نصيحه لتجميع جهاز amd لاستخدام في برامج الرندر

[miko832]

انا عايز اجيب بورده مناسبه للبروسيسور ده fx 6100 amd
بشرط ان تحتوي هذه البورده علي كارت شاشه قوي وكلما زاد كارت الشاشه كان افضل لاني لن استخدم كارت خارجي حاليا
و هارد500 مناسب لهم

بحيث تكون المكونات متوافقه مع بعض ولا يوجد تعارض يبطيئ الجهاز
وعايز اعرف انهي افضل نوع متاح للبورده
or asus or gigabyte or msi
وسعر كل واحد
الميزانيه المتاحه للبودره فقط حوالي 500 جنيه
بدون القطع الاخري
هل ساحتاج لبور سبلاي اخر ؟
الهارد اعتقد انه ب 370 جنيه والمعالج اعتقد 900 جنيه

اهممممممم سؤال
هل ساشعر بفرق بين التجميعه المذكوره عن جهازي الحالي وهو
core 2 duo 2.9 ghz 3mb cache
g41 main board

[Mahmoud Essam]

مرحبا بك أخى الكريم و نرجو منك الالتزام بقوانين المنتدى و هى :

محتوى الموضوع :

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

[miko832]

حضرتك ما انا كاتب الكلام ده اعمل ايه تاني
اسف انا لسه جديد ومش فاهم اوي

[Mahmoud Essam]

أخى يجب ملئ النموذج ديه اول حاجة عشان دة قانون القسم و ثانى حاجة فى اشياء مثل دقة الشاشة و اقصى ميزانية للتجميعة كلها مش قطة قطعة و القطع التى تريد شرائها لم توضع بالموضوع .

[miko832]

- أقصى ميزانية محددة :
500 جنيه ولكن للبورده فقط

- استخدامك للجهاز:
برامج الرندر المعماري والجرافيك

- حجم الشاشة و الدقة (Resolution) التي تستخدمها:
1024*768 مع شاشه 21 بوصة

- القطع التي تنوي شراءها:
بورده فقط مناسبه للمعالج fx6100 مع اعلي كارت شاشه مدمج ممكن في البورده
وهل المناسب هو giga byte or asus or msi

- القطع التي ستعيد استخدامها من الجهاز القديم:
الرامات والدي في دي والكيسة

- ميعاد شراء الجهاز:
هذا الاسبوع

- مكان الشراء:
اي منطقه متاحه

- محل سكنك:
( الهرم الجيزه )
ارجو ان يكون تنسيق الموضوع مناسب بهذه الصوره

[Mahmoud Essam]

طيب هل حضرتك اشتريت معالج FX 6100 ولا لسه هتشتريه ؟

[miko832]

لسه يا استاذ محمود هل عندك تجميعه تانيه انا شايف ان المعالج ده علي قد فلوسي بس مش عارف اجيبلله بورده ايه بحيث مش تحد من امكانياته و يكون فارق فرق كويس عن جهازي القديم و كارت الشاشه بتاع البورده دي يكون كويس
الف شكر لرد حضرتك

[UnknowN13]

هوا انت لسه هتشتري البروسيسور والبورده ولا انت عندك البروسيسور دا اصلا ؟؟
لو انت اشتريت البروسيسور يبقا تشتري البوردة دي
ASRock 880GM-LE FX Socket AM3+ Motherboard
بـ 450 جنيه الكارت المدمج بها HD 4250
لو لسه هتشتري انصحك تشتري
Intel® Core™ i5-3470 Ivy Bridge 3.2GHz 6MB Cache ... 1170 LE
Gigabyte GA-H61M-S2P-B3 Socket 1155 motherboard ... 350 LE
لان البلدوزر مش قد كدا وميغركش عدد الانوية والكاش ال3470 يتفوق على FX 8150 فما بالك ب FX 6100

[miko832]

انا لسه مش اشتريت حاجة
تمام اوي ان بديت الموضوع كالتالي
كنت عايز اجيب المعالج ده amd phenom ii x6 1100t
لكن نصحني واحد من المحلات اني اوفر من تمن البروسيسور وانزل بيه واحط الفرق ده في بورده كويسه بها كارت شاشه محترم
ما راي حضرتك
انا اعتقد لو ال i5 اللي حضرتك نصحتني بيه هل سيحجم ادائه البورده اللي فوق ؟؟
ما نوع كارت الشاشة وقوته في بورده الجيجا بايت المذكوره
شكرا جدا

[UnknowN13]

كل الكروت الموجودة في اي مذربورد بتكون سيئة جدا
لكن بالنسبة للمعالج 3470 فهو فيه كارت مدمج Intel HD 2500 وهو كارت جيد نوعا ما يعني يقدر يشغلك بيس 2012 على اعلى اعدادات
واعتقد ان التاجر قلك كدا عشان ممكن معندهوش الفينوم x6 .. واول مرة اسمع حد بينصح حد يقوله توفر فلوس البروسيسور وتشتري ماذر بورد فيها كارت شاشة محترم :ah26:!

[miko832]

طيب اتعب حضرتك بلاش ال 6100 ده
في واحد تاني اسمه 8120 8كور بروسيسور
هل مكافئ لل i5 اللي حضرتك نصحتني بيه
و لو كويس اجيبلله بورده ايه باحسن كارت شاشه ممكن ليه

[Mahmoud Essam]

أخى لا انصحك ابدا بمعالجات البلدوزر لانها اثبتت ضعفها امام معماريات انتل الجديدة مثل Sandy Bridge و Ivy Bridge . انصحك بالقطع التى وضحها الاخ UnKnown لاناه افضل من معالج FX 6100 . شوف هذه المراجعة :
https://media.bestofmicro.com/L/E/310514/original/3dmark%2011%20overall.png
و هذه بقيت المراجعة : https://www.tomshardware.com/reviews/fx-8150-zambezi-bulldozer-990fx,3043.html ديه بها معالج FX 8150 مش FX 61000 .

[miko832]

خلاص تمام اوي شكرا ليكم انا اقتنعت بكلامكم وهاجيب ال i5 sandy bridge 3470
بس عايز بورده كويسه ليه غير المكتوبه فوق هل ليه بدايل تانيه ؟؟ لان الكارت الانتل ضعيف جدا وعن تجربه لكن الاي ام دي افضل هل من بديل اخر لها ؟؟؟
وهل يحتاج هذا المعالج باور سبلاي معين ؟؟؟
والهارد القديم بتاعي داتا هي يبطئ من المعالج ولا مش فرق كبير لو سبته مش غيرته ؟؟؟؟؟

[UnknowN13]

خلاص تمام اوي شكرا ليكم انا اقتنعت بكلامكم وهاجيب ال i5 sandy bridge 3470
بس عايز بورده كويسه ليه غير المكتوبه فوق هل ليه بدايل تانيه ؟؟
انت عاوز واحد اعلى ولا اقل في السعر ممكن تشتري ASRock H61M-DGS وسعرها 290 جنيه هيا تقريبا نفس الجيجابايت h61 الفرق بس ان الجيجا بايت فيها منفذين PCI لو هتركب كارت دش او كارت صوت
وهل يحتاج هذا المعالج باور سبلاي معين ؟؟؟
لا اي كيسة تجارية بباور هيشغله بدون مشاكل .. طالما انت مش هتركب كارت شاشة
والهارد القديم بتاعي داتا هي يبطئ من المعالج ولا مش فرق كبير لو سبته مش غيرته ؟؟؟؟؟
لا الهارد ملوش تأثير خالص على المعالج بس المشكلة انو معدش في مذر بورد تدعم منفذ IDE ممكن تشتري قطعة تحول الهارد من داتا لساتا او تبيعه وتشتري هارد ساتا افضل

[miko832]

حضرتك انا عايز بورده تانيه فيها كارت شاشه افضل من الكارت الانتل
هل من بديل افضل ؟؟
انا مش هاركب ولا كارت صوت ولا كارت دش اكيد
اخر سؤال ومعلش تاعب حضرتك

[UnknowN13]

مش هتلاقي مذربورد فيها كارت شاشة كويس ابدا .. والكارت الانتل مدمج بالمعالج الـi5 وهو كويس جدا ومناسب ليك
لو هتشتري البوردة الاسروك ابقا خلي اللي هتشتري منه يحدثلك البيوس بتعها او حدثه انت .. وهل الرامات اللي عندك DDR3 ?

[miko832]

ايوه عندي رامتين ddr3
واحده منهم 2 وواحده 4 جيجا باص 1333
ما علاقه الرامات
افهم من كلام حضرتك اني كده بقي متاح كارتين شاشه واحد في البورده وواحد في المعالج
ولماذا تحديث البايوس ؟؟
معلش اسئلتي كتير

[UnknowN13]

لا انا بسأل بس عشان افتكرت ان القطع دي من جهاز قديم وممكن الرامات تكون ddr2 وبخصوص البيوس احتمال كبير انك تشتري البوردة متحدثة لوحدها
هتحتاج يكون متحدث عشان معمارية الايفي بريدج حديثة وجاءت بعد البوردتين

[miko832]

طيب تمام اوي بخصوص الكارت المدمج مع المعالج والفرق بينه وبتاع البورده
اخر سؤال انا اسف للاطاله

[UnknowN13]

الكروت المدمجة في البوردة بتكون تعبانة جدا ومتنفعش .. انما Intel HD 2500 كويس جدا ويشغلك كل الالعاب بس العاب زي باتلفيلد 3 لازم تخليها اعداداتها LOW .. وانت مش محتاج كارت قوي طالما مش هيكون استخدامك للالعاب

[miko832]

حضرتك انا استخدامي لبرامج الرندر الهندسيه
وساعات العاب بس مش مهمه اوي
هل يمكن دمج الكارتين مع بعض للحصول علي نتايج افضل ؟
كارت البورده وكارت المعالج ؟؟

[UnknowN13]

لا .. هو بيتم التحول تلقائيا الي المعالج الرسومي في البروسيسور
انا عاوزك بس تثق فيا وهو هيشتغل معاك تمام :ah7:

[miko832]

الف الف شكر لحضرتك والمنتدي الجميل ده الصراحه اداء وسرعه رد و لا اروع
انا ان شاء الله هاجيب ال اي فايف و هاسيب ال ايه ام دي واسمع كلام حضرتك
وان شاء الله خير واحس بفرق في الرندر وبرامج الجرافيك

[UnknowN13]

لا شكر على واجب اخي الكريم
ومبروك عليك مقدماً

[miko832]

لو سمحتم انا خلاص نازل اجيب الجهاز بكره انهي البورده الافضل في دول الاتنين الستاذ انون نصحني بيهم هنا في نفس التوبيك
دي
ASRock H61M-PS2 Socket 1155 Motherboard
ولا دي
Gigabyte GA-H61M-S2P-B3 Socket 1155 motherboard
هما الاتنين مفيش فرق تقريبا فلوس بينهم ونفس الاسم كمان انهي الافضل جيجا بايت ولا الاسروك ؟؟

[ASSASINO]

طيب تمام اوي بخصوص الكارت المدمج مع المعالج والفرق بينه وبتاع البورده
اخر سؤال انا اسف للاطاله

المعالج الرسومى مدمج بالمعالج المركزى ولا يوجد بالبورده معالج رسومى وانما تحتوى على منافذ العرض فقط


لو سمحتم انا خلاص نازل اجيب الجهاز بكره انهي البورده الافضل في دول الاتنين الستاذ انون نصحني بيهم هنا في نفس التوبيك
دي
ASRock H61M-PS2 Socket 1155 Motherboard
ولا دي
Gigabyte GA-H61M-S2P-B3 Socket 1155 motherboard
هما الاتنين مفيش فرق تقريبا فلوس بينهم ونفس الاسم كمان انهي الافضل جيجا بايت ولا الاسروك ؟؟

كلاهما جيد وسيقدمان نفس الاداء مع المعالج ولا يوجد فارق يذكر الا وجود منفذ pci اضافى فى Gigabyte GA-H61M-S2P فاذا كنت ستحتاج لتركيب اكثر من بطاقة ( ستالايت - صوت - وايرليس ... ) فاشترى الجيجا بايت