كسر سرعه معالجى Athlon II X3

[mahmoud20070]

بسم الله الرحمن الرحيم



هذه مكونات جهازى

https://farm9.staticflickr.com/8305/8006460124_9ea560a4c4_b.jpg


بالاضافه لكيسه كولر ماستر مزود بمزود كولر ماستر 400 وات

ومشتت Coolermaster hyper 212 evo


وهذه قيم المعالج الافتراضيه من برنامج cpu-z

https://farm9.staticflickr.com/8452/8006477287_ed0b37c5eb.jpg
ودرجات الحراره عندى عند الضغط قد تصل للخمسينات بعد ضغط كبير عليها ببرنامج prime 95

كنت اود ان اسال هل يمكن كسر سرعه معالجى وهل ساستفيد بالاداء ام مجرد ارقام ستزيد فقط وسخونه

وانا وجدت اختيارات فى لوحتى تسهل عمليه الكسر مثل cpuoverclocking

بها اختيارات Auto - manual - overclocked profile - test mode

واختيارات اخرى بجانب هذه الاختيارات واضح انها للكسر بس انا خفت العب فيها بصراحه فرجاء الافاده ولكم جزيل الشكر

[beutimind]

السلام عليكم
الكسر لن يفيد فى اى شىء لو هدفك الالعاب
وعشان تكسر هتضطر ترفع معامل bus speed لان المعالج بتاعك مش black edition وده هيرفع درجات حرارة اللوحة الرئييسية اكتر والرامات
اما لو عشان استخدام برامج فممكن يبقى الوضع احسن ولكن برضه على حسب نسبة الكسر
وعموما لا ارى الكسر مناسب فى حاللتك

[mahmoud20070]

مشكور استاذى العزيز وانا ليس هدفى الالعاب اطلاقا طبعا فكما ترى كارت الفيجا عندى ضعيف جدا كما انى المعالج تبعى ليس فينوم حتى لكى يكون مخصص للالعاب وانما استخدامى فى البرامج اكثر خصوصا الثقيله منها

بس من رايك ان الكسر لن يفيد ابدا بمعنى لو قمت بالكسر خصوصا انى كما ذكرت فى الموصفات انى امتلك مشتت coolermaster 212 evo فهل لن يساعد فى الكسر

عموما اخى الكريم اذكرلى اذا امكن كيف اقوم بالكسر وانا سارى النتائج واذا لم يعجبنى فاساقوم بارجع الاعدادت الى الاصل ان شاء الله

فقولى تحديدا اى اعداد يجب ان اقوم بتغيره واقوم بالتجربه حتى ارى ثبات الجهاز بعد ذلك اقوم بالتعليه وهكذا انا جربت ان اغير الاعداد cpu voltage ولكن لم افهم الارقام صراحه المكتوبه فتركته

[beutimind]

الاول هترفع صوره للرامات ببرنامج cpuz وكمان اكتب نوع الباور اللى عندك وقوته والكيسة الللى عندك ونوعها

[beutimind]

الاول هترفع صوره للرامات ببرنامج cpuz وكمان اكتب نوع الباور اللى عندك وقوته والكيسة الللى عندك ونوعها

[mahmoud20070]

مكونات الجهاز انا رفعتها ياريس بما فيها الكيسه والباور سبلاى فى اول الموضوع خالص


بالاضافه لكيسه كولر ماستر مزود بمزود كولر ماستر 400 وات

ومشتت Coolermaster hyper 212 evo


الكيسه اللى عندى اسمها coolermaster 310 elite

وادى صور للرامات عندى
https://farm9.staticflickr.com/8042/8009443503_e678de49b5.jpg

وادى صوره تانيه لتاب SPD وطبعا قيم الرامتين واحده مغيريتش حاجه فيهم

https://farm9.staticflickr.com/8174/8009443217_f49c0a1fa6.jpg

ومشكور على تعبك معايا

[beutimind]

تمام بس فى حاجة الاول انا فاكر انك كنت عامل موضوع بتاع فتح الانوية وانت لغيته بسبب الحرارة هل الوضع اتحسن مع المبرد

ثانيا بخصوص موضوعك الاساسى
بناءا على كلامك ان درجة الحرارة لاتزيد عن 50 عند الضغط لفترة كبيرة

لازم تعرف ان الكسر خطر وممكن يدمر جهازك فى لحظة

وفى شرح هنا عن كسر معالجات ال amd
https://arabhardware.net/forum/showthread.php?t=116633

وعموما فى حالتك هترفع معامل bus speed ,وهتزوده واحدة واحدة وهنخليه مثلا 195و200و210و220 ونقدر نعمل الموضع ده ببرنامج amd overdrive
عشان نقلل وقت التجربة لانه مش بنحتاج عن طريقه عمل ريستارت متكرر
وفى كل مرة نعلى المعامل هنضغط على المعالج وياريت تثبت الفولت على قيم قليلة يعنى خليه 1.3 /1.325/1.35/1.375
عشان نحاول نقلل الحرارة قدر الاماكن
وفى انتظار نتايجك لاقصى قيمة هتقدر توصلها بثبات

واسف على التاخير

[beutimind]

واحب انبهك ان موضوع زيادة معامل ال bus speed هيزود حرارة اللوحة

[mahmoud20070]

مشكور اخى الكريم ولكن بعد النظره السريعه لموضوع كسر سرعه AMD الذى وضعته لى ورؤيتى للبرنامج وجدت ان الامر خطير صراحه

كما ان واضح المازربورد عندى ضعيفه فى كسر السرعه لان اردت رفع معامل ضرب الانويه ل 16X مثلا فوجدته غير مفعله واخر رقم مسموح لى به هو 15 واصلا هو مضبوط افترضيا عند هذا الرقم

طيب برايك هل اقوم من برنامج AMDoverdrive باللعب فى القيمه HT ref clock (MHZ) هذه ام انه هذا اكثر سرعه لمعالجى

وبالنسبه لسؤال حضرتك عن الحراره نعم انا اغلقت النواه الزياده لانى اكتشفت ايضا انه يوجد به عيب وحيد انه تعطى لكل برامج قراءه حراره المعالج ارقام خاطئه تخيل انه اعطت لبرنامج HWMOINTOR حراره 7 درجات فقط لكل الانويه فى حاله الخمل يعنى انا لو كنت حاطط المعالج فى الفريزر مكنش وصل للرقم ده فده ولذلك اغلقتها غير ذلك هى مستقره

ودرجات الحراره قلت كثيرا كثيرا ما شاء الله فى عز الصيف فوق 25 درجه اقل شئ وتقل اكثر فى الجو حاليا بسبب كما تعرف البروده فى الجو الان

واشكرك اخى الكريم على مساعده

[beutimind]

انت مش هتزود معامل ضرب البروسيسور لانه مغلق عندك بالفعل
انت هتزود ال bus speed ارفع صورة للوحة من البيوس وانا هاقولك هو انه واحد بس ابقى اصور التبويب الخاص بكسر السرعة

[mahmoud20070]

انا استخدمت خيار المازربورد بتاع cpuoverclocking

واخترت الخيار بتاع overclocked profile

وبعدين ظهرلى اختيار جديد مش فاكر صراحه اسمه لكن اللى فهمته انه بيدينى اختيارات لدرجه الكسر يعنى كان فيه 3 اختيارات هى 2% و 8% و 10%

فانا اخترت رقم 10 ده فاما رفعلى تردد المعالج من 3.01 الى 3.31 جيجا هرتز
وبعدين لما شوفت قيمه HT ref clock (MHZ) فى برنامج overdrive قهمت انه مجرد لعب فى القيمه ديه وخلها بدل 200 بقت 220 تفتكر هل ممكن ازود اكتر من كده ولا خطر وحاليا انا بجرب اضغط على المعالج ودرجه الحراره بعد مروره ربع ساعه لسه معدتش الخمسين الحمد لله والجهاز مستقر فنصائح حضرتك ايه

واى حاجه مش واضحه فى كلامى اقولى وانا اصورها لحضرتك عشان تفهم اللى بكلم فيه ومشكور على تعبك معايا اخويا الفاضل

[beutimind]

ارفع صورة لحرارة الجهاز كامل وانا متابع معاك ان شاء الله
وكمان صورة لبرنامج cpuz

[beutimind]

انت خلتنى اكسر سرعة المعالج بتاعى انا كمان :)
صورة للاعدادت https://valid.canardpc.com/show_oc.php?id=2519770

[mahmoud20070]

معلش ياريس مردتش عليك امبارح عشان انا بعد مقفلت معاك مشوفتش قدامى ورحت نمت عموما النهارده رفعتلك النتيجه بتاعت بعد الكسر

https://valid.canardpc.com/show_oc.php?id=2520206

ده بعد رفع قيمه الباس فقط او كما يسميها برنامج overdrive

HT ref clock (MHZ) الى 220

كنت عاوز ارفعه لاكتر خصوصا انى قريت فى الموضوع ده

https://www.overclock.net/t/1038974/amd-athlon-ii-x3-440-overclocking
واحد عنده نفس البرسيسور بتاعى وبيقول ممكن يترفع ل 3.6 بس خفت ليكون ده غلط العب فيه وعرفت ان البرسيسور هو اللى محدد معامل الضرب ل 15

وبالنسبه للحراره بس مضغطش غير نص ساعه بس لانى كنت مشغول والحمد الله الحراره معدتش الخمسين والجهاز مستقر

بس انا لاحظت ان قيمه RAM Speed للرام اتغيرت وبقت اعلى ل 733 بدل 669 هل ده غلط او حيأثر فى سرعه الرامات او شئ؟

مشكور اخى الكريم على تعبك معايا والف مبروك للنتيجه الجديده اللى وصلت ليها 4 جيجا هرتز تعمل شغل عالى فى البرامج ان شاء الله بس معلش سؤال اخير انت غيرت فى قيمه ايه اصل انا شايف سرعه الباس وسرعه ht link متغيروش متهايلى انت غيرت فى معامل الضرب فقط ل 20؟؟؟

[beutimind]

انت لما رفعت bus speed بيزود تردد الرام والبروسيسور لكن انت ممكن تعدل فى معامل ضرب الرام نفسه بس المشكلة انك تلاقى ثبات
وانا لما كنت بسال على درجة الحرارة كنت بقصد درجة حرارة مكونا ت الجهاز كلها ببرنامج hw monitor
,والفولت بتاع البورسيسور انت عامله عالى 1.475 على تردد 3.3

وبالنسبة عندى انا رفعت معامل ضرب البروسيسور فقطط اللى هو عندك 15x والفارق بينى وبينك هو ان معامل الضرب عندى مفتوح وعموما فارق الاداء عندى بعد الكسر مش كبير ومفيش منه فايدة

يعنى اللى عاوزك تفهم ان البروسيسور بتاعك اساسه 3 جيجا وهى بتبقى ناتج معامل ضرب البروسيسور بتاعك اللى هو 15 x فى bus speed اللى هو فى الاساس 200
يعنى 200*15 = 3000 =3جيجا
وانت لما رفعت bus الى 220 بقى
220*15=3.3 التردد اللى انت وصلتله
فرضا انت عاوز توصل ل 3.6 جيجا يبقى 240 *15= 3.6 بس خد بالك لازم تقلل الفولت البروسيسور يدوى خليه من البيوس على 1.325 مثلا او 1.375 المهم بلاش تعدى 1.4

[beutimind]

وعموما الرابط اللى كنت انت باعته فى اخر مشاركة ليك كان صاحب الموضوع بيقول انه كان عامل فتح الانوية بالاضافة للكسر

وياريت لما تيجى تزود فى ال bus speedيبقى بهدوء يعنى بزيادة المعدل 3او 5 او 7 المهم يبقى بهدوء

[mahmoud20070]

انا مكدبش عليك ياريس مفهمتش حاجه اول مدخلت على البيوس فانا حجبلك خيارات البيوس اللى قصادى وانت قولى انهى واحده اللى المفروض تتغير وتتغير بارقام ايه بالزبط لانى دورت سواء فى البرنامج overdrive او فى البيوس على قيمه ل 1.4 ديه ملقتش

بس قبل ده سؤال بس هل لازم اقلل الفولت وازبط الباص اسبيد بتاع الرامات ولا مش ضرورى طالما شغال حلو الجهاز بسرعته العاديه ولا لازم اعدله

https://farm9.staticflickr.com/8032/8015123550_56ef422e5a_b.jpg

طبعا اول خيار بس هو اللى مفعله بتاع cpuoverclocking ومخليه manual
وديه صوره البرنامج اخر اصدار بعد الكسر

https://farm9.staticflickr.com/8448/8015190243_6830ca3194_b.jpg

وديه درجات حراره الجهاز كلها فى الوضع الخمول طبعا

https://farm9.staticflickr.com/8173/8015147104_724c3e92d7_b.jpg

[Rafael Nadal]

انا اتفق مع رد الاخ beutimind (https://arabhardware.net/forum/member.php?u=11239099)

[mahmoud20070]

انا اتفق مع رد الاخ beutimind (https://arabhardware.net/forum/member.php?u=11239099)

فى ايه بالزبط مهو قال معلومات كتيره اوى :D بس انا الحمد لله عرفت بالزبط ايه فى اللى حعملوا موضوع الكسر من تردد وفولت وكل شئ فضلى بس المشكله اللى مش عارف احلها موضوع توقيتات الرام عموما باذن الله حرجع اخبركم بالنتائج باذن الله بس بعد اما اثبت على سرعه كسر التى يكون عندها الجهاز ثابت ومستقر ويكون ذلك فى حدود السرعه المتاحه طبعا هذا الكلام سياخذ وقت لان كل مره ارفع فيها الباص اسبيد ساضطر لعمل ريسترت ثم الضغط لمده لا تقل عن ساعتين للجهاز حتى اتاكد من الثبات وهكذا فطبعا ده حياخد وقت

بعد باذن الله لما اثبت على سرعه معينه ابقى ارجع تانى واشوف راى حضرتكم فى موضوع توقيتات الرام ده لان مش جى معايا خالص

[beutimind]

خلى بالك انت لما زودت ال bus speed الرام ترددها زاد
فانت حاول تقلل معامل ضرب الرام وده اللى بيكون نتيجته تردد الرام فمثلا انت تردد راماتك 1333 هتقسم على 200 هيكون 6.67 الرقم ده بيكون ناتج ضرب ال bus speed اللى هو ف ىالاصل كان عندك ب 200 مضروب قى معامل الرام 6.66
فانت مثلا وصلت لمعامل bus speed 240هتلاقى تردد الرم بقى 230*6.66 بقى 1598 فعشان ترجع الرام لوضع هادىء واقل حرارة هتخلى معامل الضرب اقل بحيث يكون قريب من الاصل
بالاضافة انك هتقلل معامل ht link عشان تردد الرام عندك قليل وتقدر تعلى اكتر فى الكسر

وانا هحاول ارفعل ك صورة ليه بس لانى معنديش لوحة اسوس فمش عارف اقولك مكانها فين بالظبط

[mahmoud20070]

خلى بالك انت لما زودت ال bus speed الرام ترددها زاد
فانت حاول تقلل معامل ضرب الرام وده اللى بيكون نتيجته تردد الرام فمثلا انت تردد راماتك 1333 هتقسم على 200 هيكون 6.67 الرقم ده بيكون ناتج ضرب ال bus speed اللى هو ف ىالاصل كان عندك ب 200 مضروب قى معامل الرام 6.66
فانت مثلا وصلت لمعامل bus speed 240هتلاقى تردد الرم بقى 230*6.66 بقى 1598 فعشان ترجع الرام لوضع هادىء واقل حرارة هتخلى معامل الضرب اقل بحيث يكون قريب من الاصل
بالاضافة انك هتقلل معامل ht link عشان تردد الرام عندك قليل وتقدر تعلى اكتر فى الكسر

وانا هحاول ارفعل ك صورة ليه بس لانى معنديش لوحة اسوس فمش عارف اقولك مكانها فين بالظبط
اوكى ياريس انا حشوف كلامك ده باذن الله وربنا يسهل