i 5 3570k

[hagag]

السلام عليكم ورحكه الله وبركاته
انا ناوى اشترى ان شاء الله i 5 3570k بس اللى انا شايفه ان ليه مشاكل كتيره زى ارتفاع درجه حرارته.
عندى استفسار : هل المشتت الاصلى اللى معاه يكفى لتبريد البروسيسور عند بذل جهد عليه زى الالعاب الثقيله زى battle field 3 ?
ويريت حد يورينى صوره لدرجات الحراره عند بذل شغل عليه زى الالعاب مثلا.
ثانيا لو حد من المنصوره يقول لي منين اشترى البروسيسور ده لان انا مش لاقيه خالص فى المنصوره ويريت لو حد عارف اشترى 2500k منين يريت يقولى؟
البورده اللى انا ناوى اركب البروسيسور عليها :gigabyte z77x-d3h و الكيسه : thermaltake v3 black edition +450 watt psu
بس يريت حد يقول لى كفاءه المشتت الافتراضى اللى بيجى مع البروسيسورات وهل يكفى لتبريد البروسيسور عند بذل شغل تقيل عليه؟ وهل فيه خاصيه ذياده سرعه دوران المروحه عند ارتفاع درجه حراره البروسيسور؟
معلش انا طولت عليكم بس يريت حد يجاوبلى على اسألتى

[hagag]

فين المساعده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[unexpected]

وعليكم السلام
اخي المعالج حرارتة ممتازة مع المشتت الافتراضي بدون كسر سرعة المعالج وانما مشكلة الحرارة تأتي عند كسر السرعة فقط لكن عند شراء مشتت احترافي تستطيع كسر سرعة المعالج الى تردد 4.5 او 4.6

[kingtifass]

انا عندى المعالج ده و المشتت اللى بيجى معاه كويس جدا على فكرة لو هتفضل على سرعة الافتراضية و حتى مع تفغيل turbo mood , و اول ما تركبه هتحس ان درجات الحرارة عالية بس ده عقبال ما المعجون الحرارى يشتغل , درجات الحرارة عند الشغل العادى اخرها 45 درجة و عند لعب battlefield 3 بتكون 55c , مع العلم درجة الخرارة دى مع استخدام كرت مدنج HD 4000 وده بيولد حرارة يعنى ممكن تبقى اقل لو عندك كرت خارجى و هتقفل كرت مدمج , و درجة الحرارة عند الضغط ببرناج aid64 , prime بتكون ما بين 63-67 , بس انت لازم تصطب برنامج متحكم ف درجة حرارة المرواح و تعمل بروفيل للمروحة انها تشتغل على 100 لما درجة حرارة سطح المعالج توصل ل 40 و تقلل بمقددار 25% كل خمس درجات مئوية , او ممكن تعمل كده من BIOS < هتلاقى درجات حرارة طبيعية و المشتت الافتراضى هيادى معاك كويس و صوت مروحته مش بتسمعه لما يشتغل 100%

[%El.Magic%]

وهل فيه خاصيه ذياده سرعه دوران المروحه عند ارتفاع درجه حراره البروسيسور؟


بالنسبة للنقطة دي فاي مروحة تحتوي على 4pin يكون الرابع هو المتحكم في السرعة وعند توصيلها بمنفذ cpu fan في البوردة يمكنك ضبط سرعة المروحة وتزامنها مع درجات الحرارة من البايوس اما اذا اردت ان تجعل المروحة تدور بكامل سرعتها باستمرار فوصل المروحة في منفذ sys fan

بالتوفيق

[%El.Magic%]

و اول ما تركبه هتحس ان درجات الحرارة عالية بس ده عقبال ما المعجون الحرارى يشتغل

معلش يا بشمهندس ممكن حضرتك توضح يعني ايه عقبال ما المعجون الحراري يشتغل ؟؟

[hagag]

بس حد يقولى مين الافضل 2500K OR 3570K ?
وهل درجه حراره 3570K هتكون عاليه عند تفعيل التربو بوست؟
ويريت حد يشرح لى طريقه الشحن من شركات الكومبيورتر زى ماكسيموم

[owner]

انا بصراحة انصحك i5 2500 k علشان درجة الحرارة

[%El.Magic%]

لا اتفق بصراحة مع الاساتاذ owner درجة حرارة المعالج 3570 اعلى قليلا من المعالج 2500 ويتم التغلب عليها بمشتت محترم ومقدار درجة الحرارة المنبعثة ستكون طبيعية جدا مالم تجتاز حاجز 4.5 جيجا هرتز ولكن فللنظر الى المميزات التي ستعطيها معالجات الجيل الثالث عن الجيل الثاني
تصغير حجم الانوية والدعم الكامل للجيل الثالث من شقوق التوسعة pci express ودعم خاص لترددات من الرام لا يدعمها معالجات الساندي بردج والاستفادة القصوى عند تفعيل الكروس فاير او sli دا بالاضافة الى التفوق الواضح في كل التطبيقات المعتمدة على تعدد الانوية على السرعات الافتراضية ثم اغلب معالجات الساندي بردج ستتوقف شركة انتل عن انتاجها وتكتفي بمعالجات الايفي بردج لما تقدمه من خدمات اكثر في نفس الشرحة السعرية

[%El.Magic%]

وبانسبة لطريقة الشحن من ماكسيمام حضرتك بتتصل بيهم تقولها ابعتولي المنتج ال حضرتك تود شراءه مع احدى شركات الشحن مثل ميدل ايست وتحدد العنوان ال حضرتك عاوز يوصلك عليه اما مكتب ميدل ايست التابع للمحافظة ال حضرتك منها او العنوان الشخصي حسب رغبتك والمنتج بيوصلك خلال 24 ساعة او 48 ساعة دا على حسب ضغط الشغل

بالتوفيق في الشراء

[unexpected]

بس حد يقولى مين الافضل 2500K OR 3570K ?
وهل درجه حراره 3570K هتكون عاليه عند تفعيل التربو بوست؟
ويريت حد يشرح لى طريقه الشحن من شركات الكومبيورتر زى ماكسيموم
خليكم مع معالج 3570K ودرجات حرارة المعالج ممتازة على التردد الافتراضي صحيح حرارتة ترتفع عند كسر السرعة لكن مع وجود مشتت احترافي محترم تستطيع الوصول الى تردد 3.5 او 3.6GHZ

[mostafaeng_2011]

من ناحية الأفضل ف 3570k أفضل معماريا وبفضل الكارت المدمج الرسومي فهو أقوى بالنسبه للحراره مع الأيفي بريدج أعلى قليلا من الساندي بريدج ونصيحتي استعمل معجون احترافي بدل الي جاي مع المشتت الأفتراضي وأستعمل المشتت الأفتراضي في حالة لو مش هتكسر سرعة المعالج ولو هتكسر سرعة هيلزمك مشتت أكثر أحترافيا هوائي أو مائي اما بالنسبه لمكان البروسيسور هيبقى صعب شويه من المنصوره بس دور عند جاما في شارع الجلاء وان شاء الله تلاقيه

[kingtifass]

درجة حرارة مع تفعيل turbo boost بتبقى طبيعية متقلقش , وانا جربت كسر بسيط للمعالج لتردد 3.8 لكل الانوية ودرجة الحرارة زى درجة الحرارة على التردد الافتراضى اللى هوا 3.4 و ده كان ب المشتت الافتراضى , ف خد 3570K لانه الصفقة اللحسن

[eyad apdo]

تفضل الصور
الصورة الاولى عند الاستخدام العادى

https://img189.imageshack.us/img189/7213/55339923.png
الصورة الثانية بعد لعب باتل فيلد
https://img87.imageshack.us/img87/7693/20908294.png