كارثة مع بطاقتى gigabyte 6770 التى لم تكمل اسبوع ؟؟؟ البطاقة لا تعمل

[Mekoz]

السلام عليكم ورحمة الله وبركاته
ازيكم يا شباب كيف حالكم اتمنى تكونوا فى صحة وعافية ان شاء الله
طبعا اعتقد فى اعضاء عارفين بالمشكلة اللى انا فيها وهى ان الكارت ال 6770 لم يكمل اسبوعه الاول ولا يعمل
طبعا ذهبت به الى الضمان وقال لى انه ليس له اى تصليح
وسئالته على البديل وقال لى انه لا يوجد بديل
قال لى سيتم عمل تخصيم من ثمن الكارت و استرجع قيمته انا قلت تمام
بعدها باسبوعين وبالتحديد اليوم قال لى ثمن الكارت 500 جنيه ؟؟؟؟
انا بصراحة مذهول لانى انا شاريه ب660 جنيه والكارت لم يكمل معى اسبوع
قالى انه ده خصم على الاستخدام 4% شهريا مع العلم انى الكرت لم يعمل غير اسبوع واحد فقط
انا اسف على الاطالة بس هلى السعر ده منتقي ولا ايه ؟؟؟
انا لسه مردتش عليهم ومستنى حد يقنعنى
انا من مصر والشركة هيا شركة جاما وكيل جيجا بايت

[unexpected]

لا حول ولا قوة الا بالله العلي العظيم
اخي وبدون زعل الحق عليك لماذا؟؟؟
لان الحق معك البطاقة انت اشتريتها مع ضمان وهي لم تكمل الاسبوع وليس لديك دخل في تعطلها
الضمان يجب تصليح البطاقة او تغيرها في حالة لم تتصلح والذنب ليس ذنبك ان ترجع البطاقة وتأخد فلوسك وتخسر فيها لان ابسط مثال ممكن صاحب المحل بعد ارجاع البطاقة يرسلها الى الضمان وبعد تصليحها او تغيرها سيقوم ببيعها من جديد
صدقني انت صاحب حق وصاحب الحق يجب ان لا يسكت عن حقة ابدا

[Mekoz]

اخى العزيز
انا فعلا الحق على لانى للاسف شخص متسااااااااااهل جداا واعتقد انه يجب اتخاذ اللازم :mad:
يعنى انا مظلوم فعلا
مشكور اخى الكريم على ردك المشجع على
وان شاء الله سوف اخبركم بكل جديد

[ayoub_bob]

لو عايز نصيحة
ربنا يعوض عليك فى الخصم
ال500 ج الان احسن ما تتفاجاء بعد فترة ان سعر الكرت نزل للنصف
وربنا يعوض عليك
==
رغم انى اتذكر انى اشتريت كرتين 5870 وكنت مشغلهم CF
وبعد فترة اكتشفت ان كرت منهم مروحة التبريد لا تعمل وبدأت تعمل صوت وطبعا لسخونة الكرت كانت تظهر شاشة زرقاء
اتصلت بالشركة
تفاجاءت بصراحة
قال لى ولا يهمك ارسلها فى الشحن /هكذا يكون رد الشركات المحترمة /
وتم الكشف عليها وارسل لى كرت جديد خالص ب2 مروحة ودفعت فرق سعر 100ج
على العموم الان انتا عرفت الشركة لا تتعامل معها ثانيا
اسف لاطالة الرد
وبالتوفيق اخى العزيز

[unexpected]

فعلا اخي ايوب الشركات المحترمة مفيش كلام عنها ابدا
وانما بخصوص الموضوع الاخ صاحب الموضوع انا لست معك في هذة الفكرة لانة عندما نشتري بطاقة او اي شيئ من قطع الهاردوير مع ضمان يجب تغير القطعة او تصليحها في حال ظهرت مشاكل
لماذا يوجد شيئ اسمة ضمان؟؟؟
كان لدي بطاقة قديمة وهي GT 9600 من شركة Gigabyte وكانت مدة الضمان هي 3 سنوات
تصدق بعد مرور سنتين ونصف من مدة الضمان لقد تعطلت البطاقة عندي وارسلتها للمحل ولكن لم يتم تصليحها لانها تعطلت تماما لكن تصدق اني اخد بطاقة اخرى لكن من نفس النوع وهي Gigabyte GT 9600 وجديدة بالكرتون والله
يعني تصور مدة سنتين ونصف تم ايقاف تصنيع البطاقة من زمان ومع ذلك اخدت بطاقة جديدة بالكرتون
ودة طبعا حقي لانة يوجد شيئ اسمة ضمان
فما بالك الاخ صاحب الموضوع الذي قام بشراء البطاقة وقد تعطلت باقل من اسبوع هل من الصحيح ان يأخد فلوس اقل من التي دفعها؟؟؟
طبعا لا يجب ان يتم تبديل البطاقة بواحدة جديدة او ممكن يأخد فلوسة لكن بشرط الفلوس كاملة
على اي حال انا لا اتكلم لكي ازعج صاحب الموضوع لكن ما اريد توضيحة ان الحق معة وليس اكثر
واسف ان كنت سببت اي ازعاج لصاحب الموضوع

[mena adly]

اخي الفاضل لا تسكت عن حقك كما قال لك اخوتي فأنت ملكش ذنب ان كارتك اتعطل فجأة و دي شغله الضمان وبما انك مستخدمتش الكارت الا اسبوع والخصم بيبقا 4 % على الشهر ازاي بقا 160 جنيه خصم بصراحة مش فاهم ازاي يعني !!

[smsmpc]

سبحان الله .. انا مستغرب ان في توكيل يعمل كدة ؟؟؟ اوعى تتنازل عن حقك و قولهم انا مش عايز فلوس انا عايز واحد بداله . اومال هو في الضمان ازاي

[MOHAMED ELIAS]

لو انت بتقول 4% خصم على كل شهر يبقى بالكتير جدا هيخصموا 50 جنيه مش 160 و لو انا فاهم غلط صحح لى و يا اما بقى لو تقدر تبدل بواحد اعلى و ادفع فرق بسيط

[ayoub_bob]

من الاخر
كل كلام الاخوة على العين والرأس
بس فى الحقيقة حاجة تانية خالص
عايز حقك لازم تكتب اسم الشركة الذى اشتريت منها الكرت
لتكون عبرة حتى لا يتعامل معها احد مرة اخرى من الاخوة
لان الان اصبح النظام بلطجة على العميل
الشركة تريد مكسب فى البيع وايضا مكسب فى ارجاع المنتج الخربان
ولا تلتزم بالفاتورة ولا الضمان
تحياتى وبالتوفيق

[GTX]

اتصل بجهاز حماية المستهلك, الارقام في الرابط
https://www.cpa.gov.eg/contacts.htm

[fakeeda]

خلتني اخاف من
شركة Gamma , اخي الكريم لاتسكت علي الموضوع فانت معك الحق و وربنا هيرد للك حقق انشاء الله

[Ahmed Elbrbry]

الاخ صاحب الموضوه هل قمت بأرسال البطاقة للوكيل مباشرة ام عن طريق الشركة الذى قمت بالشراء منها

لان المكان اللى انت اشتريت منه هو اللى المفروض يتصرف مش انت

انا فاكر انى كان عندى كارت GIGABYTE GT220 وبعد اربع شهور من الشراء اكتشفت به عيب حتى كنت كتبت عنه فى المنتدى ان الكارت كان بيقرا 4X مش 16X رجعته للمحل اللى اشتريت منه
و هو ارسله للتوكيل
و بعد اسبوعين قالى مفيش كروت و مفيش صيانة وهيخصمو
قلت له مليش فيه وميخصنيش يخصم لك انت وانا عاوز كارت مش عاوز فلوس
و مع الضغط منه على الشركة جابو كارت جديد

و هناك موقف اخر عندما اشتريت كارت مستعمل و اول ما ركبته لاقيت فيه مشكلة
روحت رايح على الوكيل مباشرة
اخدو منى الكارت جربوه وانا واقف طلع مفيهوش اى مشكلة
لكن شوف بقى عملو ايه
اعطونى كارت اخر جديد لم يستخدم و قالو لى جربه لو اشتغل معاك خذه و لو حصلت نفس المشكلة يبقى فى مشكلة عندك فى البوردة
و فعلا جربت وطلعت نفس المشكلة وكان ممكن اطمع فى الكارت لكن رجعته و اخدت الكارت بتاعى و اخدت معاه هدية اربع مراوح 12 سم بدون ما اشترى ولا ما ادفع مليم
يعنى باختصار هذا يعتمد على المكان اللى بتشترى منه
و كلما كان الوكيل اسمه كبير و بيضمن منتجاب كتير تعرف انه زبالة

[A.S.M.O]

اخي الكريم انا مع الاخوة في كلامهم انت مش لازم تسكت ... روح المحل الي انت شاري منه و اعمله فضيحه في المكان و قله انا مليش دعوه و بره عني الهجس بتعكم ده و لو محصلش حاجه اتجه لجهاز حماية المستهلك و هم هيجبولك حقك ان شاءالله ... و في طريقه تانيه بس دي مش كل الناس تقدر تعملها .. لو تعرف تقضيها معاهم بلطجه قضيها و هتلاقيهم زي الكلاب ادولك كل الي انت عايزه انا مره حصلت مشكله علي مازر بورد روحت المحل و كان معايا كتيبه من صحابي و عوجتلو بوقي و زعقتله في المحل قام مديني فلوسي هم كده ناس تخاف متختشيش و انت صاحب حق و ربنا هينصفك ان شاءالله

[Mekoz]

اولا انا متشكر لكل الاعضاء الكرام اللى ردوا على
ثانيا اسف على التأخير
انا امبارح كلمت المحل اللى جبته منه وهو شركة المصرى فى سفنكس مول
واحد صاحبي كلمه وعمل معاه الصح واتفق معاه على انى هكلمه النهاردة واكل رئيس القسم
ونشف اخره الموضوع

[Mekoz]

الاخ صاحب الموضوه هل قمت بأرسال البطاقة للوكيل مباشرة ام عن طريق الشركة الذى قمت بالشراء منها

لان المكان اللى انت اشتريت منه هو اللى المفروض يتصرف مش انت

انا فاكر انى كان عندى كارت GIGABYTE GT220 وبعد اربع شهور من الشراء اكتشفت به عيب حتى كنت كتبت عنه فى المنتدى ان الكارت كان بيقرا 4X مش 16X رجعته للمحل اللى اشتريت منه
و هو ارسله للتوكيل
و بعد اسبوعين قالى مفيش كروت و مفيش صيانة وهيخصمو
قلت له مليش فيه وميخصنيش يخصم لك انت وانا عاوز كارت مش عاوز فلوس
و مع الضغط منه على الشركة جابو كارت جديد

و هناك موقف اخر عندما اشتريت كارت مستعمل و اول ما ركبته لاقيت فيه مشكلة
روحت رايح على الوكيل مباشرة
اخدو منى الكارت جربوه وانا واقف طلع مفيهوش اى مشكلة
لكن شوف بقى عملو ايه
اعطونى كارت اخر جديد لم يستخدم و قالو لى جربه لو اشتغل معاك خذه و لو حصلت نفس المشكلة يبقى فى مشكلة عندك فى البوردة
و فعلا جربت وطلعت نفس المشكلة وكان ممكن اطمع فى الكارت لكن رجعته و اخدت الكارت بتاعى و اخدت معاه هدية اربع مراوح 12 سم بدون ما اشترى ولا ما ادفع مليم
يعنى باختصار هذا يعتمد على المكان اللى بتشترى منه
و كلما كان الوكيل اسمه كبير و بيضمن منتجاب كتير تعرف انه زبالة

شكرا يا اخى
بس فى مشكلة وهى انى انا اساسا ساكن فى اسيوط
والكارت جبته من سفنكس مول فى المهندسين
وللاسف لما باظ مقدرتش انزل تانى عشان كان عندى ظروف
فرحت لواحد فى اسيوط وهو قالى ان شركة جاما هما موزعين ليها والراجل قالى انا هبعته وهشوف
بس انا كلمت المحل اللى جبت الكارت من عنده وصاحبي قام بالواجب معاهم
وانا هكلمه تانى واشوف ايه الاخبار

[beutimind]

صاحب المحل كدب عليك فى حاجتين:
اول شىء اى عيب فى المنتج بيتبدل فورا خلال 14 يوم

تانى حاجة قانون حماية المستهلك

يلتزم المورد عند علمه أن هناك منتج معيب لديه أن يعلن عن توقفه عن إنتاجه أو التعامل عليه
ويحذر المستهلكين بعدم استخدام هذا المنتج



،
مع التزامه بناء على طلب المستهلك بإبدال المنتج أو إصلاح العيب أو إرجاع السلعة مع رد قيمتها دون أي تكلفة إضافية
.

[Ahmed Elbrbry]

يعنى انت اصلا لم ترسل الكارت للمحل اللى اشتريت منه
و لا حتى الوكيل
انت ارسلته لمحل عندكم فى اسيوط وهو هيتصرف
هو ده اللى انا فهمته من كلامك
اخى كما ذكرنا لك ارسل الكارت للمحل اللى اشتريت منه
لان الكارت ممكن يكون مترا مش جاما
و الراجل اللى عندكم فى اسيوط هو اللى بيحور

[Mekoz]

يعنى انت اصلا لم ترسل الكارت للمحل اللى اشتريت منه
و لا حتى الوكيل
انت ارسلته لمحل عندكم فى اسيوط وهو هيتصرف
هو ده اللى انا فهمته من كلامك
اخى كما ذكرنا لك ارسل الكارت للمحل اللى اشتريت منه
لان الكارت ممكن يكون مترا مش جاما
و الراجل اللى عندكم فى اسيوط هو اللى بيحور

شكرا لحضرتك اولا
ثانيا انا فعلا وديته محل عندنا فى اسيوط
بس هو وداه الضمان فى شركة جاما
وعموما انا لازم انزل بنفسي عشان انا فعلا قرفت
وربنا يخليكو ليا يا اخوانى

[Mekoz]

صاحب المحل كدب عليك فى حاجتين:
اول شىء اى عيب فى المنتج بيتبدل فورا خلال 14 يوم

تانى حاجة قانون حماية المستهلك

يلتزم المورد عند علمه أن هناك منتج معيب لديه أن يعلن عن توقفه عن إنتاجه أو التعامل عليه

ويحذر المستهلكين بعدم استخدام هذا المنتج





،

مع التزامه بناء على طلب المستهلك بإبدال المنتج أو إصلاح العيب أو إرجاع السلعة مع رد قيمتها دون أي تكلفة إضافية

.

ما للاسف الشديد انا اصلا مشغلتش الكارت غير بعدها بشهر
وفى الحالة دى ال 14 يوم عدت من زمان
بس بردو لسه فى الضمان وانا مكملتش شهرين ونصف بالظبط
واللى يحرق الدم ان الكارت فى الضمان مرمى بقاله بالظبط شهر كامل يعنى مش عارف اقول ايه
عموما انا هكلم جاما بكره وهشوف اخرتها

[Ahmed Elbrbry]

شكرا لحضرتك اولا
ثانيا انا فعلا وديته محل عندنا فى اسيوط
بس هو وداه الضمان فى شركة جاما
وعموما انا لازم انزل بنفسي عشان انا فعلا قرفت
وربنا يخليكو ليا يا اخوانى

و هل معلومة التخصيم عرفتها من جاما والا من المحل اللى فى اسيوط
لان هنا فى طرف دخل فى القصة
و باختصار كلنا ممكن نسئ الى شركة جاما من خلال القصة اللى فى بداية المشاركة
اللى حضرتك لم تذكر فيها المحل اللى فى اسيوط اللى مش هو اللى باع لك اصلا
و ان هو ممكن يكون صاحب فكرة التخصيم اصلا
يعنى فى حوار بيتعمل عليك و شركة جاما لم تبلغك باى شئ لانك لسة هتكلمهم
و اللى بيحور عليك صاحب المحل اللى فى اسيوط اللى اخد منك الكارت يرسله الضمان محبة كدة من غير مايكسب
و طبعا انت هتخسر 160 جنيه فى التخصيم بس لو انت نزلت القاهرة علشان تروح الشركة هتصرفهم مواصلات
و يا اخدت كارت يا رجعت فاضى

[Mekoz]

اخى الكريم
انا النهاردة كلمت الشركة وللاسف رد على رد مستفز جدااااا
قالى حضرتك عميل ولا شركة ؟؟ قلتله عميل راح قالى التعامل مش بيبقي معانا اتعامل مع المحل اللى جبت منه
عموما هو قالى بكره اتصل بواحد عندهم وهو المسؤل عن القطع اللى بتتشحن من المحافظات
بكره هكلمه لو لقيت موضوع التخصيم ده حقيقي هحاول انى ارفع السعر شوية حتى لو 560 جنيه
بس ..
وربنا يسهل
وكل سنة وانتو طيبين
وانا اسف لو عكننتكم :ah32:

[Ahmed Elbrbry]

اخى الكريم
انا النهاردة كلمت الشركة وللاسف رد على رد مستفز جدااااا
قالى حضرتك عميل ولا شركة ؟؟ قلتله عميل راح قالى التعامل مش بيبقي معانا اتعامل مع المحل اللى جبت منه
عموما هو قالى بكره اتصل بواحد عندهم وهو المسؤل عن القطع اللى بتتشحن من المحافظات
بكره هكلمه لو لقيت موضوع التخصيم ده حقيقي هحاول انى ارفع السعر شوية حتى لو 560 جنيه
بس ..
وربنا يسهل
وكل سنة وانتو طيبين
وانا اسف لو عكننتكم :ah32:


انت كدة بتضيع حقك
و بتكرر نفس الاخطاء السابقة
اطلب كارت بدل الكارت ومتتكلمش فى تخصيم خالص
لان قصة التخصيم ديه حوار عامله عليك الاخ اللى انت اديته الكارت يبعته للوكيل