عايز لاب في حدود 4000 جنيه

[Eng Hazem]

السلام عليكم
انا محتاج لاب في حدود 4000 جنيه
في ناس قالولي dell n5520 i5 وفي قالولي زود 200 جنيه وهات n5110 i7
بس اللي اعرفه ان كارت الشاشة في n5520 أعلى وأفضل من الموجود في n5110
وانا يهمني جداً أداء الجهاز في الألعاب يعني مش مجرد يشغل اللعبة وخلاص .. يهمني انو يشغلها على أغلى اعدادات ومن غير تقطيع .. إلخ
وغير كده كمان سمعت انو في مشكلة منتشرة في الموديلين دول في الهارد ..

منتظر منكم توضيح وشكرا جزيلا مقدماً :)

[Khaled Khattab]

الأفضل طبعاً وبدون مقارنة ال5520 ومشكلة الهارد ليست عيب باللاب لأن الشركة لا تصنعه بس تستورده وتضعه في اللاب ومشاكل الهاردات منتشرة في جميع اللابتوبات جميع الماكرات

[Eng Hazem]

الأفضل طبعاً وبدون مقارنة ال5520 ومشكلة الهارد ليست عيب باللاب لأن الشركة لا تصنعه بس تستورده وتضعه في اللاب ومشاكل الهاردات منتشرة في جميع اللابتوبات جميع الماكرات


تمام ..
طب انا سألت في شركة عندي في طنطا ولقيت الـ i5 ب3900 والـ i7 & 1tb & 8 gb ram ب4900
الاسعار دي تمام ؟
وهل لو استنيت شوية الاسعار هتنزل اكتر ؟ وخصوصاً اني كنت سائل من اسبوع وكان الi5 ب4150

وشكرا جزيلا ع المتابعة

[Khaled Khattab]

بص يا باشا باين كده إن الريفبريش نزل السوق ومادام مش مكتوب على الكرتونة ضمان كويست أو بي دي إل يبقى متشتريش اللاب وإنت مغمض

[yasserseleem]

الأسعار دي ما ينفعش تكون أسعار Dell 5520 إلا إذا كان فعلا ريفيربش طبعا مهم جيدا إن الكرتونه يكون عليها كويست أو بي دي إل بس مش شرط لو مش موجود يبقي ريفيربش و مش شرط لو موجود يبقي تمام لأن مش صعب نقل الإستيكر بتاع الضمان المهم الشركه إللي بتبيعه تكوم ثقه بما إن حضرتك في طنطا فقول لحضرتك علي شركات ممكن توصلهولك و مضمونه بس أكد عليهم إنه يكون كويست أو بي دي إل
www.montagatu.com (https://www.montagatu.com)
Dell Laptop (https://montagatu.com/index.php/laptops-tablets-netbooks/dell-laptops-tablets-netbook.html)
ww.egyptlaptop.com
www.e3050.com

[Khaled Khattab]

الأخ ياسر سليم توكيل كويست أو بي دي إل هما المعتمدين للأجهزة الصحيحة في مصر وفيه توكيل ثالث مش بيحط استيكر ولا نيلة هو إلي معتمد أجهزة الغراي أو الريفبريش في مصر وثانياً لازم يدخل السيريال نمبر بتاع اللاب على موقع ديل علشان يتأكد

[Eng Hazem]

ايه ده ؟ يعني حتى لو الستيكر محطوط برضه مش أكيد ؟
ويعني ايه ادخل السيريال على موقع ديل ؟ ده بيعرفني اذا كان ريفيربش ولا لأ ؟
والاسعار دي من اكتر شركة موثوقة في طنطا .. يعني تقريبا كل اللي اعرفهم اشتروا لابات اشتروها منها .. وهي اسمها فري كومب وليها فرع في كفر الشيخ

[Khaled Khattab]

مفيش شركات مضمونة غير الشركات التي معها شراكة مع ديل مثلاً أو إتش بي زي شركة إيجبت لابتوب والبركة وشرق آسيا وغيرهم وكلهم في القاهرة والأسكندرية اتأكد أولاً من إن استيكر كويست أو بي دي إل ملزوق على الكرتونة

[Eng Hazem]

تمام جداً ..
يعني الاضمن اني اشتريه من القاهرة
طب ماهو المشكلة لو طلع الاب فيه مشكلة لازم اسافر القاهرة تاني عشان ارجعه للشركة :((

[Eng Hazem]

رحت امبارح الشركة اسال على سعر اللاب ال i7 قال لي في حدود 4900
فسألته هو الكرتونة عليها ستيكر التوكيل
راح بص على الكراتين وقال لي لا مش كلهم ( طبعاً أكيد ولا كرتونة عليها الستيكر )
فكده شكي زاد اكتر انها ريفيربشد
فلما سألت في شركة تانية قالولي ب 5250 ودا احسن سعر ليه
فسألتهم ممكن لو اللاب فيه مشكله اروح على التوكيل لعى طول من غير ما اروحلكم قالولي اه عادي ويكون معاك السيريال ..
فأعتقد كده الشركة التانية أضمن .. ولا ايه ؟؟

[Khaled Khattab]

بص الأول على الكرتونة لو لقيت استيكر بي دي إل أو كويست يبقى كده في التمام وروح لشركة محترمة زي البركة أو شرق آسيا أو إيجبت لاب توب أو هاي تك أو كواليتي

[Eng Hazem]

طب ماهو سهل على أي تاجر ينقل الستيكر من أي كرتونة في اي كرتونة تانية ..

[Khaled Khattab]

مش من الساهل يعمل كده لأن الستيكر بيكون ملزوق جامد ولما بيتشال بتشيل معاه جزء من الكرتونة وخليك أضمن في الشركات المحترمة

[Eng Hazem]

تماام شكرا ياكبير ..