مشكلة فى كارت ati hd 6670 sapphire 1gb gddr5

[wesha12]

السلام عليكم
انا عضو لسة جديد فى المنتدى واتمنى بجد انكوا تساعدونى فى حل المشكلة دى
اولا انا جبت الكارت ده المذكور فى عنوان الموضوع من اسبوع ب 570 ج
ناس كتير قالتلى كارت حلو وبيشغل العاب حديثة وبكافائة عالية
المهم انا امكانيات جهازى بوردة ma 74 amd giga byte
رامات 4gb ddr2
بروسيسور x2 240 athleon 2.8 mega cash
وعندى باور تجارى vesta وقريت على الكرتونة انه بيحتاج 400 وات علشان يشتغل كويس
وعندى شاشة view sonic 17
المشكلة ان من ساعة ماركبته حاسس ببهتان فى الالعاب مع ان الرسيليوشن عالى
الالعاب شغال كويس مفيش مشكلة بس فيفا 13 فيها سنة بطئ وعلى هاى والالعاب كلها حاسس بيهل ببهتان وكمان الافلام حاسس ان صورتها اوحشت
والمشكلة التانية وانا بعلب كول اوف ديوتى مودرن وارف 3 اللعبة زنت مرة واحدة وجالى شاشة زرقة والجهاز عمل ريستارت بعديها بثوانى
ونفس الكلام حصل فى الفيفا 13 مع العلم ان عمر ما الجهاز عمل الحركة دى قبل ما اجيب الكارت
فهل دة بسبب الباور سبلاى التجارى ولا عيب فى الكارت
وعايز اعرف تاثير الباور على الكارت سواء التاثير السلبى لو قليل او التاثير الايجابى لو كبير
ارجو من المشرفين حل تلك المشكلة او مساعدتى فى حلها علشان بجد متضايق انى دافع 570 ج وفى الاخر يضيعوا عليا فياريت تحلوهالى وشكرا جدا

[wessam-pro]

سوء جودة الصورة ملوش علاقة بالباور
ممكن تتأكد من ati catalyst ان دقة الالوان على 32 مش 16 وتظبط الالوان والتباين على الافتراضى
بالنسبة للباور عاوزك تنزل برنامج furmark وتضغط على الكرت لمدة نص ساعه لو جاب شاشة زرقا او حصل تهنيج او توقف الاختبار يبقى تغير الباور
والافضل تغير الباور عشان تحافظ على الكرت والجهاز عموما
بالنسبة للتقطيع فى الفيفا لانها بتحتاج معالج اقوى من الى عندك

[wesha12]

متشكر جدا يا وسام وعلى الرد الوافى دى
بس معلش افهم ايه برنامج furmark ده
وفايدته ايه واضغط على الكارت ازاى
وانا اقصد ان الجودة سيئة علشان الكارت مش شغال بكافئته فاهم قصدى
وفهمت خلاص التقطيع اللى فى الفيفا ربنا يكرمك
بس الباور بالظبط بيعمل ايه مع الكارت يعنىايه الفرق لو قوى ومديله ال 400 وات او ضعيف ومش مديله ال 400 وات فاهم قصدى
ومتشكر مرة تانية
وصحيح ايه رايك فى الكارت عموما

[wessam-pro]

الكرت كويس جدا مبروك عليك
مش هدخلك فى متاهات برامج وضغط وكده بص ببساطة
شوف لعبة تقيلة عندك فى الجرافك والعب مثلا نص ساعه وشوف هتواجهك مشاكل فيها زى كول اوف ديوتى ولا لا عشان نتأكد ان المشكلة مش فى اللعبة
والباور لو مش كفاية للكرت مبيظهرش مشاكل الا لما يبقى فيه ضغط كبير عليه يعنى gpu load 100% تلاقى مشاكل شاشة زرقا وريستارت للجهاز او اللعبة تخرج وهكذا

[hesham hard]

اخي الكريم مثل ما قال اخي وسام اضغط على الكرت بواسطة furmark والافض ترفع لنا صورة من برنامج gpu z
ومبدئيا اعتقد المشكلة من الباور سبلاي الذي لديك

[LORD19]

هو انت معرف الكارت بالاسطوانه اللى جايه معاه ولا ايه انا شغال بنفس الكارت بس نسخه باور كلور على باور سبلاى 300 وات ومفيش مشاكل خالص وبالعب كله على الهاى ومفيش مشاكل لا فيفا ولا فى بيس 13 وبالعب كريسس 2 والضغط على الكارت 99% وبارضو مودرن وراف 3 محصلش مشاكل معاها وشغال تمام جرب تغير التعريف يمكن يظبط معاك وربنا معاك يا غالى

[wesha12]

بالنسبة لوسام انت تقصد ان لو الجهاز بيفصل او يجيب شاشة زرقا ده كده يبقى عيب باور مش لعبة صح ؟ ولا انا فهمت غلط
بالنسبة لهشام او لوسام عايز اعرف فايدة البرنامج ده معلش حتى لو مش هعمله يبقى خدت خبرة دا فايدته ايه وبيعمل ايه بالظبط
ثانيا بشكر الاخ لورد بس انا معرفه بالاسطوانة
وعايز اعرف معلش ال mhz المناسب للجهاز والشاشة والكارت 60 هرتز ولا 75 هرتز
ومتشكر ليكوا كلكوا

[Ahmed.Elsayed]

حضرتك أشترى على الأقل باورسبلاى 400 وات ماركة أحترافية لأنه إذا عمل الكارت بدون مشاكل لفترة ممكن أن يحدث مشاكل بالمستقبل بالأضافة إلى تأثير الأنواع التجارية من الباورسبلاى على عمر الهارد الصلب الأفتراضى بالسلب

وإذا أردت أن يعمل الكارت بكامل كفائته قم بكسر سرعة المعالج قليلاً لكن بعد تغيير الباورسبلاى طبعاً وقم بتحميل اَخر تعريف لكارت الشاشة من موقع الشركة المنتجة ويفضل طبعاً تشغيل الشاشة على أعلى تردد لها Hz

[hesham hard]

بالنسبة لوسام انت تقصد ان لو الجهاز بيفصل او يجيب شاشة زرقا ده كده يبقى عيب باور مش لعبة صح ؟ ولا انا فهمت غلط
بالنسبة لهشام او لوسام عايز اعرف فايدة البرنامج ده معلش حتى لو مش هعمله يبقى خدت خبرة دا فايدته ايه وبيعمل ايه بالظبط
ثانيا بشكر الاخ لورد بس انا معرفه بالاسطوانة
وعايز اعرف معلش ال mhz المناسب للجهاز والشاشة والكارت 60 هرتز ولا 75 هرتز
ومتشكر ليكوا كلكوا
بالنسبة لبرنامج furmark فهو برنامج يقوم بالضغط على كرت الشاشة لتاكد من ان الكرت لا يوجد به مشاكل
وهو يقوم بالضغط على الكرت اقوى من الالعاب جميعها وبمجرد تشغيل البرنامج يمكنك اختيار الدقة التي تريد اختبار الكرت عليها
والضغط عى burn in test والانتظار مدة ربع ساعة الى نصف ساعة واذا ظهر لك خطوط سوداء غريبة اثناء الاختبار او توقف الاختبار بشكل مفاجئ
فاعلم ان هناك مشكلة بالبطاقة اما اذا اكتمل الاختبار دون وجود مشاكل فبطاقتك سليمة وهذا رابط البرنامج لتحميله
https://www.softpedia.com/dyn-postdownload.php?p=102854&t=4&i=1

[wesha12]

متشكر جدا يا هشام
ومتشكر جدا يا احمد
بس كنت عايز اسالك ياحمد يعنى ايه كسر سرعة المعالج
اجيب بروسيسور اعلى يعنى
ولا حاجة تانية

[wesha12]

واى صورة ال GBU-Z يا هشامE:\54.gif

[wesha12]

واى صورة ال GBU-Z يا هشامfile:///D:/FFOutput/54.png

[unexpected]

متشكر جدا يا هشام
ومتشكر جدا يا احمد
بس كنت عايز اسالك ياحمد يعنى ايه كسر سرعة المعالج
اجيب بروسيسور اعلى يعنى
ولا حاجة تانية
راجع الرابط دة ستستفيد منة بخصوص موضوع كسر السرعة وشرحة
https://arabhardware.net/articles/hardware/overclocking/2714-overclocking-and-pc-cooling-princibles.html

[wesha12]

متشكر ليكوا كلكوا انا عارف انى رخمت عليكوا بس معلش عايز حد يفيدنى فى النقطة دى
ايه هو تاثير الباور على الكارت لو كان 400 فاكتر يعنى الباور كافى
وان الباور صغير مش كافى اقل من 400
بتفرق فى امكانيات الكارت ولا بتاثر على الكارت بالسلب او بالايجاب ازاى
ده اللى كنت عايز اعرفه منكوا ومعلش لو كنت رخمت عليكوا

[unexpected]

متشكر ليكوا كلكوا انا عارف انى رخمت عليكوا بس معلش عايز حد يفيدنى فى النقطة دى
ايه هو تاثير الباور على الكارت لو كان 400 فاكتر يعنى الباور كافى
وان الباور صغير مش كافى اقل من 400
بتفرق فى امكانيات الكارت ولا بتاثر على الكارت بالسلب او بالايجاب ازاى
ده اللى كنت عايز اعرفه منكوا ومعلش لو كنت رخمت عليكوا
في العادة عندما تشتري بطاقة معينة ستحتاج لباور بقوة معينة لكي تعمل البطاقة بسلام هي وباقي القطع طبعا وفي وكثيرا تجد بطاقة معينة تحتاج لباور بقوة اكبر من ما يحتاجها الجهاز وذلك مع الاخذ في الحسبان
زيادة قطع اضافية على الجهاز از كسر سرعة
وطبعا لا ننصح بتشغيل بطاقة تحتاج لباور بقوة معينة مع باور تجاري او حتى غير كافي لكي تكون كل القطع في امان
وانما مع بطاقتك HD 6670 هي لا تحتاج لباور اصلي ويكفيها باور تجاري لانها اساسا لا تحتاج لتوصيلها من الباور للبطاقة بوصلة 6PIN

[wesha12]

يعنى الباور مجرد لامان الكارت وباقى مكونات الجهاز مش اكتر من كده بالنسبة لبطاقتى دى
يعنىلا بمعنى اصح الباور التجارى مش مقلل من كفاءة الكارت ؟

[unexpected]

يعنى الباور مجرد لامان الكارت وباقى مكونات الجهاز مش اكتر من كده بالنسبة لبطاقتى دى
يعنىلا بمعنى اصح الباور التجارى مش مقلل من كفاءة الكارت ؟
المقصود هنا ان الباورات التجارية لا تعطي القوة المكتوبة عليها وانما الباورات الاصلية تقريبا تعطي القوة المكتوبة عليها ومعمول عليها اختبارات
ولا دخل لكفائة البطاقة في الباور

[wesha12]

المقصود هنا ان الباورات التجارية لا تعطي القوة المكتوبة عليها وانما الباورات الاصلية تقريبا تعطي القوة المكتوبة عليها ومعمول عليها اختبارات
ولا دخل لكفائة البطاقة في الباور

الف شكر يا unexpected
وخلاص فهمتك ومتشكر جدا لكل اعضاء المنتدى وخلاص ممكن عادى الموضوع يتقفل وشكرا جدا

[Ahmed.Elsayed]

المعالج وكارت الشاشة لا يسحبان طاقة كبيرة من الباورسبلاى فأستخدام باورسبلاى أصلى بقدرة 350 وات سيكون كافى وسيكون عامل أمان لجهازك وأرشح لك الباورسبلاى Hec 350W وسعره 150 جنيه تقريباً جديد.

[wesha12]

متشكر يا احمد
طب حلو ده وده يعتبر اصلى ولا تجارى وسعره مناسب بس بيدى فعلا 350

[Ahmed.Elsayed]

هذا الباور يعتبر من الأنواع الأحترافية جيدة الصنع ولمعرفة الفرق بنفسك أمسك الباورسبلاى التجارى الموجود فى الكيسة عندك فى أيد وأمسك الباورسبلاى ال Hec فى الأيد التانية وهتعرف الفرق بنفسك

الباورسبلاى ال Hec 350w معظم الناس أستخدمته فى الأول قبل ما تحدث جهازها لأن أولاً مفيش أنواع تانية 350 وات بتنافسه ولأن سعره أقتصادى فتوكل على الله وأشتريه.

[wesha12]

خلاص تمام يا احمد وشكرا جدا