نفسى اخد كورس واحد فى يوم اجازة

[midokairo]

السلام عليكم

حد يعرف اى مكان محترم ممكن فيه اخد كورس كمبيوتر MCITP و CCNPبس يكون المكان دا شغال جمعه او سبت ؟

انا مشكلتى انى بخلص شغلى متاخر و معنديش اجازة غير جمعة وسبت

افيدونى لو سمحتم

شكرا

محمد

[midokairo]

معقوله يا جماعة , محدش يعرف مكان شغال يوم اجازة ؟

[internetworld]

يعنى حضرتك تعتقد انه من الممكن انجاز الكورس بمعدل يومين فالاسبوع
حتى لو وجدت سنتر يقوم بذلك اعتقد ان الدراسه بهذه الكيفيه طويلة الامد وغير مثمره

[Michael Youssef]

معتقدش انها حاجة عملية و البديل الكويس جدا ليك كورسات فيديو Train Signal علي الاقل هتشاهدها في وقت فراغك و شهاردة MCITP Enterprise Admin مفيش فيها اي صعوبة يعني ممكن تعمل قهوة و تتفرج :) و تعمل تدريبات علي لاب و تقرأ بتاع مثلا 12 كتاب بعد ذلك و هتبقي جاهز للشغل.

[Aнмєd Hαѕѕαη]

السلام عليكم

بعد رأى البشمهندسين الكبار

افضل شى فعلا هو self study فى مثل هذه الظروف

وتقدر تلخص ورق للفيديوهات اللى بتسمعها بترتيب المواضيع والمنهج

وبعد كده تقدر فى الايام التانية اللى عندك فيها شغل انك تذاكر من الورق اللى انت لخصته وتراجع وحتى وانت فى المواصلات او حتى لو فيه وقت بيكون فاضى فى الشغل :)

انت اقدر واحد على اتخاذ القرار المناسب تبعا لوقتك وقدرتك على التحصيل للكورس

وفقك الله واى خدمة كلنا تحت امرك :)

[Michael Youssef]

موضوع تلخيص ورق غير مفيد خالص في مجالنا ، هتلخص ايه بالظبط؟ كله هيبقي في دماغك :)
اهم حاجة فهم العلم قبل التطبيق ، مش مهم تبقي فاهم ازاي تعمل Domain Controller مثلا اد ما مهم انت تفهم بيشتغل ازاي و تدور من 100 كتاب لغاية ما توصل ، لكنك اول ما يحصل مشاكل و اضمنلك انها هتحصل كتير اوي هتلاقي نفسك تائه

[Aнмєd Hαѕѕαη]

اتفق معاك طبعا

المعلومات فى الدماغ لكن التلخيص بمعنى ان فى كلمات بتفكرك بحاجات معينة ولما تقرا التلخيص بتبدا تفتكر الموضوع ككل بترتيب افكاره ( مجرد مدلول للمعنى الرئيسى وليس تلخيص كامل وكتابة...الى اخره)
وعلى فكرة بمناسبة العملى انا كنت بعمل لابات على الورق :)

بجيب مسطرة اشكال هندسية وابدا اكون لاب بالرسومات وتحت اللاب بشرح فكرة اللاب والحل بتاعه:rolleyes:

على فكرة الحاجات دى بتثبت المعلومة بشكل كبير لانك بتاخد وقت كبير فى رسم لاب وعمل الخطوات والتفكير والرسمة مرسومة قدامك وتشوف افضل الحلول لمشكلتك وتفكر فى طرق مختلفة

كل ده لا يغنى عن الكتاب او التطبيق ولكن المقصود توفير الوقت فى اعادة سماع الفيدوهات او حتى انك تقدر تقرا فى الورق ده فى اى مكان ولو حتى كان الوقت ضيق وجهة نظر لا اكثر شكرا لسعة صدرك :)

[Michael Youssef]

أخ أحمد حسن :)
بص انا شايف ان كل واحد له طريقة في المذاكرة غير التاني و لكن في كتب بتعلمك ازاي تذاكر ، و في الاهم هو انك تعرف هي طريقتك بتوصلك للهدف و لا لأ؟
أنا شخصيا بذاكر كأني بحضر رسالة للماجيستير يعني مثلا لو هذاكر حاجة عن T-SQL programming لازم يكون مفتوح قدامي مش اقل من 5 كتب و لاب عليه كام سرفر و documentation مش بعرف اذاكر غير كدا.
موضوع اني اكتب ملاحظات طبعا وارد و لكن مش في المجال بتاعي دا ، يعني كنت بعمل كدا علطول و انا بذاكر انجليزي زمان لما كان مفيش غير كمبيوتر بنتيام 2 :) مكنش في ipad و لا اي حاجة تكتب عليها غير الورقة بتاعت الكشكول دي
ولكن المش عارف يذاكر ازاي يسأل و يتعلم يتعلم ازاي :)
و شكرا علي ردك و سعيد به جدا

[internetworld]

اشكركم اخوانى جزيل الشكر على المعلومات الاكثر من رائعه
اما عن طريقة المذاكره والمراجعه .....فهى تختلف عند كل شخص على حسب مقدار المجهود الذى يبذله فى فهم وحفظ المعلومه والوسيله التى يتبعها من الممكن ان تكون بالكتابه او بالتحدث او بتدوين الملاحظات الصغيره فى هامش داخل المراجع التى يدرس منها .....الخ
أما عن قناعتى الشخصيه ... فلا اجد افضل من النظام البحثى واعداد مرجع خاص بك عن كل منهج تدرسه ... تدرس من مصادر متعدده وتطبق العملى وتدون ما يقابلك فيه من مشاكل وكيفيه توصلك لحلول لها ثم ترجع لاكمال بحثك بعد الانتهاء من المراجع والتطبيق العملى بالبحث على الانترنت فى المنتديات والمواقع المختلفه المتخصصه فى الجزئيه التى تدرسها وتدون اهم ما تعرفت عليه من خلال البحث على الانترنت ولم تكن تعلمه من بحثك الشخصى ولا من مراجعك التى اعتمدت عليها فى الدراسه ..... انتهى البحث
اعد الصياغه بشكل مفهوم وموضح وبترتيب يسهل عليك فهم احداثه حتى تكتمل الصوره الشامله عن الموضوع لديك .....

[Michael Youssef]

كلام سليم و طريقة جميلة جدا الله يفتح عليك أخي الكريم

[Aнмєd Hαѕѕαη]

بارك الله فيكم
على الافادة المثمرة

المهم صاحب الموضوع يستفيد ويقرر ويبدا على طول ويشوف هو عايز يعمل ايه
ربنا يوفقك