برجاء مساعدتى فى اختيار حاسب محمول للأعمال المكتبية فى حدود 3000 جنيه مصرى

[AlaaGhost]

السلام عليكم و رحمة الله و بركاته


انا ناوى ان شاء الله انزل اليومين دول اشترى لاب و محتاج نصائحكم ضرورى
1- اولا انا محتاج لاب عشان استخدمه استخدام عام (تشغيل افلام - العمل على ملفات الاوفيس - تشغيل كورسات - تشغيل ويندوز وهمى ببرنامج vmware - استخدام لغات برمجة مثل c# او sql server)

2- لن استخدم الجهاز فى تشغيل العاب

3- فكرت ان اشترى جهاز بمخرج Usb3 و خصوصاً اننى انوى شراء هارد ويسترن my passport 1 tera بمخرج usb3 و لكن سيكون سعر الجهاز اعلى فهل سيعمل الهارد على مخرج usb2

4- انا اعمل فى البيت على جهاز pc ببروسيسور intel cor2due 2.5 E7200 و الحمدلله انا مقتنع تماماً بأداء الجهاز فى اداء الاعمال المختلفة و اريد شيئاً يكافئه او اعلى قليلاً فى اللاب حتى لا تزيد التكلفة بدون مبرر

5- الميزانية اقصاها 3000 جنيه مصرى و لو استطعت ان اشترى جهاز متوسط فى حدود 2500 سيكون افضل بكثير

و تلك قائمة ببعض الاجهزة التى اخترتها مبدأيا و احببت ان استشيركم بخصوصها مجمعة من موقع egypt laptob

و ارجو ان ترشحوا لى افضل مكان فى الاسعار و التعامل الجيد و خدمة ما بعد البيع لأشترى الجهاز منهم و هل لو اشتريت اللاب من egypt laptob يعتبر جيد ام ان هناك اماكن افضل منهم ؟

https://img7.imageshack.us/img7/5575/a03f.png

https://egyptlaptop.com/lenovo-b470g-i3-2330m.html
https://egyptlaptop.com/lenovo-g580-1-2.html
https://egyptlaptop.com/samsung-300e5z-a02.html
https://egyptlaptop.com/laptop-lenovo-g570-i5-hd500-4g-ati-.html

[AlaaGhost]

لازالت بإنتظار آرائكم يا شباب
هو مبدأياً لو انا قررت اشترى موديل لينوفو G580 فأيه رأيكم فيه ؟ و هل سيناسب متطلباتى فى تشغيل البرامج المختلفة بسرعة ؟
و هل الفرق كبير بين بروسيسور 13-2370 و بين بروسيسور i5-2430 الموجود فى موديل لينوفو G570
وهل ماركة لينوفو بصفة عامة جيدة لأننى رأيت مشاركة فى احدى المنتديات الاجنبية انه يشكو ان شركة IBM لا تقدم دعماً جيداً للعملاء و لا حتى عن طريق موقهم الالكترونى فما رأيكم ؟

[Khaled Khattab]

هو أفضلهم حيكون السامسونج والكور آي فايف إلي فيه أقوى بثلاثين بالمائة من الكور آي ثري بالإضافة إن السامسونج خاماته عالية ووزنه خفيف

[AlaaGhost]

هو أفضلهم حيكون السامسونج والكور آي فايف إلي فيه أقوى بثلاثين بالمائة من الكور آي ثري بالإضافة إن السامسونج خاماته عالية ووزنه خفيف

شكراً يا استاذ خالد على الرد
بس انا عايز اسأل دلوقتى هو بروسيسور i3-2370 هايدنى نفس الاداء او اعلى شوية من اداء البروسيسور اللى عندى فى جهاز pc ،، ولا ممكن يكون اضعف لو ان الهاردوير بتاع اجهزة اللاب توب مش بتدى نفس اداء هارد وير اجهزة ال pc

لأن البروسيسور اللى موجود فى السامسونج i5-2430 هايخلينى ادفع 300 جنيه زيادة بالإضافة الى الحرارة المنبعثة منه هاتكون اكتر و استهلاكه للبطارية كمان اعلى

و لكن لو اداء بروسيسور i3-2370 هايكون ضعيف و مش هيفى بمتطلباتى ،، يبقى من غير تفكير هاشترى ساعتها i5 و حتى لو ضحيت بفلوس زيادة
انا قصدى يعنى انى مش عايز ادفع فلوس زيادة فى جهاز قوى لو الجهاز المتوسط هايدينى اللى انا عايزه

ثانياً : لو حضرتك بناء على الاستفسار السابق رشحتلى انى اشترى بروسيسور i3 ،، فهل تعرف موديل من السامسونج يكون فيه البروسيسور ده لأنى دورت فى موقع ايجبت لاب توب عن لاب سامسونج ببروسيسور i3-2370 و مالقتش

اخر حاجة : ممكن ترشحلى مكان كويس وثقة و اسعاره رخيصة
لأن الناس بيقولوا مول البستان اسعاره رخيصىة ،، بس انت عارف وضع ميدان التحرير و وسط البلد دلوقتى ماينفعش حد خالص ينزل هناك دلوقتى يشترى حاجة
وانا ساكن فى مدينة نصر فأيه اقرب و احسن مكان ليا عشان اشترى منه هل ايجبت لاب توب ولا انزل السخاوى او اروح تكنولوجى مول فى مكرم عبيد
لأنى سألت من فترة فى كمبيومى سيتى ستارز و حرامية بصراحة

[AlaaGhost]

و استفسار اخير و ارجو الا اكون قد اثقلت عليك
ايه رأيك برضه فى الموديل ده
اسوس و فيه مخرج usb 3
https://egyptlaptop.com/asus-x54hy-.html

[BAZOOKA_N2O]

Lenovo من كبرى الشركات في تصنيع الاجهزة المحمولة وهي اساساً IBM
عن تجربة شخصية لأكثر من موديل من نفس الشركة على مدار 7 سنوات اثبتت انها الاجهزة الأكثر قوة وتحمل والتشغيل المتواصل لفترات طويلة والاقل درجة حرارة
والاكثر عمراً للبطارية


الافضل بالتأكيد هو LENOVO G570
مع انه يعادل السامسونج في المواصفات كاملة ولكنه افضل من حيث الخامات والتحمل والبطارية تستمر فترة اطول


الأ ختيار بين:

G580 ويمكنك زيادة رام أخرى ليصبح المجموع 4 جيجا
B470 ممتاز ولكن حجم الشاشة 14 بوصة فقط وليس 15.6 كباقي الانواع ومميزاته توفير طاقة اكثر ولكن مساحة رؤية أقل ( التجربة خير دليل )

الاسوس مواصفاته جيدة ولكن ارتفاع سعره ( مع ان المعالج CORE I3 ) هو وجود كارت شاشة خارجي من الفئة الابتدائية ولا أعتقد انك سوف تحتاجه بالنسبة لإستخدماتك

الاختيار لك بين لG580 او B470 طبقاً لحجم الشاشة والفرق لا يكاد يذكر في المعالج

بالنسبة لمخرج USB3 :
لا تقلق فيمكن تشغيل الاجهزة المصممة للعمل على USB3 للعمل على USB2 بدون مشاكل ولكن بسرعة USB2

[AlaaGhost]

@BAZOOKA_N2O
اشكر حضرتك بشدة على ردك الوافى الذى ازال حيرتى و ترددى كثيراً
و بالنسبة لجهاز B470 كان هايبقى حجمه حلو و وزنه خفيف الا اننى عندما رأيت صورته على الانترنت ادركت ان key Bored ليس بها الجزء الجانبى الذى يحتوى على الارقام مثل لوحات مفاتيح اجهزة البى سى

وايضاً استبعدت جهاز asus من حساباتى مع انها تحتوى على منفذ usb3 و لكن وجود كارت الشاشة الذى لن احتاجه و الذى اضاف الى السعر كثيراً

و بالتالى سيكون بحثى مركزاً على جهاز Lenovo g580 بإذن الله
و لو لقيت اى مستجدات جديدة بعد بحثى فى المحلات اليوم او غداً ان شاء الله هابقى اسأل حضرتك :)

@Khaled Khattab
اشكرك استاذ خالد على ردك على استفسارى فى المرة الاولى و لكن رد حضرتك كان مختصراً للغاية ،،

[BAZOOKA_N2O]

مبروك مقدماً

[AlaaGhost]

نزلت النهاردة تكنولوجى و سألت فى محلات كتير و السعر الشائع كان 2300 جنيه لموديل لينوفو G580

بس هما فيه محلين اللى ماستريحتش فى التعامل معاهم
اول واحد قالى سعره 2350 تقريباً و لو هازود رامة 2 جيجا يبقى سعرها 75 جنيه زيادة و قالى الجهاز عليه ويندوز 7
فقلتله ازاى الجهاز عليه ويندوز 7 انا عارف انه بييجى على الدوس من غير نظام
فقالى لا ما هو انا هانزلك عليه ويندوز و اوفيس و برامج و هاظبطهولك
فقتله طيب ماشى ان شاء الله و سبته و مشيت
و انا ماحستش بالراحة بصراحة من طريقة كلامه و حكاية انه يقولى الجهاز عليه ويندوز 7 ،،
و طبعاً لو واحد قدامه مش فاهم ممكن ينضحك عليه و يكون الجهاز مستعمل او ملعوب فيه ،، الله اعلم

فيه محل تانى بسأله على سعر الجهاز
فقالى 2250 جنيه
فسألته لو عايز ازود رامة 2 جيجا
فقالى برضه 2250 جنيه خليها علينا احنا مش مشكلة
فبرضه ماريحنيش فى كلامه ازاى يعنى رامة سعرها على حسب كلام المحل الاولانى حوالى 75 جنيه و المحل ده هايدهانى كدة جدعنة يعنى

انما بقية المحلات قالولى سعر الجهاز 2300 جنيه و ما حدش عمل عليا حوارات فى الكلام

فأنا نويت ان شاء الله انزل بكرة اسأل فى سوق العصر و المحلات اللى فى مول سوق الكمبيوتر اللى جنب سوق العصر على طول
و اشترى من هناك بإذن الله لو لقيت محل شكله محترم و حسيت بالثقة من كلامه و يكون سعره كويس

بس اهم حاجة الله يخليكم عايز اعرف لو فيه نصائح او تنبيهات تقولهالى دلوقتى قبل ما اشترى ان شاء الله
و منها لما اجى اشترى رامة 2 جيجا يا ترى اديله الرامة الاصلية اللى مع الجهاز و اخد واحدة 4 جيجا و لا بلاش احسن و اشترى واحدة اضافية 2 جيجا و اخلى الاصلية اللى فى الجهاز
و ايه افضل نوع رامات و لا اشترى اى حاجة ؟

و شكراً لكم مقدماً