عااااااااااااااجل بالفيديو: مشكلة تهنيج لاب توشيبا بصورة متواصلة وبصوت عالي وبدون سبب

[sarhan010]

لاب Toshiba Satellite L505 13W بروسيسور i5 رامات 4G DDR3 كارت شاشة Ati 1G يعني امكانياته كويسة
كان عليه ويندوز 7 وكان كل شوية يظهر شاشة زرقا بشكل متواصل لحد لما من اسبوع نزلتله ويندوز 7 جديد

من 4 ايام تقريباً لقيته فجأة وبدون سبب بيهنج بطريقة غريبة وبصوت عالي كمان وممكن يفضل بالشكل ده مدة مع إني في احيان كتير بكون مشغل فيلم مثلاً بس أو على النت!!!! وكمان جايبله قطعة للتهوية تحته شغالة ليل نهار
وطبعاً مفيش حل إلا إني تطفيه من زرار الباور وأضطر أفتحه من تاني

أنا خايف تكون حاجة ف البوردة

ياريت اللي يعرف حل للمشكلة يقوللي ضروووووووووووووووووري

ده فيديو للمشكلة صورته بالموبايل ورفعته ع اليوتيوب



https://www.youtube.com/watch?v=kCrAasKFExE

[mahmoud20070]

طيب اولا الجهاز جديد ولا مستعمل وانت اشتريته من امته

ثانيا مشاكل الجهاز ده بدات من اول يوم تشغيل او حتى من اول اسبوع ولا بعد مده كبيره من شراءه؟

[sarhan010]

طيب اولا الجهاز جديد ولا مستعمل وانت اشتريته من امته

ثانيا مشاكل الجهاز ده بدات من اول يوم تشغيل او حتى من اول اسبوع ولا بعد مده كبيره من شراءه؟

الجهاز جايبه من مارس 2010 جديد وليس مستعمل من السعودية وكنت شغال عليه كويس من زمان
هو كان بس بيفصل عشان التهوية لما كنت بالعب العاب جامدة وجبتله قطعة للتهوية والمشكلة اتحلت من زمان
هو بس من شهر كده بدات الشاشة الزرقا تظهر كتير فنزلت ويندوز والباقي زي ما شرحت كده

ده تقرير برنامج everest يمكن يفيد

تحميل الملف (https://www.m5zn.com/d/?9788618edfea77e)

[sarhan010]

تقرير everest عن جهازي يمكن يفيد
رابط mediafire

https://www.mediafire.com/?yqwfbbm4ad26sed

[mahmoud20070]

طيب بوص انا لحظت من خلال تقرير بتاع حضرتك ان درجات الحراره عاليه اوى واهمهم البرسيسور هو صحيح قد يكون موصلش لمرحله الخطر لكن بردك عالى فيفضل تشوف الفانه بتاعت البرسيسور وتنضفها وتنفض البرسيسور وتشيل المعجون القديم من على الاتنين وحط واحد بس من الكويس كده وبعدين ركبه تانى

تانى شئ معلش نسيت اسالك هل من ساعه ما اشتريت جهازك ركبت فيه اى كارت جديد يعنى كارت شاشه جديد او حاجه من هذا القبيل ولا هو نفسه من ساعات مجيه لان ممكن يكون لو مركب حاجه جديده وسطبت تعريفه يكون تعريفها ده بيعمل تعارض مع الجهاز وبيجيب الشاشه الزرقا كمان حاول تشيل البرامج زى الانتى فيرس كده وشوف حيشتغل ازاى

اخر احتمال يكون عيب فى احد الرامات او البرسيسور او الهارد فلذلك حاول بالسهل وهو انك تشيل الرامه وتشتغل على التانيه مده لو ظهرت مشكله يبقى جرب نفسه الرامه اللى انت حطتها بس فى مكان اخر للرمات على المازربورد هما متهايقلى عندك مكانين للرامه فحط واحده بس فى ناحيه عملت مشكله يبقى شيل نفس اللى انت حاطتها وحطها فى المكان التانى بردك لوحدها لو حصل نفس المشكله يبقى شيل الرامه ديه وجرب التانيه بردك فى مكان نفس المشكله فى المكان التانى

لو لسه يبقى شوف الهارد انت عندك واحد سيجتا اساسى لا خلى لو عندك واحد تانى كويس هو الاساسى واشتغل بالجهاز وحاول ترفعلنا صوره ببرنامج HD tune وفى التاب بتاع Health عشان الناس هنا يقدروا يعرفوا اذا كان العيب فى الهارد الاساسى ولا لا

اخر شئ بقه لو عملت كل وللاسف لسه يبقى حاول تجرب البرسيسور عندك حد تانى او حتى حاول تستخدم برنامج ضغط زى prime وشوف هو بعد اد ايه سخن او جاب الرسائل بتاعت ديه والجهاز هنج بس على الاغلب اعطالك هاردوير مش سوفتروير طالما بقه الجهاز عامل عندك زى كده

وحاول تستخدم كذا نسخه ويندوز جايز تكون اللى عندك وحشه وان كنت معتقدش ده يكون السبب لو كانت مشكله شاشه زرقاء كان ممكن يكون من نسخه الويندوز لكن اللى فيديو ده صعب يكون من الويندوز بس بردك جرب نسخ مختلف تانيه او جرب ويندوز اكس بى لو قبل جهازك يسطبه لان مش كل الاجهزه الحديثه ويندوز اكس بى حيتسطب عندها او حيبقى سريع

[sarhan010]

اولاً: شكراً على الاستجابة السريعة
جهازي زي ما هو من يوم ما اشتريته لا ضفت ولا شلت ولا فتحته خااااااااااااااااااااالص
ممكن تقولي فين بالظبط شفت الحرارة العالية دي ف التقرير ولو ممكن printscreen , ويا ترى حدود الحرارة ايه يعني العادي كام والوسط والخطر وكده

أنا بصراحة طول عمري بافتح الاجهزة العادية عادي واعمل اللي انا عايزة لكن عمري مكا فتحت لاب ولا شفت اللي جواه ولا اعرف بيشتغلوا فيه ازاي , يعني الموضوع ده ممكن الواحد يخاف يعمله "فيفضل تشوف الفانه بتاعت البرسيسور وتنضفها وتنفض البرسيسور وتشيل المعجون القديم من على الاتنين وحط واحد بس من الكويس كده وبعدين ركبه تانى"

ع فكرة انا نزلت برنامج وقت الويندوز القديم بيخليني اعرف سبب حدوث الشاشة الزرقا مش فاكر اسمه ايه بس كان فيه تاب "caused by" وف الشرح بيقول ان ده سبب حدوث الشاشة والغريبة ان معظم اسباب الحدوث - وليس كلها - كانت AVG !!!!!!!!

انا نسخة الويندوز اللي نزلتها دلوقتي نسخة جديدة غير اللي كنت نزلتها قبل كده وحصل ساعتها شاشة زرقا وبعدين صعب الواحد ينزل اكس بي الواحد خلاص اتعود ع ال 7

وادي الصور بعد استخدام البرنامج

https://im23.gulfup.com/2012-09-05/1346847622761.jpg (https://www.gulfup.com/show/X9fa226fvzaoss0)

https://im23.gulfup.com/2012-09-05/1346847622912.jpg (https://www.gulfup.com/show/X353coq80odus04)

https://im23.gulfup.com/2012-09-05/1346847622223.jpg (https://www.gulfup.com/show/Xs9u66kdo7io8c)

[sarhan010]

معلومات يمكن تفيد الله اعلم

وانا بره كنت شايل البطارية طول السنتين لان هناك الكهربا زي الفل وما بتقطعش, ولما جيت هنا وانت عارف بقى هنا كان كل شوية النور يقطع ويفصل الجهاز , فبقيت طول الوقت حاطط البطارية ف اللاب وموصله بالشاحن عشان اي وقت ما يفصلش

انا شغال ع الجهاز ع طول وتقريبا الجهاز شغال طول اليوم يمكن بيفصل 8 او 9 ساعات بس

أنا عندي 2 هارد يو اس بي كل واحد 500 ميجا وانا بانزل الويندوز الاخير ده من اسبوع ما فصلتش الهاردين دول ولا حتى الفلاشة م الجهاز وانا بأنزل الويندوز

[mahmoud20070]

اخى الكريم بالنسبه لموضوع انك تفك الابتوب وتنضف البرسيسور انا كمان معنديش خبره فيه فى انتظر احد الاخوه هنا يفيدك

اما بالنسبه لدرجات الحراره فعرفتها من التقرير اللى حضرتك بعتهولى ده وبالتحديد فى الخانيه بتاعت Sensor

وادى صورة
https://farm9.staticflickr.com/8318/7936531402_a4346740b6_z.jpg

بالنسبه لاقصى درجه يحتملها المعالج ده رابط فيه معظم المعالجات وقدمها درجه الحراره اللى مش لازم يتخطها

https://www.pantherproducts.co.uk/index.php?pageid=CPUtemperatures

وانت تقريبا عشان i5 اخر حراره المفروض معالح ميوصلهاش هى اواخر ال 60 درجه وانت من خلال المراجعات واضح ان معالجك بيرتفع كده

بالنسبه لمشاكل الشاشه الزرقاء للاسف هى كتيره مش لازم تكون من شئ معين ممكن يكون من عيب فى السوفت وير او الهادروير لكن ممكن طبعا يبقى مشاكلها من برامج الانتى فيرس زى مقولتك لحضرتك قبل كده فى المشاركه اللى قبل ديه

كمان فيه مشكله للاسف واضح ان الهارد بتاعك ضايع خالص وفيه باد سيكتور وبرانامج ال hd tune جايب اسماء مكونات غريبه بس الافضل نزل نسخه احدث من البرنامج لان مشغل نسخه قديمه منه اوى فممكن تقريرها ميكونش مزبوط

شوف نزل النسخه ديه مش مهم تشغلها بكراك او سيرال شغلها عادى 15 يوم زى مبيقولوا بس هى اكيد باذن حتديك نتائج صح عن الهارد بتاعك

https://www.hdtune.com/files/hdtunepro_500_trial.exe

فشوف اللى قولتلك عليه ده وحطلنا النتائج

وبالنسبه لفتح الابتوب الى ان حد من اخونا هنا يساعدك ممكن تشوف فيديوهات اللى بتعملك تعمل كده ازاى انا امبارح كنت بركب مشتت جديد للبرسيسور بتاعى ومعرفتش اركبه الا لما شوفت كذا فيديو لطريقه تركيبه مع بعض الاكتشاف الى ان توصلت انت ممكن تعمل كده برده

يعنى شوف مثلا فيديو زى ده وحاول تطبقه كده يعنى وابحث بقه فى اليوتيوب


https://www.youtube.com/watch?v=A_C0RkpO7LU

[sarhan010]

انا نزلت البرنامج وشغال عليه وكمان شوية هحط النتايج لما تخلص

بس كنت عاوز اسال حضرتك ع حاجة هل في حد متخصص خبرة وأمين الواحد ممكن يروحله يبص ع الجهاز وكده؟
بس طبعا انا مش هسيب الجهاز عنده انا عاوز حد يبص وانا واقف وكده ولو عاوز تظبيط يتعمل وانا واقف (يعني حكاية المعجون وفحص الرامات والمراوح وكده)
انا من الشرقية لو في حد ف الزقازيق يبقى خير وبركة
لو مفيش انزل القاهرة مفيش مشكلة

وسؤال تاني هل لو فيه باد سيكتور ف الهارد ممكن يتصلح ببرنامج ايه؟ والأهم هل التصليح بيأثر على اللي موجود ع الهارد؟ يعني ممكن فجاة الاقي حاجات اتحذفت من ع الهارد او هيحتاج فورمات؟

[mahmoud20070]

شوف استاذى الكريم بالنسبه لموضوع حد متخصص تروحله انا معرفش خصوصا انك فى محافظه تانيه خالص بعيده عنى بس لو جيت القاهره طبعا حتلاقى كتير سواء فى روكسى فى مولات زى سوق العصر او سوق الكمبيوتر وغيره او فى وسط البلد فى مول زى مول البستان

بس انت هنا فى المنتدى بتيجى عشان اخونا هنا يساعدوك ومتحتجش تروح عند حد يعنى هنا بيقولك تعمل ايه بالزبط ولذلك انا راى انك تسال حد خبره اكتر هنا فى المنتدى وما اكثر الخبراء هنا سواء مشرفين او اعضاء فى انك تعمل ايه او تفك وتفحص الابتوب بتاعك ازاى او راى بردك وده متخفش مش حيعمل مشكله ابدا بانك تشوف فيديوهات على اليوتيوب فى ازاى تفك اللابتوب والرمات وتنضفهم يعنى مشكله ابدا زى ما انت متصور

بقولك انا كنت بركب مروحه البرسيسور بتاعى وعاوز اقولك كانت حاجه فى غايه الصعوبه بسبب طريقه التركيب بتاعتها حاجه فظيعه بس مع المحاوله الحذره طبعا ومع رؤيتى لفيديوهات على النت ليها تمكنت بفضل الله من تركيبها بعد عناء


وانت نفس الكلام واصلا متخفش ابدا لان الابتوب سهل فكه وانا ياما فكيت لابتوبات وانا مبفهمش فيها فبفك الابتوب وابص لو لقيت نفسى فاهم حعمل ايه ممكن اشتغل ملقتش خلاص بقفل تانى وهى مجرد مسامير فانت نفس الكلام عموما لو مصر على متخصص احسن يشوفه زى مقولتلك انا معرفش والله فى محافظتك لكن لو هنا فى القاهره انت انزل القاهره بس وقول عاوز اروح مصر الجديده فى روكسى او وسط البلد وبالتحديد باب اللوق وحتلاقى مولات وان كان اللى فى مصر الجديده احسن لانهم كتير كذا مول بس اعتقد فى حالتك حيبقى كويس لان انا محتاج انك تبدل رامه بدل رامه او برسيسور تجربه عند جهاز تانى فلو انت معندكش حد تعمل معاه كده فاكيد محل الصيانه حيبقى حل كويس وسهل طبعا تقدر تشترط عليهم انك تصلحه دلوقتى انت حر كل بتمنه ;)

موضوع الباد سيكتور هو الاول قبل محكم جرب بس تنزل النسخه الاخيره من البرنامج عشان نحكم صح اوى بس الباد سيكتور نفسه للاسف لا يعالج ولكن على حسب نوع الباد سيكتور او القطاعات التالفه يعنى ممكن يبقى عندك قطاعات تالفه مش ثابته ومش بتكتر واوقات تانيه تلقيها بتزيد وهنا بيبقى خطر وهارد يبقى بيودع فطبعا الباد سيكتور ده دليل على نهايه الهارد ممكن النهايه ديه تطول جدا وممكن تبقى سريعه انت ونصيبك وديه بتلحظها بقه من اداء الهارد يعنى هل بطئ هل بتسمع منه تكتكه او بتعرف كمان من البرامج زى hd tune فى خانه health لما تلاقى الخانات المسئوله عن البادات سيكتور او القطاعات التالفه الرقم بتاعها زاد فبردك تبدئ تقلق

مع العلم ليه علاج زى مثلا عزل القطاعات التالفه او تحجيمها او عمل low level format بس بردك الحل ده مش اكيد ومش دايما بينفع عموما انت هات بس نتيجه الهارد بتاعك بالاصداره الجديده من البرنامج عشان يبقى الكلام موثق اكتر وان شاء الله خير ويطلع العيب بسيط يعنى

[sarhan010]

بالنسبة للـــ error scan انا لغيت الـــ quick وعامله ع البطيء يمكن يوضح اكتر بس لسه مخلصش وده الباقي

https://im13.gulfup.com/2012-09-05/1346855357101.jpg (https://www.gulfup.com/show/Xs9utmgpeg1wgo)

https://im13.gulfup.com/2012-09-05/1346855357292.jpg (https://www.gulfup.com/show/X353faj4dm0o44s)

https://im13.gulfup.com/2012-09-05/1346855357933.jpg (https://www.gulfup.com/show/X9fa9vo4800sg88)

ياااااااااااااااااااااارب يكون خير

[sarhan010]

بالنسبة للـــ error scan انا لغيت الـــ quick وعامله ع البطيء يمكن يوضح اكتر بس لسه مخلصش وده الباقي

https://im13.gulfup.com/2012-09-05/1346855357101.jpg (https://www.gulfup.com/show/Xs9utmgpeg1wgo)

https://im13.gulfup.com/2012-09-05/1346855357292.jpg (https://www.gulfup.com/show/X353faj4dm0o44s)

https://im13.gulfup.com/2012-09-05/1346855357933.jpg (https://www.gulfup.com/show/X9fa9vo4800sg88)

ياااااااااااااااااااااارب يكون خير

[sarhan010]

Error Scan

https://im25.gulfup.com/2012-09-05/1346859807321.jpg (https://www.gulfup.com/show/X9faeidg5cx0kg4)

Random Access

https://im25.gulfup.com/2012-09-05/134685980722.jpg (https://www.gulfup.com/show/X2ctlmjhy1s74g)


يااااااااااااااااااااااااااااااااااااااااااااارب

[baherbadr]

واضح ان فىه باد سيكتور عندك فى الهارد وهوه اللى عامل المشكلة دى .. علاجه سهل عن طريق اسطوانة هيرنيت .. لو تدور عليها وتنزلها .. حتحل المشكلة دى... الحرارة مش عاملة مشكلة حسب التقرير

[sarhan010]

واضح ان فىه باد سيكتور عندك فى الهارد وهوه اللى عامل المشكلة دى .. علاجه سهل عن طريق اسطوانة هيرنيت .. لو تدور عليها وتنزلها .. حتحل المشكلة دى... الحرارة مش عاملة مشكلة حسب التقرير

طب هل التصليح عن طريق اسطوانة هيرنيت بيأثر على اللي موجود ع الهارد؟ يعني ممكن فجاة الاقي حاجات اتحذفت من ع الهارد او هيحتاج فورمات؟
ولو سمحت تقريباً كده بياخد وقت قد ايه مثلاً؟

[sarhan010]

انتوا رحتوا فين يا جماعة؟

رأيكوا ايه؟

[mahmoud20070]

للاسف ياريس ده باد سيكتور او قطاعات تالفه ولذلك حاول تحل الباد سيكتور ده الاول جايز يكون المشكله منه وهو زى مقولتلك القطاعات التالفه على الاغلب معناه نهايه الهارد وقد بردك يكون لا ممكن القطاعات ديه متعملش حاجه بس ده لو فى حاله انها ثبتت ومزدتش فانت كل اللى تعمله انك تحاول تشلها او تحجمها لان القطاعات التالفه مبتشلش فانت حتعمل كده ببرنامج زى HDD Regenerator

وده اخر اصدار من على موقع البرنامج https://www.dposoft.net/hdd.html

وده الكراك بتاعه https://filerio.in/ec9f8ijh9l8e

والبرنامج فيه خاصيه انه يفحص الهارد ويعالجه وهو مفتوح بس الاحسن والافضل انك تعمل الاسكان والهارد مش الرئيسى ففيه اختيارين اتنين ام انك تنسخ البرنامج على فلاشه او انك تعمل البرنامج على اسطوانه وبعدين تعمل ريستارت وتفتح الاسطوانه من الدوس وتبدا الفحص فالافضل الاختيار مبين تنصيب البرنامج على الفلاشه او الاسطوانه وبعدين تعمله اسكان والجهاز فى الدوس

وبعدين على ما اتذكر بتختار اول اختيار وهو لوحده بيبدا فحص ويحاول يصلح الاخطاء

بس عشان اصدقك القول ان شكل الهارد ملوش علاقه بالمشكله هو طبعا شكله بيودع بس معتقدش ليه علاقه بالمشكله ديه لان لو الهارد هو السبب ممكن تلقى الجهاز قفل مره واحده على الاغلب عموما كده او كده انت كنت حتضطر تشوف الهارد وتصلحه حتى لو الجهاز مفيهوش مشكله فشوف الهارد وان شاء الله خير

[mahmoud20070]

معلش نسيت كمان اقولك ان افضل حل لمشكلتك ديه لانه حتطول لان ممكن يكون سبب فى رامه من الرامات او برسيسور مش بالضروره الهارد يعنى وحضرتك زى مقولتلك مش عاوز تفكه فالافضل اما انك تحاول تفك القطع اللى عندك وتركب بدالها بديل من لابتوب زى بتاعك كده ومنها الرامات الاتنين والبرسيسور والهارد وتشوف اداءه فلو معرفتش او محبتش تعمل كده يبقى عليك وعلى مراكز الصيانه بقه حتعمل ايه وبراحتك ممكن تقوله شيك على جهازى بس متصلحوش ففحص الجهاز اكيد حيحصل وانت واقف باذن الله

بس اهوه بردك جرب الحل بتاعى ولو انى متنتظرش يحل مشكلتك لان الباد سيكتور او القطاعات التالفه بدايه على نهايه الهارد وبالاخص لو كانت بتزيد والارقام بتاعت الاختبارات بتزيد بالاضافه زى مقولتلك احساسى انه مش من الهارد بس ده احساس مش بالضروره يكون صح الحاجات ديه اصلها بتبقى عاوزه تتبع يعنى تشوف الهارد لو مش المشكله منه يببقى تنتقل للبرسيسور وهكذا

[sarhan010]

معلش نسيت كمان اقولك ان افضل حل لمشكلتك ديه لانه حتطول لان ممكن يكون سبب فى رامه من الرامات او برسيسور مش بالضروره الهارد يعنى وحضرتك زى مقولتلك مش عاوز تفكه فالافضل اما انك تحاول تفك القطع اللى عندك وتركب بدالها بديل من لابتوب زى بتاعك كده ومنها الرامات الاتنين والبرسيسور والهارد وتشوف اداءه فلو معرفتش او محبتش تعمل كده يبقى عليك وعلى مراكز الصيانه بقه حتعمل ايه وبراحتك ممكن تقوله شيك على جهازى بس متصلحوش ففحص الجهاز اكيد حيحصل وانت واقف باذن الله

بس اهوه بردك جرب الحل بتاعى ولو انى متنتظرش يحل مشكلتك لان الباد سيكتور او القطاعات التالفه بدايه على نهايه الهارد وبالاخص لو كانت بتزيد والارقام بتاعت الاختبارات بتزيد بالاضافه زى مقولتلك احساسى انه مش من الهارد بس ده احساس مش بالضروره يكون صح الحاجات ديه اصلها بتبقى عاوزه تتبع يعنى تشوف الهارد لو مش المشكله منه يببقى تنتقل للبرسيسور وهكذا



شكرا على تعبك معايا واسف اني ازعجتك كتير وبارك الله فيك
انا هحاول اجرب اللي قلتلي عليه كل وهشوف حد برضه يساعدني باللي قولتلي عليه وربنا يسهل
ولو ظهر حاجة اكيد هاستشير حضرتك برضه ويارب يكرمنا ونعرف العيب منين
مرة تانية الف شكر
:ah4::ah4::ah7::ah4::ah4:

[mahmoud20070]

تؤمرنى امر