المساعد الشخصي الرقمي

مشاهدة النسخة كاملة : استفسار بخصوص lenovo z580


seka10
10-02-2013, 10:40
انا اشتريت اللاب دة و هو فى خاصية اسمها one key recovery و ليها زرار جنب زرار الباور لوحده
المهم انا عايز استخدم الخاصية دى و اتعامل معاها ياريت حد يفيدنى
انا خدت بيها من ملفات النظام اول ما نزلت نسخة و جيت بعد فترة لما النسخة هيست حبيت اعمل ريكفرى ليها مرديش مش عارف انا عملتها غلط ولا ايه
يا ريت يا جماعة اللى يعرف شرح باتفصيل
arsenal_henry
10-02-2013, 16:49
انا لسة جايب نفس الجهاز من كام يوم ..
ولسه ماجربتش خاصية الـone key recovery بس قريت على منتديات اجنبية كتير بتقول ان عشان الزرار يشتغل لازم الهارد ما يكونش اتقسم يعني زي ما جه من المحل وبصراحة دي حاجة رخمة شوية وبتخليك كل ما تعمل ريكفري ملفاتك وحاجاتك اللي على الهارد هتتمسح .. :mad:
وكمان في بارتيشن مخفي تقريباً متعلق بيه ولازم ما يكونش اتفرمت او حصله حاجة ..
msspower
10-02-2013, 20:31
بص يا معلم نزل نسخة الويندوز اللي تعجبك لو جهازك من غير ويندوز وسطب كل برامجك وظبط جهازك وبعدين سطب برنامج one key recovery من علي اسطوانة التعريف وبعدين شغله وخد باك اب من نسخة الويندوز بالبرامج اللي سطبتها وهقولك هو هيشيل الريكفري في مكان علي ال d او اختار المكان اللي يعجبك وبعد ما يخلص كده تمام . لو لا قدر الله النسخة هييست او وقعت تطفي الجهاز وتدوس علي زرار الريكوفري وتحدد مكان الريكفوري وهو هيكمل . ارجو ان اكون وصلت الفكرة
صطفى رفت
10-02-2013, 23:42
انا مفهمتش يا msspower (https://arabhardware.net/forum/member.php?u=11290731) وهل الباك اب ده بيبقى على الجهاز كله ولا عال سى بس
seka10
11-02-2013, 03:02
انا عملت الباك اب و كل حاجة باجى اعمل ريكفرى بيقولى الرسالة دى
the programe cannot find the service partition. this function is currently unavailable
msspower
11-02-2013, 09:56
متأسف جدا لاني ممكن اكون مش باعرف اشرح كويس لكن هحاول
1-سطب نسخة الويندوز بتاعتك عادي جدا ونزل تعريفاتك وسطب برامجك اللي انت عاوزها كلها
2-علي اسطوانة التعريفات في برنامج اسمه one key vd;tvd سطبه
3- افتح الرنامج سوف تجد 3 اختيارات(system backup-system recovery-create recovery disk )
هتختار system backup لعمل نسخة احتياطية من نظام الويندوز الموجود حاليا علي الجهاز
4-هيقوللك حدد المسار اللي عاوز الباك يتحفظ فيه .طبعا البرنامج بيقترح مسار افتراضي علي D طبعا اختار المكان اللي يعجبك وقوله next وهو هيكمل مع نفسه وبعد ما يخلص هتطلع رسالة معناها ان الباك اتعمل بنجاح.
نيجي بقي لمرحلة ان النسخة وقعت او انت عاوز ترجع الجهاز لنفس حالته اللي عملت رباك عندها
1- اعمل shut down للجهاز
2- دوس علي الزرار الصغير جنب زرار الباور
3-اختار رقم 3
4-ادخل علي system recovery واختار تاني اختيار ومعناه ان باك اب عن طريق ال user يعني حضرتك اللي عامله وبعدين next واتبع باقي التعليمات
msspower
11-02-2013, 09:58
انا عملت الباك اب و كل حاجة باجى اعمل ريكفرى بيقولى الرسالة دى
the programe cannot find the service partition. this function is currently unavailable
ده لان جهاز حضرتك مش عليه درايف خاص بالريكفري وده لان جهازك اكيد من غير نسخة ويندوز كده لازم تختار الخيار التاني
صطفى رفت
11-02-2013, 12:37
انا اللى منزل ويندوز عادى ... وتقريبا جهازة معلهوش درايف خاص بالريكفرى اعمل ال4 الخطوات اللى قولت عليها فوق ولا ايه msspower (https://arabhardware.net/forum/member.php?u=11290731) ؟
msspower
11-02-2013, 17:59
توكل علي الله انا لسه مجربها النهاردة وشغالة زي الفل
arsenal_henry
11-02-2013, 19:36
طب عندي نفس الجهاز من غير ويندوز ونزلتله ويندوز وبعد ما نزل ظهرلي 2 بارتيشن السي وده حجمه كبير والـd: وده حجمه 30 جيجا ومش راضي يتفتح وبيقوللي لازم يتفرمت وفي قايمة الـdisk management ظهرلي 4 بارتيشن 2 مخفيين والاتنين اللي ظاهرين عادي في الويندوز .. المهم نزلت برنامج بيعمل ريكفر للهارد ولقيت الـd محطوط عليه ملفات باك اب تقريباً .. اعمل ايه بعد كدة مش عارف ؟
عاطف الاهلاوى
12-02-2013, 21:33
طب عندي نفس الجهاز من غير ويندوز ونزلتله ويندوز وبعد ما نزل ظهرلي 2 بارتيشن السي وده حجمه كبير والـd: وده حجمه 30 جيجا ومش راضي يتفتح وبيقوللي لازم يتفرمت وفي قايمة الـdisk management ظهرلي 4 بارتيشن 2 مخفيين والاتنين اللي ظاهرين عادي في الويندوز .. المهم نزلت برنامج بيعمل ريكفر للهارد ولقيت الـd محطوط عليه ملفات باك اب تقريباً .. اعمل ايه بعد كدة مش عارف ؟
حضرتك نزلت نسخه خارجيه ليه ......الجهاز اصلا فيه نسخه موجوده على الهارد فى البارتشن d المخفى .......دلوقتى انت محتاج تعمل بارتشن جديد وتصغر حجم البارتشن c .......اوعى تفرمت الهارد ........تجيب اسطوانة بارتشن ماجيك وتستخدمها مع الجهاز تعديل حجم السى ريسايز للبارتشن وتحدد الحجم اللى انت عايزه......لازم الجزء المستقطع من السى يكون فى جهة البارتشن الصغير يعنى الهارد لازم يبداء بالبارتشن سى ثم الجزء المستقطع من السى ثم البارتشن الصغير ثم البارتشن المخفى وتعمل apply وتخرج .......حتشغل الجهاز مش حيشتغل وحيقولك errore ويطلب اصلاح الويندوز .......تطفى الجهاز وتضغط على زر one key وتختار الخيار الاوسط ثم next وتختار الخيار الاول عباره عن backup من بارتشن d الجهاز حيفرد النسخه تمام وبعدين حضرتك تدخل على ماى كميوتر ثم مانج حتلاقى الجزء الجديد مظلل واسمه unlocated كليك يمين عليه ثم تضغط على نيو فوليوم الجهاز حيكمل ويصبح بارتشن جديد
seka10
13-02-2013, 02:41
تقصد ايه بالخيار الثانى انى بدل ما احط الباك اب على الهارد احطه على سيدهات
و شكرا جدا ليك
arsenal_henry
13-02-2013, 08:04
حضرتك نزلت نسخه خارجيه ليه ......الجهاز اصلا فيه نسخه موجوده على الهارد فى البارتشن d المخفى .......دلوقتى انت محتاج تعمل بارتشن جديد وتصغر حجم البارتشن c .......اوعى تفرمت الهارد ........تجيب اسطوانة بارتشن ماجيك وتستخدمها مع الجهاز تعديل حجم السى ريسايز للبارتشن وتحدد الحجم اللى انت عايزه......لازم الجزء المستقطع من السى يكون فى جهة البارتشن الصغير يعنى الهارد لازم يبداء بالبارتشن سى ثم الجزء المستقطع من السى ثم البارتشن الصغير ثم البارتشن المخفى وتعمل apply وتخرج .......حتشغل الجهاز مش حيشتغل وحيقولك errore ويطلب اصلاح الويندوز .......تطفى الجهاز وتضغط على زر one key وتختار الخيار الاوسط ثم next وتختار الخيار الاول عباره عن backup من بارتشن d الجهاز حيفرد النسخه تمام وبعدين حضرتك تدخل على ماى كميوتر ثم مانج حتلاقى الجزء الجديد مظلل واسمه unlocated كليك يمين عليه ثم تضغط على نيو فوليوم الجهاز حيكمل ويصبح بارتشن جديد

شكراً لردك جداً ..
الجهاز اصلاً جاي Free Dos من غير نسخة ويندوز وكان لازم انزل نسخة من عندي .. والمشكلة كمان ان d مش مخفي ده ظاهر مع السي عادي ومش راضي يفتح وكل ما افتحه يقوللي لازم تفرمته عشان يفتح .. وعشان كدة عملت حوار الريكفر ببرنامج عشان اعرف عليه ايه ولقيت عليه ملفات backup تقريباً ..
عاطف الاهلاوى
13-02-2013, 21:46
فعلا كدا الجهاز ليس به نسخة ريكفرى وممكن تعمل كماذكر احد الاعضاء تنزل نسخه وتعمل ليها ريكفرى على الجهاز