htc sensation xe مش فاهم ماله !!!

[bebonas1983]

السلام عليكم
فيه مشكلة بتقابل حد من صاحبى فى موبايله htc sensation xe انه لما بيحط الاغانى عليه مش بتظهر كلها يعنى هو حاطط دلوقتى ما لايقل عن 550 اغنية وبيظهر اقل من كده بكتير وعمل استعادة ظبط المصنع رجع اشتغل
يدوبك نزل شوية العاب وبرامج من الـ store و بعديها رجعت نفس المشكلة ااغلب الاغانى مش بتظهر
حد يعرف علاج للحوار ده
شكرا لتعبكم مقدما

[phantom 0]

الاغانى مش بتظهر فى مشغل الاغانى ولا حتى فى مستكشف الملفات؟ ....لو المشكله فى مشغل الاغانى ممكن ينزل غيره من الاب ستور او حتى يجيب مستكشف ملفات زى ال es explorer والبرنامج ده فيه مشغل اغانى خاص بيه ممكن يشغله الاغانى اللى عاوزها وبالترتيب اللى هو عاوزه...لكن لو الاثنين مبيظهرش فيهم الملفات يبقى الغلط فى عمليه النقل من الجهاز للموبايل.....وعشان تتاكد وصل الموبايل بالكومبيوتر وافتح الذاكره وشوف جواها الاغانى اللى مختفيه على الموبايل وللا لا

[budiosx]

هو متاكد انهم بيتنقلو كلهم

[bebonas1983]

اولا بشكر جدا كل الاخوة اللى ردوا واسف فى التأخير فىا لرد
هو متأكد بس شوية يبانوا كلهم ويتشغل عادى وشوية تحصل نفس المشكلة حتى مع تنزيل مشغل اغانى اخر

[phantom 0]

بص ...لما بيحصل معايا مشكله زى دى ......بحلها بطريق قديييمه بس بتنفع دايما......اعمل استعاده ضبط المصنع وانقل كل الاغانى ....بعدين احمل كل برنامج انا بحمله عاده كل واحد لوحده وبين تحميل كل برنامج والتانى اروح اتاكد من الملفات اللى عاده بتختفى لحد ما اوصل للبرنامج اللى بتحصل المشكله بعد ما اسطبه .....واشيله واجرب الجهاز تانى .....لو لقيت نفس المشكله اعمل استعاده ضبط المصنع تانى وماحملش البرنامج ده واستنى شويه لو حصل الغلط تانى يبقى ممكن العيب فى ملف معين فى السيستم مثلا ..... ساعتها اشوف كل التحديثات الممكنه للجهاز .....لو مفيش ......يبقى عوضى على الله وبلاش اغانى احسن واشوفلى موبايل تانى واستريح الصراحه .......(انا بهزر على فكره ......لو صحبك ده شايف انه ميقدرش يعيش من غير الاغانى دى ممكن ننزله سوفت جديد و كيرنل جديد يمكن يكون عيب السوفت اللى بييجى مع الجهاز .....بس دى تكون اخر حاجه نعملها عشان صعبه وخطر الصراحه)

ملحوظه: صحبك جرب يخفض كميه الاغانى اللى بيحطها على الجهاز مثلا ويشوف اذا كانت المشكله دى حتحصل وللا لا ....مثلا يقوم بعد كل الاغانى اللى بتظهر عنده دلوقت (والمشكله موجوده) ....بعد كده يعمل استعاده ضبط المصنع وينقل عدد اغانى قد عدد الاغانى اللى كانت بتظهر عنده بس على الاقل يحط فى وسطيهم 10 اغانى من اللى هو متاكد انهم اختفوا بحيث ميزدش العدد عن الكميه اللى بتظهر قبل استعاده ضبط المصنع ويشتغل على الجهاز عادى ويشوف اذا كان حاجات منهم حتختفى وللا لا .....لو مختفتش حاجه .....احب اقوللك ان ده هو الليمت لعدد الاغانى اللى ممكن تتحط على الموبايل .....يصرف نفسه هو بقى بالعدد ده (ملهاش حل تانى عندى الصراحه)

ملحوظه تانيه: انا عارف ان كل حلولى تبان غريبه بس صدقنى لما انا بفشل فى مشكله بمشى بالتسلسل المنطقى ده ....تطلع المشكله على طول......اخر حاجه حقولها ....طولت عليك عارف ..... لو الاغانى اللى كانت بتختفى اختفت تانى(اللى هما العشر اغانى اللى حطيناهم وسط الاغانى اللى بتشتغل ) يبقى فيه برنامج معين هو اللى بيعمل المشكله دى عشان كده انا انصحك تطبق اخر حل الاول بعد كده تشوف الحلول اللى فوق