العاب 3D لأ العاب فى العادى بيس 2013
او BATTLE FIELD 3 .ASSISAND CREED الالعاب اللى نفسى اشوفها دى

وللعلم
ما يفرقش عندى فى الكيسه غير الباور مش مهم التهويه لانى كدة كدة بسيبها مفتوحه غلط انا عارف بس اتعودت على كدة :] ومش بستخدم اى مميزات فى البورده سواء
USB3 ,SATA3 او اى سوكيتات ولا كروس فاير ولا اى حاجه غير انى هجيب البورده القويه بشريحه B75 لان فى ناس بتقولى فى مول سوق العصر ان شريحه H61 مش هتخلينى استفيد بكامل قوه البروسيسور هو اة البورده تشغل لحد I7 كمان بس البورده مش حديثه ومش هتعيش معايا اوى وكدة البورسيسور هيبقى مخنوق معاها ولان برده لو الفرق فى الشرايح ملوش لازمه وكلهم واحد ماكانوش صنعوا شرائح قويه وشرائح ضعيفه
وياريت ماحدش يلخبطنى فى التجميعات لانى استقريت على الحاجات دى بعد عناء ماحدش مثلا يقولى خش منصه AMD او اكسر سرعه وهات تجميعه تالته خالص عشان انت استخداماتك العاب مش حلوين الاتنين دول وكل الكلام دة
و ياريت تجاوبونى على جميع استفساراتى وما تنسوش حاجه :] ياريت تجاوبونى وتساعدونى بسرعه لانى نازل اشترى الجهاز النهاردة ان شاء الله
واسف جدا جدا على الاطاله وجزاكم الله خير

MISS.NOUR
25-08-2012, 03:33
هما مين اللى قالولك ان البورده بشريحه h61 مش هتقدر تستفيد منها بكامل اداء البروسيسور؟؟؟ يعنى ازاى ده حصل؟:D

هما اكيد قصدهم على ال كسر سرعه البروسيسور لان ال h61 غير مخصصه للكسر اصلا

و ابعد عن كلام البياعين لما تيجى تسأل حد اسأل حد اشترى وجرب وعارف

واحب اقولك ان اى بورده مدام مش هتعمل اوفر كلوك هتديك اداء البروسيسور كامل وانت هتجيب بروسيسور رباعى يعنى تشترى معاه اى كارت

شاشه يعجبك وهتاخد اداء الكارت والبروسيسور كامل برضه اهم حاجه الرام لا تقل عن 4 جيجا وربنا يوفقك

واداء كارت 6670 على شاشه 17 اداء ممتاز وعلى شاشه 19 ان شاء الله الاداء يرضيك لانه عندى وبلعب عليه كل الالعاب على اعلى اعدادات جرافيك

على شاشه 17 مع بروسيسور i3 2100 ولعبت باتل فيلد 3 على اعلى اعدادات جرافيك وكل الالعاب حتى الان الحمد لله


بالنسبه للرامات هات قطعتين 2x2 عشان افضل بيكون فى بينهم خاصيه اسمها duel channel

الكيسه دى افضل من التانيه case : Thermaltake v3 Black Midower:375 LE

ولو عاوز تجيب التانيه الفرق مش كبير

بالنسبه للمازربورد انت ممكن توفر وتشترى gigabyte h61m s2p سعرها 350 بس اسال البائع عن تحديث ال bios هل هو متوافق مع

ivy bridge pro ولو مش متوافق خليه يعملك تحديث للبيوس عنده فى المحل قبل ما تروح البيت ويفضل انك تشترى المازربورد والبروسيسور من نفس

المحل وتتأكد منه انهم هيشتغلو معاك تمام

لو عندك اى استفسار تانى احنا موجودين ان شاء الله تستفاد :)

Mahmoud Essam
25-08-2012, 08:39
أخى مع احترامى كل الكلام دة غلط الفرق بين شريحة h61 مثلا و شريحة z68 ان الشريحة الاولى لا تدعم الكسر و الاخر تدعم لكن من حيث الاداء من غير الكسر و الامكانيات الزيادة اللى موجودة فى Z68 مثل SLI و Crossfire لاثنين متساويين فى الاداء لكن ان بوردة H61 مش هتشغل البروسيسور بكام قوته دة كلام غلط و كمان الفرق بين h61 و b75 ان الاخرى تدعم Crossfire و SATA 3 و USB 3 لكن الاثنين نفس الاداء و رأيى انك تشترى هذه التجميعة و توفر الفلوس و تزود فى كرت الشاشة الى HD 6770 مثلا و هذه هى التجميعة :
Intel® Core™ i5-3450 3.1GHz 6MB Cache : 1175 LE
Gigabyte GA-H61M-S2P-B3 Socket 1155 : 350 LE
Kingston ValueRAM 4GB DDR3 1333MHz : 140 LE
Thermaltake V3 BLACK EDITION mid tower + 450w PSU : 355 LE
TOTAL : 2020 LE
مع شراء كرت HD 6770 يبقى كدة تمام .

mahmoud-nadal
25-08-2012, 12:06
هما مين اللى قالولك ان البورده بشريحه h61 مش هتقدر تستفيد منها بكامل اداء البروسيسور؟؟؟ يعنى ازاى ده حصل؟:D

هما اكيد قصدهم على ال كسر سرعه البروسيسور لان ال h61 غير مخصصه للكسر اصلا

و ابعد عن كلام البياعين لما تيجى تسأل حد اسأل حد اشترى وجرب وعارف

واحب اقولك ان اى بورده مدام مش هتعمل اوفر كلوك هتديك اداء البروسيسور كامل وانت هتجيب بروسيسور رباعى يعنى تشترى معاه اى كارت

شاشه يعجبك وهتاخد اداء الكارت والبروسيسور كامل برضه اهم حاجه الرام لا تقل عن 4 جيجا وربنا يوفقك

واداء كارت 6670 على شاشه 17 اداء ممتاز وعلى شاشه 19 ان شاء الله الاداء يرضيك لانه عندى وبلعب عليه كل الالعاب على اعلى اعدادات جرافيك

على شاشه 17 مع بروسيسور i3 2100 ولعبت باتل فيلد 3 على اعلى اعدادات جرافيك وكل الالعاب حتى الان الحمد لله


بالنسبه للرامات هات قطعتين 2x2 عشان افضل بيكون فى بينهم خاصيه اسمها duel channel

الكيسه دى افضل من التانيه case : Thermaltake v3 Black Midower:375 LE

ولو عاوز تجيب التانيه الفرق مش كبير

بالنسبه للمازربورد انت ممكن توفر وتشترى gigabyte h61m s2p سعرها 350 بس اسال البائع عن تحديث ال bios هل هو متوافق مع

ivy bridge pro ولو مش متوافق خليه يعملك تحديث للبيوس عنده فى المحل قبل ما تروح البيت ويفضل انك تشترى المازربورد والبروسيسور من نفس

المحل وتتأكد منه انهم هيشتغلو معاك تمام

لو عندك اى استفسار تانى احنا موجودين ان شاء الله تستفاد :)


الحقيقه يا جماعه اللى قالى كدة بالظبط شخص واقف فى محل كومبيو داتا فى مول سوق العصر على طوول بيبقى واقف هناك ودة الشخص الوحيد اللى قاللى الكلام دة وايضا مهندس اخر فى شركه ماكسيموم هارد وير قالى احسنلك تاخد البورده الاقوى لان دى تعتبر اصدار قديم وبورده قديمه من جيجا بايت وانا بقولك على الحاجه اللى هتعمر معاك غير كل كل الناس قالولى هات H61
وانتى طمنتينى بصراحه على كارت الشاشه لانى كنت فاكر الجى فورس اقوى وان الاتنين عموما ادائهم مش عالى فى الالعاب
اما فى البورده انا كدة خلاص زى ما حضرتك قولتى مش مهم بقى كل الامكانيات فى الاس روك وهجيب الجيجا بايت H61 لان الاداء واحد وانا مش محتاج اى اوبشن زياده فى البورده
بالنسبه لموضوع الرامات كدة انا مضطر اجيب رامه قطعه واحده جيجا بايت عشان فيما بعد اقدر احدث واجيب رامه فى البنك التانى للرام فى الجيجا بايت وكمان سمعت ان خاصيه الديوال شانل مش بتفرق كتير يعنى الاداء يعتبر واحد

mahmoud-nadal
25-08-2012, 12:11
أخى مع احترامى كل الكلام دة غلط الفرق بين شريحة h61 مثلا و شريحة z68 ان الشريحة الاولى لا تدعم الكسر و الاخر تدعم لكن من حيث الاداء من غير الكسر و الامكانيات الزيادة اللى موجودة فى Z68 مثل SLI و Crossfire لاثنين متساويين فى الاداء لكن ان بوردة H61 مش هتشغل البروسيسور بكام قوته دة كلام غلط و كمان الفرق بين h61 و b75 ان الاخرى تدعم Crossfire و SATA 3 و USB 3 لكن الاثنين نفس الاداء و رأيى انك تشترى هذه التجميعة و توفر الفلوس و تزود فى كرت الشاشة الى HD 6770 مثلا و هذه هى التجميعة :
Intel® Core™ i5-3450 3.1GHz 6MB Cache : 1175 LE
Gigabyte GA-H61M-S2P-B3 Socket 1155 : 350 LE
Kingston ValueRAM 4GB DDR3 1333MHz : 140 LE
Thermaltake V3 BLACK EDITION mid tower + 450w PSU : 355 LE
TOTAL : 2020 LE
مع شراء كرت HD 6770 يبقى كدة تمام .

الحقيقه يا حوده باشا انا فكرت فى الكارت دة بس لقيت فرق فى السعر حوالى 200 جنيه واكيد طبعا الفرق فى الاداء يستاهل اكتر من كدة بس احب اعرف برده ايه انواع الكروت المتوسطه بين 6670 وبين 6770 وفى نفس الوقت متوسطه فى السعر بينهم ومعلش هتعبك معايا ايه الكروت المكافئه للكروت دى فى كروت جى فورس بالظبط ؟
وحضرتك كاتبلى فى التجميعه الكيسه ب 355 جنيه اولا انا مش لاقيها كتير فى المول ثانيا لقيتها فى 3 محلات بالظبط وكلهم بسعر 375 ياريت اعرف حضرتك بتقولى عليها بالسعر دة منين بالظبط
ومعلش استفسار اخير حضرتك كتبتلى فى التجميعه البروسيسور 3450 بس دة مش لاقيه فى سوق العصر واختفى من المحلات اللى موجود دلوقتى 3470 اللى هو 3.2ميجا هرتز ونفس باقى المواصفات وبنفس السعر كمان ياترى دة اجيبه وانا مطمن ولا عشان لسه نازل جديد ممكن مايكونش مضمون اوى
ومعلش يا جماعه انا متقل عليكوا انا عارف :]

sherif_ahmed
25-08-2012, 15:49
بخصوص المعالج الــ 3470 مفيش مشكلة تمااااااااااااااااااااااام
بخصوص الكيسه هاتها ووارد وجود فرق سعر
وكمان مع إفتراض إنك هتنزل جامعة الدول هتصرف الفرق المذكور
بخصوص الكروت
Galaxy GeForce GTS 450 1024MB GDDR5 ..... 650 LE
Gainward GeForce® GT 640 1024MB GDDR3 ..... 650 LE
Gigabyte GeForce GTS 450 1GB GDDR3 ..... 600 LE
Gainward GeForce® GT520 2048MB DDR3 ..... 550 LE
بس أنصحك أخي الكريم
طالما إنك هتجيب الكارت فيما بعد حاول توفر مبلغ أكبرلشراء أي من هؤلاء
Gigabyte AMD Radeon HD 6770 1GB GDDR5 .....650 LE
SAPPHIRE HD 7750 1GB GDDR5 ..... 700 LE
Gigabyte GeForce GTX 550 Ti 1GB GDDR5 ..... 775 LE
وأنت بتعلي بكارت الشاشه علشان المستقبل

mahmoud-nadal
25-08-2012, 17:47
بخصوص المعالج الــ 3470 مفيش مشكلة تمااااااااااااااااااااااام
بخصوص الكيسه هاتها ووارد وجود فرق سعر
وكمان مع إفتراض إنك هتنزل جامعة الدول هتصرف الفرق المذكور
بخصوص الكروت
Galaxy GeForce GTS 450 1024MB GDDR5 ..... 650 LE
Gainward GeForce® GT 640 1024MB GDDR3 ..... 650 LE
Gigabyte GeForce GTS 450 1GB GDDR3 ..... 600 LE
Gainward GeForce® GT520 2048MB DDR3 ..... 550 LE
بس أنصحك أخي الكريم
طالما إنك هتجيب الكارت فيما بعد حاول توفر مبلغ أكبرلشراء أي من هؤلاء
Gigabyte AMD Radeon HD 6770 1GB GDDR5 .....650 LE
SAPPHIRE HD 7750 1GB GDDR5 ..... 700 LE
Gigabyte GeForce GTX 550 Ti 1GB GDDR5 ..... 775 LE
وأنت بتعلي بكارت الشاشه علشان المستقبل



خلاص هتوكل على الله واشترى زى ما قولتلولى وهحاول اجيب الكارت 6770 لان الناس كتير قالولى الفرق فى السعر يستاهل انى اجيبه بس اخر حاجه محتار شويه بين البورده اتش 61 نوع اسوس او جيجا بايت ولسه جايب الاسوس من يومين لواحد صاحبى شغاله معاه تمام والجيجا بايت الناس كتير اوى بيشكرولى فيها وشغاله تمام
مقارنه انا عملتها بين الاسوس والجيجا بايت :
الاسوس : ممكن تركب لحد 10 USB2 اما الجيجا بايت 8 فقط كروت الصوت واللان فى الاسوس من نوع ريلتيك اما الجيجا بايت شركه اخرى والاهم ان الجيجا بايت ديوال بايوس مش بايوس واحد زى الاسوس وبتشيل لحد 3 تيرا بايت الهارد اما الاسوس ممكن تحديث اليايوس بها عن طريق فلاشه والجيجا بايت بها خاصيه PCIE 3 معرفش الاسوس فيها ولا لأ بس تقريبا لأ والجيجا بايت بها خاصيه اوف شارج عشان شحن الموبايلات ياريت توضحوهالى وكمان خاصيه اوتو جرين وتقليل الاستهلاك للكهرباء
واسف جدا جدا على الاطاله بس حبيت اوضح كل الاختلافات وجزاكم الله خير

sherif_ahmed
25-08-2012, 18:30
هو الصراحه الجيجا بايت ممتازه في هذه الفئة عن الأسوس

وعن خاصية الشحن

تقنية الشحن السريع On/Off Charge
تتيح تقنية الشحن السريع On/Off Charge من جيجابايت شحنا أكثر سرعة لأجهزة iPhone, iPad , iPod Touch
وذلك باستخدام منافذ التوصيل USB من جيجابايت و التى تتميز بمضاعفة طاقتها الكهربية ×3 بالمقارنة بمنافذ التوصيل التقليدية
وذلك مع ميزة أخرى و هى إمكانية الشحن أثناء تشغيل الحاسب أو أثناء الإيقاف المؤقت أو حتى أثناء الإيقاف التام

mahmoud-nadal
25-08-2012, 18:41
هو الصراحه الجيجا بايت ممتازه في هذه الفئة عن الأسوس

وعن خاصية الشحن

تقنية الشحن السريع On/Off Charge
تتيح تقنية الشحن السريع On/Off Charge من جيجابايت شحنا أكثر سرعة لأجهزة iPhone, iPad , iPod Touch
وذلك باستخدام منافذ التوصيل USB من جيجابايت و التى تتميز بمضاعفة طاقتها الكهربية ×3 بالمقارنة بمنافذ التوصيل التقليدية
وذلك مع ميزة أخرى و هى إمكانية الشحن أثناء تشغيل الحاسب أو أثناء الإيقاف المؤقت أو حتى أثناء الإيقاف التام

الف الف شكر يا شريف باشا على الشرح الاكثر من رائع وان شاء الله هجيب الجيجا بايت زى ما نصحتونى ولما اجيب الجهاز ان شاء الله هعمل تقرير مفصل عنه وعشان الجميع يستفيد ان شاء الله

mahmoud-nadal
25-08-2012, 18:41
الف الف شكر لكل من شارك فى الموضوع وشكر خاص للقائمين على المنتدى الاكثر من رائع لان الشغل فيه من ناااااااااااااااااار والى الامام دائما ان شاء الله

sherif_ahmed
25-08-2012, 18:50
الف الف شكر لكل من شارك فى الموضوع وشكر خاص للقائمين على المنتدى الاكثر من رائع لان الشغل فيه من ناااااااااااااااااار والى الامام دائما ان شاء الله



بالتوفيق بإذن الله

Mahmoud Essam
25-08-2012, 23:14
أخى محمود الكيسة موجودة بالسعر دة فى شركة تيكنولوجى هاوس بمول سيتى مول فى شارع جامعة الدول المهندسين .

mahmoud-nadal
26-08-2012, 17:07
أخى محمود الكيسة موجودة بالسعر دة فى شركة تيكنولوجى هاوس بمول سيتى مول فى شارع جامعة الدول المهندسين .

الحقيقه انا هجمع من مول السخاوى ان شاء الله لان الاسعار ارخص من اى حته شوفتها البروسيسور 1150 والرامه 130 والبورده اتش 61 ب335 والكيسه لاقيت ارخص سعر لها 370 فا طبعا حرام انزل جامعه الدول عشان 15 جنيه ولقيت نفس الكيسه بس V4 ب380 والف شكر لكل الناس اللى تعبتها معايا واللى شارك فى الموضوع وهنزل ان شاء الله النهارده اجيب الجهاز واقولكوا ايه الاخبار

anahmedm
26-08-2012, 23:32
مبرووووووووك مقدما

mahmoud-nadal
28-08-2012, 15:29
الحمد لله انا اشتريت الجهاز وبصراحه بعد ما الناس هنا نصحتنى بالاتش 61 وكنت خلاص هجيبها فكرت انى ما اجبش دى فى دى ساتا واخلى الدى فى دى الداتا اللى عندى زى ماهو واجيبله كونفرتر لتسطيب الويندوز وبفلوسه جيبت البورده B75 عشان ابقى فى المضمون وكدة كدة انا مش بحتاج الدى فى دى فا خليت الراجل يسطبلى ويندوز عنده ويعرفلى البورده وكل حاجه
وكدة التجميعه i5 3470 3.2 Mhz و وبرده B75 و ما كلمتوش فى موضوع تحديث اليايوس دة لان تقريبا فهمت ان تحديث اليايوس على الاتش 61 فقط مش B75 ولانى كدة كدة لقيت البروسيسور اشتغل الحمد لله و الرامه نسيت خالص انى اجيب رامتين 2*2 جيجا عشان الديوال شانل وعشان كدة كدة عندى 4 بنك رام فا ملوش لازمه اجيبها قطعه واحده وجيبت الكيسه Thermaltake V3

mahmoud-nadal
28-08-2012, 15:59
بس فى مشكله يا اخوانى دلوقتى انا بعد ما جبت الجهاز دخلت على برنامج التعرف على مواصفات الجهاز cpuz
وبصراحه لقيت حاجات غريبه شويه لقيت كل اللى موجود عن البروسيسور مختفى مش ظاهر غير الفولت والكاش كور سبيد 3.1 مع انى شوفت صور لنفس البرنامج على نفس البروسيسور ولقيت البروسيسور مكتوب تفاصيله اكتر من كدة


https://i49.tinypic.com/efnite.jpg
وصفحه الكاش للبروسيسور فى البرنامج لقيتها مظبوطه الحمد لله

ودة صفحه المازر بورد اعتقد كله تمام والبيوس الفيرجن بتاعه F3


https://i47.tinypic.com/suzxvk.png

وصفحه الرامات قاريه عندى سرعه الرامات 3.4 كدة كان احسنلى اجيب الرامات قطعتين عشان يقروا اعلى من كدة ولا كانت هتبقى هى هى ؟

اما الحاجه برده اللى مستغرب منها هو بيانات كارت الشاشه الخاص بالبروسيسور 2500 HD
برده حاسس ان فى حاجه غلط او مش قارى التعريق كويس او حاجه نتيجه اصدار البايوس لاقد الله ولا حاجه ياريت تطمنونى

https://i45.tinypic.com/vicig3.png

وبرده دى صوره ببرنامج Gpu لكارت الشاشه


https://i46.tinypic.com/20hooeq.gif_

وطبعا الحمد لله بعد ما اشتريت الجهاز احب اشكر كل الناس اللى ساعدتنى فى المنتدى وياريت تقولولى ايه رأيكم فى الصور دى لانى خايف من موضوع البايوس دة بس تقريبا برده مادام ما البروسيسور اشتغل كدة يبقى خلاص وياريت تقولولى انا كدة صح ولا لأ لما أجلت شويه الدىفيدى وجيبت بورده B75 وياريت اعرف انزل تعريفاتها منين من على النت عشان تبقى تعريفات مضمونه
والف الف شكر مره تانيه ومعلش طولت عليكم كالعادة :)

Mahmoud Essam
28-08-2012, 17:30
بالنسبة لسؤال H61 فبوردة H61 البيوس الداعم لجيل الايفى بريدج نازل بقاله كتير و كل اللوحات الجيجابايت اللى موجودة فى السوق محدثة لاحدث بيوس داعم للايفى بريدج عن طريق جيجابايت يعنى مش هتحتاج تحدثة لانه محدث اصلا . بالنسبة لبرنامج CPU-Z هذه المشكلة لان معالجك جديد و ممكن يكون الاصدار اللى عندك مش داعم لهذا البروسيسور لان البروسيسور لسه جديد و نزل احدث اصدار لو فضلت المشكلة يبقى لسه برنامج CPU-Z مدعمش المعالج يعنى عيب من شركة البرنامج و ليس من المعالج متخفش . و بالنسبة لسؤال كرت الشاشة انا عندى نفس الحوار لان هذا الكرت كرت مدمج و غير مدعوم من برنامج GPU-Z (انا عندى كرت HD 2000 فى معالج CORE i3 2100 ) .

azzelden
28-08-2012, 18:24
فيرجن البيوس لازم يبقى f4
وهاتدخل الصفحه ديه تحمل منها التعريفات حسب النسخة الموجوده عندك 64 بت او 32 بت
https://www.gigabyte.com/products/product-page.aspx?pid=4150#dl

mahmoud-nadal
28-08-2012, 19:27
بالنسبة لسؤال H61 فبوردة H61 البيوس الداعم لجيل الايفى بريدج نازل بقاله كتير و كل اللوحات الجيجابايت اللى موجودة فى السوق محدثة لاحدث بيوس داعم للايفى بريدج عن طريق جيجابايت يعنى مش هتحتاج تحدثة لانه محدث اصلا . بالنسبة لبرنامج CPU-Z هذه المشكلة لان معالجك جديد و ممكن يكون الاصدار اللى عندك مش داعم لهذا البروسيسور لان البروسيسور لسه جديد و نزل احدث اصدار لو فضلت المشكلة يبقى لسه برنامج CPU-Z مدعمش المعالج يعنى عيب من شركة البرنامج و ليس من المعالج متخفش . و بالنسبة لسؤال كرت الشاشة انا عندى نفس الحوار لان هذا الكرت كرت مدمج و غير مدعوم من برنامج GPU-Z (انا عندى كرت HD 2000 فى معالج CORE i3 2100 ) .

الف الف الف شكر ياا حوده يا غالى انا خدت بالى من موضوع الفيرجن بتاع البرنامج بس قولت ما اعتقدش ان دة هيأثر ويخلى البرنامج ما يعرفش البروسيسور
ثانيا طب بغض النظر عن برنامج GPU_z المواصفات بتاعه كارت الشاشه المكتوبه فى برنامج CPU تعتبر كدة برده عاديه عشان الكارت مدمج فى اللوحه الام ولا مثلا محتاج انزل دايركت اكس او حاجه عشان البرنامج يقرا تفاصيل ومواصفات الكارت المدمج مش الحجم بتاعه وبس

Mahmoud Essam
28-08-2012, 19:39
شكرا على الكلام الطيب دة و زى مقولتلك أخى لا يوجد برنامج يدعم الكروت الداخلية من انتل يعنى برضوا عندى نفس الكلام و كرت HD 2000 .

mahmoud-nadal
28-08-2012, 19:43
فيرجن البيوس لازم يبقى f4
وهاتدخل الصفحه ديه تحمل منها التعريفات حسب النسخة الموجوده عندك 64 بت او 32 بت
https://www.gigabyte.com/products/product-page.aspx?pid=4150#dl

تمام الحمد لله بينزلوا ومنزلهم 64 بت عشان ويندوز 7 بس معرفش الويندوز اللى عندى 32 ولا 64 اعرف منين ؟
ودلوقتى بالنسبه لفيرجن البايوس مش مهم عندى انه يشغل البروسيسور ومادام شغال خلاص يبقى الحمد لله مش محتاج اعمل تحديث ولا هتفرق برده فى حاجات تانيه وياريت لو انا ممكن انزل اخر تحديث دة بنفسى حضرتك تقولى ازاى لو سهل لو صعب خلاص مش مشكله اكمل كدة زى ما انا :)
وايه رأى حضرتك فى ان كارت الشاشه 2500 البرنامج قاري حجمه فقط وباقى مواصفاته مختفيه لانى جيت اشغل لعبه نيدفور سبيد بروستيت او حتى بيس 2011 ولا 2011 مش عايزه تشتغل مع انهم كانوا شغالين على اللاب بتاع اخويا ونفس ملفات اللعبتين بالظبط بيظهرلى رساله بتقولى الملف d3dx9 مش موجود على الجهاز بتاعك هل دة كدة دايركت اكس ولا حاجه تانيه وياريت تقولولى انزل الملف دة منين بالظبط
والف شكر على متابعتكم الاكثر من رائعه

Mahmoud Essam
28-08-2012, 19:53
أخى الكريم لا داعى لتحديث البيوس لان البوردة اصلا تدعم جيل ايفى بريدج دعما كاملا يعنى مش محتاج تغير بيوس و بعدين لازم تنزل ويندوز 7 64 بت حتى تستفيد من كامل قوى الرامات لان ويندوز 7 32 بت لا يفرأ الرامات 4GB كاملة بل يقرأها 3 جيجا و شوية مش اربعة . ملف D3Dx9 كام ؟ و على العموم هذه المشكلة بسبب عدم تنزيل برنامج Direct X لان هذه المشكلة تظهر عند نقص ملفات Dll فى الجهاز و يتم حلها اما بتنزيل Direct X او تنزيل الملف الناقص .

mahmoud-nadal
28-08-2012, 20:20
أخى الكريم لا داعى لتحديث البيوس لان البوردة اصلا تدعم جيل ايفى بريدج دعما كاملا يعنى مش محتاج تغير بيوس و بعدين لازم تنزل ويندوز 7 64 بت حتى تستفيد من كامل قوى الرامات لان ويندوز 7 32 بت لا يفرأ الرامات 4GB كاملة بل يقرأها 3 جيجا و شوية مش اربعة . ملف D3Dx9 كام ؟ و على العموم هذه المشكلة بسبب عدم تنزيل برنامج Direct X لان هذه المشكلة تظهر عند نقص ملفات Dll فى الجهاز و يتم حلها اما بتنزيل Direct X او تنزيل الملف الناقص .

اة منا كنت فاكر موضوع الرامات كدة عادى زى مثلا الهارد 500 جيجا مش بيبقى نفس المساحه كدة بيبقى اقل شويه على العموم الحمد لله معلومه مهمه جدا ماكنتش اعرفها بس انا الراجل هو اللى سطبلى الويندوز وعايز اتأكد منين انه 32 ولو ينفع اخليه 64 مثلا بابديت او حاجه زى كدة ياريت تقولى لانى معنديش اساسا دى فى دى انزل ويندوز 64 بت
اما الملف بتاع دايركت اكس D3Dx9_30 رقمه كدة بالظبط ونزلت دايركت اكس 12 وبرده نفس المشكله فا هحاول اشوف واحد غيره و ياريت تقولى انزل دايركت اكس كام بالظبط او منين عشان يبقى شغال تمام
ومش عارف اقولك ايه يا باشا على تعبك معايا والله

mahmoud-nadal
28-08-2012, 20:34
https://i45.tinypic.com/2qsxfgy.jpg


https://i46.tinypic.com/30hqzp4.png

و دى الصور بعد ما حدثت البرنامج واعتقد كدة كل شئ طبيعى الحمد لله بس كنت شوفت الصوره دى واللى اعرفه ان البروسيسور بتاعى مش اخره K وملوش كسر سرعه اممال الصوره دى ازاى البروسيسور واصل للمستوى دة وكمان معامل الضرب مختلف عندى 34 اكس مع انه المفروض 16 معرفش ازاى ياريت حد يوضحلى الكلام دة
https://i47.tinypic.com/9u9p1w.jpg

وبصراحه انتوا بطمنونى اكثر كل مدى
والواحد لسه قدامه كتير على ما يعرف كل الملعومات والتفاصيل دى

Mahmoud Essam
28-08-2012, 21:06
أخى عشان تعرف الوينوز 32 ولا 64 دوس كليك يمين على My Computer و تدوس على Properties هتظهر صفحة امكانيات الجهاز هتلاقى تحت Ram حاجة اسمها System Type شوف قدمها مكتوب 32Bit ولا 64Bit و يا أخى ويندوز 7 64 بت دة مش ابديت ولا حاجة ديه نسخة تانية خالص غير 32 بت يعنى ميكروسوفت بتنزل من اى ويندوز اصدارين واحد 32Bit عشان الرامات الاقل من اربعة جيجا و 64Bit عشان رامات اكبر من اربعة جيجا . و بالنسبة لحوار الديركت اكس حمل هذا الاصدار https://download.microsoft.com/download/E/E/1/EE17FF74-6C45-4575-9CF4-7FC2597ACD18/directx_feb2010_redist.exe . و بالنسبة لحوار البروسيسور فهذه التقنية تسمى Turbo Boost و هى زيادة المعالج عن تردده الاصلى و فى معالجك هو 3.2 فى حالة الضغط على الجهاز بالبرامج او الالعاب الثقيلة . و المعالج فى حاجة الخمول بيبقى معامل الضرب x16 و فى حالة الضغط يبيقى x32 فيما فوق و اقصى تردد ممكن ان يصل إليه معالجك عن طريق تقنية Turbo Boost هو تردد 3.8 .

mahmoud-nadal
29-08-2012, 01:42
الف الف شكر يا محمود يا جامد على تعبك معايا والحمد لله الالعاب اشتغلت زى نيد فور سبيد اندر كوفر وبروستريت وبيس بس احب اعرف هل لعبه GTA IV تشتغل على الكارت المدمج للبروسيسور دة ولا لأ وياريت اعرف برامج زى بت كومت وبت تورنت اللى ممكن لو الدون لوود وقف اكمله لانى ساعات بنزل العاب من المواقع او حتى من البرامج زى دى واكتشف فى الاخر انها مش شغاله كويس او فيها مثلا ملفات ناقصه ياريت تقولى اعمل ايه يا غالى لاتى محتاج انزل كل الالعاب الجديده والقويه

ودى صور للبروسيسور بعد ما عملت تحديث للبرنامج

https://i50.tinypic.com/2diejwm.jpg

صور للرامات وهى قاريه 4 جيجا على البرنامج معرفش ازاى ولكن طبعا انا لما دخلت على مواصفات الجهاز لما ادخل على كليك يمين ماى كومبيوتر لقيتها قاريه 3.4 زى ما قولتلى لان الويندوز 32 بت

https://i46.tinypic.com/30hqzp4.jpg
وشكرا مره اخرى بس معلش ياريت تقولى اعمل ايه فى موضوع الالعاب دة

Mahmoud Essam
29-08-2012, 02:44
شكرا على الكلام الطيب و ما هى الدقة التى تستخدمها فى الالعاب عشان لعبة GTA IV ? و بالنسبة لموضوع التورنت منصحكش بيه بصراحة لان سرعته بطيئة و كمان ملفاته مبتبقاش كاملة حمل احسن من المواقع العربية المشهورة فى الالعاب و بيبقى اللعبة متجربة و معاها كراك .

Haythamovic
29-08-2012, 02:47
بص هو الجهاز زي الفل مفيهوش اي مشاكل وانصحك متشغلش gtaVI لانها تقيلة حتي علي اقل الاعدادات علي كارتي 5670 وبرنامج cpuz بيقرأ حجم الرامات بالكامل بغض التظر اذا كان 32 بت او 64 بت

Haythamovic
29-08-2012, 02:50
بالنسبة للداونلود مفيش احسن من التورنت لو عملت pause للداونلود ودست resume هيكمل عادي جدا وقبل ما تنزل اي لعبة تقرأ الكومنتات بتاعة الناس عن اللعبة شغالة ولا لا ولازم يكون عدد ال seeders كتير وموقع ده هتلاقي في كل حاجة https://kat.ph/