ارجو المساعدة

[احمد80]

لو سمحتو ياجماعة انا بس عايز اعرف مكان اخد فية mcse مركز كويس يعنى ويكون حد مجربو وسعرو بارضو مايكنش عالى عشان شوفت على النت حلات نصب كتير من المراكز وبصراحة عايز حاجة مضمونة انا سمعت عن it acdmy & it share &
IT GATE Academy ونيو هايرنز على ما اعتقد فياريت حد يساعدنى فى الموضوع دة فى ناس بتقول مراكز كويسة وفى ناس بتقول مش كويسة مع العلم انا من القاهرة .

[Michael Youssef]

أخي الكريم ، المشكلة مش في المركز غالبا و لكن في المدربين. اغلب المدربين في السوق المصري غير محترفين ، و السبب ان المركز مش عايز يدفع فلوس علشان يزود الربح. عموما المادة العملية سهلة جدا و ممكن تخدها لوحدك بسهولة مع كورسات Train Signal and CBT Nuggets
و لكن طبعا بدون لغة انجليزية مفيش حاجة من دي هتنفع ، و لو فاكر ان الكورس هيساعد بدون لغة انجليزية تبقي للاسف غلطان اخي الكريم و دي نصيحتي ليك بدون اي مصالح و الحمدلله.

[احمد80]

مشكور اخى على اهتمامك حد يعرف مركز يكون فية المدربين كويسين انا سئلت كتير ومش شرط يكون معاك لغة انجليزية مجرد مصطلحات هاتعرفها وخلاث

[Michael Youssef]

مجرد مصطلحات و هاتعرفها و خلاص؟؟؟ مين قالك كدا يا أخ أحمد؟
الدورة و لا هتعلمك 20% من الانت محتاج تعرفه علشان تبقي مدير انظمة ويندوز ناجح و دا مع افتراض ان المدرب قوي ، و عموما مجالنا هو مجال "التعلم المستمر الذي لا يتوقف" ، كل يوم هتفتح الكتب و مش كتاب واحد لا كتير و هتفتح ال documentation.
و بالنسبة لسوق العمل لا تتوقع انك سوف تنافس كثيرا اي متقدم يجيد اللغة الانجليزية
و طبعا انا بتكلم بحكم خبرة تزيد عن عشر سنين في مجال البرمجة و قواعد البيانات ، انا بنصحك مش اكتر :)

[احمد80]

مشكور اخى على نصيحتك انا انشاء الله هاتعلم انجليزى كويس بس عايز اعرف بارضو مكان مركز كويس عشان ناس كتير اوى بتسئلنى يكون بيدى شبكات وفلوسو بارضو ماتكنش عالية او على لاقل احسن الوحشين

[Michael Youssef]

طيب هل انت تعرف الاول عايز تعمل ايه؟ ولا مجرد عايز تاخد دورة و خلاص؟ يعني هل راسم خطة للطريق؟

[احمد80]

بص ياسيدى بما انك شكلك راجل محترم وكويس انا هاحكى معاك بص ياسيدى انا متخرج من نظم معلومات بحب مجال الكمبيوتر اوى لدرجة انى فتحت محل وقفلتو تلات مرات دة مش فشل منى :D المهم انا حاليا شغال فى مول السخاوى بقالى سنة ماسك صيانة شركة الحمد لله سابت وجودى بس من زمان وانا اسمع عن سيسكو والشبكات لحد ماجالى عميل مرة وفالى تشتغل معاية it قولت ماشى المهم الموضوع ماتمش قالى خود كورسات لاول وانا اشغالك قولتالو ابدئ باية قالى ابدء mcse وبعدين cnn وكمان بحب مجال it والشبكات وبحب اشنغل فى مكان واكبر فية دة غير انى هسافر انشاء الله فحبيت لما اسافر اشتغل فى المجال الى بحبو واكبر فية . اسف للاطالة

[Michael Youssef]

جميل يبقي بلاش MCSE خليك في MCITP و باختصار هي النسخة الجديدة منها لان حتي اعتقد امتحانات MCSE خلاص انتهت ، و لكن المجال من غير لغة انجليزية مفيش امل انك هتطور فيه خالص و انا بتكلم عن خبرة. انا كنت مدرب يعني ممكن اقولك خد كورس احسن و لكن الواقع لا الكورس مش احسن في حالتك خالص.
طبعا انت حر بس المجال من غير لغة هيبقي بالنسبة لك صعب اوي تتطور ، طبعا انك معاك نظم معلومات مفيش اي كلام عليه و لكن في مصر بتفرق من جامعة للتانية يعني اعتقد اغلب الجامعات الخاصة مش بتعلم حاجة و الحكومية يعني.

[احمد80]

متشكر جدا على اهتمامك وانا بئيدك فى الرئي بتاع اللغة بس بصراحة هحاول اذاكر لغة وانا فى الكورسات لانى مافيش وقت انا ممكن اسافر قريب وانا بصراحة عندى 25 سنة مش عايز اضيع عمرى فى الكورسات بعد كدة قلاقى نفسى 30 سنة الموضوع صعب عالية شوية بصراحة دة غير انى مش متقبل لانجليزى ياريت بقى تنصحنى بمكان يدى انجليزى كويس وشبكات واكون شاكر لحضرتك

[Michael Youssef]

للاسف مش هقدر اساعدك لاني فعلا معرفش كتير عن المراكز دلوقتي بس هتلاقي ان شاء الله ناس كتيرة هنا هتقولك علي مراكز كويسة :)

[احمد80]

اوك شكرا لاهتمامك بالموضوع ونصيحتى بالافضل اقدر لك ذالك

[moustafa m]

بص الانجليزي مهم جدا جدا
لاكن في المركز مش هتحتاجو اوي لاكن لو عايز تبقى محترف لازم انجليزي لانك فالاخير هتعتمد على نفسك وتبحث وتدور
انا خدت فنيوهرايزون بيقولو احسن مركز فمصر بس هي فالاخر بتعتمد على المدرب وزي ما قال الاخ مافيش مدرب كويس لان مرتب المدرب الكويس بيكون عالي
لو هتروح نيهورايزون اسال عن مدرب اسمو مهند كويس جدا وبيوصل المعلومه بابسط الطرق وبيفهمك كويس جدا
ولو انت عايز تاخد mcse 2012 انصحك لا انت تبدا وتاخد mcitp 2008 وبعدها تاخد كورس واحد ابجريد ل mcse 2012 علشان مش هتلاقي ولا شركه شغاله ب2012 وقدامك سنه كده او اكتر لحد ما يشتغلو وهيبقو قليليين وفالاخر هتبقى انت mcitp and mcse

[Michael Youssef]

الله يفتح عليك يا اخ مصطفي ، هو فعلا من غير انجليزي مفيش اصلا مجال خالص. انا لما كنت بذاكر لازم افتح خمس كتب علي الاقل قدامي و ال documentaion علشان بس ابدأ. من غير انجليزي كل دا مستحيل. طبعا لو لاقي مدرب متمكن كويس بس المشكلة انك تلاقيه.

[moustafa m]

الله يكرمك يا بشمهندس وفعلا الانجليزي مهم جدا لدرجه انو مهم زي كورسات ال it
ومن خلال الانجليزي هتحل مشاكل كتير هتقابلك فشغلك و هتتعلم حاجات اكتر وتبقى بجد بروفشنال وتقدر تدرس اي برودكت جديد مع نفسك
انا حاليا خلصت mcitp and ccna بس الماتريال كلها انجليزي وبعتمد على نفسي اكتر من الكورسات وباخد كورسات انجلش فمركز اسمو Berlitz ده مركز محترم جدا وبيعلم الانجليزي باسرع واحسن الطرق وفوقت قصير وبدون جرامر ومتزعلش انا برضو عندي 26 سنه وقدامي سنه لحد ما اشتغل
متنساش زي ما قال الاخ مايكل الانجليزي اعتبرو حاجه اساسيه زي اهم كورس فالاي تي

[moustafa m]

معلش يا بشمهندس مايكل عندي سوال انا هشترك فموقع Braindumps بعشرين دولار فالشهر وانزل اي امتحان
هل الموقع ده مضمون لاني مش واثق فالاكزام كولكشن ايه راي حضرتك

[Michael Youssef]

Actually, I'm going to be writing this post in English just to prove my point. I think that without perfect English skills, you can't advance in IT. Let's face it guys, how come you can convince your manager that you know! that you understand Windows Server 2008 Active Directory for example, without having just the basic skill of reading and writing correct English? this is crucial guys

Not just so you can read & write, but also to impress upon your interviewer that you are an IT Professional. I had seen interviewer that would throw you out of the window in less than 30 seconds, in case you don't speak English! and I really mean correct English. I'd be one of these interviewer myself

[Michael Youssef]

معلش يا بشمهندس مايكل عندي سوال انا هشترك فموقع Braindumps بعشرين دولار فالشهر وانزل اي امتحان
هل الموقع ده مضمون لاني مش واثق فالاكزام كولكشن ايه راي حضرتك

يا أخي الكريم و الله حرام عليكم ، هضيع مستقبلك و انت اصلا كنت فرحتني بكلامك الفات و قلت انك ماشي صح كدا. أسئلة الامتحانات دي مصيبة يا جماعة حرام ، انت لو شفت الناس البتذاكر من غيرها بتعمل ايه. في صديق اقنعته بدراسة MCITP SQL Server Admin و هو قالي انا عايز اذاكر بجد ، بيذاكر 12 ساعة كل يوم بقاله 6 شهور ، ولسا مدخلش اول امتحان. أنا متاكد انه جاهز حاليا.
لكن انك تقولي اسئلة زي كدا؟ لالالا حرام تضيع نفسك و دي نصيحة مخلصة ليك و لكل الناس الجادة في المجال بتاعنا.

[احمد80]

ياجماعة انا محتار بين it gate acame فيها مهندس احمد سعيد و نيو هوريزون ماعرفش فيها مين

[Gawad]

يا أخي الكريم و الله حرام عليكم ، هضيع مستقبلك و انت اصلا كنت فرحتني بكلامك الفات و قلت انك ماشي صح كدا. أسئلة الامتحانات دي مصيبة يا جماعة حرام ، انت لو شفت الناس البتذاكر من غيرها بتعمل ايه. في صديق اقنعته بدراسة MCITP SQL Server Admin و هو قالي انا عايز اذاكر بجد ، بيذاكر 12 ساعة كل يوم بقاله 6 شهور ، ولسا مدخلش اول امتحان. أنا متاكد انه جاهز حاليا.
لكن انك تقولي اسئلة زي كدا؟ لالالا حرام تضيع نفسك و دي نصيحة مخلصة ليك و لكل الناس الجادة في المجال بتاعنا.

كلام مظبوط، ذاكر الاول وبعدين بص علي أسئلة الامتحان مش عيب، العيب انك تحفظ اسئلة من غير ما تذاكر

[Michael Youssef]

الأخ الكريم جواد ، اتفق معاك نسبيا :)
أنا مؤمن 100% ان لو شخص تعب فعلا في شهادة بسيطة زي MCITP Server Admin و ذاكر بحق و بدون غش ، هينافس مدير شغال بقاله سنتين علي الاقل من النوع المش بيحبوا يقروأ انجليزي و مجرد بيمشي اموره مع الكتب و الشغل. و بصراحة موضوع اسئلة الامتحانات دي "لعنة" و "نكبة" علينا احنا كموظفين في المجال. لأنك لما تعمل مقابلة شخصية مع اي حد بتفترض انه لازم يكون ذاكر هذه الاسئلة و بيتم عصره في المقابلة للتأكد من امكانياته :) و لكن ليس غالبا فبعض الشركات ليس لديها الوقت او المهارة لهذا العصر التقني

[Gawad]

علي فكرة انا اقصد الناس الbrain dumbers اللي مش بيذاكر اساسا وبياخد الشهادة علشان يحطها في السي في معتقد انه مش حيتسال.
ده فيه انترفيوهات بتطلع منها بتجيب عرق، ممكن يقعد يسالك ساعتين
اوال انترفيو معايا كان ساعتين، والراجل جايب اقلام ماركر ويرسم ويسال وبعد كل ده جابلي امتحان مش فاكر بس تقريبا كان 10 صفحات وقالي حله، وده علي فكرة كان في سيسكو بس، لانه كان عايز يديني امتحانين و احد سيسكو وواحد ميكرووسوفت
الفكرة في الانترفيو انك تبقي فاهم انت بتقول ايه، ساعتها بعد توفيق ربنا سبحانه وتعالي الرهبة من اللي قدامك بتزول مهما حاول يلعب في الأسئلة انت فاهم هو بيدور حوالين ايه

وصلي الله وسلم وبارك علي النبي وآله وصحبه وإخوانه وسلم.

[Michael Youssef]

بالظبط دا المقصود أخي الكريم ، انك تفهم بتقول ايه و تكون فعلا خبير في شغلك. الناس فاكرة صعب انهم يبقوا خبراء علشان كدا مش هيبقوا خبراء :)

[احمد80]

طيب اية it gate acame ب2600 تلات شهور اربع ساعات فى المحاضرة 144 ساعة فيها مهندس احمد سعيد\ و نيو هوريزون 4500 على 6شهور

[A Beautiful Mind]

https://www.smaegypt.maktoobblog.com/

[احمد80]

المركز دة مضمون ولا اية بس سعرو قليل كدة لية يعنى هانتعلم حاجة ولا شهادة وخلاص هوة احسن ولا نيوهوريزون بس فية فرق فى السعر جامد موضوع يسير الشك بصراحة

[A Beautiful Mind]

المركز دة مضمون ولا اية بس سعرو قليل كدة لية يعنى هانتعلم حاجة ولا شهادة وخلاص هوة احسن ولا نيوهوريزون بس فية فرق فى السعر جامد موضوع يسير الشك بصراحة
المركز مضمون اخى العزيز
المشكلة اننا مش عايزين نعمل دعايا لاحد داخل الاقسام العلمة

يمكنك زيارة هذا الرابط

عروض دورات من مركز سما (https://arabhardware.net/forum/showthread.php?t=319392)

[احمد80]

مش حكاية دعاية انا بطلب المساعدة ولو تعرف تفدنى ماشى ولا اروح اقدم فى اى مركز على عماية وخلاص وبعدين سعر الكورس فى مركز سما 1800 والكورسات دية مش اقل من 3000 جنية ولية سعرو قليل كدة لية ياريت لو حد عارف حاجة ينصحنى بدل مادبس وخلاص

[A Beautiful Mind]

اطمئن يا اخ احمد
صاحب هذا المركز هو مشرف معنا فى عرب هاردوير
وهو انسان محترم جدا
اطمئن
وممكن كمان تتصل عليه وتستفسر عن اى شىء غامض

[moustafa m]

شكرا لردك يا بشمهندس
انا والله بذاكر كويس جدا وعامل لنفسي مراجع كتابه بخط اليد وفيديوهات بس انا ليا ظروف دلوقتي اني عايز اخلص من الامتحان
انا مش واخد ال IT على انها وظيفه تجيب فلوس وخلاص لا بالعكس انا بحب المجال ده من صغري انا عايز امتحن علشان اخلص من السرتفكت بس لاكن انا عندي قناعه تامه اني لو مش فاهم عمري ما هكبر حتى لو اشتغلت
هقول لحضرتك حاجه انا ماشتغلتش قبل كده قعدت مع واحد من ال It فشركه كبيره لقيتو مش فاهم زيي لانو واخدها زي ما حضرتك بتقول
انا يا بشمهندس مرضتش اذاكر ال mcitp بنفسي علشان افهم كويس واسالتي الاقي حد يجاوب عليها
انا بقالي حاليا 11 شهر بدرس ال mcitp وكول يوم بذاكر وابحث فالنت وكول يوم بعرف حاجات جديده بس انا عايز امتحن علشان اتفرغ للمذاكره اكتر ومش عايز اشغل نفسي بالامتحان لانو مهم ومن غيرو محدش هيعمل معايا انترفيو مهما وصلت درجه احترافي ارجو اني اكون وضحت لحضرتك ومتشكر جدا جدا جدا على اهتمامك وفرحتك بالانسان المجتهد

[moustafa m]

بالنسبه ليك يا اخ احمد انا جربت نيهورايزون وجربت فيها اربع مدربين افضلهم اسمو مهند هيفهمك بدون اي صعوبه ويمشي معاك خطوه خطوه ويفهمك اي حاجه حتى لو مش فالكورس هيفهمهالك هو موجود في فرع المبتديان وزي ما قولتلك الكلام عليك فالاول والاخر انا كنت كورس الانفرا وكان في حاجات كتير مش واضحه ولا مفهومه ليا بعمل ليها سيرش على النت وبقرى كتب ميكروسوفت وبحمل فيديوهات وبسال اي واحد لحد ما اجيب الي انا عايزو وافهمو انت بس توكل على الله واختار اي سنتر و ذاكر بجد وهتلاقي الموضوع سهل