( مصر ) مواصفات مناسبه لجهاز ليعمل في مجال جرافيك بأحترافيه / 9 - 10 ألف جنيه

[ashomran]

- أقصى ميزانية محددة:ألميزانيه الحاليه من 9 الي 10 الالاف جنيه مصري
- استخدامك للجهاز:سوف يتم استخدام الحاسب في اعمال الجرافيك مع عده برامج مثل
3ds max 2013
after effects cs5
vue 10 exetreme
photoshop cs6
- حجم الشاشة و الدقة (Resolution) التي تستخدمها:انوي شراء شاشات صغيره نسبياً بحيث تكون 17 بوصه علي الاكثر و في حاله وجود امكانيه تكون شاشتين
- القطع التي تنوي شراءها:
ابحث بين Xeon و i7 في البروسيسور و لكن لا اعرف ايهما احسن
العمل علي كارت شاشه نفيديا سيكون افضل لاستخدام برامج الـ phyx الخاصه بيه و حاجتي الماسه لها
- القطع التي ستعيد استخدامها من الجهاز القديم:لا يوجد حاسب قديم
- ميعاد شراء الجهاز:الوقت الحالي و حتي اول شهر يناير علي حسب الاسعار و انخفاضها او ارتفاعها
- مكان الشراء:القاهره عمتاً اياً كان المكان
- محل سكنك: القاهره-حلوان

[hamzeh.mal]

أهلاً وسهلاً بك في " عرب هاردوير " ليتمكن الأعضاء التقنيون من مساعدتك كما يجب أرجو منك تعبئة النموذج الخاص بطلب التجميعات :



نموذج الموضوع يكون كالتالى:

-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!


- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

[ashomran]

ايه يا جماعه مفيش اي رد؟

[hamzeh.mal]

سيقوم الأعضاء التقنيون مشكورين بمساعدتك بأقرب فرصة إن شاء الله وأشكرك على التزامك بالقوانين .

[Abreimann]

أسمح لنفسى بالرد مع خبرتى المتواضعة فى عالم الهاردوير.. أولا المبلغ اللى معاك كويس جدا وتقدر تبنى بيه مكنة كويسة، حتى لو اشتريت شاشتين 17 بوصة
أول حاجة تفكر فيها هى البوردة، لإن البوردة هى الكمبيوتر. أنصحك تحدد حاجة جيجابايت أو أسوس لإنهم فى رأيى أفضل نوعين فى السوق وأكترهم انتشارا.. أهم حاجة تكون الـChipset بتاعة البوردة Z77 أو X79
وتقدر تشترى مثلا بوردة كويسة سعرها من 2000 لـ2500 ج، أسوس أو جيجا بايت
بالنسبة للمعالج، الزيون سيبك منه لإنه فى حدود علمى نادر وصعب تجيبه وأعتقد أغلى، وبما إنك مش ناوى تعمل سيرفر، خليك فى الـi7
الفرق بين الزيون والآى سفن حاجات مش ح تهمك، وهى: الزيون بيدعم رامات الـECC بتاعة السيرفر، وبيدعم وجود معالج آخر معاه فى نفس البوردة (لو ح تجيب بوردة م اللى بتشيل اتنين بروسيسور ودى قصة تانية) وشوية مزايا أخرى أغلبها أو كلها غير مهمة الا للى عاوز يعمل سيرفر، مش لشغل الجرافيك اللى انت عاوزه
البروسيسور انصحك بـCore i7 2600K وانت طالع.. ده آخر سعر شفته له كان 1850 ج وممكن يكون رخص، بس فكر فى ده أقل حاجة وانت طالع
طبعا مش ح اتكلم فى i7 3960X عشان ده بسبع تلاف جنيه لوحده :D
وبخصوص الرامات، مادام الموضوع فيه أفتر إفكت وماكس 2013، خلى أقل حاجة 16 جيجا، والباص بتاعهم يكون 1600 أقل حاجة
كارت الشاشة عندك اختيارين: الجى فورس، وده ببساطة لو جبت أى موديل GTX من الجيل 5 أو 6 هيكون كويس معاك جدا، وهيكلفك من 1500 لـ3000ج
مثلا ممكن GTX 560 Ti يشتغل معاك زى الفل وثمنه 1500 تقريبا
وممكن تدور على حاجة كوادرو، بس دول سكتهم صعبة عشان نادرين ومش أى بيبيعهم، وفيه بيبيعهم مستعمل أو مستعمل خفيف
طبعا اضطريت اهمل الـATI عشان رغم احترامى ليها ولأداءها الممتاز فى الألعاب بس أداءها سىء فى الثرى دى والمونتاج وغيرها
الهارد عليك وع الويسترن ديجيتال بلاك.. أغلى من الجرين والبلو، بس مستقر جدا، وسريع جدا، وآمن جدا
لاحظ ان الهارد البلاك عليه ضمان 5 سنين والجرين عليه ضمان سنتين بس.. ده يديك فكرة عن المعايير اللى مصنوع بيها البلاك
الهارد البلاك الواحد تيرا سعره من 650 لـ700 ج تقريبا
نيجى بقى يا باشا للكيسة: أولا لازم تكون Full tower عشان تكون كبيرة من جوة وفيها هوا كتير لزوم التبريد النضيف، ودى لما تشتريها ان شاء الله ح تلاقى فيها أماكن فاضية لمراوح زيادة، املاها مراوح

أهم حاجة بقى الباور
الأول أقل باور تجيبه لازم يكون من 700 لـ800 واط فعلى، عشان يشيل الليلة دى كلها مستريح من غير مشاكل
النقطة الأهم استنضف الباور، بمعنى: لو لقيت باورين، الاتنين 800 واط، واحد بـ600 ج والتانى بـ750 ج، هات ابو 750!! الباور أهم وأخطر حاجة

بخصوص الأسعار الصح، الموقع ده كويس جدا وفيه أسعار كل حاجة فى مولات مصر الجديدة والمهندسين ونمر تليفوناتهم
https://********.com/category.php?cat=1

عفوا الموقع اسمه ********.com
مش عارف اسمه ما طلعش ليه

[ashomran]

شكرا جدا يا Abreimann (https://arabhardware.net/forum/member.php?u=11147027)
هو الموقع مظهرش عشان المنتدي هنا بيرفض الوصلات الخارجيه علي حد علمي
ما دمت بقي انت بتفهم في الهاردوير هستغلك شويه معلش ايه موضوع كسر السرعه ده و هل هيهمني في سرعه اخراج الفيديوهات او الصور من برامج الجرافيك؟

[Abreimann]

العفو يا باشا
الأول شوف الخاص
ثانيا بخصوص كسر السرعة هو ببساطة انك تشغل مكونات جهازك على سرعة أعلى من سرعته الأصلية، وفى مقدمة المكونات طبعا البروسيسور والرامات وكارت الشاشة
كسر السرعة زمان كانت مليانة مخاطرات (كان ممكن تحرق البروسيسور فى ثانية)، بس دلوقت بقى سهل جدا ومش محتاج من المستخدم خبرة تقنية عالية قوى زى زمان.. لدرجة ان فيه بوردات - زى البوردة بتاعتى - ممكن تكسر السرعة أوتوماتيك بمجرد دوسة زرار، والبوردة لوحدها بتحسب درجات الحرارة الموجودة والفولتات وكل حاجة وتعلى السرعة بناء على الحاجات دى
بس فى كل الأحوال لازم يكون فى الجهاز تبريد كويس جدا، ومعاك باور صبلاى كويس جدا، وفى الأصل لازم تكون البوردة كويسة وبتدعم كسر السرعة
فى حدود خبرتى المتواضعة، كسر السرعة مش بيمارسه غير اللى بتلعب جيمز فى الدرجة الأولى، ونادر قوى اما اسمع عن حد بيرندر بالماكس أو الأفتر وهو كاسر سرعة
على أى حال الواحد لما يكون معاه مكنة كويسة وقوية مش هيحتاج :)

[ashomran]

شكرا جدا و فعلا انا كانت اول مره اسمعها كان هنا لما اتعاملت علي طريق الجرافيك و مواقع تانيه كان الاسامي دي بالنسبه ليا مش موجوده عشان كده حبيت اعرف و فعلا انا بدأت اجمع في الحاجات اللي انت قلتلي عليها اهو و بشوف الدنيا ماشيه ازاي و هتاخد قد ايه

[mo7amed gom3a]

يشرفنى ان اقدم لك هذه التجميعة


monitor :Samsung SyncMaster S19B300B 19 inch LED LCD monitor Malaysiaya 520.le

case :NZXT Lexa S case 475 L.E
p.s.u :Corsair Enthusiast Series™ TX750M 80 PLUS® Bronze Certified PSU 800 L.E
m.b :Gigabyte GA-Z77X-UD5H Socket 1155 1,625 L.E
cpu :Intel® Core™ i7-3770K Ivy Bridge 3.5GHz 8MB Cache 2,100 L.E
Ram :G.skill Sniper Series 8GB (2 x 4GB) DDR3 1866 CL9 1.5v Dual Channel 475 L.E
vga :Gigabyte GeForce GTX 670 OC 2048MB GDDR5 Windforce 2,650 L.E
Hard disk:Adata XPG SX900 64GB SATA 6.0Gb/s 2.5 inch ssd 600 L.E
Hard disk:Western Digital (WD) Caviar Black WD1002FAEX-00Z3A0 1TB 64MB cache 650 L.E

[ashomran]

شكرا جدا يا استاذ محمد علي هذه التجميعه بس ليه هاردين اظن ان الوستيرن هيكون كافي لوحده
و هل في فرق كبير بين ال i7 3770k و i7 960 ؟؟؟

[mo7amed gom3a]

https://www8.0zz0.com/2012/11/06/17/642813081.jpg
هذا هو الفرق اخى الكريم
وبالنسبه للهاردين فهناك هارد ssd وهذا للسيستم فقط والهارد hdd فهذا خاص بالملفات وفائدة الهارد ssd هو زياده اداء الجهاز فى نقل الملفات ونسخها وتشغيل البرامج وخلافه