المساعد الشخصي الرقمي

مشاهدة النسخة كاملة : مرجع 3d technology الشامل كل شئ عن التقنية بعد بحث اكثر من عام كامل



الصفحات : [1] 2 3 4 5 6 7 8

عبدالله ضيف
04-01-2013, 05:29
بسم الله الرحمن الرحيم


الموضوع ده طبعا هيبقى خاص بتقنية الثرى دى وهيتكلم عليه بأذن الله بالتفصيل :

طبعا كل الناس الى متابعة الموضوع الخاص بالتقنية نفسها تعرف ايه احسن تقنية للثرى دى وايه اقل تكلفة وايه الفرق بين التقنيتان سواء الاكتف او الباسيف وانا الحمدلله اسمى عبدالله زى ما انتو عارفين وعندى 18 سنة ومتابع موضوع الثرى دى ده من فترة كبيرة جدا اكتر من سنة ونصف مثلا ببحث فيه كويس وطبعا زى ما الكل عارف مواضيع زى دى متقدرش تلاقى كل المعلومات الى انت عاوزها بالعربى وبحكم اجادتى للغة الانجليزية قدرت انى اقرء مقارنات ومراجعات كتيرة على المواقع الاجنبية وقدرت اوصل لمعلومات كتير حبيت اشاركها معكم طبعا الفكرة عندما تشاركها تصبح افكار :)
المهم انا هبداء اولا باننا نتعرف على الشاشات عموما وايه الى ممكن يميز اى شاشة عن التانية وطبعا بعيد عن الشاشات المعيوبة سواء فيها كالور بليدنج او اى شئ تانى لقيت من خلال بحثى ان فى كذا نقطة تقدر تعرف منها الشاشة جيدة وهتبقى صورتها حلوة ولا لا وده طبعا بالنسبة للتو دى وليس الثرى دى والخواص دى هيه

1. البانل او لوحة عرض الشاشة :
ودى فى منها نوعين رئيسيين اولا ips panel وثانيا tn panel
طبعا ips هى الافضل حيث انها ليها زوايا رؤية خرافية 178/178 ولاكن يجب ان يكون زمن استجابة الشاشة لا يزيد عن 6ms
tn panel نوع اقتصادى ورخيص لاكن بيتميز بسرعة زمن الاستجابة الى بيوصل ل 2ms فى بعض الشاشة و طبعا الرقم ده كل لما يقل بيبقى افضل
لاكنها بها عيوب فزوايا الرؤية اعتقد انه 150 /150 اكتر من كده الصورة بتبقى مش مظبوطة
ده غير بقى اهم خاصية بتفرق الاتنين وهى معدل التباين اللونى وده طبعا ملهوش اى دعوة بمعدل التباين الابيض والاسود
وده معناه الشاشة دى بتقدر تنتج كام لون فعلى فشاشات ips panel تنتج 16.7 مليون لون اما شاشات tn panel فجميع الشركات بتكتب انها تنتج 16.7 مليون لون لاكن هذ كذب بحت فاى شاشة ips panel فى رأيى لا تنتج الا 16 مليون لون فقط وطبعا ممكن حد يقولك هو يعنى ال 0.7 دول هيفرقو فى ايه انا بقى اقولك يا سيدى دول من غيرهم الشاشة صورتها بتبقى وحشة جدا لانهم بيعملو حاجة اسمها تدرج الالوان يعنى مثلا صورة فيه لون ابيض نازل متدرج الى الاسود فى الشاشة الى بتعمل 16 بس هلاقى التدرج بقى عبارة عن قطاعات من الوان منفصلة وده مش بيأثر بس على التدرج لاكن بيأثر على جودة الصورة تماما وبيخليها غير طبيعية ومبهوقة بالبلدى يعنى وبيفقد الصورة رونقها تماماوكمان الشاشات الى تقدر تعرض 16.7مليون لون بتساعد على انه يكون فى درجة الاسود الغامق جدا ودى بتدى الصورة رونق ملوش مثيل وسيبك من ال بيقولك ان معدل التباين بتاع شاشة tnpanel بيبقى عالى فده هبل فعلا الشاشة عشان يبقى صورتها حلوة لازم تدرج اللونى نفسه يبقى عالى لانه بيعمل معدل تباين افضل مهما كان وبيخلى الصورة جميلة يعنى هعطى مثال
مثلا امامك شاشة ips وشاشة ثانية tn
ال ips معدل التباين العادى 1000 و tn معدل تباينها 2000
وطبعا الips بتعرض 16.7 مليون لون و tn بتعرض 16 مليون فقط
وال ips زمن الاستجابة 5ms وال tn زمن الستجابة 2 ms
طبعا بدون تفكير شاشة ips افضل مع انها اقل للنصف فى معدل التباين
لاكن لو ركزنا هتلاقى ان شاشة tn panel بتعرض 16 مليون لون فقط ومعا رفع معدل التباين هنلاقى ان فى الوان تانية هتروح من الصورة وبالتالى جودة الصورة هتبقى وحشة جدا فى حين ips panel بتعرض 16.7 مليون لون معدل التباين مش عالى فالالوان هتزيد تانى وهتبقى صورتها رائعة
اذا هناك قاعدة بتقول ان اى شاشة ips زمن استجابتها 6ms او اقل افضل من اى شاشة tn panel مهما كانت لان الفرق بين 2ms و 6 ms لا يفرق ولن تحس بيه من اساسه والقاعدة دى هنمشى بيها على طول ده طبعا مع تساوى الهرتز تساوى حجم الشاشتين

ندخل بقى على التقنيتين الخاصين بالثرى دى ونشوف ايه الفرق بينهم وايه الافضل والاقل تكلفة طبعا :
فى تقنيتين للثرى دى

اولا الاكتف :

وطريقة عملها كل الاتى تعتمد على وجود شاشة ذات تردد عالى 120 هرتز او اكتر وطبعا تقنية الثرى دى معتمدة على ان يوصل لكل عين صورتين مختلفتين زى الاحقيقة فمثلا العين اليمنى بتنظر من زاوية مختلفة للاشياء وكذلك اليسرى فكل عين بتشوف صورة فى الحقيقة مختلفة عن الثانية والمخ بيدمج الصورتين بحيث يجسم الاشياء ويديها عمق ويقدر يحدد اى شئ ابعد عن الاخر وفى التقنية دى قدرو يعملو كده عشان تشوفثرى دى بالطريقة دى كل الاتى تعتمد على وجود شاشة ذات تردد عالى 120 هرتز او اكتر وده عشان نقسم الهرتز على اتنين كل عين تشوف 60 هرتز عشان تشوف كل عين صورة مختلفة و60 هرتز ده اقل هرتز ممكن العين تشوف بيه صورة واضحة غير كده بتبقى الصورة غير واضحة ومترددة
طبعا فى الاكتف الى بيحصل بيستخدم ال 120 هرتز فى انهم الفيلم الثرى دى والى طبعا بيبقى متصور بعدستين يعنى بيبقى عبارة عن صورتين زى ما العين بتشوف وبيتم عرض الصورتين دول بالتتابع يعنى مثلا اول هرتز من 120 هرتز بيبقى للعين اليمنى والى بعده على طول للعين اليسرى وطبعا عند عرض صورة العين اليمنى يجب ان لا تراها العين اليسرى واعكس ايضا لذلك صنعو نظارة النظارة دى فيها عدسات سودة بتمنع الضوء يعدى الى العين والعدسات دى الى فى النظارة بتقفل وبتفتح بسرعة جدا بحيث عدسة العين اليسرى تغلق على العين اليسرى عند عرض هرتز العين اليمنى وعدسة العين اليمنى تقفل على العين اليمنى عند عرض هرتز العين اليسرى على الشاشة وكده كل عين هتشوف صورتيها بس وهيقدر يوصل لكل عين 60 هرتز الى لازمين للرؤية الواضحة
https://blog.roxio.com/myroxio/upload/2010/05/how_3d_video_works/alternateframe.jpg

اولا مميزات التقنية :

1. تقدر تعرض لك صورة 1080p حقيقية فى الثرى دى ب 60 هرتز
2.شاشتها بتعرض 120 هرتز فى التودى او حسب الهرتز الى فى شاشة سواء 120 هرتز او اكتر
3.العدسات السوداء الى فى النظارة بتساعد على ان الثرى دى يكون فى درجات من اللون الاسود رائعة غامقة جدا

ثانيا عيوب التقنية :

1.التقنية مكلفة جدا فالشاشة لازم تكون 120 هرتز او اكتر وده طبعا هيحتاج جهاز يقدر يعرض 120 هرتز او اكتر حتى فى العاب الى كانه بنوصلها ل 60 هرتز بالعافية دلوقتى عشان تتعرض فى الثرى لازم يكون فيه 120 فريم للعبة وده حاجة صعبة جدا ولازم يكون الجهاز فيه كرتين شاشة جامدين جدا ومعالج جامد جدا عشان ميحصلش حاجة اسمها جوستينج ودى عبرة عن خيال بيحصل مع الاجسام الى بتتحرك بسرعة فى الصورة وطبعا مع كل العاب جديدة تنزل لازم تجدد الجهاز عشان يقدر يجاريها
2.التقنية لا تستطيع عرض اكثر من 60 هرتز فى الثرى دى حتى لو كان التليفزيون نفسه 600 هرتز فلن ترى فى الثرى دى غير 60 هرتز فقط لان الموضوع ده بيعتمد على النظارة والى لو سرعتها زادت عن 120 هرتز ممكن تتحرك وانت لابسها وهتعمل صداع فظيع فعند عرض الثرى دى على تليفزيون 240 هرتز بيتم عرض صورة واحدة لكل هرتزين بحيث الشاشة تتوافق مع النظارة لان زى ما احنا عارفين الهرتز بتاع العين اليمنى واليسرى بالتتابع ولو حصل غير كده مش هيبقى فى ثرى دى اساسا لذلك اقصى هرتز يتعرض فى الثرى دى 60 هرتز للتقنية دى
3.بسبب العدسات السوداء الى محطوطة دى السطوع بتاع الصورة بيقل جامد جدا ولو مثلا فيلم باليل او حاجة مش ساطعة فى بعض الاحيان بتوصل لدرجة ان ممكن متشوفش حاجة خالص فى بعض المشاهد الغامقة
4. عيب اسمها الكروس تواك وده بيحصل لانهم بييجو يعدل عيب السطوع ده فبيخلو السطوع عالى جدا لدرجة ان العدسات السوداء ممكن تحجبوش كله
فتبص تلاقى صورة العين اليمنى دخلت على صورة العين اليسرى والصورتين ظهرو مع بعض فى نفس الوقت للعينين وده بيبوظ الصور خالص
5.العمق لا يخرج الاشياء لخارج الشاشة بنفس قوة الباسيف ثرى دى
5.النظاة بتستخدم عدسات غالقة مكلفة جدا بعضها مثلا نظارة نيفيديا بيوصل سعر الواحدة 900 جنيه وفى بيوصل ل 100 جنيه وده بالنسبة لنظارة لو خبيت تشاهد فيلم ع اكتر من واحد هتشترى لكل واحد نظارة بالسعر ده
6.تستخدم شاشات tn دائما لان شاشت ips صعب الهرتز يوصل فيها لأكتر من 100 هرتز وبالتالى تدرج الاوان فى التقنية يماثل تدرج الوان الشاشات tn
7.لازم وانت لابس النظارة تكون واقف عمودى لو ميلت دماغك مثلا يمين او شمال مش هتشوف غير صورة سوداء فقط والعيب ده سببه النظارة
8. النظارة بسبب سرعة الغلق والفتح ساعات بتعمل صداع لبعض الناس وكمان النظارة بتتشحن

التقنية الثانية وهى الباسيف ثرى دى :

تعمل هذه التقنية بطريقة مختلفة كليا وطبعا هدف اى تقنية انها توصل صورتين مختلفتين فى الزاوية لكل عين وهنا استخمدمو البكسيلز الى فى الشاشة نفسه فقسمو البكسيلز دى لنصفين نصف نصف بيعرض صورة العين اليمنى ونصف بيعرض صورة العين اليسرى لاكنهم متداخلين فلنتصور ان احنا جيبنا صورة العين اليمنى وهيه طبعا بتبقى عبارة عن بكسيلز والشاشة مكونة من بكسيلز عبارة عن صفوف افقية من البكسيلز كنفس موضوع الهرتز خلينا اول صف من بكسيلز الشاشة هيعرض اول صف من بكسيلز صورة العين اليمنى وبعدين ثانى صف من بكسيلز الشاشة هيعرض اول صف من بكسيلز العين اليسرى وهكذا بحيث ان الصورتين يكونو معروضن مع بعض فى نفس الشاشة بس متداخلين والصورة دى توضح



https://visopix.com/wp-content/uploads/2012/11/hyundai_how_works.jpg

وبعدين بقى تيجى النظارة الى معملوة بتقنية البولريزد دى تفصل كل صورة وتوديها للعين الخاصة بيها والنظارة دى نظارة عادية لاكن فيها عدسات بتكسر الضوء وبتبقى خفيفة ورخيصة ومريحة طبعا كله هيقول ان كده كل عين هيوصلها نصف الزيلوشن طبعا صح لاكن لما الصورة بتدخل المخ بقى الى بيحصل زى موضوع الهرتز برده وزى ما فى الصورة الصورتين الى الرزيلوشن بتاعم النصف بيدخلو فى بعض وبيعملو صورة ثرى دى مرتفعة فى الرزيلوشن بس طبعا مش بتوصل لانها تكون 1080p لاكن بتبقى اقل مثلا نقول 900 بس فى النهاية بيطلع صورة ثرى دى الزيلوشن بتاعها اكتر من 720P اواقل من 1080P

مميزات التقنية :

1.التقنية مش بتحتاج غير 60 هرتز فقط لتشغيل الثرى دى يعنى هتشتغل فى الفريمز ب 60 مع الالعاب زى المعتاد ومش هتحتاج تشترى جهاز جبار يعنى اى لعبة جهازك بيقدر يشغلها على فى التو دى على 60 هرتز هتقدر تشغله فى الثرى دى بنفس القوة وبدون متحتاج ترفع امكانيات الجهاز عشان الثرى دى الفريمز هتقل شوية صغيرة بس مش كير هتشتغل بشكل جيدا جدا ويكفى التقنية كرت شاشة واحد قوى
2.التقنية مش بتتحكم فى الهرتز ممكن لو جايب تليفزيون 600 هرتز مثلا هيشتغل الثرى دى فيه زى التو دى تماما ب 600 هرتز والهرتز مش هيقل
3.النظارات رخيصة جدا لدرجة بتوصل ل 10 جنيه مثلا الى 50 جنيه وخفيفة ومريحة زى اى نظارة نظر عادية تماما
4.السطوع بيبقى زى ما هو زى التو دى تمام يعنى مفيش مشكلة الغمقان دى
5.الكروس تواك غير موجود بالمرة والعمق تقدر توصله لدرجات كبيرة جدا
6.تقدر تاخد راحتك فى النظارة وتنام بيها كمان بدون مشاكل
7.التقنية ممكن تشتغل على شاشات ips panel عادى جدا لان زى ما قولنا مش بتحتاج غير 60 هرتز وكده تقدر تتمتع بتدرج الاوان فى الثرى دى والصورة هتبقى جميلة جدا
8.التقنية بسبب النظارات ممكن تعرض على شاشتها صورتين مختلفتين لكل عين تماما مثلا صورة ماتش مع صورة فيلم وتلبس نظارة اسمها ديول بلاى ودى بيبقى فيها عدسة العين اليمنى فى اليمين وكذلك عدسة عالعين اليمنى ايضا فى اليسار وكده عنيك الاتنين مش هيشوفو غير صورة الماتش بس او صورة العين اليمنى وهتشوف صورة الماتش بس برزيلوشن 720p وتو دى مش ثرى دى ودى خاصية خرافية خصوصا فى التليفزيونات فمثلا توصل اتنين بلايستيش على تليفزيون واحد وتقعد انت واخوك فى نفس الوقت تلعبو لعبتين مختلفتين على نفس الشاشةوكل وحد هيشوف صورة لعبته لوحديها يعنى كأن عندك تليفزيونين فى تليفزيون واحد وكمان بكامل حجم التليفزيون بس الزيلوشن هيقل للنصف فقط
9.الاشياء ممكن تخرج بره الشاشة فعلا لو فيلم متصور بكاميرا جيدة وانت عليت العمق على الاخر


فيديو يوضح خاصية الديول بلاى :)





https://www.youtube.com/watch?v=bbRG-KfWyVc


عيوب التقنية :

1. اول عيب طبعا ان الرزيلوشن بيقل عن 1080p وده بيتم التغلب عليه كالاتى بالبعد 15 سم عن الشاشة زيادة عن المعتاد ومش هتحس بيه نهائى وفعلا ناس كتير فى المنتديات الاجنبية مجرب الحل ده وبيقولو انهم مش حسين ان فى فرق عن 1080P كبير
2. ان عشان تشغل الالثرى دى مع التقنية دى لازم تشترى برنامج اسمه ترايديف واساسا فى كلا التقنيتين بتشتريه لانه بيساعدك تتحكم فى خوص الثرى دى من عمق وتغيير الصورة اليمنى واليسرى وهتشتريه لان التقنية ملهاش دعم من نيفيديا او amd بس اطمئن ان معظم الالعاب الى بتشتغل مع الانواع التانية هتشتغل مع البرنامج ده برده
3.الشركات الى شغالة بالتقنية دى فى الثرى دى شركات غير معروفة جدا مثلا شركة aoc و hp و lg وانا مش بقولل انهم غير معروفين كشهرة لاكن هما ضعاف فى الشاشات يعنى مثلا جودة صورة تليفزيون سامسونج فى التو دى افضل بكتير من ال جى او hp لاكن ال جى افضل فى الثرى دى من سامسونج
ولو فى شاشة ips بانل من ال جى فى الثرى دى هتبقى جيدة فى التو دى يعنى عموما مش عارف ليه مش كل الشركات شغالة بالتقنية دى وده بيولد عيب ان معظم شاشات الباسيف ثرى دى صورتها ليست قوية فى التو دى مقارنة بالشركات الاخرى لاكن لو كانت الشاشة ips فيعتبر العيب غير موجود
3.التقنية تحتاج تظبيطات واعدادت مانويل كتير للأستفادة القصوى منها خصوصا على الكمبيوتر ففى برامج هتستخدمها و تظبط اعدادات التليفزيون بنفسك وكده بس فى النهاية بعد التظبيط بتكون نتائج الثرى دى وهمية ورائعة

هنا بقى هتكلم على موضوع توصيل تليفزيون كبير سواء سمارت او عادى بالكمبيوتر لتشغيل الثرى دى عليه وطبعا التليفزيون لازم يكون ثرى دى طبعا فى الاول كله كان بيقول ان تشغيل hdmi على 120 هرتز مستحيل وانه مينفعش واكتر هرتز لل hdmi هو 60 والكلام ده كن السائد لاكن بعد بحثى المتعمق فى المنتديات الاجنبية لقيت انه ممكن وطبعا احنا هنتكلم عن كيبل hdmi لانه طبعا من المعروف معظم التليفزيونات مش بيكون فيها مداخل غير مداخل hdmi والى عن طريقها المفروض نوصل التليفزيون بالكمبيوتر مهما كان حجمه حتى اكبر من 50 بوصة وطبعا تصورو متعة الثرى دى لما تنزل الافلام من النت بلو راى ببرنام التورينت مثلا وتتفرج عليه من الكمبيوتر لتليفزيون او حتى انك تلعب العاب الكمبيوتر الثرى دى على تليفزيون كبير اكيد ليها متعة خاصة جدا
وطبعا معظم تلفزيونات الثرى دى سواء باسيف او اكتف بتبقى الهرتز بتاعها اكبر من 120 هرتز وممكن تشتغلع لى 60 هرتز من حاجة اسمها انبوت لاج وطبعا دى مشكلة مؤرقة مع الالعاب يعنى تكون بتلعب كورة وتباصى مثلا تلاقيه باصه على الشاشة بعد فترة اقل من ثانية بتخلى اللعب مش مظبوط

شروط توصيل تليفزيون بكمبيوتر عن طريق كيبل hdmi ب 120 هرتز لتفادى جميع المشاكل سواء الانبوت لاج او حتى ان الصورة تظهر على التليفزيون مش مظبوطة :

1. لازم يكون كرت الشاشة من شركة نيفيديا وليس amd
2. ولازم يكون الكرت الى فى الجهاز الى هيتوصل بالتليفزيون فيه مخرج hdmi 1.4a وده الاصدار الوحيد الى بيشتغل 120 هرتز بدون مشاكل ومعظم كروت نيفيديا الحديثة الى فيها مخرج mini hdmi بتشتغل على hdmi1.4a بسهولة عن طريقة وصلة التحويل يعنى لو كرتك فيه حديث gtx وفيه مخرج mini hdmi هيبقى تمام وهيشتغل
3. لازم الكيبل نفسه يكون اصلى ومن شركة محترمة زى سونى او توشيبا او الشركات المشهورة ويكون مكتوب على علبته hdmi 1.4a with ethernet
ويكون مكتوب support 3d و اعتقد ان ثمنه مش هيقل عن 150 جنيه لو قل احتمال يكون مش اصلى
4.لازم التليفزيون نفسه يكون فيه مدخل hdmi 1.4a وده موجود تقريبا فى كل التليفزيونات ال smart 3d tv وفى بعض تليفزيونات الثر دى
5. يكون الجهاز قوى عشان يستحمل ال 120 هرتز وكمان يستحمل الشاشة الكبيرة

طريقة التوصيل :
بعد ما هنتأكد من الشروط ونحضر اللازم هيتبقى خطوة تشغيل كرت الشاشة على انه يخرج 120 هرتز من منفذ hdmi وده من خلال الذهاب للوحة تحكم نيفيديا عند خانة الرزيلوشن وهندوس على حاجة اسمها custom resuloution وبعدين هيطلع لنا خانة فيها خواص الرزيلوشن الجديد وهنغير خانة الهرتز من 60 الى 120 ومنلعبش فى حاجة تانية وبعدين هندوس save الكمبيوتر هيجربها وهيتحفظ وهتلاقيه موجود بعد كده فى خانة الرزيلوشن تفعله منها
وبكده كله تمام ناقص بقى اننا نشغل الثرى دى على التليفزيون وطبعا ده هيبقى بأستخدام برنامج ترايد ديف


وده فيديو توضيحى لكيفية تشغيل hdmi على 120 هرتز من الاخ اشرف جزاه الله كل خير وطبعا انا مقتبسه منه


https://www.youtube.com/watch?v=UDs6Keer6JA&list=PLAD0A6DDC56056416&index=49


الخلاصة النهائىة :

1. افضل تقنية لتشغيل الثرى دى حسب معادلة سعر مقابل اداء هى تقنية الباسيف ثرى وهى التقنية المستخدمة فى السينمات لعرض افلام الثرى دى كافيلم افاتار وهارى بوتر ومستخدمة فى هذا المجال بنطاق واسع جدا والى متوفرة فى الشاشات العادية مع شركات lg ,hp ,aoc ,asus sony
ولاكن فى التليفزيونات متوفرة مع lg فقط اعتقد وبصراحة اى تليفزيون lg ثرى دى بيبقى ملوش حل نهائى فى الثرى دى وشوفت مرة تليفزيون ips panel على موقع شركة lg فى امريكا وده برأيى ملوش حل هيبقى تحفة وجامد جدا

2.افضل شاشات الثرى دى على الاطلاق هى الشاشة التى بها ips panel وتعتمد على تقنية الباسيف ثرى دى كالشاشة دى من شركة اسوس
Asus VG23AH


ودى فى رأى افضل شاشة ثرى دى 23 بوصة موجودة فى سوق مصر على الاطلاق لاكن هتحتاج كيبل hdmi1.4a زى التليفزيون تمام وكمان هتحتاج برنامج ترايديف وطبعا لازم يكون الكمبيوتر الى هتتركب عليه فى كرت شاشة بمخرج hdmi1.4a او mini hdmi هما الاتنين واحد بس يريت تتأكد من النقكة دى على صفحة الكرت على النت لان مهمة قبل ما تشترى او حاجة
وطبعا الشاشة كان عليها كلام كتير انها مش حلوة فى الثرى دى وا كدة وكان ليها مراجعة على موقع cnet وهما جربوها على كيبل dvi لذلك مكنتش شغالة حلو لانها لا تدعم ثرى دى الا من خلال hdmi 1.4a ولا كن انا لقيت ليها مراجعة على اليوتيوب وصاحبها عبقرى بصراحة فهم الشاشة عاوزه ايه وظبطها وبيقول انها من افضل شاشات ips panel على الاطلاق وكمان ان الثرى دى فيها ممتاز لذلك الشاشة دى افضل شاشة 23 بوصة فى الثرى دى افضل من شاشات سامسونج كتير

وكمان كالشاشة دى من شركة lg
وهيه افضل شاشة 27 بوصة فى الثرى دى شوفتها لحد دلوقتى بعد بحث كتير جدا لاكن مش موجودة فى مصر للأسف لاكن ممكن تشتريها من على النت مواقع زى ebay او amazon
LG CINEMA 3D MONITOR d2743p

والشاشة بصراحة تحفة ips panel ومتقدم زى الشاشات الى بتستخدم فى التصميم يعنى صورتها ملهاش حل ده غير ان زمن استجابتها 5ms وكمان البيكسل بيتش صغيرة وهى افضل شاشة ثرى دى 27 بوصة من رأى

طبعا نزل اليومين دول تليفزيونات ثرى دى من شركة سونى sony وهى افضل شركة بتعمل بانلز فى العالم البانل بتاعها بيبقى فيه 4 الوان مش 3 زى اى شركة وهيه عملت تليفزيونات ثرى دى باسيف اجمد من ال جى خصوصا انها اكتر من 400 هرتز وكمان البانل اروع بانل فى العالم ده غير ان فيها تقنيات لتحسين الالوان وبصراحة انصح اى حد بيها لانها ملهاش اى حل فعلا خرافة ودى االمجموعة على الرابط ده


https://www.sony.co.in/bravia-lcd-tv/range/W800A-Series/562832



فيديو يوضح الفرق بين التقنيتين من شركة ال جى


https://www.youtube.com/watch?v=HaMqR_cY9g8

فيديو مقارنة بين التقنيتين على اليوتيوب من شخص


https://www.youtube.com/watch?v=v1wYwIp7Xg4


وانا ببحث على النت لقيت فى ناس بتتكلم على برنامج اسمه
cyberlink power dvd v12
البرنامج ده بيقولو انه بيحل معظم مشاكل الثرى دى من تظبيط الكروس تواك وكمان يظبط الترجمة بتاعت الافلام وبشغل الثرى دى كويس جدا
لاكن للأسف فانا لم اجربه وليس لدى ادنى فكرة عن كيفية استخدامه :)

برنامج tridef 3d v5.3 مع الكراك الخاص به عبارة عن ملف تورينت :)

https://torcache.net/torrent/89991BFFD1EFD5528F7D5F45AA9DBB52789E15A1/[kat.ph]tridef.3d.v5.3.full.edition.cracked.rar.torrent

طريقة تفعيل البرنامج بالباتش
اول حاجة طبعا نمسح اى نسخة متثبتة من البرنامج قبل كده من الجهاز
اولا بعد تنزيل ملف التورينت نحمله ببرنامج utorrent
ثانيا نفك الضغط عن الملف الرار الى هينتج من التحميل
بعدفك الضغط هيظهر ملفين اولا dimension3.v5.3-Installer وده البرنامج نفسه نفتحه as admistrator ونثبته زى اى برنامج عادى
ثانيا الملف dimension3.patches_READ.iNFO-jr وده هنفك الضغط عنه هيظهر فولدر اسمه TriDef 3D v5.3 بعدين الفولدر ده فيه ملفات عبارة عن باتشات بتعدل ملفات البرنامج بحيث يشتغل بدون سيريل
هنفتح الفولدر وناخد اول باتش نقابله هو فيه 3 باتشات كل باتش خاص بملف من ملفات البرنامج هناخد اى باتش منهم ونروح فى بارتيشن السى وندخل على فولدر program files وندخل على فولدر البرنامج tridef 3d وندور على الملف الى اسمه بنفس اسم الباتش الى احنا خدناه كوبى وبعدين هنحطهم جنب بعض فى نفس الفولدر بعدين ندوس كلك يمين على الباتش وندوس run as aminstrator بعدين هيظهر صفحة هندوس patch وهكذا مع بقية الباتشات بعد اتمام هذه العملية
هنفتح البرنامج عادى وهيشتغل معانا على طول :)
لاكن عند تشغيل اى فيديو على البرنامج ثرى دى يجب تغيير اسم الفيديو بحيث تكون صيغته avi فمثلا لو عاوزين نشغل فيديو بالاسم ده 3d play .mp4 هنغير صيغته من mp4 الى avi هيبقى اسمه كده 3d play .avi يريت تكون وضحت :)
طبعا البنامج بيعرض صور وبيشغل العاب وافلام :)

طرق لتجريب الثرى دى بدون تكلفة او شراء شاشة خاصة للثرى دى
1. نظارة الاسود واسود ودى من ابتكارى ولاكن هتحتاج تعملها يدويا فكرتها انك لو شوفت اى فيديو 2d بعين واحدة يعنى تقفل عين من عيونك الحلوين دول الفيديو هيبقى ثرى دى هتقولى ازاى هقول العين الواحدة بتشوف ثرى دى والى بيعمل العقمق ده كروية العين :)
النظارة لتفيذ الفكرة هتبقى كده نجيب نظارة عادية ونشيل العدسات الشفافة منها وبعدين نحط عدسة سوداء فى الطرف الايمين تكون سوداء شفافة وبعدين نحط عدسة تانية فى الطرف الاخر من العدسة وهو الايسر مكملة للعدسة الاولى بحيث عند دمج الصورتين فى المخ تصبح العين اليسرى سوداء تماما لا ترى منها صورة وبكده تصبح بتشوف بعين واحدة وهتشوف ثرى دى من غير حتى ميكون الفيلم ثرى دى ومش هتحس انك بتشوف بعين واحدة :)
اختراع غريب لاكن اعتقد انه حلو

2 . نظارات الاحمر وازرق ودى طبعا ناس كتير جربتها وكنا بناعنى من الكروس تواك فيها واتضح لى ان شبب الكروس تواك ان العدسات بتبقى شفاف زيادة عن اللزوم لذلك اتت لى فكرة تركيب نظارتين فوق بعض ونلبسهم ونشوف بيهم الكروس تواك هيروح تماما وهتشوف ثرى دى اعتقد زى الشاشات الثرى دى ولاكن طبعا اللون الازرق والاحمر مش هيبقو حلوين اوى ودى انا مجربها بنفسى :)
بحب انا الابتكارات :D


الموضوع متجدد بأذن الله و اى تطور فى التقنيات هضيفه وكمان الموضوع مفتوح لأستشارات فى حل اى عضو عاوز يشترى منصة ثرى دى يكتب استفساره وبأذن الله هجاوبه :) فى النهاية احب قول (تلميذك عرب هاردوير) وكمان (بنتمى للموقع من قلبى) :)

DevilDark
04-01-2013, 14:54
شكرا جدا علي الموضوع الرائع ومجهودك

عندي سؤال

ما رأيك في شاشه
Asus VG278HE 27 inch 144Hz 3D LED

وتشتغل علي كارت GTX 660 TI او GTX 670

عبدالله ضيف
04-01-2013, 15:22
شاشة samsung S27A950D (https://www.google.com.eg/url?sa=t&rct=j&q=&esrc=s&source=web&cd=2&cad=rja&sqi=2&ved=0CEUQFjAB&url=http%3A%2F%2Fwww.samsung.com%2Fsg%2Fconsumer%2 Fpc-peripherals-printer%2Fmonitor%2Fled-monitor%2FLS27A950DS%2FXS&ei=u9HmUKn2CMaOtQaD-IHAAg&usg=AFQjCNG9ErBORRWWTd-jIOX4SRsmjyQrMA&sig2=5bHP4_DBbHtoXz6nF8sbHg&bvm=bv.1355534169,d.Yms)

افضل منها لسببين
سمعت على النت ان شاشة اسوس بيها كلور بليدنج ودى طبعا مشكلة
ده غير ان شاشة اسوس بستخدم تقنية نيفيديا ثرى دى فيزون ودى النظارة بتاعتها مش بتقل عن 700 جنيه وهيه اكيد جاى معاه نظارة واحدة وطبعا نظارات سامسونج ارخص كتير حيث ان 3 نظارات ب 300 جنيه او حاجة
وسامسونج هتحتاج كرت ati مش نيفيديا والحل الافضل من الاتنين هو
تليفزيون ال جى سمارت تى فى 240 هرتز ووبتقنية الباسيف ثرى دى وتقدر توصله باى كرت سواء نيفيديا او ati وكمان مش هيحتاج منك كرت شاشة يكون عالى اوى يعنى اى كرت فى فئة gtx هيبقى معاه فلة وكمان 32 بوصة
واسمه
LG Cinema 3D 32LM6690
وثمنه 4500
وفى ده كمان
LG 32LM6410
وثمنه 4000
وده كمان
LG Cinema 3D 32LM5800
وثمنه 3550
وشاشة اسوس ثمنها 4750 بالنظارة
وشاشة سامسونج ثمنها 3100 بدون نظارة
برأى لو اشتريت الشاشات تبقى بتضيع فلوسك على الفاضى اشترى اى تليفزيون من الثلاثة وهما اجمد من بعض بصراحة وكمان باسيف ثرى دى وفى نفس سعر الشاشات مع ان حجمهم اكبر
ارشحلك اول تليفزيون فهو تحفة حتى لو هتجيب كرت اقل فى القوة وتشترى التليفزيون هيبقى افضل لك اخى وبص للمستقبل الاكتف ثرى دى هيخليك تتهلك مصاريف كل سنة مع الالعاب الجديدة لو انت هاوى العاب فى خلال ان التليفزيون اضمنلك انه يفضل شغال على نفس الكرت الى هتشتريه لمدة 3 سنين وتشغل معظم الالعاب على الهاى واليولترا لانه ممكن يشغل اى لعبة ب 60 هرتز فقط يعنى محتاج نصف الامكانيات الى هتحتاجها الشاشات الاكتف :)

DevilDark
04-01-2013, 15:32
انا احتاج فقط شاشه للكمبيوتر وتكون 3D لا احتاج تلفيزيون 32 بوصه اكيد مش حينفع للكمبيوتر وانا اعرف ان نفيديا افضل شئ فل 3D

عبدالله ضيف
04-01-2013, 15:39
برأى ليس هناك فرق فهما الاتنين يمكن توصيلهم بالكمبيوتر عن طريق كيبل hdmi والتليفزيون افضل كتير
وبخصوص ان حضرتك تعرف ان نيفيديا احسن شئ فانا قولت لحضرتك رأى ولك حرية الاختيار لاكن بحكم بحثى فى هذا الموضوع ومعرفتى به الكبيرة انصحك بالتليفزيون لانه برأى افضل شئ خصوصا ان معاك ثمنه والشاشات تعتر اغلى منه كمان ولك حرية الاختيار اخى فانا لن ادفع شئ من جيبى ههههه :D :) وكمان مفيش حاجة اسمها شركة احسن من التانية فى الثرى دى فبرنامج ترايديف بيخليك تتحكم فى اعددات الثرى دى على مزاجك مع التقنيتان لذلك مش بتفرق شركة من اخرى ولو كنت تقصد ان تقنية الاكتف احسن من الباسيف فهذا خطأ لان الباسيف افضل كتير واوفر وبتدى عمق اكبر كمان :) ممكن تستشير اى عضو اخر لو كنت مش مصدق كلامى :)

DevilDark
04-01-2013, 15:44
برأى ليس هناك فرق فهما الاتنين يمكن توصيلهم بالكمبيوتر عن طريق كيبل hdmi والتليفزيون افضل كتير
وبخصوص ان حضرتك تعرف ان نيفيديا احسن شئ فانا قولت لحضرتك رأى ولك حرية الاختيار لاكن بحكم بحثى فى هذا الموضوع ومعرفتى به الكبيرة انصحك بالتليفزيون لانه برأى افضل شئ خصوصا ان معاك ثمنه والشاشات تعتر اغلى منه كمان ولك حرية الاختيار اخى فانا لن ادفع شئ من جيبى ههههه :D :) وكمان مفيش حاجة اسمها شركة احسن من التانية فى الثرى دى فبرنامج ترايديف بيخليك تتحكم فى اعددات الثرى دى على مزاجك مع التقنيتان لذلك مش بتفرق شركة من اخرى ولو كنت تقصد ان تقنية الاكتف احسن من الباسيف فهذا خطأ لان الباسيف افضل كتير واوفر وبتدى عمق اكبر كمان :) ممكن تستشير اى عضو اخر لو كنت مش مصدق كلامى :)

لا طبعا مصدق بس مش عاوز تلفيزيون 32 بوصه لانه حيكون كبير علي شاشه كمبيوتر لو فيه شاشه باثيف وتكون كويسه ياريت تقولي عليها

عبدالله ضيف
04-01-2013, 15:51
يا اخى والله لتليفزيون مش كبير اوى عن الشاشة مجرد سنتيميترات ويكفى انه 240 هرتز يعنى ضعف الهرتز فى التو دى واربع اضعافه فى الثرى دى لان تقنية سامسونج واسوس هتديك 60 هرتز بس فى الثرى دى والله يا اخى نصيحة منى اشترى التليفزيون ولن تندم فهو افضل خيار لك لو مصر على موقفك مفيش للأسف شاشات باسيف 27 بوصة حلوة فى مصر يوجد شاشة اسوس ياسيف ولاكنها 23 فقط وهى رائعة وبرأى انت مضطر للتليفزيون لان الشاشات تقنية اكتف وهى تقنية عقيمة ومكلفة وكمان بتحتاج جهاز عالى جدا وتأكد هتجدد جهاز كل سنة عشان تعرف تلعب وكمان الثرى دى بتعها مش حلو زى الباسيف ثرى دى لاكن برده معاك للأخر :D يبقى افضل شاشة اكتف هيه سامسونج 950 لانها افضل من اسوس للأسباب الى ذكرتها قبل كده :)

DevilDark
04-01-2013, 15:58
برأى ليس هناك فرق فهما الاتنين يمكن توصيلهم بالكمبيوتر عن طريق كيبل hdmi والتليفزيون افضل كتير
وبخصوص ان حضرتك تعرف ان نيفيديا احسن شئ فانا قولت لحضرتك رأى ولك حرية الاختيار لاكن بحكم بحثى فى هذا الموضوع ومعرفتى به الكبيرة انصحك بالتليفزيون لانه برأى افضل شئ خصوصا ان معاك ثمنه والشاشات تعتر اغلى منه كمان ولك حرية الاختيار اخى فانا لن ادفع شئ من جيبى ههههه :D :) وكمان مفيش حاجة اسمها شركة احسن من التانية فى الثرى دى فبرنامج ترايديف بيخليك تتحكم فى اعددات الثرى دى على مزاجك مع التقنيتان لذلك مش بتفرق شركة من اخرى ولو كنت تقصد ان تقنية الاكتف احسن من الباسيف فهذا خطأ لان الباسيف افضل كتير واوفر وبتدى عمق اكبر كمان :) ممكن تستشير اى عضو اخر لو كنت مش مصدق كلامى :)

خلاص يبقا مفيش حل غير انتظار شاشه 27 بوصه باثيف

شكرا لتعبك معايا جدا :)

عبدالله ضيف
04-01-2013, 16:06
ههههه اصرارك غريب والله :D بس انا والله لو معايا فلوس التليفزيون كنت اشتريته بدون تردد لان الشاشة حتى لو نزلت هتبقى 60 هرتز فقط وهتبقى ارخص طبعا بس التليفزيون ما زال افضل لانه 240 هرتز :) لو مزعلينك الخمسة بوصة دول ابقى اديهملى اخلى شاشتى بيهم 27 بوصة ههههه :D

عبدالله ضيف
04-01-2013, 16:08
المشكلة الكبرى ان اشتريت الشاشة الى عندى دى قبل ما اكون بفهم فى الشاشات نهائى لذلك لبست لبسة فى الحيط يعنى الحمد لله هغيرها قريب بتليفزيون :Dعلى الاجازة كده ان شاء الله :D

Ťắќľắḿḿ
04-01-2013, 18:33
السلام عليكم
كيف حالك يا اخ عبد الله
موضوع متعوب فيه و رائع بس انا عوز اسئلك عن حاجة هو موضوعالنقص في دقة الشاشة ده مش بيحصل في الاكتف على ما انا فاهم
لانو في البسف الدقة بتكون كاملة
ارجو التأكد للفائدة

wadalmara
04-01-2013, 19:35
الشاشات الـ LCD أنا أول ما سمعت بها و سمعت ان في تلفزيون ممكن تشاهده و انت على الجنب قلت دا خيال هههههه و انا الان عندي شاشة و البيت فيه تلفزيونات lcd اكتر من واحد كمان

عبدالله ضيف
04-01-2013, 19:47
اخى النقص بيحصل مع تقنية الباسيف وليس الاكتف وبيحصل نقص فى الرزيلوشن من 1080 الى 900 او 950 وبيتم التغلب عليه عن طريق البعد عن الشاشة مسافة 15 سم زيادة عن المعتاد ومعظم الناس مش بتلاحظه اساسا
تقنية الاكتف بتطلع صورة full hd 1080P لاكن جودة الثرى دى نفسه سيئة اقل من الباسيف فى الصورة غامقة وكمان بيحصل كتير كروس تواك وجوستينج والتقنية نفسها مكلفة جدا لذلك افضل تقنية للثرى دى هى الباسيف ثرى دى : )

Hisoka DZ
05-01-2013, 19:02
مشكور على الموضوع القيم و تم التقييم و لكن أرجو منك تصغيير الخط شوية- نصيحه لا أكثر-

mmels
05-01-2013, 21:00
مشكور علي الموضوع ولك تقييم مني :)

khaled_rafea
08-01-2013, 15:22
تقييم ممتاز يا عبد الله و الله, تسلم ايدك, انا نفسى اجيب التى فى الأل جى بس مستنى حد يجيبه و يجربه على الكمبيوتر و يقولنا رأيه ايه, التجربة العملى بتفرق برده يا شقيق

عبدالله ضيف
08-01-2013, 19:33
يا اخى الاستاذ اشرف صلحب موضوع الثرى دى الاولانى بتاع الخرة جرب تليفزيونات ال جى وهو جاب تليفزيون 41 اعتقد او فوق اربعين بوصة وكان فرخان بيه ججدا وقال انه افضل تجربة ثرى دى شافها لحد دلوقتى ولو انى اعتقد انه ميتفدش الاستفادة القصوى من التليفزيون زى ما انا كنت هعمل لازم تظبيط اعداداات وكده واكيد معملهاش هوه زى ما كنت هعمل انا

mmels
08-01-2013, 22:56
يا اخى الاستاذ اشرف صلحب موضوع الثرى دى الاولانى بتاع الخرة جرب تليفزيونات ال جى وهو جاب تليفزيون 41 اعتقد او فوق اربعين بوصة وكان فرخان بيه ججدا وقال انه افضل تجربة ثرى دى شافها لحد دلوقتى ولو انى اعتقد انه ميتفدش الاستفادة القصوى من التليفزيون زى ما انا كنت هعمل لازم تظبيط اعداداات وكده واكيد معملهاش هوه زى ما كنت هعمل انا
وايه نوع التليفزيون lg اللي اشتراه بالظبط.

mmm_806
08-01-2013, 23:31
شكرا على المعلومات المفيده والمجهود العظيم

كوكو5000
09-01-2013, 01:58
اخى عبد الله برافو عليك فى هذا الطرح ولاكنى اريد منك النصيحة فى اختيار شاشة من دول الاوله هى
46es6030 led 3d والثانية led 3d 40es6800 مع غض النظر لخاصية السمارت فأنا اتكلم لوضوح الصورة والثرى دى فقط مع ان فارق السعر حوالى 900 جنيه و46 بوصه و40 بوصة ارجو الرد ضرورى مع الشكر

عبدالله ضيف
09-01-2013, 06:41
اخى mmels الى اتذكره انه اشترى تليفزيون اكبر من 40 بوصة وسمارت تى فى وكان بيقول انه شغله على 120 هرتز وان الثرى دى جيد جدا مع برنامج تراىديف وكمان بعد ما كان بينصح الكل يشترى سامسونج بداء يغير رأيه تماما وقال ان تقنية ال جى افضل تقنية فى الثرى دى
بالنسبة للأخ الكريم كوكو 5000 التليفزيونان الى حضرتك ذكرتهم من شركة سامسونج وبيستخدمو تقنية الاكتف فى الثرى دى ويرجى مراجعة الموضوع وقرائته جيدا حيث انها تقنية عقيمة فى الثرى دى وتقنية الباسيف افضل منها بمراحل والى متوفرة فى شاشات ال جى
وارشح لك خيارين من تليفزيونات ال جى
اولا بالنسبة للحجم 40 بوصة
LG 42LM6410 6000

LG 42LM6610 7000

LG 42LM5800 6000

وطبعا انصحك بأول واحد الى ب 6000 التانى اعتقد انه غالى عشان اسود وعلى العموم دى صفحة مقارنة بينهم الثلاثة واعتقد مفيش فرق بين اول اتنين منهم لاكن يمكنك مراجعتى
https://www.lg.com/eg_en/compare/compare.lg?category=/eg_en/tvs

وبالنسبة لل 46 بوصة انصحك ب

LG 47LX9500 11000 و هذا افضل تليفزيون انصحك بيه بصراحة رعة 480 هرتز فى الثرى دى والتودى كمان

9000 LG47LM6610

بالنسبة لتليفزيونات ساموسونج فلن انصحك بشئ بخصوصهم لان فى نظرى اهدار للمال لو اشتريتهم تصور تليفزيون اربعين بوصة يديك ثرى دى ب 60 هرتز فقط فهذه نكتة والله او تليفزيون 46 بوص ديديك ثرى دى 60 هترتز فقط وكمان 200 هرتز فى العادى هههه واللله برأى لو اشتريتهم يبقى بترمى فلوسك فى البحر لشوية سمك جعان ههههه :D

وبالنسبة للتقيم لو مدتنيش تقييم ربنا ينتقم من الظالم والمفترى الرد ده خلانى الف حولين نفسى فى المواقع عشان اعملهولك ههههههههه بس عادى اجرى على الله :)

Ahmed.Elsayed
09-01-2013, 06:48
موضوع جميل لكن للأسف مقدرتش أقراه بصراحة أخدت فكرة سريعة عنه

ياريت حضرتك تعدل خطوط الموضوع لأن تنسيق الموضوع أحياناً بيكون أهم من الموضوع نفسه وأكبر خط للعناوين بيكون بالحجم 4 والكلام العادى بالخط 3

عبدالله ضيف
09-01-2013, 06:52
اخى اعتقد ان الخط كده واضح خصوصا للشاشات الى بتستخدم تقنية full hd لان لو صغرته عن كده بصراحة مش هيبان لناس تانية لاكن كده كبير بالنسبة لك وبالنسبة لناس تانية يعتبر واضح

mmels
09-01-2013, 17:03
والله انا ما زلت في حيرة كبيرة بين

lg32ls5700 وايضا lg 32 lm 6410

لاني وجدت في بعض المواقع ان 5700 بيكون mci 200 يعني الهرتز بيكون 100 وليس 120 وايضا في 6410 بيكونmci 400 يعني الهرتز 200 وليس 240 مش عارف ازاي

وثانيا الخصائص الموجوده في 6410 زي التحويل من 2d الي 3d من راي بعض الناس انها ليست عملية لان اصلا لعرض الفيلم علي صورة 3d يجب ان تكون الكامير تصوير 3d وتعمل علي عدستين وليست عدسة واحده

ولم اري جديد في الخواص الاخري زي depth 3d و micro pixel control المتوفرة في 6410 وليست متوفرة في 5700

بالاضافة الي انه علي ارض الواقع بعيد عن المعامل (كما ذكر موقع cnet نفس الجملة ) لا يوجد اختلاف كبير بالعين المجرده

ولهذا قد اصابني اليأس ولا اعرف الي اي اتجاه اختار مع العلم بردو انني سوف لا الاحظ الفرق بين 5700 ، 6410 لاني ببساطه اذا امتلكت احدهما فلن امتلك الاخر لأري من هي الافضل :rolleyes:

عبدالله ضيف
09-01-2013, 17:41
يا اخى فرق الهتز هتلاحظه واؤكدلك خصوصا فى ماتشات الكورة وبعدين الخصائص دى مهمة وتصور عرفت ان تليفزيون 5700 لا يشغل صيغة dts يعنى اى يلم بلوراى مش هيبقى فيه صوت ؟؟؟؟؟؟؟؟؟؟؟؟؟؟؟؟؟؟؟؟؟ وبعدين انت بتشترى حاجة للمستقبل يعنى لازم تكون عامل حسابك لكل شئ
من رأى اشترى 6410 لانه ببساطة لامم كل شئ فى حاجة واحدة اخى برأى لا تخاطر فى شئ غالى مثل هذا
وبنبهكك قبل ما تشتريه انك هتحتاج برنامج ترايديف وكمان برنامج سايبر لينك باور ديفى دى 12 وكمان كيبل hdmi 1.4a وكرت شاشة نيفيديا قبل ما تشتريه وقبل كل حاجة

mmels
09-01-2013, 17:50
يا اخى فرق الهتز هتلاحظه واؤكدلك خصوصا فى ماتشات الكورة وبعدين الخصائص دى مهمة وتصور عرفت ان تليفزيون 5700 لا يشغل صيغة dts يعنى اى يلم بلوراى مش هيبقى فيه صوت ؟؟؟؟؟؟؟؟؟؟؟؟؟؟؟؟؟؟؟؟؟ وبعدين انت بتشترى حاجة للمستقبل يعنى لازم تكون عامل حسابك لكل شئ
من رأى اشترى 6410 لانه ببساطة لامم كل شئ فى حاجة واحدة اخى برأى لا تخاطر فى شئ غالى مثل هذا
وبنبهكك قبل ما تشتريه انك هتحتاج برنامج ترايديف وكمان برنامج سايبر لينك باور ديفى دى 12 وكمان كيبل hdmi 1.4a وكرت شاشة نيفيديا قبل ما تشتريه وقبل كل حاجة

ازاي يكون تليفزيون 3d ولا يشغل الصوت من فيلم بلو راي ؟؟؟؟؟؟؟؟؟؟ ممكن رابط للمشلة اخي عبدالله او الموضوع ده

وبالنسبة للبرامج والكابل كدكده حتاجهم في الاتنين

فهل البرامج دي مجانية ام ماذا ؟؟؟

ولماذا كارت شاشة نيفيديا ؟؟؟

عبدالله ضيف
09-01-2013, 18:44
لان ال جى فى موعد اصدار التليفزيون ده مكنتش لسه اشتريت حقوق تشغيل dts لذلك مذكور فى بعض المواقع على النت انه مش بيشغل الصوت بتاع افلام البلوراى والى معظمها dts
برنامج ترايديف ليس مجانى لاكن سايبر لينك مجانى يعتبر
كارت نيفيديا لانه هو النوع الوحيد الى بيقبل تشغيل 120 هرتز عن طريق منفذ hdmi كروت اه ام دى لا تدعم غير 60 هرتز فقط من خلال hdmi

كوكو5000
09-01-2013, 19:01
اخى تقيمك ممتاز مع الشكر ومع مرتبة الشرف 10/10 ... بس انا عايز اعرف انه شاشة افضل من الثانيه فى اللى انا ذكرتهم لانى بصراحة كنت فى متجر بى تك وكل الشاشات شغالة امامى وبكل صراحة وجدت سامسونج افضل صورة بالنسبة للوضوح فى الصورة والسطوع والكلام ده من يومين وشاهدت فيديو ثرى دى على شاشة ال جى وسامسونج فوجدت السامسونج ممتازه وكأنى عايز امسك المعروض بيدى مشاهدة عن طريق نظارة قابلة للشحن والفرق بين ال جى وسامسونج فرق لايذكر بالنسبة للثر دى ولاكن وضوح الصورة فى السامسونج ملوش مثيل فى جميع الشاشات المعروضة ويعتبر كل الشاشات كانت شغالة بفيديو واحد وشكرا لك على المجهود الذى تقوم به ولاينكره الا .....

عبدالله ضيف
09-01-2013, 20:00
اخى سامسونج لا يعطى غير 60 هرتز فى الثرى دى وبعدين ممكن يكون عمق الثرى دى مكنش متزود على اخره فى تليفزيون ال جى غير ان فى حاجة اسمه فيو بوينت لما بتتزود بتخلى الحاجات تخرج بره الشاشة
رغم ان سامسونج صورته فى التو دى رائعة الا ان ال جى افضل فى الثرى دى خصوصا انه بيعطى 240 هرتز فى الثرى دى ده غير سامسونج لو وصلته بالكمبيوتر هيقرفك من حيث ان عشان يشتغل ثرى دى لازم 120 هرتز لاكن ال جى ممكن يشتغل ب 60 فقط

Mr VERRO
09-01-2013, 22:30
تسلم اخى عبدالله على الشرح والمقارنة ,وانا فعلا لسة شارى تليفزيون lg smart 3d LM6690 وروعة مسمعتش علية غير فيلمين بس تحفة وهو 400 هرتز وانشاء الله هعمله مراجعة لما اخلص امتحانات وبل المرة اكون عرفت كل مميزاته وعيوبه ,وبالنسبة لكروت amd ازاى اشغل التليفزيون بالهرتز الاصلى 400 ولا ده مش ممكن ؟ .طبعا تم التقييم ;):ah7:;)