المساعدة في تأريج سلك النت لتفادي السلكة المفصولة

[محمود الفاروق]

عندي راوتر 4 بورت به وصلة تتصل بسويتش علي بعد 80 متر
والسلك له من العام ونصف دون اي مشاكل


بعد يوم هطول الامتار الشديد يوم الخميس بدئت الايبيهات عند المشتركين تعمل المثلث الاصفر

فتابعت الكابل وجدت ان لمبة الراوتر لا تضئ فتوجهت للسويتش وفصلت الكابل ثم اعدته فلم تضئ ففصلت السويتش فاضائت بعد فتره

ثم فصلت الكابل ووضعته فلم تضئ ففصلته ثانيا ثم اعدته فأضائت فقلت الحمد لله

وبعد حوالي ساعة وجدت نفس الشكوي فنظرت للروتر فوجدت لمبة الكابل غير مضيئة
وبقي الوضع علي ما هو عليه تعمل ساعة او ساعتين مثلا ثم تفصل

فقست بالتستر فوجدت ان سلكه رقم 5 لا تضئ وعرفت ان الاهم في الاسلاك من 1 الي 6

ترتيب اسلاكي
ابيض برتقالي-برتفالي-اخضر ابيض-ازرق-ابيض ازرق-اخضر-ابيض بني-بني
علما ان RJ تكون قطعة الامان بأتجاه فوق ولو مقلوبه يكون البني اولا

فقمت بجعل السلكة رقم 5 (ابيض ازرق) هي الاخيره

ابيض برتقالي-برتفالي-اخضر ابيض-ازرق-اخضر-ابيض بني-بني-ابيض ازرق

فبقيت رقم 8 لا تضئ
وعند توصيلها بالسيويتش لم تأخذ الاجهزة اي ايبيهات وبقي المثلث الاصفر دائما


فما هو الحل لهذة المشكلة
او الترتيب الصحيح لتفادي السلكه المفصولة

جزاكم الله كل خير

[TaHeR.NaBiL]

اولا هاقولك السبب الى بيعمل المشكله دى لما يكون فيه مطر خصوصا لو كان السويتش مش مغطى المياه لما بتنزل على الارجى بتعمل صدأ خفيف بيعمل المشكله دى حتى لو ارجى واحد والباقى كويسين هاتلاقى السويتش بيهنج ..
يبقى عموما اول حاجه تعملها هاتشوف الارجيهات كلها وتتاكد منها وحاول تارجها كلها من تانى وبعدين هاتشوف السويتش وترشه اسبرى وتنظفه كويس

بالنسبه لترتيب السلوك زى ما انت عامل بالظبط هو الترتيب السليم عموما فى اربعه منهم فقط الى موصلين نت وترتيبهم حسب التيستر ( 1 ( ابيض برتقالى ) 2 - ( برتقالى ) 3 - ( اخضر ابيض ) 6 - ( اخضر ) )
انت بتقول ان رقم 5 مش بيقيد هو رقم خمسه عندك ابيض ازرق ودا مالوش لازمه انا عن نفسى بوصل بيه كهرباء للسويتش هو الازرق .
عموما وعن تجربه هاتلاقى فيه مياه نزلت على الارجيهات الى فى السويتش حاول تارجها كلها ونظف السويتش باسبرى وللامان ابقى جرب بسويتش تانى للتاكد .... بس المهم اتاكد كمان من الارجيهات الى موجوده فى الراوتر يكون نزل عليها مياه .

[BAZOOKA_N2O]

لابد من تغيير RJ من الناحيتين

والتأكد من عدم وجود صدأ على القطع النحاسية بالسويتش او الروتر او RJ
وعزلهم جيدا حتى لايتأثروا بالجو المحيط

اما بالنسبة للترتيب الصحيح فهو الترتيب الاول


لم ارى مشاركتك ا/ طاهر :D

[محمود الفاروق]

شكرا للاساتذة علي الدعم الفني السريع
TaHeR.NaBiL (https://arabhardware.net/forum/member.php?u=11137162) - BAZOOKA_N2O

انا فعلا قمت من قبل بتغيير RJ من الجهتين ولم يحدث شئ ولم يكون بهم اي صدأ اطلاقا والسويتشات معلقة بجانب الحائط الداخلي تحت سقف البلكونة يعني لا تصل اليه مياة الامطار نهائيا

فالامطار بعيده عن الاجهزة
لان الراوتر به 4 مخارج ويوجد منه مخرج لسويتش اخر لا يوجد به مشاكل بفضل الله
والثاني لا يوجد اي اشتباة من دخول المياه بداخله فما هو الوضع لحل هذه المشكلة


يوجد شئ مش عارف ممكن يفيد ولا لاء
لما بوصل احد اطراف الكابل بجهاز التيستر وهو مغلق بلاقي نور ضعيف جدا جدا من ثلاث لمبات
علما بأن الكابل في الدور الخامس بعيد عن كابلات كهرباء ممكن تؤثر عليه

[TaHeR.NaBiL]

عموما هو فيه طرف مقطوع فى السلك فك السلك وجربه عندك وغير الترتيب اكثر من مره .

[محمود الفاروق]

استاذي طاهر

ما انا قلت لحضرتك اني عرفت السلك الفاصل هو ابيض ازرق

اعمل ايه في وضعه بترتيب لا يؤثر علي النت


وايه تعليقك علي الاضائة الخافته مع عدم تشغيل التستر



واسف علي عدم المتابعة لاني سأكون بعيدا عن التواصل الا بعد الظهر بإذن الله سأكون متواجد بالمنتدي


فأرجوا التواصل و تحديد الوقت الذي ستكون حضرتك فيه علي المنتدي اليوم إن شاء الله

[I-IEMA]

نوع السلك ؟؟

---
https://www.grook.net/sites/default/files/images/kettaneh/rj45_cable_568b.gif

أرج السلكين من الاول بنفس الترتيب ده ( اللى هوالترتيب العادى )

و يعدها جربه على التيستر و قولنا بالظبط ايه السلك اللى فاصل و ايه السلك اللى اضاءته خفيفة

زى ما قال الاعضاء الاطراف المستعملة هى : 1 و 2 و 3 و 6

[محمود الفاروق]

نوع السلك مش عارف بس جربت موضوع المغناطيس وجدت ان الاطراف لا تنجذب له يبقي كده الاطراف كلها نحاس


الطرف رقم خمسة ابيض ازرق هو اللي فاصل

موضوع الاضائة بتكون العادية لما التستر مفتوح فقط الطرف 5 هو اللي فاصل
انما الاضائة الخافته بتكون موجوده بشكل طفيف
والتيستر اصلا مغلق

[I-IEMA]

صراحة مفيش حاجة قدامى اقدر احدد منها العطل :(
فهاقولك على الحاجات اللى هاتراجع عليها تانى من الاول للآخر علشان نمر بحل المشكلة بإذن الله

1- اتأكد -تمام التأكد- من انك مأرج صح من الناحيتين ، و ان الـ 4 اطراف المستخدمين منورين فى التستر و اضاءتهم مظبوطة تمام
2- شوف لو فيه أى حاجة دايسة جامد على السلك ( مثلا واقع تحت رجل كرسى أو مزنوق بين خشبتين .... الخ )
3- ابعده عن سلوك الكهرباء اللى فى الشارع بمسافة 1 متر على الاقل ( مهم انه مايكونش مريح على سلك كهرباء فى عمود )
4- غير مكانه فى السويتش و الراوتر ، و اتأكد الاول ان البورت هنا و هنا شغال
5- لو كل الكلام ده تمام و لسه المشكلة موجودة ، روح من قبل الارجهيتين بـ 2 سم مثلا و قص الـ 4 اطراف الغير مستخدمين هنا و هنا ،، و جرب بالتستر و اتأكد ان 1&2&3&6 منورين و بعدها جرب
( لإنى شاكك فى التيستر نفسه :) )
-----------

بعد كل الحلول دى لسه ماظبطتش ،، يبقى لاااازم تشوفلى نوع السلك ايه ( هاتلاقيه مكتوب على السلك نفسه و مكرر فى جملة كل متر ) .

[TaHeR.NaBiL]

ممكن اعرف السلك طوله كام متر .

[mahmoudhagag]

ممكن يكون المطر لامس السلوك ببعضها فهي تضيئ بالتيستر ولكن تسبب مشكله