المساعده فى Dell 5520

[ibrahimjockey]

السلام عليكم ورحمه الله وبركاته
أولاً :
دلوقت فى 3 زراير فوق الكيبورد ع اليمين مش عارف أستخدام أتنين منهم لآنى
بدوس عليهم بينورو وخلاص لاكن فى واحد شغال وعرفت أستخدامه
فهل دع عيب من اللاب بتاعى ولا أيه ؟؟؟


ثانياً :
أنا عايز أعمل ريكفرى لللاب ده مع العلم أنى فرمت الجهاز فهل فى طريقه تستعيد ريكفرى الجهاز
وهو ملزوق عليه ubuntu فا ده معناه أن الريكفرى الأصلى بتاعه مش معمول ع ويندوز7 ؟؟؟؟
بمعنى أنه معمول ع لينكس ؟؟
ياريت حد يساعدنى فى الموضوع ده

[Khaled Khattab]

لا لا ده مش عيب الثلاث أزرار ليهم تعريف بييجي مع الويندوز الأصلي وتقدر تحمله من موقع ديل الرسمي
خش على موقع ديل واكتب السيرفيس تاج بتاعك وهو
هيجيبلك كل التعريفات الخاصة بك إلي تلاقيه ناقص حمله عندك
بالنسبة للريكفري لازم يكون فيه نسخة ويندوز 7 أو 8 أصلية نازلة على الجهاز أما الأوبنتو فهي مفتوحة المصدر ومجانية وتقدر تحملها من على النت في أي وقت

[ibrahimjockey]

ألف شكر ع أهتمامك وردك
بالنسبه للتعريفات أنا بدخل ع الموقع بيجبهالى كلها وكتير وأنا بصراحه معرفش أيه كل التعريفات دى
متعرفش انهى تعريف بالظيط الخاص بالزراير دى ؟ ياريت لو تحددلى المهم والخاص بيهم ؟

بالنسبه للويندوز طبقاً لكلامك ده معناه أن الجهاز جاى من غير ويندوز أصلى :( لآن البايع قالى أن الجهاز جاى باليوبينتو
والدليل ع صحه كلامه اللزقه الى محطوته ع الجهاز (يعنى أنا كده أضحك عليا )

بس انا لاقيت حلول ع النت ممكن من خلالها أرجع الريكفرى حتى لو فرمت اللاب هل ده صحيح ؟؟؟
أنا ممكن أجيبلك اللينك بس مش عارف سياسه الموقع هنا بتسمح ولا لا

فا لو عندك فكره عن الموضوع ده ياريت تفيدني أو لو فى نسخه ريكفرى للجهاز ده ممكن اللينك بتاعها وهحملها أن شاء الله
وأســــــف ع الأطاله

[Click Soft]

الريكفري ده خاص بالاوبنتو مش هاتعرف تستخدمه للويندوز الافضل انك تحمل التعريفات
حمل الي تقدر عليه اللان والوايرلس والشاشه والصوت المفروض تنزلهم علي اسطوانه عشان تقدر تستخدمهم بعدين

[ibrahimjockey]

أيوا هو ده كان سؤالى كده معناه أن الريكفرى هيكون للأوبينتو مش هيروح لويندوز 7
وبكده موضوع أنى أعمل ريكفرى لويندوز 7 ده مستحيل ؟ ولا ممكن ألاقى نسخه لو دورت فى محلات الصيانه ؟
عشان كده هو عاملى نسخه ويندوز مضروبه
طيب أنا عملت نسخه backup على درايفر غير C وعايز الطريقه الى من خلالها أقدر أستخدمها عند الحاجه

[Click Soft]

شوف حد معاه الجهاز ده بويندوز وخد منه ريكفري استخدمها لجهازك وخدها علي اسطوانات

[ibrahimjockey]

ألف شكر لردك وأهتمامك
بس الجهاز واضح أنه مش منتشر ع الأقل عندنا
مش ممكن تديني لينك أقدر احمل منه الريكفرى ده ومعظم مراكز الكمبيوتر هنا فى البطيخ :)
يا أما هما بيعملوا عبط عشان يقلبونا فى فلوس تسطيب الويندوز

[Click Soft]

الجهاز منتشر وفي ناس كتير اشتريته
شوف حد معاه نفس الجهاز بويندوز وخد منه الريكفري ياما تنزل التعريفات علي اسطوانه لو ملقيتش

[ibrahimjockey]

أنا من الأسماعيليه واللاب ده مش منتشر هنا والله حتى لفيت كتير ع موضوع الزراير ده مافيش حد قدر يفيدنى أنا عرفت موضوع التعريفات أه من المنتدى
طيب حتى لو فرضنا أنى لاقيت حد معاه الجهاز أن شاء الله هدول وألاقى أزاى أخد منه نسخه الريكفرى بتاعته وهل الموضوع يستحق المعاناه دى مع العلم
ان تسطيب ويندوز جديد مش مشكله بالنسبه لى المشكله هتكون فى التعريفات ودى أمرها سهل أن شاء الله

[Click Soft]

الريكفري ده هايكون التعريفات بالنسخه الاصليه الي كانت موجوده ع الجهاز هو ممكن ينزلها علي اسطوانات عن طريق برنامج بيكون نازل مع اللاب توب
بس الامر سهل في تنزيل التعريفات ومش محتاج معاناه حمل التعريفات من الموقع وضعها علي اسطوانه

[ibrahimjockey]

شكراااا ع أهتمامك بالموضوع بس النت يستعيد عافيته وهحمل التعريفات كلها أن شاء الله
الواحد موعود بنسخ الويندوز المضروبه :) الحمد لله

[Khaled Khattab]

لو استخدم الريكفري الخاص بشخض آخر فالويندوز الخاص بذلك الشخض سيسقط تفعيله وأيضاً كليهما لن يستطيعان تفعيله مجدداً

[ibrahimjockey]

الله ينور عليك طيب دلوقت فى حاجه غريبه فى 37 جيجا مش مقريين ع الهارد مخفيين ده ليه علاقه بالريكفرى ؟؟؟
أو ممكن أظهرهم أزاى ؟؟

[Khaled Khattab]

37 جيجا؟ لو قصدك البارتيشن مجموعها أقل من مساحتها الأصلية يبقى ده عادي أما لو قصدك فيه بارتيشن مخفي عليه الريكفري صعبة قوي لأن الريكفري لا يمكن أن يشغل هذه المساحة

[ibrahimjockey]

فعلاً مجموعها أقل من المساحه الاصليه