(مصر) بورسيسور وبورده بحد اقصى 1150 لا يزيد خالص :)

[karimbo]

السلام عليكم ورحمة الله وبركاته

اخواني الخبراء برجاء الافادة

- أقصى ميزانية محددة: 1150 جنيه
- استخدامك للجهاز: التصميم الجرافيكي والالعاب (pes13-fifa13-medal- والالعاب حديثة مش بشكل كبير اوي)
- حجم الشاشة و الدقة (Resolution) التي تستخدمها: 17''
- القطع التي تنوي شراءها: مازربورد - بروسيسور
- القطع التي ستعيد استخدامها من الجهاز القديم: باقي مكونات الجهاز - الرامات 1X4G ram 1333 - لا يوجد كارت شاشة خارجي
- ميعاد شراء الجهاز: خلال اسبوعين
- مكان الشراء: القاهرة
- محل سكنك: ( القاهرة )

عموما كما وضحت واضيف ان بالنسبة لكارت الشاشة فإن شاء الله ناوي ابقى اجيب كارت خارجي بس اعتقد مش قبل الصيف القادم (في حدود سنة او اقل) وبالتالي طبقا للميزانية فهيبقى الاستخدام من كارت شاشة داخلي
اكيد عارف انه مش هيدي الكفاءة المطلوبة بس لكم ان تتخيلوا المعاناة اللي انا عايشها مع (gigabyte g31 والبروسيسور العقيم intel pentium 4) واللي بيشتغل عندي بالعافية فيفا 10 .. فبصراحة مستعد انتظر سنة لكارت شاشة بس احس طبعا بفارق ويشتغل معايا ستين في المية من الالعاب الحديثة .. انا مش طماع :) .. بس اهم حااااااااااجة فيفا 13 و بيس 13 طبعا وشوية الالعاب حربية كده مفيش مانع برضه لحد ما ربنا يكرم واجيب كارت شاشة :)
من خلال البحث في المنتدى وجدت الاغلب بينصح ب Intel® Core™ i3-2120 3.30GHz
ووجدت ان المقارب له في السعر من amd
AMD FX-4100 3.6GHz Quad Core 12MB Processor AM3AMD A6-3670K Unlocked Llano 2.7GHz 4MB Socket FM1 Quad-Core
ويزيد عنه من amd في السعر
AMD A8-3870K Unlocked Llano 3.0GHz 4MB Socket FM1 Quad-Core

بصراحة مش عارف الفروق بين بروسيسورات amd دي .. طبعا انا فهمت ان a8 اعلى من a6 لكن الفئة دي تختلف عن fx اللي فهمته برضه انهم فيهم كارت مدمج زي i3 وده مش موجود في fx لكن الفروق ايه غير كده وخصوصا في الاداء النهائي .. بصراحة معرفش :)
كالعادة موضوعاتي طويلة :)
بس الخلاصة ان دلوقت - حسب معلوماتي - في سكتين في amd وسكة في انتل .. طبعا ده حسب معلوماتي المتواضعة من ناحية الميزانية بتاعتي مش هتجيب اكتر من كده
مع الوضع في الاعتبار طبعا اللي وضحته عن الاستخدام + موضوع كارت الشاشة اللي مش قبل سنة :)
وآسف جدا جدا على الاطالة ومنتظر طبعا ردود الخبراء
تحياتي .. والسلام ختام

[cmazagangy]

Intel® Core™ i3-2120 3.30GHz Processor 695 LE
Gigabyte GA-H61M-S2P-B3 Socket 1155 motherboard 335 LE
Total 1030 LE

[karimbo]

اولا شكرا يا cmazagangy على سرعة الاستجابة المتوقعة طبعا من منتدانا الغالي وخبراؤه الكرام
ثانيا شكرا على التجميعة اللي حضرتك وضحتها واللي اكيد بتلبي احتياجاتي من خلال السعر
ثالثا منتظر منك ومن خبرائنا التوضيح شوية في بعض الاسئلة اللي في بالي عن معالجات amd وباقي استفساراتي خصوصا اني حسب ما عرفت ان كارت الشاشة المدمج مع المعالج amd a8 هو HD 6550D

[Mahmoud Essam]

اولا شكرا يا cmazagangy على سرعة الاستجابة المتوقعة طبعا من منتدانا الغالي وخبراؤه الكرام
ثانيا شكرا على التجميعة اللي حضرتك وضحتها واللي اكيد بتلبي احتياجاتي من خلال السعر
ثالثا منتظر منك ومن خبرائنا التوضيح شوية في بعض الاسئلة اللي في بالي عن معالجات amd وباقي استفساراتي خصوصا اني حسب ما عرفت ان كارت الشاشة المدمج مع المعالج amd a8 هو HD 6550D
مرحبا بك أخى الكريم و الفرق بين معالجات AMD ان معالجات A6 و A8 تنتمى لعائلة APU يعنى عبارة عن معالج مركزى و معالج رسومى مدمج الاثنين فى قطعة واحدة لكن FX-4100 معالج مركزى عادى و لا يحتوى على كرت شاشة مدمج بينما بيكون الكرت المدمج موجود فى البوردة و بالنسبة للفرق بين A6-3670 و A8-3870K هو ان معالج A8-3870K و المنتهى بحرف K يدعم كسر السرعة لان حرف K فى نهاية الموديل يعنى دعم المعالج لكسر السرعة لكن الثانى لا يدعم و برضوا معالج A6-3670 معالج ثلاثى النواة لكن A8-3870K معالج رباعى النواة و بالنسبة للافضل بينهم طبعا A8-3870K هو الافضل و بالنسبة لمعالج FX-4100 هو معالج رباعى النواة من عائلة Bulldozer و لكن هذه العائلة تتميز بالاداء السئ حيث ان معالج مثل I3 2120 ثنائى النواة من انتل يتفوق على معالج FX-4100 رباعى النواة و بجانب ان I3 2120 افضل فى درجة الحرارة و استهلاك الطاقة . بالنسبة للافضل من بين كل المعالجات التى ذكرتها من رأيى هو I3 2120 فهو افضل فى المعالجة المركزية و الافضل فى المعالجة الرسومية بسبب وجود كرت شاشة مدمج بة قوى هو A8-3870K .

[karimbo]

شكرا جزيلا جداااااااااااااااااااا يا hoda_algamed على الشرح الوافي ده وطبعا ده شيء متوقع منك
بالنسبة لكلامك ففعلا فادني جدا ودلوقت اعتقد الكلام انحصر في i3 واكيد amd a8
دلوقت مبدأيا هستسمحك تقولي على سعر البورسيسور AMD A8-3870K واكيد بورده تكون مناسبة له في حدود الميزانية المذكورة
وثانيا ترشحلي انهو فيهم؟ مع العلم زي ما انا قولت ان محتاج الجهاز يريحني لفترررررررة وخصوصا اني مش هجيب كارت شاشة قبل سنة وبالتالي هحتاج كارت شاشة الا حد ما كويس يريحني لفترة في موضوع الالعاب خصوصا اني مش عارف مدى قدرة i3 في كارت الشاشة مقارنة بال amd a8 وبالنسبة لاستخدامي في برامج الجرافيكس انا طبعا واثق ان الاتنين هيدوني اداء كويس هشعر بيه لفترة كويسة مقارنة بمأساتي مع جهازي الحالي :)
ثالثا بالنسبة للتغير مع الوقت .. اللي اكيد مش هيكون قبل فترة طويلة نسبيا .. اي من الاتنين هيكون مستقر اكتر في التغيير؟ يعني بمعنى اصح اي من الاتنين هقدر اغيره بسهولة على نفس البورده مش هحتاج اغير البورده مع البورسيسور؟

[Mahmoud Essam]

شكرا جزيلا جداااااااااااااااااااا يا hoda_algamed على الشرح الوافي ده وطبعا ده شيء متوقع منك
بالنسبة لكلامك ففعلا فادني جدا ودلوقت اعتقد الكلام انحصر في i3 واكيد amd a8
دلوقت مبدأيا هستسمحك تقولي على سعر البورسيسور AMD A8-3870K واكيد بورده تكون مناسبة له في حدود الميزانية المذكورة
وثانيا ترشحلي انهو فيهم؟ مع العلم زي ما انا قولت ان محتاج الجهاز يريحني لفترررررررة وخصوصا اني مش هجيب كارت شاشة قبل سنة وبالتالي هحتاج كارت شاشة الا حد ما كويس يريحني لفترة في موضوع الالعاب خصوصا اني مش عارف مدى قدرة i3 في كارت الشاشة مقارنة بال amd a8 وبالنسبة لاستخدامي في برامج الجرافيكس انا طبعا واثق ان الاتنين هيدوني اداء كويس هشعر بيه لفترة كويسة مقارنة بمأساتي مع جهازي الحالي :)
ثالثا بالنسبة للتغير مع الوقت .. اللي اكيد مش هيكون قبل فترة طويلة نسبيا .. اي من الاتنين هيكون مستقر اكتر في التغيير؟ يعني بمعنى اصح اي من الاتنين هقدر اغيره بسهولة على نفس البورده مش هحتاج اغير البورده مع البورسيسور؟
معالج AMD A8-3870K سعره 800 ج و افضل بوردة فى حدود الميزانية هى Gigabyte GA-A55M-DS2 بس انا من رأيى انك تشترى I3 2120 لانه افضل فى الاداء فى المعالجة المركزية و ثانى حاجة اللوحات الخاصة به سهل تحدث المعالج عليها فى المستقبل و ثالث حاجة انتل فى الفترة الحالية متفوقة على AMD و افضل للمستقبل زى مقولتلك انك ممكن تحدث بسهولة لكن AMD معالجتها لغاية دلوقتى ادائها لا ينافس اداء انتل و بالنسبة للكرت المدمج فى معالج I3 2120 فهو كويس يعنى تشغل PES و فيفا على اعلى الاعدادات لكن العاب زى BF3 و NFS The Run لازم تقلل الاعدادات بس حتى لو قلتلها هيبقى فى تبطئ لكن عندك لعب زى COD و MAX PANYE 3 تقدر تشغلها على اعدادات قليلة بس مش هتبطئ معاك . الكلام دة بقوله عن ثقة لانى عندى معالج I3 2100 و كلام دة بقوله عن تجربة .

[karimbo]

Gigabyte GA-A55M-DS2 سعرها كام؟

[Ahmed Barakat96]

أولاً انا حاسس بيك :) لان جهازي زيك تقريبا ، واحترت في التحديث كتير ولكن ميزانيتي اعلي شوية وهجيب هارد وكده :D
انا عن نفسي قررت اجيب i5 مع هارد WD بلو 1 تيرا واكتفي بالكارت الداخلي لحين شراء كارت خارجي ..
لكن بالنسبة لميزانيتك .. متقدرش تعمل زيي :D
فـانا رأيي تنتظر معالج A10-5800K وده نزل بره وقرب ينزل مصر ، ده معالج رباعي بتردد 3.8 GHz وبعض المراجعات بتساويه بمعالج i3 كمعالج مركزي .. وشركة AMD بتقول انه يضاهي Intel Core i5 2320 علي حد قولهم في الموقع الرسمي :)
وغير كدا المعالج الرسومي الداخلي اقوي من A8 بحوالي 30 % ولا مجال للمقارنة مع المعالج الرسومي للـ i3 ..
والمعالج سعره العالمي حوالي 119$ يعني حوالي 730 جنيه ، ومظنش انه هيكون اغلي من كده في مصر ..
وهيديك اداء رسومي هيعجبك ، يعني تقريبا هيشغلك كل الالعاب باعدادات مش اقل من متوسط علي شاشتك وحتي لو جبت شاشة اكبر ، بالاضافة انه هيشغل فيفا وبيس علي اعلي اعدادات ..
وكمعالج مركزي ، اعتقد انك متحتجش اكتر منه ، خصوصا اني عارف معاناتك مع البنتيم 4 ، لانه ببساطة عندي :(
فأنت في حدود ميزانيتك ، انصحك بهذا المعالج ، وبالنسبة لحوار التحديث ، فأنا غير متأكد منه ، ولكن AMD أكدت ان سوكيت FM2 هيكون عمره طويل مش زي FM1 ..
وبالاضافة لخاصية اخري مهمه ، وهي انك تقدر تجيب كارت خارجي من سلسه HD6000 مثل HD6670 وسعره حوالي 500 جنيه وتدمجه مع المعالج الداخلي بخاصيه Dual Graphics وهيديك اداء رائع جدا ، شفت مراجعه بتوضح انه مع الخاصية دي بالكارت ده تقدر تشغل الالعاب علي شاشه full HD بسلاسه .. فما بالك مع كارت اقوي منه :)
يعني باختصار :
AMD 5800K يعطي اداء مركزي كـ i3 واداء رسومي يقارب الكروت الخارجيه وسيرضيك ويشبع كافة رغباتك من جهازك الجديد :)
وادي مراجعة موقعنا العزيز بتأكد معظم كلامي :)
https://arabhardware.net/reviews/hardware/17152-trinity-a105800k-apu-7660d-msi-fm2-a85xa-g65.html
الف مبروك مقدماً .. :)

[karimbo]

اولا شكرا جدا جدا يا احمد على ردك الوافي الشافي :)
طبعا انا قريت شوية على قدي كده عن المعالج ده وسامع ان في ناس كتير بنتنظره بس المشكلة دلوقت عندي في نقطتين
اولا انا مش عارف المعالج هينزل امتى ومفيش حد قال رد نهائي بخصوص الموضوع ده
ثانيا مع احترامي لكلامك احيانا كتير بشعر ان مصر ملهاش علاقة بالسعر العالمي :) وبعدين المشكلة الاكبر هتكون في اي بورده هتكون مناسبة للسوكيت وسعرها هتكون كام؟
تساؤلات محيراني وده طبعا كمان لو ضيفنا عليهم فكرة ان مع انتظاري الميزانية مش هتزيد وهتفضل في نفس الحدود وبالتالي قد انتظر وفي الاخر لا اجد الاسعار مناسبة لامكانياتي لانها مش هتزيد للاسف الشديد :( وبصراحة خايف تقل كمان والفلوس تتسرسب لو طار انتظار A10-5800K :)
بصراحة مش عارف عمال اقلبها في دماغي مش لاقيلها حل نهائي .. ممكن يكون وضح من كلامي اني ميال اكتر حاليا لل amd ويمكن يكون السبب الرئيسي في كده الكارت المدمج في البروسيسورات بتاعته
بصراحة رغم ان كلامك يا احمد افادني كتير لكن زاد من حيرتي

[karimbo]

طب يا جماعة ياريت رد نهائي ارجوكم
اولا هل انتظر A10-5800K؟ وهينزل بعد اد ايه تقريبا؟ وهل هو والبورده المناسبة له هتكون في حدود الميزانية دي؟
ثانيا الجهاز انا مش ناوي اغير فيه في الوقت الحالي خالص .. مش قبل تلت سنين .. ايهما افضل تجميعة i3 اللي فوق ولا amd a8 من ناحية انها هتفدني اكتر عموما .. مع العلم والوضع في الاعتبار بشدة اني هستخدم الكارت المدمج في الالعاب لمدة ممكن تكون سنة او سنة ونص واكيد الالعاب وحشتني بسبب جهازي العقيم فاكيد هستخدم العاب زي nfs وبعض الالعاب الحربية زي ميديل واخواتها ولكن انا عموما في استخدام الالعاب متوسط بس بصراحة قد اصاب باحباط لو نزلت العاب ومشتغلتش معايا بعد معاناتي مع بنتيم 4 لسنوات :)
ارجوكم الرد في اسرع وقت ممكن وياريت تقولولي بورده مناسبة لل amd a8 وكام سعرها

[Black_Spy]

أعتقد وبعد قراءة الموضوع كله الافضل انك تجيب ال AMD

خصوصا انك هتقعد فتره كبيره شغال على الكارت المدمج وكمان لان حتى لو البروسيسور دا A10-5800K نزل مصر ممكن يكون غالى عن 800 جنيه بكتير وانت عارف السوق فى مصر

يبقى التجميعه زى دى كده :


AMD A8-3870K 3.0GHz 4MB Socket FM1 ..... 800 LE
Gigabyte GA-A55M-DS2 ...... 360 LE
CORSAIR Vengeance 8GB (2 x 4GB) DDR3 1600 CL9 ..... 350 LE

الإجمالى : 1510 جنيه

وعلى فكره انت ممكن بردو تجيب كارت HD6670 ويتم ادماجه مع البروسيسور ال A8 اللى حطيتهولك فى التجميعه اللى كتبتها وهيعطى نفس الاداء الرسومى للكارت ال A10-5800K
انما كأداء مركزى هيبقى ال A10-5800K اعلى عن ال A8-3870K

[Black_Spy]

وطالاما عندك الرامات يبقى اخصم ال 350 جنيه بتوع الرامات اللى كتبتهم وهيبقى الاجمالى 1160 جنيه مصرى .

[karimbo]

النهارده هنزل أشتري إن شاء الله اكيد

طبعا انا مازلت محتار بين i3 اللي انا واثق انه كمعالج عام ملوش حل مقارنا ب amd
ولكن amd a8 3870k شاددني اكتر بسبب الكارت المدمج ورباعية النواة (رغم اني عارف انها حاليا مش ضرورية اوي)

ارجوكم افيدوني برأي نهائي طبقا لهذه المعطيات
مش هقدر اجيب كارت شاشة قبل سنة او اكتر .. استخدام الجهاز في برامج تصميم جرافيك وبالنسبة للالعاب اللي عادتا بتستهويني بشكل جبار فيفا وبيس وميدل وnfs وممكن بعض العاب القتال الشبيهة بميدل اللي معظمها معرفش عنها حاجة وبطلت متابعتها من فترة بسبب جهازي العقيم :)

عارف ان i3 اقوى واعلى ولكن طبقا للمعطيات اللي عندي انهو يرجح طبقا لإستخدامي
قوة i3 كمعالج مركزي هيفرق كتير وبشكل ملموس عن amd a8
أم
كارت الشاشة المدمج في amd a8 هيفرق كتير وبشكل ملموس عن i3 في الالعاب اللي انا قولتها وغيرها؟

اكيد الكفة اللي هتميل اكتر وتحقق المعادلة (بالنسبة لإستخداماتي مع عدم وجود كارت شاشة) هروحلها
ياريت الخبراء يفيدوني في اسرع وقت ممكن ولو ياريت دلوقت :)

[sherif_ahmed]

طالما مش عايز تنتظر
يبقي الأفضل الــ 3870k

[Hoka123]

النهارده هنزل أشتري إن شاء الله اكيد

طبعا انا مازلت محتار بين i3 اللي انا واثق انه كمعالج عام ملوش حل مقارنا ب amd
ولكن amd a8 3870k شاددني اكتر بسبب الكارت المدمج ورباعية النواة (رغم اني عارف انها حاليا مش ضرورية اوي)

ارجوكم افيدوني برأي نهائي طبقا لهذه المعطيات
مش هقدر اجيب كارت شاشة قبل سنة او اكتر .. استخدام الجهاز في برامج تصميم جرافيك وبالنسبة للالعاب اللي عادتا بتستهويني بشكل جبار فيفا وبيس وميدل وnfs وممكن بعض العاب القتال الشبيهة بميدل اللي معظمها معرفش عنها حاجة وبطلت متابعتها من فترة بسبب جهازي العقيم :)

عارف ان i3 اقوى واعلى ولكن طبقا للمعطيات اللي عندي انهو يرجح طبقا لإستخدامي
قوة i3 كمعالج مركزي هيفرق كتير وبشكل ملموس عن amd a8
أم
كارت الشاشة المدمج في amd a8 هيفرق كتير وبشكل ملموس عن i3 في الالعاب اللي انا قولتها وغيرها؟

اكيد الكفة اللي هتميل اكتر وتحقق المعادلة (بالنسبة لإستخداماتي مع عدم وجود كارت شاشة) هروحلها
ياريت الخبراء يفيدوني في اسرع وقت ممكن ولو ياريت دلوقت :)
برأي انتظار AMD اما تشتري A8-3870K
اولاً A8-3870K هو معالج و بطاقه رسوميه في خاصيه واحده بالمصري (2في1) و دا الأفضل ليك و بالنسبه ليك .. ليه ؟؟
لأنك لما تجيب اولاً في 4 انويه معالجه .. و هى افيد من ال I3 الهو بس نواتين.
لأنهم انويه حقيقه و ليست وهميه ..
ثانياً البطاقه الرسوميه او كارت الشاشه الفي البروسيسور
هيشغلك كل الألعاب على الأعدادات المتوسطه .. و هو بهذه الأمكانيات يساوي I5 بدون كارت شاشه (بالسنبه لرأي)
انا لم اجربه لكن لي تجربه مع I5 و I3 و الأتنين ادائهم ممتاز
لكن I3 قريب من معالجي D E5700 الفرق بسيط جداً في اللعب ..
اما كتصميم فأنصحك ب 3870K
اما عن مواقع البنش مارك و كده فأبعد عنها تماماً.
انت تميل فقط لمواقع البنش مارك في وقت (كارت الشاشه بس)
و بعدين جهاز GTS 450 - D E5700 - 4GB Ram مشغل جميع الألعاب على اعلى اعدادات.
فما بالك بال A8-3870K فهو يعتبر ضعف معالجي و نصف البطاقه الرسمويه الخاصه بي.
فالأفضل طبعاً شرائه ثم بعدها شراء كارت مثل 4890 4870 اسعرهم خفيفه و اخف من ال 6670 و افضل و اسرع و احسن مستعملين.
او اشتري 7750 ..
ال 4870 = 350 جنيه مستعمل
ال 4890 - 420 - 480 جنيه مستعمل
ال 6670 = 500 جنيه جديد
ال 6750 = 450 جنيه مستعمل او 400 جنيه
ال 7750 = لا اعلم سعره. اعتقد 800 جنيه جديد
اما اذهب لل 6850 و هو افضلهم بسعر = 800 جنيه مستعمل - 1000 جنيه جديد
--------------------------------
للمزيد من المعلومات اضغط على الرابط التالي:
https://arabhardware.net/forum/showthread.php?t=271412&highlight=