المساعد الشخصي الرقمي

مشاهدة النسخة كاملة : بعد ان قمت بضغط قسم الc فالهارديسك , الابتوب لم يعد يعمل بعد وضعه في وضعhibernate


ahmedphen0m
01-09-2012, 15:57
السلام عليكم جميعا

دي اول مشاركة لي في هذا المنتدي الرائع

اسف جدا جدا لو المشاركة في غير مكانها و الله ده لو حصل يبقي عن غير قصد


المشكلة كالتالي

اولا اجلهاز هو لابتوب ديل انسبيرون 5010 جبته من سنة تقريبا

نظام التشغيل : ويندوز 7 - 32 بيت

المشكلة : المساحة الفاضية علي الc كانت قليلة , فعشان احل المشكلة دي عملت حاجة كنت عملتها علي الديسك توب (الكمبيوتر املكتبي اعلادي ) و مكنش حصل منها اي مشاكل

الحركة دي هي عبار عن اني اضغط بارتيشت الc فالهارديسك عن طريق كليك يمين عليه ثم properties ثم general ثم compress this partition to save disc space

و لما دوست عليها طلعلي اختيارن الاو اني اضغط الc فقط بدون ضغط الملفات و الفولدرات اللي جواه او الاختيار اتلاني و هو ضغط الc بالملفات و الفولدرات اللي جواه
طبعا انا عملت الاختيار التاني

الموضوع ده انا عملته علي الديسك توب بدون مشاكل و عمري مجربت فهي حوار الhibenate ده

لما جيت اعمل الموضوع ده علي الابتوب , و انا بعمله يعني و الكمبيوتر بيضغط الc العصر اذن فقلت اما انزل اصلي و بصراحة مش فاكر اذا كان خلص ضغط و لا لسا المهم قمت عامله hibernate

لما رجعت من الصلاة جيت افتحه مرضاش يفتح و طلعلي شاشة سودا كدا و مكتوب فيها
bootmgr is compressed
to restart press ctrl + alt + del

و لما بدوس عليهم بيجرعني تاني لنفس الشاشة

طيب كدا هل فيه حل ولا لازم انزل ويندوز جديد؟؟؟؟

اسف جدا علي طول المشكلة و شكرا ليكم مقدما
TaHeR.NaBiL
01-09-2012, 23:07
انا من راى نزل ويندوز افضل وحاول تقسم الهارد مره اخرى وتكبر مساحه C اعمله فى حدود 35 جيجا على الاقل .
ahmedphen0m
02-09-2012, 00:02
شكرا لحضرتك علي الرد

الc عندي مساحته 40 جيجا بس انا بقالي يجي سنتين شغال علي الويندوز ده فعشان كدا البارتيشن اتملي علي الاخر

افهم من كلام حضرتك ان مفيش اي طريقة استرجع بيها الويندوز القديم؟
و هل حضرتك متنصحنيش اني اعمل تاني حركة ضغط الc دي؟
TaHeR.NaBiL
02-09-2012, 18:32
انا صراحه عمرى ما عملتها سيب الويندوز بطبيعته افضل وحاول تستخدم برامج الى بتنظف الجهاز من الملفات الغير ضروريه واقفل السيستم ريستور ...
ahmedphen0m
02-09-2012, 19:36
شكرا جزيلا لحضرتك علي الرد
و خلاص دي اخر مرة هعمل فيها الحركة دي تاني

معلش هستااذن حضرتك لو تقلي علي برنامج كويس لتنظيف اجلهاز

و ياريت لو تقلي اقفل السيستم ريستور ازاي؟

شكرا جزيلا لحضرتك و اسف علي الازعاج
Ahmed.Elsayed
02-09-2012, 20:04
ممكن أن تجرب تركيب الهارد على أى جهاز اَخر وإلغاء الفك مرة أخرى من التقسيمة الخاصة بالويندوز قبل الدخول فى خطوات تحميل الويندوز من أول وجديد منعاً لحدوث أى مشاكل فى الحصول على تعريفات لمكونات جهازك.
Ahmed.Elsayed
02-09-2012, 20:13
شكرا جزيلا لحضرتك علي الرد
و خلاص دي اخر مرة هعمل فيها الحركة دي تاني

معلش هستااذن حضرتك لو تقلي علي برنامج كويس لتنظيف اجلهاز

و ياريت لو تقلي اقفل السيستم ريستور ازاي؟

شكرا جزيلا لحضرتك و اسف علي الازعاج

بعد أذن أخى طاهر فيمكنك تنظيف جهازك ببرنامج مثل Tuneup Utilities أو System Advanced Optimizer أو CCleaner

ولغلق ال System Restore قم بأتباع الخطوات المشروحة بالصور فى هذا الموضوع >>> https://www.howtogeek.com/howto/3187/disable-system-restore-in-windows-7/
ahmedphen0m
05-09-2012, 13:47
ممكن أن تجرب تركيب الهارد على أى جهاز اَخر وإلغاء الفك مرة أخرى من التقسيمة الخاصة بالويندوز قبل الدخول فى خطوات تحميل الويندوز من أول وجديد منعاً لحدوث أى مشاكل فى الحصول على تعريفات لمكونات جهازك.

شكرا جزيلا لرد حضرتك
هو ده هارد لابتوب فعشان كدا كان صعب بالنسبة لي اني اعمل الحركة دي
عموما انا نزلت ويندوز جديد خلاص و للاسف واجهتني المشكلة اللي حضرتك قلت عليها و هي اني مش لاقي التعريفات المطلوبة
ان شاء الله هفتح موضوع جديد بخصوص مشكلة التعريفات دي عشان برده تساعدوني فيها

شكرا جزيلا ليكم انت فعلا الافضل بين كل منتديات الكمبيوتر و التكنولوجيا
ahmedphen0m
05-09-2012, 13:48
بعد أذن أخى طاهر فيمكنك تنظيف جهازك ببرنامج مثل Tuneup Utilities أو System Advanced Optimizer أو CCleaner

ولغلق ال System Restore قم بأتباع الخطوات المشروحة بالصور فى هذا الموضوع >>> https://www.howtogeek.com/howto/3187/disable-system-restore-in-windows-7/


شكرا جزيلاااااااااااااااااااااااااااااااااااااا لحضرتك
تم اغلاق السيستم ريستور و ان شاء الله بعد كدا هعملها علي طول من اول ما انزل الويندوز

شكرا لك
yes 1
05-09-2012, 14:19
لالالالالالا:eek:

جرب تدخل عن طريق برنامج ال xp live وهو موجود في اقراص الصيانة
تدخل عن طريقها الى الويندوزتبعك ومن ثم تشيل الضغط من على البارتيشن:ah7:
ahmedphen0m
05-09-2012, 14:50
بما ان مشكلتني خاصة بجهاز لابتوب فاحتارت هل اطرحها هنا ام اطرحها في قسم الابتوب

عموما انا طرحتها في قسم الالبتوب و اعتذر ان كان هذا خطأ

ده لينك الموضوع و بشكركم بشدة علي وقتكم و مجهودكم

https://arabhardware.net/forum/showthread.php?t=317458
ahmedphen0m
05-09-2012, 15:32
لالالالالالا:eek:

جرب تدخل عن طريق برنامج ال xp live وهو موجود في اقراص الصيانة
تدخل عن طريقها الى الويندوزتبعك ومن ثم تشيل الضغط من على البارتيشن:ah7:

اول مرة اسمع عن البرنامج ده
للاسف انا نزلت ويندو جديد خلاص
عموما لو ياريت فيه اي شرح عن البرنامج اللي حضرتك بتقول عليه عشان ابقي استخدمه مقدما
شكرا جزيلا لاهتمامك و اتمني لو تقرد انك تتساعدني في استفساري الجديد بخصوص تعريفت الابتوب بتاعي
Ahmed.Elsayed
05-09-2012, 17:52
ويندوز لايف هو ويندوز مصغر يمكنك تشغيله من على الأسطوانة أو على الفلاشة بدون الحاجة لتنصيبه وموجود فى أسطوانة ال Hiren's Boot ويندوز مصغر أسمه mini xp

وأعطنى رقم ال Service Tag الخاص بجهازك وسأمدك بالتعريفات الخاصة به - وستجده مكتوب على الأستيكر الموجود أسفل اللأبتوب.
ahmedphen0m
13-09-2012, 04:13
ويندوز لايف هو ويندوز مصغر يمكنك تشغيله من على الأسطوانة أو على الفلاشة بدون الحاجة لتنصيبه وموجود فى أسطوانة ال Hiren's Boot ويندوز مصغر أسمه mini xp

وأعطنى رقم ال Service Tag الخاص بجهازك وسأمدك بالتعريفات الخاصة به - وستجده مكتوب على الأستيكر الموجود أسفل اللأبتوب.


اولا انا بعتذر لحضرتك جدا جدا جدا عن تاخري فالرد علي حضرتك لظروف سفري ثم مرضي بعدها بشدة

ده الرقم اللي حضرتك طلبته
7wmx0n1

بجد متتخيلش حضرتك لو عملت كدا هتكون ساعدتني قد ايه
بجد انا مش عارف اشكر حضرتك ازاي
كل اللي اقدر اعمله اني ادعيلك بظهر الغيب ان شاء الله
و شكرا جزيلا مقدما
ahmedphen0m
13-09-2012, 04:14
ويندوز لايف هو ويندوز مصغر يمكنك تشغيله من على الأسطوانة أو على الفلاشة بدون الحاجة لتنصيبه وموجود فى أسطوانة ال Hiren's Boot ويندوز مصغر أسمه mini xp

وأعطنى رقم ال Service Tag الخاص بجهازك وسأمدك بالتعريفات الخاصة به - وستجده مكتوب على الأستيكر الموجود أسفل اللأبتوب.

و شكرا جزيلا علي المعلومة الخاصة بهذا البرنامج
ان شاء الله هجربه فالمرة القادمة
Ahmed.Elsayed
13-09-2012, 17:26
أولاً ألف سلامة عليك وشكراً لذوقك

أدخل حضرتك على هذه الصفحة >>> https://www.dell.com/support/drivers/us/en/04/ServiceTag/7wmx0n1

ثم أسفل كلمة Operation System حدد نظام التشغيل الذى تستخدمه وستظهر لك كل تعريفاته وللأسف لا يوجد تعريفات لويندوز 7 32bit فستحتاج لتحميل ويندوز 7 64bit
ahmedphen0m
13-09-2012, 23:29
شكرا جزيلا لردك الكريم

طيب هل كدا لو نزلت ويندو 64 ده معناه اني هلاقيله كل التعريفات؟؟؟؟

و اغرب حاجة فالموضوع ده بقي اني من يوم ما اشتريت الابتوب ده و هو نازل عليه ويندوز 32 بت

اموت و اعرف الراجل اللي اشتريته منه جاب تعريفاته منين ههههههههههههههههههههههه
Ahmed.Elsayed
14-09-2012, 00:22
أعتقد بأن رامات جهازك 4 جيجا فلكى تظهر مساحة الرام كاملة يجب أستخدام ويندوز 64bit على العموم جرب تنزيل هذه التعريفات >>> https://www.mediafire.com/?9x0zhnajbybdxbd

لا أعرف إذا كانت 32bit ام 64bit لكنها مجموعة تعريفات مجمعة لجهازك جربها وأخبرنى بالنتيجة.
ahmedphen0m
14-09-2012, 17:25
فعلا الرامات 4 جيجا

اشكرك بشدة

جاري تجربة مجموعة التعريفات و ان شاء الله يشتغلوا
ahmedphen0m
15-09-2012, 01:56
للاسف الملف يحتاج لكلمة سر حت استطيع فك ضغطه

اتمني ان يكون عند حضرتك كلمة السر
Ahmed.Elsayed
15-09-2012, 02:56
كلمة المرور


www.mushahed.net (https://www.mushahed.net)
ahmedphen0m
15-09-2012, 19:58
شكرا لك يا غالي

جاري التجريب
ahmedphen0m
21-09-2012, 19:11
اشكرك جدا يا استاذي علي مساعدتك المتكررة لي

الحمد لله قمت بتنزيل ويندوز 7 64بت

و قمت بتنزيل التعريفات الموجودة علي الموقع كلها الخاصة لجهازي و الحمد لله الجهاز يعمل بكفاءة

هناك مشكلة واحدة فقط

رغم اني عرفت كل المكونات الا ان التاتش باد غير معرفة ولا اعرف لماذا!!!

هل من الممكن ان حضرتك تقلي انهي تعريف هو الخاص بيها عشان اسطبه تاني؟

و شكرا جزيلا لحضرتك و اسف علي الازعاج المتكرر
ahmedphen0m
25-09-2012, 16:32
مازلت انتظر حل المشكلة
و شكرا لكم
Ahmed.Elsayed
25-09-2012, 17:03
هذا رابط مباشر لتحميل التعريف الخاص بالتاتش باد >>> https://downloads.dell.com/input/R257288.exe