[مصر] تحديث جهاز ب 1600 للالعاب وللبرامج (عنوان معدل )

[blue_pand]

انا معاي جهاز قديم وعاوز احدثه
انا معاي شاشه 23 سامسونج و هارد ساتا 500 و ديفدي رايتر ورامه 2 جيجا
الباقي بقي معتقدش انه له لزمه الفيجا القديمه اتحرقت و فاضل البورده والبروسيسور هم بروسيسور دول كور والبورده 945pl-s3 هي قديمه شويه واعتقد ان الحاجات دي ملهاش لزمه ولا انتو ايه رايكو
انا بقي عاوز اجيب كيسه و بورده وبروسيسور و فيجا ( او اجيب بورده عليها فيجا انتو تنصحوني بايه )
انا عاوز جهاز يشغل الالعاب الجديدة ويكون قوي علشان الشاشه دي كانت بتخلي الجهاز القديم يعاني وكمان ياريت الفيجا تبقي hd علشان اقدر استفيد من الشاشه
ومتشكر جدا جدا علي اهتمامكو ومساعدتكو

رنج الفلوس عادي يعني لو الحاجه مهمه او مثلا في حدود 1500

[blue_pand]

اهااا وياريت كمان الكيسه تكون قويه في التبريد لان المكان الي فيه الجهاز بيبقي حر في الصيف

[blue_pand]

اولا سوري انا مكونتش اعرف اني لازم اعمل الموضوع بطريقه معينه


أقصى ميزانية محددة: 1600
- استخدامك للجهاز: الاساسي الالعاب و ممكن بعض برامج ال تصميم والرسم الهندسي
- حجم الشاشة و الدقة (Resolution) التي تستخدمها: سامسونج 23 led bx2350
- القطع التي تنوي شراءها: كيسه وبورده وبروسيسور وممكن فيجا علي حسب او ممكن اسيبها بعديين
- القطع التي ستعيد استخدامها من الجهاز القديم: شاشه 23 سامسونج led , رامه 2 جيجا , هارد ساسا 500
- ميعاد شراء الجهاز: خلال الاسبوع القادم
- مكان الشراء: القاهره او بورسعيد ايهم افضل
- محل سكنك: القاهره وبورسعيد

ملحوظة:
لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

[sherif_ahmed]

شكراً علي التعديل
أخي الكريم
في ظل هذه الميزانية

Intel® Core™ i3-3220 Ivy Bridge 3.3GHz ..... 850 LE
ASRock H61M-PS2 Socket 1155 ..... 330 LE
Kingston ValueRAM 4GB DDR3 1333MHz CL9 ..... 170 LE
Cooler Master K280 Mid Tower Desktop Case ..... 280 LE
أعتقد أن الرامة الموجودة عندك ddr2 مش هتنفع
إذا قدرت تزود الميزانية وتستعمل الكيسة القديمة
Intel® Core™ i5-3450 3.1GHz 6MB Cache ..... 1325 LE
ASRock B75M-GL R2.0 Socket 1155 ..... 425 LE
Kingston ValueRAM 4GB DDR3 1333MHz CL9 ..... 170 LE
وفيما بعد تجيب كارت الشاشة +مزودالطاقة + الكيسة

[blue_pand]

طيب انا عندي سؤال
لو انا هاجيب ال بروسيسو ال اي 3 و البورده ال b75m و الرامه والكيسه الوقتي والفيجا بعديين ده تمام ولا الكيسه هاحتاج اغيرها بعد كده وهل البروسيسو هايبقي كويس مع ال فيجا وكده ولا شويه وهالاقي الجهاز بيهنج؟؟ الكيسه القديمه لا تصلح كانت بتسخن الجهاز والفيجا القديمه اتحرقت.
الرامه ال 2 جيجا كده ملهاش لزمه ؟؟ طيب لو هابيعها متعرفش بكام؟
ومتشكر جدا علي ردك السريع ومساعدتك

[Dark shadow]

طيب انا عندي سؤال
اهلا بك يااخى الكريم
لو انا هاجيب ال بروسيسو ال اي 3 و البورده ال b75m و الرامه والكيسه الوقتي والفيجا بعديين ده تمام ؟ ايوا يااخى الكريم مفيش مشاكل ولا الكيسه هاحتاج اغيرها بعد كده وهل البروسيسو هايبقي كويس مع ال فيجا وكده ولا شويه وهالاقي الجهاز بيهنج؟؟ ؟ لا ياخى الكريم .الكيسه القديمه لا تصلح كانت بتسخن الجهاز والفيجا القديمه اتحرقت.
الرامه ال 2 جيجا كده ملهاش لزمه ؟؟ اه دى ddr2 طيب لو هابيعها متعرفش بكام؟ فى حدود 70 او 90 او اكثر




هتجيب

Intel® Core™ i5-3470 Ivy Bridge 3.2GHz 6MB 1250 L.E

ASRock B75M-GL R2.0 Socket 1155 Motherboard 425 L.E

G.skill Ripjaws 4GB (1 x 4GB) DDR3 1600 CL9 1.5v Desktop Memory 180 L.E

Total :1855 L.E

او

Intel® Core™ i3-3220 Ivy Bridge 3.3GHz Processor 800 LE

ASRock B75M-GL R2.0 Socket 1155 Motherboard 425 L.E

G.skill Ripjaws 4GB (1 x 4GB) DDR3 1600 CL9 1.5v Desktop Memory 180 L.E

Total :1405

وبعدين هتجيب الفيجا وبور صبلاى والكيسة
التجميعة الاولى افضل

[blue_pand]

مهو انا معنديش كيسه الكيسة الموجوده سيئة جدا, هي ديما الجهاز فيها بيسخن وبتتملي تراب
طيب هو انا ممكن استخدم الكيسة القديمة بس اجيب ليها مراوح واحاول ازبطها شويه علشان موضوع السخونية والقصه دي

معلش انا عارف اني بسئل كتيير وصدعتكو :)

[Dark shadow]

مهو انا معنديش كيسه الكيسة الموجوده سيئة جدا, هي ديما الجهاز فيها بيسخن وبتتملي تراب
طيب هو انا ممكن استخدم الكيسة القديمة بس اجيب ليها مراوح واحاول ازبطها شويه علشان موضوع السخونية والقصه دي

معلش انا عارف اني بسئل كتيير وصدعتكو :)

لا ولا يهمك

اه عادى ممكن تستخدم الكيسة القديمة مؤقتا وبعدين ابقى اشترى الكيسة دى
Cooler Master K380 Mid Tower Desktop Case 330 L.E
او لو الكيسة اللى معاك مش عجباك خالص ممكن تجيب الكيسة k380

[blue_pand]

هي الكيسة دي فيها باور سبلاي ولا انا هاشتري باور كمان ؟؟؟؟
تعبكو معاي انا عارف

[sherif_ahmed]

هي الكيسة دي فيها باور سبلاي ولا انا هاشتري باور كمان ؟؟؟؟
تعبكو معاي انا عارف

بدون باور أخي الكريم

[blue_pand]

طيب و الباور الي المفروض اجيبة كام واتت وانواع ايه ؟؟

[SOFTGAME]

طيب و الباور الي المفروض اجيبة كام واتت وانواع ايه ؟؟

Antec VP550 550W 375 L.E كافى ولكن عند توفير الميزانية

[blue_pand]

معلش هو سؤال غبي حبتين هو انته بتقولي الباور عند توافر الميزانية طيب انا هاشغل الجهاز بايه لحد توافر الميزانية؟؟؟ :D

[SOFTGAME]

معلش هو سؤال غبي حبتين هو انته بتقولي الباور عند توافر الميزانية طيب انا هاشغل الجهاز بايه لحد توافر الميزانية؟؟؟ :D

أنت سألت على بور وده كويس جداّ الميزانية بقى بتاعتك أنت لما يبقى معاك أبقى اشتريه

[Dark shadow]

طيب و الباور الي المفروض اجيبة كام واتت وانواع ايه ؟؟البور يتوقف على كارت الفيجا اللى هتجيبو فى المستقبل انشاء الله

يمكنك استخدام بور تجارى اطمال مش هتركب فيجا حاليا .

[blue_pand]

طيب استفسار بخصوص لبورده في بورده زي ال b75 الي انتو كاتبهالي الي ب 425 بس جيجا بايت مش اسروك
ياتراي انهي واحده احسن فيهم

[Mahmoud Essam]

طيب استفسار بخصوص لبورده في بورده زي ال b75 الي انتو كاتبهالي الي ب 425 بس جيجا بايت مش اسروك
ياتراي انهي واحده احسن فيهم
بص يا أخى لو قصدك على بوردة GB B75M-D3H فالفرق بينها و بين Asrock B75M-GL R2.0 هو ان الجيجا بايت تحتوى على 4 منافذ للرام بينما ازروك تحتوى على 2 و الجيجابايت تدعم رام حتى 32 جيجا بايت بينما الازروك تدعم حتى 16 جيجا بايت و الجيجا بايت تحتوى على منفذ HDMI للاستفادة من كرت الشاشة المدمج بينما الازروك تحتوى على منفذى DVI و D-SUB فقط فهذه فقط هى اهم الاختلافات بين اللوحتين و من رأى ان ASROCK B75M-GL R2.0 افضل لانها مناسبة فى السعر مقابل الاداء.