مساعده فى شراء شاشه محتار بين اتنين

[mohamed82]

السلام عليكم ورحمه الله وبركاته

محتار بين شاشتين بنفس فئه سعريه استخدام افلام والعاب

اقدام شاشتين اسوس
اول موديل ASUS VS239HR IPS 23" LED
وديه مواصفاتها
https://www.asus.com/Monitors_Projectors/VS239HR/#specifications

تانى موديل لسه نازل ASUS VX238H 23" Ultra-Slim 1MS LED
وديه مواصفاتها
https://www.asus.com/Monitors_Projectors/VX238H/#specifications

الاتنين سعر واحد 1350 جنيه
ips الاولى
Time : 5ms
ledالتانيه
Time : 1ms

وفى شاشه ثالثه سمسونج سعرها 990 جنيه
Samsung SyncMaster S23B370H 23

وديه
Time : 2 ms
بس سمعت كلام انها فيها مشاكل اغلب شاشات سمسونج وكيل شاشه متعب

ترشحولى انهو فيهم

[Ťắќľắḿḿ]

انا ارشحلك الشاشة الاولى
فتقنيته افضل و صوررتها و الوانها اجمل
و 5 ملي سكند زمن ممتاز لن يؤثر على الالعاب

[Ahmed.Elsayed]

الشاشات دى لسه جديدة فمفيش معلومات كافية عنهم بخصوص تجارب الأعضاء لكن أنا عندى الشاشة Asus ML239H IPS 23 Inch والشاشة بصراحة مشوفتش شاشة زيها فى السامسونج

وميزة شاشات الأسوس أن فيها أكثر من بروفايل بتغير ما بينهم عن طريق أول زرار ناحية الشمال وكل بروفايل ليه أستخدام معين

وبأختصار أحسن بروفايل للأفلام والتصفح هو Theater Mode وأحسن بروفايل للألعاب هو Game Mode وفيه أكتر من بروفايل ممكن تجربه وتحكم عليه بنفسك

وأول ما بتجيب الشاشة بتكون مظبوطة أنها تشتغل على وصلة ال VGA لكن لما بتضغط على أول زرار من ناحية اليمين بتحول على وصلة HDMI

وميزة شاشات ال IPS بصفة عامة هو جودة الألوان وزوايا الرؤية فجودة الصورة ما بتختلفش لو بصيت عليها من أى زاوية بعكس الشاشات ال TN العادية

ولكن الشاشة فيها بعض العيوب الخفيفة وهى أن الزراير تقيلة شوية وفيه Bleeding خفيف فى الجوانب لو شغلتها على خلفية سوداء وبصيت عليها بزاويا حادة وفيه ناس بتعتبره عيب وفيه ناس ما بتلاحظهوش خالص والشاشة بتسخن من ناحية الأستيكر اللى تحت لكن ده عادى

والشاشة سعرها برضه 1350 جنيه و بمعدل أستجابة زى الشاشة الأولى 5ms فلو لقيتها أشتريها أو أشترى الشاشة الأولى

وخد بالك أن بسبب أرتفاع سعر الدولار كل الأسعار زادت فأول ما توصل المحل هتلاقى الأسعار مختلفة عن السعر المعروض.

[mohamed82]

هى شاشه IPS هاتبقا حلوه فى صوره وانا اوافقكم الراى بس زمن الاستجابه 5 ms

وهل فى فرق واضح بين ips و led

شاشه تانيه ميزتها تاتى بزمن استجابه 1 ms

ولا استنى لما تنزل مراجعات لشاشه التانيه

[Ahmed.Elsayed]

الشاشة ال IPS هى نوع من أنواع الشاشات ال LED وال IPS بترمز لنوع ال Panel فموجود أكثر من نوع بانل وأشهرهم هو TN و IPS و أفضلهم ال IPS

وأتفرج على الفيديو ده علشان تتعرف على الفرق بنفسك


https://www.youtube.com/watch?v=DWXcNlh85Ps

ففى الشاشة التى تحتوى على IPS Panel فعند تحريكها لأعلى وأسفل لا يوجد فرق أنما فى الشاشة التى تحتوى على TN Panel فيحدث أختلاف كبير فى تباين الصورة ودرجة الأضاءة ويتسبب فى عدم وضوح الرؤية

ومعدل أستجابة 5ms كافى للألعاب ولن يؤثر على كفائة الشاشة.

[mohamed82]

الشاشة ال IPS هى نوع من أنواع الشاشات ال LED وال IPS بترمز لنوع ال Panel فموجود أكثر من نوع بانل وأشهرهم هو TN و IPS و أفضلهم ال IPS

وأتفرج على الفيديو ده علشان تتعرف على الفرق بنفسك


https://www.youtube.com/watch?v=DWXcNlh85Ps

ففى الشاشة التى تحتوى على IPS Panel فعند تحريكها لأعلى وأسفل لا يوجد فرق أنما فى الشاشة التى تحتوى على TN Panel فيحدث أختلاف كبير فى تباين الصورة ودرجة الأضاءة ويتسبب فى عدم وضوح الرؤية

ومعدل أستجابة 5ms كافى للألعاب ولن يؤثر على كفائة الشاشة.




اتصدق فعلا عند تحريك شاشه ips فوق وتحت لا يحدث تغيير فى الالوان ثابته وصوره فى ديه اوضح والوان زاهيه
اما ثانيه فحدث سواد وعدم ثبات

بس يبقا زمن استجابه سمعت ان فى ips فيها جوست مفيش مراجعه ليها فى العاب

[TERGAAAA]

الشاشات دى لسه جديدة فمفيش معلومات كافية عنهم بخصوص تجارب الأعضاء لكن أنا عندى الشاشة Asus ML239H IPS 23 Inch والشاشة بصراحة مشوفتش شاشة زيها فى السامسونج

وميزة شاشات الأسوس أن فيها أكثر من بروفايل بتغير ما بينهم عن طريق أول زرار ناحية الشمال وكل بروفايل ليه أستخدام معين

وبأختصار أحسن بروفايل للأفلام والتصفح هو Theater Mode وأحسن بروفايل للألعاب هو Game Mode وفيه أكتر من بروفايل ممكن تجربه وتحكم عليه بنفسك

وأول ما بتجيب الشاشة بتكون مظبوطة أنها تشتغل على وصلة ال VGA لكن لما بتضغط على أول زرار من ناحية اليمين بتحول على وصلة HDMI

وميزة شاشات ال IPS بصفة عامة هو جودة الألوان وزوايا الرؤية فجودة الصورة ما بتختلفش لو بصيت عليها من أى زاوية بعكس الشاشات ال TN العادية

ولكن الشاشة فيها بعض العيوب الخفيفة وهى أن الزراير تقيلة شوية وفيه Bleeding خفيف فى الجوانب لو شغلتها على خلفية سوداء وبصيت عليها بزاويا حادة وفيه ناس بتعتبره عيب وفيه ناس ما بتلاحظهوش خالص والشاشة بتسخن من ناحية الأستيكر اللى تحت لكن ده عادى

والشاشة سعرها برضه 1350 جنيه و بمعدل أستجابة زى الشاشة الأولى 5ms فلو لقيتها أشتريها أو أشترى الشاشة الأولى

وخد بالك أن بسبب أرتفاع سعر الدولار كل الأسعار زادت فأول ما توصل المحل هتلاقى الأسعار مختلفة عن السعر المعروض.


ردرررررررررك ممتاز مشاء الله اختصرت الدنيا كلها فى الكلمتين دول براك الله فيك على افادتك

وبالنسبة لشاشات IPS فيها عيب الى عهوة البدلينج فى الخلفية السودة يعنى تسرب الالوان
بخلاف كدة هيا رهيبة من كل شىء وزوايا الرؤية ممتازة جدا


وعيب البيلدينج دة مش عيب هوة فى كل شاشات IPS لانها لسة مستوتش

[Ťắќľắḿḿ]

ردرررررررررك ممتاز مشاء الله اختصرت الدنيا كلها فى الكلمتين دول براك الله فيك على افادتك

وبالنسبة لشاشات IPS فيها عيب الى عهوة البدلينج فى الخلفية السودة يعنى تسرب الالوان
بخلاف كدة هيا رهيبة من كل شىء وزوايا الرؤية ممتازة جدا


وعيب البيلدينج دة مش عيب هوة فى كل شاشات IPS لانها لسة مستوتش
back light bleeding مش عيب لشاشات ips بس ده موجود في كافة انواع الشاشات و لكنه بيظهر في موديبلت معينه اكثر من غيرة و قد تكون لنفس الشركة
و عموماً هو يكاد يكون مسموح به في حدود معينة

[mohamed82]

فى واحد اشترى شاشه IPS ولاقى فيها عيب ده
فى موضوع ده
https://arabhardware.net/forum/showthread.php?t=334652
وعيب واضح وفى نفس الموديل ده

يبقا فى حاله ديه ASUS VX238H 23" Ultra-Slim 1MS LED
افضل بدون عيوب

[rulezz]

عايز نصحتى فوكك من الشاشتين دول و خد s23a700d لو انت جيمر دة اختيارك 100% من الاخر و فوكك من الاتنين دول

[mohamed82]

عايز نصحتى فوكك من الشاشتين دول و خد s23a700d لو انت جيمر دة اختيارك 100% من الاخر و فوكك من الاتنين دول

ديه غاليه عليا عامله 1750 جنيه وغير كده توكيل سمسونج مش حلو ناس كتير بتشتكى منه
يعنى يوم ما يحصل حاجه استعوض ربنا

[rulezz]

ديه غاليه عليا عامله 1750 جنيه وغير كده توكيل سمسونج مش حلو ناس كتير بتشتكى منه
يعنى يوم ما يحصل حاجه استعوض ربنا




فى واحد فى مول المهندسين عارضها ب 1550 فرق 200 و لعلمك شركة سامسونج محترمة جدا جدا و دة عن تجارب مش تجربة و القرار يرجعلك فى الاخر بس انا قولتلك اللى هيريحك و ان شاء الله تبقى سليمة ماتدعيش انها تروح للضمان :)

[mohamed82]

فى واحد فى مول المهندسين عارضها ب 1550 فرق 200 و لعلمك شركة سامسونج محترمة جدا جدا و دة عن تجارب مش تجربة و القرار يرجعلك فى الاخر بس انا قولتلك اللى هيريحك و ان شاء الله تبقى سليمة ماتدعيش انها تروح للضمان :)

لاسف انا من اسكندريه وحاجات ديه متنفعش تتشحن لازم تشوفها بعينك
اعتقد 1550 ده سعرها قديم اكيد غللت

[rulezz]

لاسف انا من اسكندريه وحاجات ديه متنفعش تتشحن لازم تشوفها بعينك
اعتقد 1550 ده سعرها قديم اكيد غللت



حاول تدور عندك و ان شاء الله تلاقيها

[Ahmed.Elsayed]

فى واحد اشترى شاشه IPS ولاقى فيها عيب ده
فى موضوع ده
https://arabhardware.net/forum/showthread.php?t=334652
وعيب واضح وفى نفس الموديل ده

يبقا فى حاله ديه ASUS VX238H 23" Ultra-Slim 1MS LED
افضل بدون عيوب


الأخ قفل النور وخلى الشاشة بخلفية سودا خالص وميل الشاشة ناحية الشمال علشان يلاحظ تسريب أضاءة فى الجوانب - فهل ده تعتبره عيب ملحوظ فى الشاشة ؟

[doxz0]

يعني اشتري اي واحدة فيهم يا جماعة ؟ انا محتار زي الراجل ده:ah35:كنت بفكر في ال
s23a700d بس لاقيت اني مش هستفيد اوي بال 120Hz عشان جهازي مش هيعدي 60 FPS ابدا :D بالتالي انا اولى بال 300 جنيه دول هكمل على حاجة تانية.

[rulezz]

مش معنى انك مش عاوز ال 120 فادة عيب بالعكس ال 2d بتاع الشاشة دى خيال و غير كدة لو حبيت تحدث جهازك فى المستقبل هيبقى فلة معاك ..

[doxz0]

مش معنى انك مش عاوز ال 120 فادة عيب بالعكس ال 2d بتاع الشاشة دى خيال و غير كدة لو حبيت تحدث جهازك فى المستقبل هيبقى فلة معاك ..

لا لا انا مش بقول وحش خاااالص :) انا بقول اني البادجيت بتاعتي هتعدي لو جبت السامسونج فكنت شايف ان احسنلي اوفر واجيب حاجة انا هستفيد بيها فالوقت الحالي

[rulezz]

لا لا انا مش بقول وحش خاااالص :) انا بقول اني البادجيت بتاعتي هتعدي لو جبت السامسونج فكنت شايف ان احسنلي اوفر واجيب حاجة انا هستفيد بيها فالوقت الحالي

على راحتك بس انا من راى السامسونج برضو علشان المستقبل

[doxz0]

شكراً جداً يا rulezz على اهتمامك و مساعدتك:ah7: بس انت شايف اجيب اي واحدة؟ ال IPS ولا TN ؟ انا شفت ناس كتير بتشكر في الIPS بس مش لاقي حاجة عن الTN خالص مع اني معجب بشكلها و 1ms response. ايه رأيك؟

[rulezz]

شكراً جداً يا rulezz على اهتمامك و مساعدتك:ah7: بس انت شايف اجيب اي واحدة؟ ال IPS ولا TN ؟ انا شفت ناس كتير بتشكر في الIPS بس مش لاقي حاجة عن الTN خالص مع اني معجب بشكلها و 1ms response. ايه رأيك؟

ابعد عن ال tn خاااااااااااااااااااااااااااااالص !!!! زبالة من الاخر تيجى فى وشها باضاءة تمشى يمين اضاءة تانية ملهاش زوايا رؤية اصلا فى واحد اعرفة جاب واحدة والله تعبتة جامد و بيحصلة صداع و الدنيا باظت خالص معاة فانصحك بالips مع ان ال ips متخصص اكتر للجرافيك مش الالعاب بس صورتها حلوة وان شاء الله تعجبك و مبروك عليك الشاشة :)