سؤال في ال limiting eigrp query scope [الأرشيف]

مشاهدة النسخة كاملة : سؤال في ال limiting eigrp query scope

fadimq79

29-11-2012, 21:15

اخواني كما هو معلوم ... فإن عملية الحد من رسائل ال query في عمليات ال eigrp هو شيء جيد .. وهناك العديد من الطرق لتحقيق ذلك ، من ضمنها : ال route summarizing .

اثناء دراستي في كتاب ال route .... قرأت الفقرة التي لها علاقة بكيفية ان ال summary route يقوم بالحد بل وايقاف ال query التي تم استلامها من قبل الراوتر صاحب ال summarized route ولكن لم افهم بالضبط الفكرة ،
لذلك سأكتبها هنا كما قرأتها بالكتاب ، والرجاء ممن لديهم معلومات افادتي بالجواب ....
شكراً لكم احبابي .

Reduces Query scope: EIGRP Query stops at a router that has a summary route that
includes the subnet listed in the Query but not the specific route listed in the Query.

لم افهم الفرق بين العبارتين باللون الأحمر

sheno

29-11-2012, 21:33

fadimq79

29-11-2012, 21:57

اخى العزيز

القصه ببساطه خالص هديك مثل وانت بنفسك اللى هتفهمه

انت ساكن بالسعوديه وانا مصرى مش من السعوديه

حد سالنى متعرفشى شارع كذا فى السعوديه هقلهم واللهى انا ليا واحد صاحبى قوى اسمه

fadimq79 (https://arabhardware.net/forum/member.php?u=11278418) ده سعودى اى حاجه يعرفها عن بلده

فمتقلقوش انا هساله وهوا بقا يتصرففففففففففففففففف

واللى يسال الاستعلامات تلفونات كمبويترات انا بقا مليش فيه دى بلده وهوا اعلم بطرقها

وبكدا انا ريحت دماغى والكوره تبقا فى ملعبك

واوصل لاصحابى انهم

ميقلقوشى خالص لان فيه مهنتدس بالسعويده هيخلص الليله

كدا اصحابى هيهدوا خالص وينسوا الموضع

دى مثل بسيط لو عاوز نتكلم كعلم

تحت امرك

تمنياتى بالتوفيق

والله يا اخ sheno التشبيه بتاعك اكتر من رائع ... بس للأسف معرفتش اربطو مع الواقع (راوترات ومين اللي بيرسل الكويري ومين اللي بيستقبل الكويري وكده )
يعني مثلاً الشخص اللي سألك عني هو دا اللي بعت الكويري صح ؟؟
وانتا مين بقى ؟؟ هل انتا الراوتر اللي عامل ال summarized route وبيذيع فيه ؟؟
لو فرضنا ان انتا الراوتر ده ... يبقى انتا في مثالك رديت على الكويري بتاع زمايلك وقولتلهم انك تعرف واحد في السعودية هيجبلكم الحل !!!
مع ان العلم بيقول ان انتا المفروض توقف الكويري بتاع زمايلك وتبعتلهم ريبليه تقول فيه : للأسف معنديش .. مش حقدر اخدمكو

علشان ما اتلخبطش اكتر من كده ياريت لو تجاوبني عالفرق بين العبارتين اللي بالأحمر في المشاركه الاصلية ...
لاحظ ان الأولى :
the subnet listed
in the Query : دي ال summerized router هيوقفها .
اما التانية :
the specific route
listed in the Query : دي بقى ال summerized router هيعدديها .
اهو انا بقى مش فاهم اي الفرق بين الجملتين اللي بالأحمر ... انا بالنسبالي الاتنين زي بعض في المعنى ... فياريت لو تدديني مثال بسيط حقيقي

sheno

29-11-2012, 23:27

بص يا غالى

القصه ببساطه ان الكوبرى زى منتا بتقول هوا اللى هيشيل الليله كلها وهيدور وانا كروتر هتوصلنى الاجابه ولكن دون ضغط عليا

عارف ليه؟

لان الشبكات البعيده دى هيا مش directconnected بيا

وبالتالى لانى مش متصل به مباشر فهسال كل الخلق لغايه محد يجبلى اجابه وده مش صح
لكن لو لقيت جنبى روتر معاه ملخص او summary بتقع تلك الشبكه بداخله

اذن هيوفر عليا التعب

لانه بدام هوا اللى عامل السمرى يبقا اكيد معاه directconnection بيها وهيوصلها بسهوله وهيعرف الرد بدون كويرى وهيرد عليا بسرعه جدا

وبكدا يقا وفرنا ال bandwidth

sheno

29-11-2012, 23:58

انت بتسالنى عن شىء عندى . اذن شكرا انا هعطيه ليك متتعبشى انت نفسك

تعالى ندى مثال

10.10.10.0
10.10.20.0
10.10.30.0
وكلهم /24

انا الان عندى ملخص ليهم

10.0.0.0/8

يبقا انت لو سالتنى عن اى شىء يقع فى نطاق 10.0.0.0/8

يبقا انا هجوبك وقلك عندى

هتقوم انت مريح بالك وانا بقا ادور عليها بالراحه لان الاجهزه دى متصله بيا وانا اعرفها افضل منك

طيب لو جيت سالتنى عن 192.178.1.1

هو ده عندى ؟ لا

يبقا specific

وهعديك هقلك هسالك عليه لانه مش عندى

وبادا ابعت ال query
للجيران وهلما جاره

fadimq79

30-11-2012, 00:21

شكراً يا اخ sheno ... تعبتك معايا ...
لكن برضو ماجاوبتش على سؤالي على الفرق بين الجملتين اللي بالأحمر في المعنى ( الفرق في المعنى )

وبعدين في امور في شرحك الاخير مش واضحه لأن الاجابة خالية من تحديد الاطراف المعنيين بالفكرة .
اتحملني شوية انا عارف اني تقلت عليك ، خلينا نفرض السيناريو التالي :
الراوتر اللي عمل كويري نفرض اسمو (r1) + الراوتر اللي عامل summarized route وجاله query نفرض اسمو (r2)+ الراوتر الأساسي المتصل بالشبكات الفردية ( اللي اتعمل ليها summarized في الراوتر r2 ) ودا اسمو فرضاً r3 .
دلوقتي بعد تحديد اسماء الراوترات المعنيين بالفكره تقدر حضرتك تشرحلي ( جزاك الله كل خير سلفاً ) .
بس اسمحلي اوضح سؤالي اكتر :

1- إن r1 وحسب السيناريو السابق ضاع من عندو روت له علاقة بالشبكات المشموله في( ال summarized route اللي عند r2 ) ومفيش بديل ليه في التوبولوجي تيبل ، بكده مبقاش قدامو الا انو يبعت كويري .
2- الكويري دلوقتي وصل لعند r2 ، وهنا في اللحظة دي في احتمالين :

أ- اما ان الكويري ده بيتم من خلاله الاستفسار عن
subnet واقعه ضمن ال summarized route إياه ، وفي الحالة دي r2 هيوقف الكويري وهيبعت ل r1 ان معنديش بديل
ب- أو ان الكويري ده بيستفسر r1 من خلاله على specific route وفي الحالة دي r2 مش هيوقف الكويري ده لما يوصللو وهيلاقي بديل او لو ملقاش هيبعت الكويري لجيرانه

التحليل ده انا جايبو من كتاب الروت وانا لزقتلك العبارة زي مهي مكتوبة في الكتاب ... دلوقتي شايف حضرتك الكلمتين اللي بالأحمر ؟؟ انا بقى مش عارف ايه الفرق بينهم ، الاتنين واحد عندي ، ايه يعني specific route ?
اديني مثال بالأرقام الله يخلليك

fadimq79

30-11-2012, 00:38

على فكره اخ sheno المشاركه الاخيرة بتاعتك وصلت قبل ما انا انزل المشاركه الاخيرة بتاعتي هههههههه ، فمتفتكرش اني انا برضو مفهمتش وبسألك تاني
بس عندي تعليق برضو :
انتا قصدك في حالة السبنت ان الراوتر اللي عمل كويري بيسأل عن روت موجود ضمن ال summarized route بتاع جاره ؟؟ وبكده جاره وقف الكويري وجاوبو بسرعه ان في بديل ؟؟ هل هذا قصدك ؟
وفي حالة ال specific : اللي بعت الكويري مكانش بيستفسر عن شبكة من شبكات ال summarized بل كان بيستفسر عن شبكات تانية .... هو دا قصدك ؟؟
لو دا قصدك .... ازاي انتا عرفت من مجرد كلمة ""specific "" ان الاستفسار الحاصل هو عن روت ملوش علاقة بالشبكات ال summarized ??
طب مانا ممكن اقولك اني انا بستفسر عن specific route من ال routes المنتمين لل summarized route ؟
فهمت قصدي حضرتك ؟؟
يعني المشكله هنا اصبحت مشكله لغوية ... وليست مشكلة علمية

anduril87

30-11-2012, 02:15

https://www9.0zz0.com/2012/11/30/00/658828130.jpg

بص الجمله عاديه جدا بس محتاجه شويه شرح

بص علي المثال اللي في الصوره

دلوقتي روتر واحد عنده كل الشبكات اللي في الصوره وعمل لهم

summary route

لروتر 2 و 3 زي ما واضح في الصوره

دلوقتي خلينا نتفق ان روتر واحد عنده كل الشبكات دي

specific routes

وعنده كمان ال

summary route

متوجه الي null0

تمام كده ؟

تعالي نفرض ان روتر واحد فقد الاتصال بالشبكه

10.0.2.0/24

هنا روتر واحد هيبعت

query msg

لروتر 2 و 3

خد بالك بقه الروترين دول هما اللي الجمله بتتكلم عليهم

دلوقتي الروترين دول لا يملكو غير ال

summary route 10.0.0.0/22

ولكنهم لا يملكو

specific routes

زي 10.0.2.0/24

ولكن في نفس الوقت انته لو جيت تشوف الروت اللي ال

query msg

بتسأل عنه

اللي هوه 10.0.2.0/24

بيكون جزء من ال

summary route from R1

هنا روتر 2 و 3 بيردو مباشره علي روتر 1 بي

query reply

وبيقولو ليه

NO

احنا منعرفشي مكان تاني للشبكه دي الا عن طريقك

المفروض هنا تكون الجمله وضحت لكن خليني اصغرهالك

EIGRP Query stops at a router that has a summary route

هنا يقصد روتر 2 و 3 اللي عندهم السمري من روتر واحد وبيقول ان ال query هيقف عندهم

that includes the subnet listed in the Query
وهنا بيقول ان السمري روت دا اللي عند روتر 2 و 3 بيتضمن الشبكه اللي بيسأل عنها روتر واحداللي هيه 10.0.2.0/24

but not the specific route listed in the Query
ولكنه لا يملك الروت نفسه اللي بيتم السؤال عليه

تحويل الكتابه من عربي لانجليزي في نص السطر في الوورد مقرف اوي:mad:

fadimq79

30-11-2012, 02:55

رائع يا anduril
معاك حق هههههههههههههههه التحويل من العربي للانجليزي حاجة مقرفة اوي
ازا كنت انا نفسي صاحب السؤال قرفت من الحكاية دي هههههههههههه
الله يقويك .
كلامك صح 100% ان شاء الله بالنسبة للحالة اللي انتا فرضتها

بس انتا هنا عاكس الحكاية ياصاحبي ..
انتا معتبر ان الراوتر اللي باعت كويري هو نفسو الراوتر اللي عامل summarized ... وفقد اتصاله بإحدى الشبكات اللي هو عامل ليها summarized . واللي هو r1 .

بينما الفهم اللي انا كنت فاهمو بالعكس: ان r2 or r3 فقد الاتصال بشبكه من الشبكات المنتمية لل summarized route وبعت كويري ل r1 .

طبعاً هتقوللي انتا هنا : ازاي r2 عرف انو هو فقد اتصالو بشبكة بعينها specific واقعه ضمن ال summarized route وهو اصلاً ميعرفش حاجة عن الشبكات دي ؟ هو كل اللي يعرفو ال summarized route بس !

طبعاً كده غلط .. والحالة اللي انا بتكلم عليها لايمكن تحصل لأن r2 عمرو ما هيسأل عن روت بعينو موجود ضمن ال summarized route بتاع r1 .. وده بيخللي كلامك هو الصح

بس تفسر بإيه المثال اللي كاتبو الأخ sheno فوق (اللي فيه شبكات ال 10)?
يمكن غلط .. مش كده ؟
لأن مستحيل راوتر يعرف بس summary route يروح يسأل عن specific route تقع ضمن ال summarized route ... مش كده ؟

anduril87

30-11-2012, 04:12

بينما الفهم اللي انا كنت فاهمو بالعكس: ان r2 or r3 فقد الاتصال بشبكه من الشبكات المنتمية لل summarized route وبعت كويري ل r1 .

طبعاً هتقوللي انتا هنا : ازاي r2 عرف انو هو فقد اتصالو بشبكة بعينها specific واقعه ضمن ال summarized route وهو اصلاً ميعرفش حاجة عن الشبكات دي ؟ هو كل اللي يعرفو ال summarized route بس !

طبعاً كده غلط .. والحالة اللي انا بتكلم عليها لايمكن تحصل لأن r2 عمرو ما هيسأل عن روت بعينو موجود ضمن ال summarized route بتاع r1 .. وده بيخللي كلامك هو الصح

انا ردي كان علي سؤالك في اول الموضوع المتعلق بالجمله اللي انته مش فاهمها

بالنسبه للنقطه اللي انته بتتكلم فيها دي فكلامك صح
بناء علي الصوره روتر 2 و 3 عمرهم مهيعرفو ان شبكه مثلا 10.0.2.0/24 غير موجوده وبالتالي عمرهم مهيبعتو query msg لاي حد
وهوه دا ميزه ال summary
وعيبه في نفس الوقت:D
لانك بكده اخفيت معلومات عن ال end-to-end path عن باقي الشبكه
تخيل لو روتر 4 مثلا جالو باكت ال destination بتاعها هوه شبكه 10.0.2.0/24 وقرر انو يبعتها الي روتر 2
مع العلم ان الشبكه نفسها 10.0.2.0/24 مش موجوده
ولكن روتر 1 لسه بيرسل ال summary route لانه فيه شبكات تانيه لسه موجوده
اذا هنا الباكت من روتر 4 هتروح الي روتر اتنين او 3 واخيرا الي روتر 1
واللي بدوره هيشوف ال routing table بتاعه مش هيلاقي اي match غير ال summary address to null 0
وزي منته عارف كده معناه انو هيعمل drop لل باكت
ليه قولت ان دا عيب ؟
لانو زي منته شايف استخدمنا ترافيك علي الفاضي انما لو مكنشي فيه summary كان روتر 4 هيعرف انو مفيش نتورك 10.0.2.0/24 موجوده وهيوفر كل اللي قولناه دا
الميزه اللي قلته في ردي اللي فات اللي هوه minimize query domain بالاضافه لتصغير ال routing table

anduril87

30-11-2012, 04:16

بالنسبه لرد sheno هتلاقيه جي دلوقتي يوضح
هبقه اشوفها لما اصحي انا مبقتشي شايف حاجه

*خاصيه ال auto save بتاعت الردود دا جامده انا قعدت اكتب ردي اللي فات والجهاز هنج قبل مضيفه دخلت لما فتحت تاني لقيت الرد موجود
تحيا مصر يا عم الحاج:D

fadimq79

30-11-2012, 16:37

هههههههههههههههههه .. فعلاً ال
auto save منقذه جداً في مواقف زي دي

معنى كلامك ان انا كنت فاهم غلط وعاكس الحكاية ... وانا خلاص فهمت بس فاضل نقطة صغيرة في مثالك ياريت تشرحهالي :
انت بتقول :
هنا روتر 2 و 3 بيردو مباشره علي روتر 1 بي query reply وبيقولو ليه NO

احنا منعرفشي مكان تاني للشبكه دي الا عن طريقك

سؤالي : بما ان r2 و r3 ماعندهمش بديل ( ودا طبيعي طبعاً ) .. طب ليه مابعتوش ال query لجيرانهم التانيين ؟؟ هل السبب ان هم متأكدين ان حتى جيرانهم ميعرفوش حاجه عن الشبكة 10.0.2.0/22 ؟

انا اعرف بشكل عام في عمليات ال eigrp ان الراوتر اللي استلم query لو ما لقاش بديل يرد بيه على اللي بعت query ، بيقوم باعت ال query لجيرانو علشان يمكن يكون عندهم حل ،
فا اشمعنى هنا r2 , r3 مش هيعملو كده ؟
-----------------------------------------------------------------------------------------------------------

بس لازم برضو تشوف المثال بتاع sheno (موجود فوق ) عايز اعرف السيناريو بتاع المثال صح ولا غلط .. وانا مستنيك ياعم anduril ... ومستنيك برضو يا أخ sheno
ربنا يقويكم وشكراً جزيلاً لكم

anduril87

01-12-2012, 02:33

معنى كلامك ان انا كنت فاهم غلط وعاكس الحكاية ... وانا خلاص فهمت بس فاضل نقطة صغيرة في مثالك ياريت تشرحهالي :
انت بتقول :
هنا روتر 2 و 3 بيردو مباشره علي روتر 1 بي query reply وبيقولو ليه NO

احنا منعرفشي مكان تاني للشبكه دي الا عن طريقك

سؤالي : بما ان r2 و r3 ماعندهمش بديل ( ودا طبيعي طبعاً ) .. طب ليه مابعتوش ال query لجيرانهم التانيين ؟؟ هل السبب ان هم متأكدين ان حتى جيرانهم ميعرفوش حاجه عن الشبكة 10.0.2.0/22 ؟

انا اعرف بشكل عام في عمليات ال eigrp ان الراوتر اللي استلم query لو ما لقاش بديل يرد بيه على اللي بعت query ، بيقوم باعت ال query لجيرانو علشان يمكن يكون عندهم حل ،
فا اشمعنى هنا r2 , r3 مش هيعملو كده ؟

من كتاب ccnp route offiicial certification guide
صفحه 121
وبرضو تعتبر توضح لسؤالك في اول الموضوع:)

If a router receives an EIGRP Query for a prefix/prefix length, does not have an exactly
matching (both prefix and prefix length) route, but does have a summary route that in-
cludes the prefix/prefix length, that router immediately sends an EIGRP Reply and does
not flood the Query to its own neighbors.

بالنسبه لرد sheno
في شويه لخبطه صراحه انا مش عارف بيتكلم علي الروتر اللي عمل السمري نفسه او روتر لا يملك غير السمري بس
كلمه يجي يوضح رده:D

بس فيه نقطه

طيب لو جيت سالتنى عن 192.178.1.1

هو ده عندى ؟ لا

يبقا specific

وهعديك هقلك هسالك عليه لانه مش عندى

وبادا ابعت ال query
للجيران وهلما جاره

جزئيه يبقي specific دي مش عارف كاتبها ليه هوه ممكن يقصد اي حاجه بره ال summary address
عموما لو ايجه query msg بتسأل علي اي حاجه بره الsummary addresses اللي عندي يبقه هرسل query لكل جيراني عادي خالص

fadimq79

01-12-2012, 02:50

اها ... يعني فكرة ان الراوتر اللي بيستلم الكويري و مابعتهوش لجيرانه ( لما مالقاش الحل عنده ) > معنى كده ان الحاله دي بتحصل بس في ال summarizing . (هو دا تحليلي للجملة اللي بالأنجليزي اللي انتا كاتبها )
وبكده ياعم anduril اكتملت الصورة عندي .... شكرا ليك قوي قوي .. ولأخونا sheno .
بالنسبه للشبكه
192.178.1.1 اللي في مثال الاخ shino :

اظن ان قصدو ان الكويري بيطلب مسار لشبكه ملهاش علاقه بالساماري روت لا من قريب ولا من بعيد وف نفس الوقت مش موجوده في الراوتنغ تيبل .. هيعمل ايه الراوتر ؟؟؟
اكيد هيبعت الكويري لجيرانو

fadimq79

01-12-2012, 02:59

نفسي اسئل سؤال للأخ anduril و للأخ sheno خارج عن العلم والمنهج :

انا اكتر من مرة دخلت وسألت اسئله في الموقع الرائع ده .... بس الغريب ان مكانش حد بيرد عليَّ غيركم ... ودايماً انتو الاتنين مع بعض ... واحد بيختفي والتاني يظهر ، بعد كده التاني بيختفي والأولاني بيظهر من تاني ههههههههههههههههههههههههههههههههههههههههههههههههه
اي السبب ياترا ؟

بس شكراً لكم بجد ... وانا اثناء رحلتي مع ال ccnp أكيد هتظهر عندي اسئله جديده ... وانا اتمنى تساعدوني بأجوبتكم في اوقات فراغكم .....
تحيا مصر ياعم ... اجدع ناس والله ... مش مجامله ... بس دي حقيقه ... او عالأقل . احساسي ....

anduril87

01-12-2012, 04:15

ههههههه ياعم ولا يهمك وكلنا اخوات وحبايب
بس واضح انك بتذاكر تراك الروت دلوقتي ؟
تقدر تقولي ايه الكتب والفيديوهات اللي بتذاكر منها ؟

fadimq79

01-12-2012, 04:40

ههههههه ياعم ولا يهمك وكلنا اخوات وحبايب
بس واضح انك بتذاكر تراك الروت دلوقتي ؟
تقدر تقولي ايه الكتب والفيديوهات اللي بتذاكر منها ؟

كتاب ال route certification بس الحقيقه اعتمادي على الفيديوهات اكتر ....
الفيديوهات هي حلقات الباشمهندس الجميل معاذ الزهراوي

الحقيقه انا بعتبر الكتاب مرجع فقط لما اعوز حاجه مش واضحه في الفيديو بحاول اجيبها من الكتاب .... لو معرفتش بجيبها من النت ومن الناس الطيبه اللي هنا . بعد ما اخلص دراسة المنهج من الفيديوهات مع الاستعانه بالكتاب ... بحل اسئله كتيره جداً ... من الكتاب ومن بره الكتاب ولابات وكده

على فكره الجزئية اللي كنا بناخد وبندي فيها مع بعض .. سبب الخربطه فيها هو ان البشمهندس معاذ كان شرحها غلط في الفيديو ... كان عاكس الحكاية .. فيديو رقم 6 ( اخر فيديو لل eigrp ) . يعني كان معتبر ان الروترات اللي تعلمت الsummarized route هي نفسها اللي بعتت كويري بتستفسر فيه عن شبكه من الشبكات اللي ضمن ال summarized route ... فالراوتر اللي عمل ال summarized route جاله الكويري ووقفه .

طبعا بالسيناريو ده في خطأ وانا مكنتش فاهمه ... حسسيت ان الفكره مش واضحه ... في حاجة غلط .... وشويه شويه انتا اقنعتني اني انا فاهم غلط .. فاهم الحكايه بالعكس .
طبعاً الله يجزي عني كل الخير لبشمهندسنا الغالي معاذ الزهراوي .... كلنا ممكن نخطأ في افكار ثانويه زي دي ... وهو اشار للحكاية دي واشار ان لو فيه استفسارات نبقى نقوللو ...... بس حسيت اني هتقل عليه لو كل شويه نزلت له بسؤال او بغلطه مطبعيه في الفيديوهات بتاعته .... علشان كده لجأت للصفحات العامه على عرب هاردوير الرهيييييييييب .
اتمنى مايكونش كلامي كتير .... بس انا بحب افصل و اوضح الامور .

anduril87

01-12-2012, 05:36

تمام
عاوز بس اضيف حاجه
نزل كل اللي في الفولدر دا

https://www.mediafire.com/?uop9jfyaikuvu

او لو شايفهم كتير نزل بتوع تراك ال route بس

دا فيديوهات شركه INE

ابدأ بفيديوهات المهندس معاذ بعدين اقرا الكتاب
ولما تخلص موضوع كامل يعني مثلا كل ال eigrp
شوف فيديوهات INE تبع ال eigrp

باختصار افضل فيديوهات لل ccnp

fadimq79

01-12-2012, 16:23

شكراً يا anduril ..... جاري تنزيل الفيديوهات ...:ah7: