2700 ج محتار في بوردة وبروسيسر ورامات للالعاب ؟

[حازم النجم]

بسم الله الرحمن الرحيم

بصراحة يا جماعة انا فكرت كتير قبل ما اكتب الموضوع دة بس قولت لابديل عن الخبراء خصوصا معم موقع عرب هارد وير ونصائحة المهمة
انا عندي :
شاشة lcd 1600*900
وهارد 1 تيرا جرين
وكيسة +بور جاما 500w
وكارت شاشة 5770 powercoloer oc
وناقصني بوردة وبروسيسر ورامات وطبعا بعت البوردة والبروسيسر والرامات القدام وكانو amd athlon وكان بيعمل عنق زجاجة مع الالعاب
وانا عايز الجهاز فقطططططططططط واولا واخيرا للالعاب
والميزانية 2700 وممكن بعد شهر تكون 3700 ولكن دة مش مضمون قوي وخلينا في الاولي اضمن
من الاخر انا عايز بوردة وبروسيسور ورامات في الميزانية دي 2700ج
ومحتار جدا وانا ملم دايما بالجديد والمقارنات وكدة ومحتار بين بروسيسر i5 بالكسر وطبعا محتاج بوردة محترمة او i7 مع اي بوردة وبدون كسر وطبعا الجهاز ان شاء الله انتل لانة اقوي في الالعاب خصوصا بعد فشل fx ورامات كيت 2*4 وهلي الساندي ولا الايفي بريدج خصوصا بعد ما سمعت عن سخونتة العالية بالذات مع الكسر وبفكر كمان ابيع الكرت اللي عندي 5770 كنت شارية ب 1020 ج وبيقولوي 450 ج طبعا مستحيل ودة ممكن يتكسر ويبقي زي 6770 او 7770 وخلاص زي الفل ولا اجيب واحد كمان واعمل كروس فاير مع دة وسمعت انه بيسخنة او مش قوي في الاداء مش عارف والكارت اللي معايا شارية من سنة و8 شهور كدة ضمانة خلص ولا اية وهل دة هيفرق في سعر بيعة واية رايكم في المستعمل ولا بلاش لانة في مخاطرة وخوف طبعا معروف لية انا محتاااااااااااااااااااااااار جدا فعلا بين كل الخيارات شفتوا بقة اني منزلتش الموضوع الا بعد حيرة كبيرة وفشل مني في الاختيار وبقالي اكتر من اسبوعين من غير جهاز ومخنوق لكن ارجو منكم المساعدة ان شاء الله والاختيار الافضل اللي هيكون للالعاب وشكرا جدا وجزاه الله خير كل من سيساعد في هذا الموضوع المعقد وفك شفرتة ههههه :ah17:

[azzelden]

بص موضوع الكسر هايكون مكلف لانك هاتبقى لازم تغير باور وتجيب باوار اعلى ولازم تجيب مشتت ثمنه مش اقل من 350 جنيه علشان تبريد المعالج وكمان بورده سعرها 1000 جنيه على الاقل وبروسيسور ب 1400 جنيه ده غير الرامات طبعا وغير تكلفة تغير الباور
الافضل انك تجيب الاتى
Intel® Core™ i5-3570 Ivy = 1300
Gigabyte GA-H61M-S2P-B3 Socket 1155 motherboard = 350
Kingston ValueRAM 4GB DDR3 1333MHz CL9 1.5v = 135
الاجمالى 1735
وتبيع كارت الشاشة العندك وتشترى الكارت ده ببقيت الفلوس
Asus HD7850 DirectCU II TOP V2 2GB GDDR5 = 1600
او
ASUS HD7850 DirectCU II 2GB GDDR5 + Free Game: Dirt Showdown = 1550
او
Gigabyte AMD Radeon HD 7850 OC 2GB GDDR5 Windforce = 1500
والباور العندك كافى لتشغيل الكارت
ولما ربنا يسهل والفلوس تيجى تجيب رامه كمان 4 جيجا
وكده تقدر تلعب جيمز الترا لمده من سنتين الى 3 سنوات على الرزليوشن العندك
اما بخصوص الكارت العندك هو يعمل فى حدود 450 جنيه تقريبا اذا حالته كويسه

[sherif_ahmed]

مرحباً بك أخي الكريم دائماً
في عرب هارد وير
يرجي ملأ النموذج


-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!


- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة:
لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

[حازم النجم]

شكرا يا استاذ عز الدين بس كل الفلوس دي علي الكرت طب اللي معايا ممكن يقعد اد اية واية رايك في الكروس فاير وهل البوردة كفاية ومش رديئة وتقريبا لازم اعمل upgrade bois واسف يا استاذ شريف لكن انا وفرت كل المعلومات والمكان القاهرة والميعاد مفتوح وشكرا وفي انتظار عروض ومقترحات اخري

[sherif_ahmed]

واسف يا استاذ شريف لكن انا وفرت كل المعلومات والمكان القاهرة والميعاد مفتوح وشكرا وفي انتظار عروض ومقترحات اخري


منورنا دئماً يا حازم
الفكرة في توافر كل المعلومات + شكل الموضوع علشان في كتير غيرك
بيقرأ الموضوع ويستفاد من موضوعك وحتي لا يختلط الموضوع علي أحد
مع العلم أنت شرحت طلبك كويس بس ممكن غيرك فيما بعد مايعرفش
وبالتالي ردنا مش هيبقي سليم
وصدقني الشيئ المميز والحافظ لمكانة هذا الموقع ( ربنا سبحانة وتعالي ) ثم النظام والقواعد

[azzelden]

بص الكارت الاخترتهولك هايقعد معك وقت كبير جدا بخصوص الكارت المعك انت التقدر تحدد يقعد معك قد ايه مش انا على حسب انت بتحب تلعب الجيمز ازاى فى ناس كل اليهمها انها تلعب الجيمز وخلاص على اى مستوى جرافيك لو حتى low المهم انها تلعب وفى ناس بتحب تلعب على جرافيك عالى بخصوص الكروس فاير اقل بورده بتدعمه ب 520 جنيه وهاتحتاجانك تغير الباور برضو بالاضافه انك هاتشترى الكارت مستعمل لان مافيش منه جديد ومش هاتبقى ضامن الاستعمله قبلك لان الكارت بقاله كتير والبوردهجيده جدا ومش هاتحتاج انك تعدل البيوس بتعها ولو احتجت العمليه سهله جدا بتحمل الابديت من الموقع بتاع البورده وحجمه تقريبا 2 ميجا وبعدين كل القطع الاخترتهالك فى حدود المبلغ المتاح معك مش زياده وفيه حل تانى انك تشترى البورده والبروسيسور والرامه وتخلى بقيت الفلوس معك وتمشى على الكارت العندك وتشترى كارت انفيديا الجيد الهاينزل الهو gtx 650 وده هايكون جيجا ونص وسعره هايبقى فى حدود 1200 او 1300 جنيه وهايكون اقوى او مساوى لكارت hd 7850 ومش هايحتاج انك تغير الباور بس ده ممكن ينزل شهر 10 القادم يعنى كل الخيارات مطروحه امامك