( مصر ) طلب شراء بروسيسور + بورده + رامات بحدود 1000 او 1200 جنيه

[Manch]

بسم الله الرحمن الرحيم



- أقصى ميزانية محددة: من 1000 لـ 1200
- استخدامك للجهاز: للألعاب
- حجم الشاشة و الدقة (Resolution) التي تستخدمها: 1024 × 768 >> LCD " 19 " SAMSUNG
- القطع التي تنوي شراءها: بروسيسور + بورده + رامات
- القطع التي ستعيد استخدامها من الجهاز القديم: الكيسه + الشاشة + الهارد + الدى فى دى
- ميعاد شراء الجهاز: أقرب وقت ان شاء الله
- مكان الشراء: المنارة سنتر
- محل سكنك: المنيا

بعيداً عن النموذج
اكيد ان شاء الله البروسيسور i3
البورده بقى فى ناس هنا بتقول على بورده ASrock بس انا مش واثق فيها مش عارف ليه
الجيجا بايت اعتقد افضل بمراحل - ياريت اعرف الفرق

سؤال: هل ينفع البروسيسور دا يشتغل على باور سبلاى تجارى 650 وات ؟؟
ولا لازم اشترى معاه واحد أصلى 350 وات ؟؟

و التجميعة هتشغل كل الألعاب الموجودة فى السوق ؟؟ بدون كارت شاشة خارجى

و للعلم انا عارف انا ممكن اجيب ايه من خلال متابعتى للمواضيع
بس انا عملت الموضوع عشان كمان استفسر عن المكونات اكتر

[Manch]

بما ان مفيش حد رد لغاية دلوقت
بعد ما قرأت شوية مواضيع كدا

هل المكونات دى تنفع و تكون افضل من الـ i3 مع بورده مناسبة ليه
عندى لوحة جيجا بايت G31
لو اشتريت برسيسور core 2 quad
مع كارت شاشة
مع باور سبلاى
اعتقد هتبقى أوفر و كمان هيبقى أفضل من بروسيسور i3 مع بوردة جديدة فقط لا غير
و كمان حاسس ان i3 مش فارق كتير عن core 2 quad

لأن التجميعة التانية اعتقد:
بروسيسور = 350 جنيه
كارت شاشة = مثلاً 400 جنيه
باور سبلاى = 150 جنيه
يعنى أجمالى = 900 جنيه

ايه رأيكم ؟؟

[mahmoud20070]

انتظر قليلا انت اصلك واضع الموضوع مفيش كام ساعه فمعلش انتظر قليلا لاخر يوم مثلا بالكتير وحتلاقى احد المتخصصين حيرد عليك بالموصفات الجيده ان شاء الله

بس نصيحه ابتعد عن ما يسمى انا مبحبش كذا او مبفضلش كذا زى ما انت بتقول ان asrock وحشه وجيجابايت افضل لا طالما انت عاوز جهاز محدد وبسعر محدد يبقى انت لازم تشترى الاشياء المناسبه لدول وتاكد ان الناس هنا مش حينصحوك بحاجه وحشه اطلاقاً لا يمكن يعنى هو والمازربوردات يعنى لنفس الجيل ان شاء الله مش حتفرق عن بعض كتير الا بعد الاختيارات او الاوبشن البسيطه فمتخفش

وبالنسبه لاذا كان مفيش فرق بين i3 و core2quad لا طبعا فيه وفيه جامد وهى اهم شئ المعماريه يعنى بالنسبه للاقوى لحاجه زى الالعاب او حتى للاداء فى البرامج فاكيد حيكون الكلام ده لصالح i3 لانه معماريته قويه ساندى بريدج قد يكون البرامج يهمها اكتر تعدد الانويه يعنى يكون افضله core2quad وده بقه يعتمد على نوع استخدامك للجهاز هل للالعاب القويه ولا للبرامج الثقيله اللى بتعتمد على الاداء والسرعه او لايه وطبعا ديه بردك نقطه يبينها الخبراء

وعموما انتظر راى الخبراء بس زى مقولتلك استنى شويه بس على الناس لان زى مقولت انت واضع الموضوع بتاعك مفيش يعنى من قريب اوى وبالتوفيق ان شاء الله

[Manch]

تمام
ان شاء الله حد يرد و اتناقش معاه لغاية ما اوصل للقطع المناسبة لشرائها
و اكيد الناس هى هتدلنى بأذن الله للأفضل عشان كدا انا مشترتش غير لما أخد رأيهم

وبالنسبة لموضوع انى بحب او بفضل دا عن دا فقط لمجرد سماعى لكلام الناس
بس اكيد انا مش مجرب
ف ان شاء الله ال يقدمة ربنا فيه الخير

و الجهاز هيكون للألعاب و البرامج بس مش البرامج الثقيلة الخاصة بال 3d
او اى حاجه من دى لأ طبعاً
بس ع الأقل يعرف يشغلها مرتاح مش لازم يبقى محرم عليا اشغل اى برنامج جرافيكس
ف انا عايز ال هو يقدر يجمع بين ال 2 حتى ولو ادائة ف البرامج هيكون اقل شوية من الالعاب

شكراً لك

[Manch]

مع ان محدش عبرنى فى القسم هنا
لكن الحمدلله عرفت هجيب ايه ان شاء الله من خلال المنتدى هنا برضه بس ف قسم أخر

شكراً للـ محاولش يتعب نفسه و يساعد !!

[Mahmoud Essam]

أخى انا اسف على التأخر فى الرد و إليك هذه التجميعة :
Intel® Core™ i3-2120 3.30GHz : 700 LE
ASRock H61M-DGS Socket 1155 : 290 LE
Kingston 2GB DDR3 1333MHz CL9 1.5v : 75 LE
TOTAL : 1065 LE
و اسف مرة تانية على التأخر فى الرد .

[Keko AmaR]

أخى انا اسف على التأخر فى الرد و إليك هذه التجميعة :
Intel® Core™ i3-2120 3.30GHz : 700 LE
ASRock H61M-DGS Socket 1155 : 290 LE
Kingston 2GB DDR3 1333MHz CL9 1.5v : 75 LE
TOTAL : 1065 LE
و اسف مرة تانية على التأخر فى الرد .

اولا التجميعة دى هى الصح
ثانيا Asrock وال gigabyte ميختلفوش عن بعض خالص الا فى حاجه واحده ان الجيجابايت ممكن تركبلها كارت صوت خارجى امال ال اس روك لا واعتقد انك مش هتجيب كارت صوت خارجى فالفضل هيكون ال اس روك علشان ارخص
ثالثا البروسيسور ممكن يشتغل على البور التجارى عادى
رابعا البروسيسور هيشغل بعض الالعاب من غير كارت شاشة بس على اعدادات متوسطة او اقل من المتوسطة
ومعلش اتاخرنا فى الرد عليك