محتار بين الموبايلين دول

[bebonas1983]

السلام عليكم
كنت محتار بصراحة بين الموبايلين دول وعايز رأيكم
سونى ميرو Sony Xperia Miro وتيبو Sony Xperia Tipo Dual
مع العلم تيبو اتنين خط وسعره 1150 وميرو يفرق فى الكاميرا وحجم الشاشة بـ 1490 .. انا الميرو حاسس انه نازل غالى شوية ؟؟؟
وديه مقارنة ما بينهم هما الاتنين https://www.gsmarena.com/compare.php3?idPhone1=4832&idPhone2=4831
ويا ترى لو فيه حد عنده اقتراحات تانية لأى موبايل يكون فى نفس الفئة السعرية

[budiosx]

اول حاجة لازم تقولنا استخدماتك للموبايل اية و تحددلنا اخرك كام علشان نعرف نرشحلك الموبايل المناسب

[bebonas1983]

اولا متشكر على سرعة ردك يا باشا
بص هو انا ده هيبقى اول اندوريد ليا .. استخدامى حتى الان هيكون .. نت وده اساسى .. ممكن استخدام خفيف للكاميرا بس افضل انها تكون فيها فلاش و 3 ميجا فيما فوق (يفضل 5) .. ميوزيك .. بالنسبة للألعاب ديه لسه مجربتهاش فمش عارف هل هكون مستخدم ليها اصلا ولا لا
الميزانية .. 1400-1500 بحد اقصى فى الفترة الحالية
بس كده وتسلم على اهتمامك

[budiosx]

انا بفضل لنفسي او لغيري ان
الموبايل الاندرويد اللي معاه يبقي علية احدث نسخة اللي هيا 4.1 و اسمها jelly bean بس المشكلة ان موبايلات قليلة جدا متحدثة للنسخة دي و اغلب الموبايلات علي النسخة الاقدم اللي هيا 4.0 و اسمها ice cream sandwich و النسخة اللي قبلها 2.3 واسمها ginger bread دا رقم واحد

رقم اتنين طالما الموبايل المعالج بتاعة 1 جيجا هرتز او اكتر يفضل تكون البطارية 1500 ميللي امبير

رقم تلاتة تكون الذاكرة الداخلية 4 جيجا او اكتر لية؟ لان التطبيقات اغلبها بينزل علي الذاكرة الداخلية و الذاكرة الخارجية بتبقي للافلام و الاغاني و اي نوع تاني من الملفات لانهه لو ذاكرة قليلة و اتمليت هتلاقي الموبايل بيعلق معاك و مش سلس في التعامل فيفضل تعمل حسابك في النقطة دي كويس جدا

رقم اربعة مفيش حد بيلاقي موبايل فية كل حاجة الا لو هتجيب الجلاكسي اس 3 :D يعني الموبايلات الكبيرة

رقم خمسة طالما استخدامك للنت يبقي دور علي موبايل شاشتة تكون كبيرة و تكون نضيفة يعني الوانها حلوة و الحروف واضحة و مريحة للعين بحيث متتعبكش بعد كدا و انتا بتستخدمها

دي النقاط اللي تحطها في اعتبارك بما ان دا اول موبايل اندرويد ليك :ah7:

[bebonas1983]

كلااااااام زى الفل جدااااااا تسلم ايديك
انا كنت فى موبنيل من شوية وشوفت موبايل Huawei Ascend G300
هو بـ 1400 وامكانياته بصراحة مش وحشة بس النسخة :( v2.3 وديه المشكلة مع انهم بيقولوا هيتحدث لـ 4.0 بس اساسا جلاكسى مينى 2 هيبقى 4.1 وناس برضه كتير شكرت فيه
بصراحة هو حوار يعقد اصلا :(
انا كده مواقف جدا على اللى انت قولته ممكن ازود ان كده الشاشة متقلش عن 3.5 بوصة
طب فيه اى مقترحات لأى موبايلات من وجهة نظرك

[budiosx]

ب 1400 جنية الحمد لله في اختيارات كتير لان الاسعار نزلت جامد
قدامك اول حاجة ال Samsung galaxy ace plus تاني حاجة ال sony xperia miro تالت حاجة lg optimus l5