شراء لاب توب ميزانية ( 3200 ل 4000 ) للالعاب

[يوسف 017]

السلام عليكم ورحمة الله وبركاتة

انا عايز اشترى لاب توب للالعاب وبس العاب وانترنت فقط ويكون ميزانية حوالى
3200 ل 4000 جنية
مش مهم عندى النوع او اى حاجة المهم يكون بيستحمل يعنى يشتغل ساعات كتيرة متواصلة وطبعا يشغل العاب
زى NEED FOR SPEED RUN و BATTLEFILD 3
على اعلى اعدادات والالعاب اللى هتنزل طبعا
قولولى لو جديد يبقى اية ولو مستعمل بردة يبقى اية منتظر
!!!

[captain_majid]

لو مكانك هادور على حاجة AMD لأنهم أعلى في الجرافيك بعد إندماج شركة ATI فيها ، ممكن مثلاً: HP Pavilion dv6-6c35dx
(https://egyptlaptop.com/hp-pavilion-dv6-6c35dx-1.html)

[يوسف 017]

طيب انا كنت هجيب دة قولى رأيك فى اية ؟ https://egyptlaptop.com/toshiba-satalite-c660-1t9.html منتظرك يعنى دة اللى انا رسيت علية

[captain_majid]

هو بالنسبة للتوشيبا اللي إنت ذكرته ، فيه واحد HP (https://egyptlaptop.com/hp-pavillon-g6-1325se-.html) نفس المواصفات تقريباً وكمان البروسيسور أعلي شويه وأقل 500ج (ليه تدفع أكتر لما ممكن تدفع أقل :D)

[al_mougahed]

انصحك بديل 5520 ... كارت شاشة قوي في الفئة السعرية اللي انت محددها AMD Radeon HD 7670M

[captain_majid]

انصحك بديل 5520 ... كارت شاشة قوي في الفئة السعرية اللي انت محددها AMD Radeon HD 7670M
الظاهر ده أفضل فعلاً ، ودي وصلة (https://egyptlaptop.com/dell-inspiron-15r-amd-radeona-hd-graphics-1tb.html) لمواصفات للاب.

[يوسف 017]

يا جماعة انا عايزكم تقولوى من الاخر يعنى انا عايز لاب اشغل علية العاب لغايت 2016 وتكون على اعلى جرافيك فهمنى يعنى العب الالعاب HD قولوى اجيب لاب اية والمبلغ ميعديش 4000 يعنى انا اى حاجة باخدها من هنا بكون عارف انها تمام وبتطلع صح قولولى هات لاب اسمة كذا وقولوى اية مواصفاتة وكدة وانا هاروح اجيبة والله منتظر يا جماعة

[Khaled Khattab]

يا راجل اتقي الله بالثمن ده ولغاية 2016 طب قول لغاية 2014
كده توسع منك
بس الديل 5520 هو أفضل حاجة ليك

[يوسف 017]

حضرتك يعنى دلوقتى حاجة زى فيفا 13 بتقبل كارت مثلا 1 جيجا اكيد مش 2014 هتكون كارت 2 جيجا ولا اية وبعدين اظن بروسيسور i5 دة حاجة جامدة ولا اية وبردة محدش فهمنى اجيب اية يديلى اللينك وياريت يا استاذ خالد بلاش ترييقة انا مقولتش 1000 جنية اظن 4000 مبلغ كويس يعنى منتظر اراء الناس المحترمة اللى بيساعدوا الواحد وشكرا يا كابتن ماجد على متابعتك ليا

[Khaled Khattab]

يا باشا بهرج معاك مش بأتريق
بالنسبة ل4000 جنيه ومع إحترامي ليك مش مبلغ محترم ولا حاجة اللابات إلي بمبلغ محترم بيوصل ثمنها من 2000 دولار يعني من 12 ألف جنيه مصري ودي إلي بتشغل لحضرتك الألعاب لغاية 2016 وأزيد كمان
ثانياً
ذاكرة الكرت لا تحدد قوة الكرت إطلاقاً بل فيه حاجات تانية كتير بتحدد قوته وبتعرفها من الموديل
موديل الكرت 7670 من الفئة المتوسطة من الفئة المتوسطة يعني لو محرك اللعبة اختلف حتلاقيه بدل ما كان بيشغلهالك على الهاي بقيت بتشغلها على الميديوم
عندك لعبة زي باتل فيلد باد كومبني 2 بتشتغل على الهاي لكن باتفيلد 3 بتشتغل على الميديوم وساعات على اللو علشان تشتغل كويس ده علشان محرك الألعاب اختلف
وأتمنى أي حد من الأخوة المحترمين يدلك على ضالتك

[يوسف 017]

يعنى انا نفسى افهم حاجة واحدة هو مش اللاب دة هو هو الكمبيوتر بس محمول صح يعنى لو الكمبيوتر بالمواصفات بتاعت اللاب دة مش كانت هتشغل صح ولا لا يعنى بروسيسور i5 دة اعرف انة جامد اوى اوى اوى فى موضوع الالعاب انا مش بقول حاجة يا خالد ولا بقول انى بفهم اكتر منك انا بكلم فى حاجة معينة انا عايزك تجبلى لاب توب يشغلى العاب لغايت حتى 2015 مش لازم هاى يعنى مثلا باتيلفيلد 3 هاى اوكى واللى هتنزل اللى هى 4 هاى اوكى او حتى ميديام تمام انما متقوليش انى اشغل مثلا حاجة زى باتيلفيلد 3 على ريزلوشن
640 * 480 ويكون الجرافيك low مينفعش فهمنى انا اللى طالبة منك وبتعبك انا عارف قولى على كذا لاب توب يكونوا تمام ويشغلولى العاب كويسة يارب تقدر تفيدنى انا وريت كذا واحد موضوع توشيبا دة وقالى جميل اوى اوى وهيقعد معاك كذا سنة فأنا بثق فى رأيى االناس اللى هنا اكيد منتظرك يا غالى

[Khaled Khattab]

بص ده أفضل حاجة قصادك
https://www.facebook.com/photo.php?fbid=399036956834519&set=a.397868496951365.96499.144337185637832&type=1&relevant_count=1
ثانياً اللاب مش مجرد بي سي محمول بالثمن إلي إنت حاطه 4000 جنيه تقدر تجيب مواصفات كومبيوتر مكتبي أعلى من اللاب المذكور بأكثر من الضعف
وحيشغلك الألعاب لغاية 2016

[يوسف 017]

والله يا استاذى انا ما فاهم انا فهمى على قدى براحة كدة
انا اصلا عايز اللاب علشان البيت وكدة يعنى الكمبيوتر بياخد مساحة على الفاضى وكدة وانا قولت لو هجدد الجهاز الكمبيوتر يعنى هعوز شاشة Hd lcd وطبعا هتكون غالية والجهاز هجدد انا قولت شاشة اللاب تعدم HD وصغير واقدر العب على السرير او على رجلى فدة احسن حاجة واقدر اروح كافية وانا قادع اتسلى فهمنى فى كل حال واللى انت كجبتهولى دة امكانياتة جامدة فحت ازاى ميشغلش لغايت 2015 على الاقل مش قادر افهم بردة دة رامات 6 جيجا وبروسيسور i5 والكارت 1 gb ATI يعنى تمام وانا مش بقول 2016 يعنى ل 2016 مثلا اقدر اشغل علية لغايت سنتين جايين مثلا fifa 14 & fifa 15 وهكذا فهمت ازاى منتظر ردك بردة ومقولتليش رأيك فى الوتشيبا اللى ورتهولك ودة اللينك https://egyptlaptop.com/toshiba-satalite-c660-1t9.html منتظرك

[Khaled Khattab]

ابعد عن الموديل ده من التوشيبا خالص لأن مشاكله كتير وكرت الشاشة فيه ضعيف جداً
لازم تعرف حاجة الكور آي فايف المكتبي أقوى بكثير وتصل في بعض الموديلات إلى أربع أضعاف الموجود في اللابتوب
الإمكانيات إلي جايبهالك عادية جداً كرت الشاشة ممكن يشغلك بيس وفيفا مستريح السنتين إلي جايين لكن باقي الألعاب حتخسع معاك

[يوسف 017]

انا معرفش انت جننتى وقلقتنى بعد ما كنت خلاص هموت واشترية انت رجعتنى لنقطة الصفر والله معرفش بقى بجد اعمل اية خلتنى محتار اوى اوى

[Khaled Khattab]

لو مش حتتحرك من البيت خالص وعاوز جهاز للألعاب يبقى جهاز مكتبي
أما لو بتتحرك وعاوز جهاز يكون معاك تمام ويشغلك البيس والفيفا زي الفل يبقى عليك وعلى اللاب إلي رشحتهولك