سوال في ccn

[sara_handasa]

salamo 3alikom
ana bd2at azakar ccna mein shar7a el montada wei hwa gamial awei
ana 3andei s2al fei 2wal vidio y3anei ehe MIDI wei MIDIX
wei b3a ma5alast 2wal 3 vidiohat l7ad abal ip a7al 3alihom mnein wei shokran

[eyder33]

ياريت الكتابة بالعربي او بالانكليزي !!!!!!!!!!!
والعربي خصوصا لان منتدانا هو لكل العرب اينما كانوا

[sheno]

بالنسبه لسؤالك حضرتك الاول

ما الفرق بين ال midi and midix

ببساطه خالص خالص دى تصنيف بنصنف بيه طرق الارسال والاستقبال للاشاره على السلوك

يعنى مثلا السوشتات وال الهابات دى midix

والروترات والكمبيوترات دى midi


هتقليلى ايه ده يا عم انتى توهتنى مش فاهمه حاجه :)


هقلك ان قصه الارسال والاستقبال دى

هيا القصه اللى بنستخدمها فى طريقه عمل السلوك

هحط ليكى صوه عشان تفهمى قصدى




https://img96.imageshack.us/img96/4046/midimidix.gif (https://imageshack.us/photo/my-images/96/midimidix.gif/)


هى دى قصه السلوك كما يتضح من الرسم

السر كله يكمن فى كلمتين وهى انتى عارفه سلك بتاع الاوصيل مكون من 8 طرف . ومع ذلك احنا

مش بنستخدم غير 4 سلوك فقط فى توصليتنا بين الاجهزه وهما السلوك رقم 1 و 2 و 3 و 6

طيب جميل خالص ال 4 سلوك دوول هيتوصلوا ازاى

فيه طرقتين

1: ان ال 4 سلوك دول يقابلوا بعض تماما وبتبقا اسمها staright

وهتلقى فيها السلوك

1---------------1
2---------------2
3---------------3
6--------------6

وفى انواع من الاجهزه بتتوصل بالطريقه دى اللى بنسميها اجهزه ال midix

اما الطريقه الثانيه

3------------------1
1------------------3
6 ----------------2
2 ----------------6

ودى بنسميها توصيلة اجهزه ال midi


ودى امثله للاجهزه اللى بنسميها midi واللى بنسميها midix


https://img248.imageshack.us/img248/1880/midi1.jpg (https://imageshack.us/photo/my-images/248/midi1.jpg/)


الروتر و جهاذ الكمبيوتر بيعتبروا من عائله ال MIDI

السوتش والهب بيعتبروا من عائله ال MIDIX

والان عند توصيل

جهاذ من عائله ال MIDI مع جهاذ من نفس عائلته

اى MIDI متصل ب MIDI فان زلك يتم بوساطه توصيلهم بسلك CROSS

وايضا اذا كان MIDIX مع MIDIX ايضا يتم توصليهم بسلك CROSS

اما ازا كنت هتوصل جهاذ من عائله ال MIDI من جهاذ من عائله ال MIDIX

فان التوصيل يتم بواسطه سلك STRAIGHT

الخلاصه فى كلميتن

1: لو العائلتين متشتابهتين ---- كان التوصيل CROSS

2: لو العائلتين مختلفتين ----- كان التوصيل STRAIGHT


لذلك فمعرفتنا بانواع الاجهزه والى اية عائله تنتمى هل الى عائله ال MIDI ام ال MIDIX

سيتوقف عيله نوع التوصيل بين الاجهزه.


بالنسبه لسؤالك عاوزه تحلىاسئله

اذن نزلى كتاب سيبكس اللى هتلقى فيه اسئله بنهايه كل باب

ومعها اجوبه ايضا لتعليمك



تمنياتى بالتوفيق

[internetworld]

sheno (https://arabhardware.net/forum/member.php?u=7916)

شرح جميل .... جزاك الله خيرا

[sheno]

internetworld

ربنا يخليك يا كبير دا بعض من علمك يا غالى

(https://arabhardware.net/forum/member.php?u=162711)

[sara_handasa]

shokran leik awei 3ala el shar7a el gamial dah :D bas kont 3ayza a3raf leih samhom keda wei ashm3ana samohom keda y3anei leih el hub wei switch MIDX mesh MIDI wei el 3asks

[sheno]

اختى العزيزه


القصه بترجع لشىء بنسيمه ارسال واستقبال

هتقليلى يعنى مش فاهمه حاجه هقلك:)


فان الجمله TX معناه transmit يرسل وهتلاحظى ان الارسال يتم عن طريقه شحنيتين مش شحنه واحده

كالكهرباء تماما الشحنه الموجبه + والشحنه السالبه _


TX + and TX -


RX التى تعنى receive ومنها ايضا شحنتين RX+ and RX -


وذى كما قلت لحضرتك ان السلك بيتكون من 8 افرع

المستخدم فيهم 4 افرع هما السلوك رقم( 1 - 2 - 3 - 6 ) .

ومن هنا ياتى سر التسميه لان الان انا عندى 4 سلوك فقط فالسؤال اللى هيطرح نفسه يا ترى هتسقبل على ايا من السلوك

وهرسل على ايا من السلوك

هستخدم 2 سلك للارسال و 2 سلك للاستقبال ومازال ايضا السؤال قائما ايا منهم استقبال وايا منهم ارسال ؟:)


قال احنا هنقسم الاجهزه المصنعه الى عائلتين تختلف عن بعضها فى ايه فى شىء واحد فقط

اللى هوا هيا هتستخدم انه 2 سلك لاستقبال وانه 2 سلك للارسال

وهتلاقى العالتئن دول عكس بعض

الاجهزه اللى هترسل اشرتها عت طريق السلك رقم 1 و 2

وتستقبل اشارتها عن طريق السلك 3 و 6 هنسميها اجهزه ال

MDI كما هو موضع بالصوره ادناه


https://img707.imageshack.us/img707/5075/mdizo.jpg (https://imageshack.us/photo/my-images/707/mdizo.jpg/)



والاجهزه اللى هترسل على سلك 3 و 6

وتستقبل على سلك 1 و 2

هنسميها اجهزه ال MDI_x ولو لحظتى ان الاسم بينتهى بمقطع اكس X وده مقطع بيشير الى انها بمثابة المعكوس

اى ان اجهزة ال midix توصيل سلوكها تعتبر معكوس توصيل اجهزة ال MDI

وهذه ال midix كما هوا موضع بالشكل ادناه


https://img850.imageshack.us/img850/1294/mdix.jpg (https://imageshack.us/photo/my-images/850/mdix.jpg/)



الان قد انتهينا بفضل الله من شرح منشاء اسم كل عائله التى هوا اصل سؤالك

وقد تبينا من خلاا الرسم فرق كل عائله من حيث الكهربيه سواء كانت ارسال بشحنتيهى الموجبه والسالبه او اتقبال بشحنتيه ايضا.


لو فهمتى النقطه اللى فاتت تمام وزى الفل . يبقا النقطه اللى جايه هتفهميها فى منتهى السهوله

لانها مبنيه على النقطه اللى فوقيها

طبعا زى ما عرفنا سوا كل عائله اتسمت كدا ليه

وهما بيصنعوا الاجهزه دى فى المصنع صنعوا اجهزه بتستقبل وترسل بنظام ال mdi

وسموها mdi devices اللى ها مين مثال الروتر وكارت الشبكه العادى ال nic

وايضا صنعوا اجهزه ترسل وتستقبل بنظام ال mdix مثال السوتش والهوب


والان جائت الخطوه الاخيره وهيا كيف تتعامل تلك الاجهزه مع بعض

بالبلدى كدا يكلموا بعض ازاى؟:)


هقلك ببساطه خالص


هنفترض انى الان ارسل اشاره من اى جهاذ منهم تعالى مثلا نقول

انا NIC اذا بدام انا NIC اذن انا انتمى الى عائلة ال MDI اذا هرسل اشاراتى على سلك رقم 1 و 2

واستقبل اشاراتى على سلك 3 و 6 كما شرحنا من قبل

وهنا ياتى السؤال الاخر الذى يطرح نفسه . ما هو الجهاذ المقابل لى

فانا NIC هسال انت يا عم يا جهاذ يا اللى قدامى :) انت ابن مين فى مصر او انت مين عرفنى نفسك :)


هيرد الجهاذ اللى قدامى ويقلى واللهى انا مثلا NIC زيك

هقلك انت NIC زى كويس خالص يعنى انت برضوا هترسل على 1 و 2 وتستقبل على 3 و 6

هيقلى تمام يا باشا . باشااا خالص :)

ويعطيكى الصوره الاتيه

https://img706.imageshack.us/img706/5703/crossd.png (https://imageshack.us/photo/my-images/706/crossd.png/)


وهتلاحظى ان السلوك الارسال اللى طالع من جهاذ لازم تروح الناحيه التانيه عند اطراف الاستقبال والعكس صحيح

وهذه ابسط قواعد الكهربيه كما تعلمين . ان الطرف المرسل يقابله فى الناحيه الاخرى طرفا مستقبلا

والطرف المستقبل يقابله فى الناحه الاخرى طرفا مرسلا حتى يمكنهم التكلم مع بعض .

وتسمى طريقة التوصيل هذه التى يتشابه فيها الجانبين من حيث عائلتهم سواء ان كانت

عائله mdi بتكلم عائله mdi

او ان كانت عائله mdix بتكلم عائله mdix

فالمحصله انهم جانبين متشابهين ويتم توصليهم كما وضحنا اعلاه وتسمى تلك التوصيله باسم توصيلة الــــ cross اى التوصيلة المعكوسه

لانه كما ترى فى الصوره ان السلوك معكوسه .



ناخذ مثالا اخر حتى نثبت المعلومه .


الان عندى جهاذ من نوع HUB اذا ينتمى الى عائلة ال MDIX اذا يرسل على 3 و 6 ويستقبل على 1 و 2

وفى الناحيه الاحرى عندى NIC الذى ينتمى كما نعلم لعائلة ال MDI حيث انه يرسل على سلك رقم 1 و 2 ويستقبل على سلك 3 و 6


والان جائت خطوه توصليهم سويا

كما موضع بالصوره ادناه


https://img109.imageshack.us/img109/8817/straightu.png (https://imageshack.us/photo/my-images/109/straightu.png/)


وكما تعودنا دائما من نظريات الكهربيه ان ناحيه ترسل يقابلها فى الناحيه الاخرى مستقبل

وناحيه تستقبل يقابلها فى الناحه الاخرى طرفا يرسل


ارجو ان اكون قدرت اوضح الصوره لحضرتك


تمنياتى بالتوفيق

[sara_handasa]

شكرا جزيلا علي كلامك الرائع انا كدة فهمت وشكرا اوي :D