مساعدة في التبريد [الأرشيف] - منتديات عرب هاردوير

Mohamed hamada

31-10-2012, 21:02

Mahmoud Essam

31-10-2012, 22:16

يا جدعان انا مش فاهم حاجة في التبريد

وانا ناوي اجيب بروسيسور i3 2120
و كارت شاشة HD 6770

و استخدامي لفترات طويلة جدا تصل الي 48 ساعة(الكمبيوتر مفتوح لمدة 48 ساعة)

فممكن اجيب كيسة تجارية و اجيب مراوح

و اقول للراجل اللي بيبيع عايز مروحة ولا اقول ايه

و لا اجيب كيسة اصلية و هل بتيجي بمراوحها
ياريت شرح مفصل جداااا

عشان اعرف اشتري ايه
لو الميزانية متوفرة معك لشراء كيسة اصلية فأشترى فهى افضل فى التبريد بس لو مش متوفر اشترى كيس تجارى بس حول اشترى له مراوح عشان درجة الحرارة بس لا تخاف حضرتك جهازك لا يدعم كسر السرعة يعنى درجة الحرارة ستبقى ان شاء الله فى الحدود الامنة فأنا عندى معالج I3 2100 و بشغله فى الاجازة 16 ساعة متواصلة و الحمد لله درجة الحرارة بتبقى فى الحدود الامنة . بالنسبة للكيس الاصلى بيبقى جى معاه 2 او 3 مراوح على حسب الكيسة الباقى انت بتشتريه .

Mohamed hamada

31-10-2012, 22:54

شكرا ليك جدا اخ محمود

يعني لو اشتريت كيس تجاري اقول للراجل عايز مروحة للجهاز؟

و اجيب كام مروحة؟

Mahmoud Essam

31-10-2012, 22:58

شكرا ليك جدا اخ محمود

يعني لو اشتريت كيس تجاري اقول للراجل عايز مروحة للجهاز؟

و اجيب كام مروحة؟
اة لو هتشترى كيس تجارى حاول تخليه فى مكان جيد التهوية و ابقى اشترى مراوح و ركبها فى الكيسة و بالنسبة لعدد المراوح فشوف الكيسة هيبقى فيها كام مكان لتركيب المراوح و اشترى على اساسهم لان عدد اماكن المراوح بيخلف من كيسة لاخرى

Mohamed hamada

31-10-2012, 23:04

شكرا جدا للمرة التانية علي التوضيح استاذ محمود

الحمد لله كده تمام يعني اجيب كيس تجاري واجيب حوالي 3 مراوح

بس هو المروحة بكام ؟

و بكام كيسة تكون اصلية ومعاها باور اصلي 400 وات في حدود 300 جنيه
و تكون جيدة التهوية؟

اسف علي الاسئلة الكتيرة اللي ملهاش لزمة

Mahmoud Essam

01-11-2012, 00:30

سعر المروحة بيكون على حسب مقاسها هل 120MM او 140MM يعنى المراوح مقاس 120MM بيكون سعرها 40 ج و نوع المروحة بيكون CoolerMaster لكن فيه مراوح تجارية بسعر 10 ج بس طبعا الاصلى احسن . بالنسبة لكيسة بباور 400 وات فأنصحك بهذه الكيسة Cooler Master Elite 311 Basic + 400w PSU بسعر 335 ج .

Mohamed hamada

01-11-2012, 01:08

شكرا جدا لتالت مره :D;)

بالنسبة للكيسة ديه Cooler Master Elite 311 Basic + 400w PSU
بيجي معاها كام مروحة؟

اخر استفسار بالنسبة لخاصية Hyper Threading في بروسيسور i3 2120

هل هذه الخاصية تسخن البروسيسور او تبطئ الالعاب او تقلل من عمر البروسيسور

فهل افعلها ام لا ؟
شكرا لك علي ردك السريع و صبرك علي اسئلتي :D:ah7:

sherif_ahmed

01-11-2012, 06:14

هذه الخاصية لا تؤثر علي المعالج في شيئ
بل أنها تزيد من أداء المعالج
ووممكن يكون طلبك من خلال هذا النموذج

نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

إدارة عرب هاردوير.