محتاج اعرف تجربه شراء لاب توب من شركه جوميه

[amnpop]

السلام عليكم و رحمه الله و بركاته
كنت محتاج اعرف اراء الاعضاء الذين سبق لهم التعامل مع شركه جوميه
لاني عامل اوردر معاهم علي لاب لينوفو z 580 و بصراحه هما كلموني بعد حوالي نصف ساعه من عمل طلب الشراء و اكدو معايا كل البيانات و التفاصيل بالنسبه للعنوان أو مواصفات الجهاز
و انا عايز اعرف تجاربكم مع الشركه دي
و اللي شجعني علي الشراء منهم اولا موضوع المرتجع لو الجهاز في مشكله لا قدر الله و الضمان الاصلي 100% و السعر كمان لان الجهاز سألت عليه لقيته ب 4100 جنيه و ده اقل سعر و صلتله بالامس و سعر الجهاز عند جوميه 3999 شامل مصاريف الشحن
بس الحاجه اللي عايز اعرفها هي الجهاز بيبقي مقفول ولا مفتوح اقصد طبعا الكرتونه
ارجو من الاعضاء الكرام ممن تعاملو مع هذه الشركه نقل تجاربهم
و شكرا

[killer2020]

انصحك بشركة شرق اسيا او ايجبت لابتوب
شرق اسيا ب3800 ولكن مش معروض الان ( حدث هذا من اسبوعين وبعد اسبوع اتعرض تاني ولكن تقريبا بيلغوا العرض وقت ما ينفذ المنتج ويرجعه لما يجيبه وده موقعهم ممكن تستفسر منهم اللينك (https://eastasiaeg.com/)
وايجبت لابتوب ب4000 وده موقعهم اللينك (https://www.egyptlaptop.com/)
وبالنسبة للضمان ماتخدش ضمان مكتوب الايد وتأكد قبل ما تشتري علشان في التوكيل بيسجله المنتج والضمان بتاعوا علي الكمبيوتر وانت بتأخذ ضمان مطبوع من الكمبيوتر اما المحلات بيدوا ضمان مكتوب اليد والضمان ده مينفعش لو رحت التوكيل عشان يصلحهولك بضمان المحل وهيقلولك عايزين الضمان بتعهم ( مع ان الضمان بتعهم مازال ساري بس معكش الضمان وتقريبا لما تدي الالجهاز عشان لو فيه عيب الله واعلم ممكن هما الي يصلحه ولا يستخدموا الضمان فاحسن تسألهم لأما تاخد الضمان الي اخدوا من التوكيل وده تبقي قبلني عليه ( علشان الاجهزة الي بيشتروها كتيرة مش هيحطوا الضمانات بتاعت كل اللابتوبات وهيعرفوا يفرقوا ) او تروح للتوكيل علطول والكلام ده ساري مع اي محل حتي المحلات الي كاتبها فوق بس الي فوق دوا انضف محلات ممكن تتعامل معاهم ( كلام ناس اتعاموا واشتروا منهم )

[killer2020]

انا اول مرة اسمع عن الشركة الجومية ديه ديه فين ؟؟ في مول ايه ؟؟ ولو عندك الموقع بتعها ابعتهولي بس زي ما قلتلك بالنسبة للضمان

[md3000]

في عضو في المنتدي اشتري قريب لابتوب سامسونج من شركه جوميه
ادخل على الموضوع بتاعه و اسأله https://arabhardware.net/forum/showthread.php?t=332923

[amnpop]

ده مواصفات اللاب من الموقع
https://www.eg.jumia.com/IdeaPad-Z580A-15.6%E2%80%9D-Intel-Core-i5-3210M-Laptop-%E2%80%93-Metal-86688.html

[killer2020]

ارجو منك عدم الاستعجال في اخذ القرار لان العجلة من الشيطان .... عندك موقعين مدهملك دور علي اللابات وشوف اسعارها وشوف كارت الشاشة الي معاه وشوف امكانياته من الموقع ده (https://www.notebookcheck.net/Computer-Games-on-Laptop-Graphic-Cards.13849.0.html) الي عليك اكتب الكارت في السيرش وهيجيلك مواقع اختر الكارت الي انت عايزه وبعدها هتلاقي في الاخر الالعاب وتشغلها علي كارت الشاشة المختار و يكون مبين حالة التشغيل كل لعبة علي كل الاعدادات ( ضعيفة , متوسطة , عالية ) وعلشان تكون عارف الكارت الي في اللينوفو اعلي كارت في الكفائة بعد بحث كثير مني( انا عايز اشتري لاب وبقالي حتي الان 3 اسابيع او شهر بشوف لابات بحيث ماندمش بعد كده ) وبعده كارت AMD Radeon 7670M واللاب ده محترم والكثير اشتروه هذه السنة ( 4-5 اشخاص ) و كلهم شكروا في اللاب ده وانا برده عاجبني ومفضله ولكن منتظر اشوف لابات اخرى وفي لاب توشيبا ب 4333 وده بفضله علشان يقدر يطحط في رام حتي 16 جيجا عشان كده بقيت مع التوشيبا ده وحظ سعيد في اختيار اللاب

[md3000]

ماهو الراجل بيقولك اكد الاوردر خلاص و اللابتوب ماشاء الله عليه كويس ماتشككوش فيه

[killer2020]

خلاص يا عم انا غلطان مدام الراجل اكد الالاوردر جاي بعد ما اكده يسأل هل هيا موثوق منها ولا لأ او اللاب كويس ولا لأ ؟؟!!!!

[killer2020]

انا في الاول وفي الاخر بنصح

[amnpop]

خلاص يا عم انا غلطان مدام الراجل اكد الالاوردر جاي بعد ما اكده يسأل هل هيا موثوق منها ولا لأ او اللاب كويس ولا لأ ؟؟!!!!


انا في الاول وفي الاخر بنصح
اخي الكريم اولا شكرا لك علي النصائح الغاليه
لكن انا كان استفساري عن تجربه عضو من الاعضاء الكرام في التعامل مع الشركه ليس اكثر بمعني كيفيه استلام الجهاز بيبقي مفتوح و لا مقفول الضمان بداخل الكرتونه و لا مطبوع مع فاتوره الشراء
و مكنش استفساري عن ان الشركه موثوق فيها و لا لأ و لا مواصفات الجهاز لاني بالفعل اخدت قرار الشراء و بناء عليه تم حجز الجهاز لاني من خلال متابعاتي للموقع عن الجهاز ده قررت شرائه
و اخيرا بشكر حضرتك مره تانيه علي المشاركه