مشكله فى hd 5670

[karem_love]

انا عندى كارت msi hd 5670 دخلت على برنامج msi aferburner وعملت الفولت على الماكس ودوست ابلاى لقيت الشاشه عملت خطوط كده وبعدين انا قفلت الجهاز جاى افتحه تانى مش بيفتح خالص خالص شلت الكرت ووصلت الشاشه بالكرت المدمج الجهاز فتح واشتغل تمام وصلت الكرت فى منفذ pci بدون توصيل الشاشه به برضه الجهاز مش بينطق ما الحل علما بانى عندى باور سبلاى cooler master 400 watt ؟؟؟

[karem_love]

يا جماعه حد يشوف المشكله ويرد لانى خايف ليكون الكرت حصل فيه حاجه

[karem_love]

طيب عايز اعرف المشكله من الباور ولا من الكرت حد يسعدنى

[karem_love]

هى المشكله صعبه اوى كده ولا ايه ؟؟؟؟؟؟

[unexpected]

هل تستطيع تجربة بطاقة اخرى على جهازك؟؟؟
وهل جربت بطاقتك على جهاز اخر؟؟

[karem_love]

لا لان لا امتلك جهاز اخر او كرت شاشه اخر وللعلم المشكله دى حصلت قبل كده بس اتصلحت لوحدها فهل ممكن يكون الباور بايظ ؟ يعنى اروح اشترى باور ولا اعمل ايه ؟

[unexpected]

لا لان لا امتلك جهاز اخر او كرت شاشه اخر وللعلم المشكله دى حصلت قبل كده بس اتصلحت لوحدها فهل ممكن يكون الباور بايظ ؟ يعنى اروح اشترى باور ولا اعمل ايه ؟
الافضل التأكد من سلامة البطاقة لديك او حتى منفذ البطاقة حاول تجربة البطاقة عند احد الاصدقاء وتجربة بطاقة اخرى على جهازك

[karem_love]

طيب شكرا لحضرتك بس سؤال هو موضوع اعمل الفولت على المكس ده ممكن يكون بوظ البطاقه او حرقها مع العلم انها شكلها سليمه ومفيش ريحه شياط مثلا شكلها عادى جدا

[Ahmed Abdelwahab]

للأسف خطوة خاطئة جدا منك وغير سليمة طالما لست بحاجة لرفع الفولت لما ترفعة؟؟
عموما حاول تجربة الكرت علي جهاز أخر وربنا يستر

[karem_love]

عارف انها ليست سليمه وانا عملتها اصلا وانا مش قصدى او مش مركز وان شاء الله يبقى سليم وهحاول اجربه عند حد من اصدقائى

[ayoub_bob]

طيب
جرب ادخل على السيف مود واحذف برنامج msi aferburner
واذا لم يظهر الدسك توب
ادخل بالكرت الداخلى واحذف البرنامج

[karem_love]

يعنى ادخل على السيف مود بالكرت الداخلى علشان وكرت hd 5670 متركب الجهاز مش بيفتح خالص ادوس على زرار التشغيل وهكنى مدستش على حاجه ودى حاجه غريبه مش المفروض مثلا لو الكرت بايظ الجهاز يفتح عدى بس الشاشه تبقى سوداء مثلا

[ayoub_bob]

أخى
فك الكرت الخارجى
وادخل بالداخلى تمام
وبعدين أدخل على الكنترول وقوم بحذف البرنامج
وبعدها أغلق الجهاز طبعا وركب الكرت الخارجى
ربنا يسهل ويطلع اللى فى بالى ويشتغل الكرت الخارجى تانى

[karem_love]

اوك هجرب وارد عليك دلوقتى

[karem_love]

انا جربت اللى حضرتك قولت عليه والجهاز برضه مفتحش بس فيه حاجه غريبه حصلت بعد مش شلت الكرت الخارجى تانى ووصلت بالكرت المدمج علشان افتح الجهاز الجهاز مرضيش يفتح برضه خالص ومفتحش الا لما شلت وصله الباور بتاعت البروسيسور اللى هى جامبه دى وركبتها تانى ففتح كده ايه المشكله بقى

[ayoub_bob]

كدة يبقى لازم تجرب الكرت
على جهاز اخر كما قالو لك الاخوة الافاضل
ونصيحة
شوف اى صديق يراجع لك القطع والكيبل
بالتوفيق

[karem_love]

تم تجربه الكرت على جهاز اخر والجهاز الاخر ده فيه باور تجارى والجهاز لم يقلع بعد تركيب كرت الشاشه وعمل زى ما عمل عندى بالظبط كده يبقى الكارت بايظ :mad: ولا ممكن يبقى فى امل او ايه الحل دلوقتى

[ayoub_bob]

أخى العزيز
اخر شيىء تشوف شركة للهارد واير يتم الكسف او تجربة الكرت لك
احتمال لا يكون بة شيىء
او بة شيىء بسيط
حتى لا تشترى ويطلع فى الاخر كان ممكن اصلاح الكرت
هذة هى مشكلة الباورات التجارية الحذر منها
اخى العزيز
والله
خربت لى زمان جهاز بالكامل لا نى كنت لا افهم فى هذة الامور
وخصوصا عند انقطاع الكهرباء فجاءة لو انتا مشغل اى لعبة
العوض عليك فى الكرت
تحياتى لك اخى العزيز

[karem_love]

طيب لو هو لسه فى الضمان اوديه الضمان ولا ده مش عيب فيه وده غباء منى انا لانى ززود الفلت ؟؟

[ayoub_bob]

طيب لو هو لسه فى الضمان اوديه الضمان ولا ده مش عيب فيه وده غباء منى انا لانى ززود الفلت ؟؟
احتمال طبعا يكون خرج من الضمان
واحتمال يقبلو منك الكرت
دة احتمال لا اعرف بصراحة
المشكلة انك من حالك تصرفت فى رفع الفولت
على العموم حصل خير

[karem_love]

تم الذهاب الى محل صيانه وتم اصلاح الكرت :ah4: :ah4: شكرا لكم جميعا