( مصر ) تجميع كيسة جديدة بـ 4000 جنيه

[Ahmed_boogy]

السلام عليكم

الموضوع باختصار شديد انى محتاج كيسة تجميع مخصصة لبرامج المونتاج عامة والافتر افكت بالاخص بالاضافة الى برامج الجرافيك بالاضافة الى الفاينل كت

فكنت عاوز استشارة الاستاذة الافاضل فى المواصفات التاالية

مازرد بورد

giga bite b75m-d3h
او

giga bite H77

ده بالنسبة للبوردة اما بالنسبة للمعالج فى ناس بترشحلى

core I5 3470

اما بالنسبة للرامات فامحتاج رامات 8 جيجا على الاقل بس مش عارف افضل انواع الرامات حاليا ايه؟

بالنسبة للهارد محتاج هارد 500 على الاقل بس محتار بين السيجت والويسترن ديجتال وسمعت ان الويسترن ديجيتال البلاك افضل انواع الويسترن بجد محتار فى انواع الهاردات دى وعاوز الافضل ويكون الكاش بتاع الهارد عالى

نيجى بقى لاهم حاجة وهى كارت الشاشة بيلت اوت فى ناس بترشحلى

Ati HD 7750

مش عارف بقى النوع الافضل يكون ده ولا النيفيديا جى فورس انا اكتر حاجة بجد عاوز اهتم بيها هى الفيجا يا جماعة

بالنسبة للديفيدى رايتر ده اظن مش حيفرق كتير

اما بالنسبة للكيسة ذات نفسها فى ناس بترشحلى

cooler master

وده الباور بتاعه 400 وات فهل 400 كفاية ولا ايه الكلام

بجد انا محتار اوى ومحتاج نصيحتكم عشان بجد المبلغ اللى انا مخصص له الكيسة هو 4000 جنيه فقط للكيسة اما الشاشة انا عندى واحدة 17 ديل عادية

بجد عاوز المساعدة والنصيحة

والف شكر يا جماعة

[Manch]

دى تجيمعتى ليك - و أستنى برضه اراء باقى الناس هنا

CPU: Intel® Core™ i5-3570K Ivy Bridge 3.4GHz 6MB Cache ..... 1400 LE
M.B: Gigabyte GA-B75M-D3H Socket 1155 ..... 500 LE
VGA: SAPPHIRE VAPOR-X HD 7770 GHz EDITION OC 1GB GDDR5 ..... 870 LE
RAM: CORSAIR Vengeance Low Profile 8GB (2 x 4GB) DDR3 1600 CL9 .... 370 LE
Power: Antec VP550 550W PSU ..... 360 LE
Hard: WD Caviar BLUE WD5000AAKX 500GB SATA 6GB/s 16MB Cache HDD ..... 375 LE

Total: 3875 LE

كدا هيتبقى معاك 125 جنيه
هتشترى بيهم ان شاء الله DVD + هيكل هكيسه تجارية بدون باور سبلاى لأنى ضايفلك باور فى التجميعة

[90sbilal]

أعتقد إنك هتحتاج كارت Graphic متخصص في المونتاج والأعمال زي فئة Quadro من NVIDIA لأنك حسب ما ذكرت هتحتاج الجهاز في شغل تصميم ومونتاج مش العاب؛ أما المعالج والرامات هيكونو كويسين؛ ده رأي شخصي وأرجو إن حد يكون متخصص يفيدك أكتر وينصحك بأنواع معينة؛ وربنا يوفقك في تجميع جهاز كويس

[ITjini]

بالنسبه للمونتاج فأنت محتاج كرت شاشه أقوي من ال 7770 غير كده الGIGABYTE H77 أفضل من الB75 وأنت ليه حتجيب بروسيسور K كده كده الB75 والH77 مش بيدعموا كسر السرعه لو حتجيب K يبقي خليك في ال z77 أو الz77x

[hamzeh.mal]

أهلاً وسهلا بك في " عرب هاردوير "


ليتمكن الأعضاء التقنيون من مساعدتك بشكل أكثر احترافية أتمنى منك الالتزام بقوانين القسم وملئ النموذج التالي :





نموذج الموضوع يكون كالتالى:

-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!


- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

[.:L:.]

تفضل بزيارة هذين الموضوعين
ستجد ما يفيدك

أبرز معالجات Intel للعام 2012 (https://arabhardware.net/forum/showthread.php?t=319258)

أبرز لوحات Asus لعام 2012 (https://arabhardware.net/forum/showthread.php?t=319151)