فرق بين البروسيسور الموجود داخل الاجهزة الاورجنال والاجهزة التجميع

[desha1001]

لو سمحتم هل يوجد فرق بين البروسيسور الموجود داخل الاجهزة الاورجنال والاجهزة التجميع ؟؟؟ وعامة ايه الفرق بين الاجهزة الاورجنال والتجميع ؟؟؟ يعنى فى فرق فى التصنيع او قوة التحمل ؟؟؟؟

[المتمرد11]

السلام عليكم
لا يوجد فرق بين المعالجات اما الاجهزه الاورجنال تكون من تصميم الشركات المصنعه لها ويكون امكانيه التعديل عليها ضعيفه
اما اجهزه التجميع فهيا تكون بمواصفات قياسيه اتفقت عليها معظم الشركات اللهم الا بعض الفروق التى تميز شركه عن اخرى

[unexpected]

مفيش فرق بين المعالجات ابدا وانما اجهزة الاورجينال خلاص انت عندما تريد الشراء راح تحجم نفسك بواصفات معينة وانما اجهزة التجميع ممكن وبكل بساطة تغير القطع التي تريدها قبل الشراء
طبعا اتكلم عن طريقة التعامل عندما وانما ممكن عندكم في مصر يختلف الامر
واكبر عيب في اجهزة الاورجينال ان اللوحات التي موجودة عليها لا تقبل كسر السرعة

[mmels]

لا اعتقد انه يوجد فرق بين الاجهزة الاوريجنال والتجميع طالما المعالج بنفس الاسم هيكون بنفس المواصفات

وفعلا البورده التجميع بتقبل تغير محدودا جدا للبيوس

[M o h a m a d]

لايوجد فرق بين المعالجات
الفرق هو في اللوحات يعني اللوحة في أجهزة الاورجنال التغيير في البايوس بتعها محدود مثل كسر سرعة المعالج
أما أجهزة التجميع التغيير هنا والتطوير أفضل

[desha1001]

انا بسمع كلام ان الاجهزة الاورجنال سواء اتش بى او ديل استيراد الخارج هى اجهزة مصنعة لامريكا واوروبا اما قطع الاجهزة التجميع فهى مصنعة لدول العالم التالت ؟؟ مش عارف ان كان ده كلام صح ولا لا ؟؟؟

[unexpected]

انا بسمع كلام ان الاجهزة الاورجنال سواء اتش بى او ديل استيراد الخارج هى اجهزة مصنعة لامريكا واوروبا اما قطع الاجهزة التجميع فهى مصنعة لدول العالم التالت ؟؟ مش عارف ان كان ده كلام صح ولا لا ؟؟؟
طيب هي مصنعة في الخارج صح وشركات معينة تقوم بتركيبها وانما الاجهزة المجمعة ممكن اي واحد صاحب محل يضع مثلا مواصفات معينة لجهاز ونختار جهاز بأحد المواصفات المعينة ويقوم هو بتجميع الجهاز قطعة قطعة دة الحال عندنا

[desha1001]

يعنى فى فرق فى الصناعة بين قطع الاجهزة الاورجنال والاجهزة التجميع ؟؟؟ ارجو الرد علميا .....ولا القطع الموجودة فى الجهاز الاورجنال هى هى نفس الموجودة بالتجميع بس الفرق فى الاورجنال ان الشركات هى اللى بتجمعها

[المتمرد11]

السلام عليكم
سضرب لك مثال البورده g41 الكمبو تمتلك نوعين مختلفين من منافذ الرمات وهى ddr2 و ddr3 وده فكره جيده لتستطيع الاختيار بين نوع الرمات المتوفره لديك او الارخصو وده نوع من المرونه
لكن الاجهزه الاورجينال لو اردت التغير من ddr2 ل ddr3 فعليك تغير الجهاز كله . وده مجرد مثال بان شركات تصنيع قطع الكمبيوتر تسعى لجذب المستخدم بتقديم اسعار معقوله ومميزات كثيره

[mazgaber]

اعنقد انه مش قصده الكلام ده يا جماعة .........هو فى الغالب قصده المكونات زى الايسيهات و المقاومات و الدوائر الالكترونية المصنوع منها الجهاز

[azzelden]

انا بسمع كلام ان الاجهزة الاورجنال سواء اتش بى او ديل استيراد الخارج هى اجهزة مصنعة لامريكا واوروبا اما قطع الاجهزة التجميع فهى مصنعة لدول العالم التالت ؟؟ مش عارف ان كان ده كلام صح ولا لا ؟؟؟
مافيش حاجة اسمها كده الشركات الكبيرة زى ديا و اتش بى بتاخد البورده والبروسيسور من انتل مثلا وبيتم تصنيع كيسة خاصة بهم بالشكل والمواصفات الهم بيطلبوها يعنى بيضعوا عليها اسمهم بس واذا شركة منهم مصنعه سى دى روم او حاجة شبيها بتركبها غير كده مافيش والافضل والارخص هو التجميع وبعدين الشركات المصنعة للقطع فى التجميع شركات كبيرة جدا ولها سنين جيجا بايت اسوس ده للبورده والهارد ويسترن وسيجات
وبعدين الاجهزة الاستيراد دى بتكون مستعملة بره الاول لها كم سنة ومدة عملها انتهت وتم احلالها باجهزة جديده لاكن بعض اماكن بيع اجهزة الاستيراد بيوهمو المشترى بنفس الكلام الانت بتقولو ده لو ماعندوش خلفية او دراية بالاجهزة كويس يعنى بيحللوا البيعة لو بتفكر تشترى وامامك خيار بين اجهزة استيراد وانك تجمع اتجه للتجميع بدون تفكير وعلى فكرة القطع المجمعه لها ضمان على اغلبها او كلها تقريبا 3 سنوات ما عدا البروسيسور بيكون سنة تقريبا

[desha1001]

انا هريحكم عشان ننهى الموضوع ده هههههه

انا لو اشتريت تجميعة اى فايف ايفى بريدج تمام ؟؟؟ هل هتفرق لو اشتريت جهاز اورجنال جديد نفس امكانيات التجميع اى فايف ايفى بريدج ؟؟؟

[desha1001]

اعنقد انه مش قصده الكلام ده يا جماعة .........هو فى الغالب قصده المكونات زى الايسيهات و المقاومات و الدوائر الالكترونية المصنوع منها الجهاز

ايوة فعلا انا قصدى على فرق التصنيع بردو

[unexpected]

انا هريحكم عشان ننهى الموضوع ده هههههه

انا لو اشتريت تجميعة اى فايف ايفى بريدج تمام ؟؟؟ هل هتفرق لو اشتريت جهاز اورجنال جديد نفس امكانيات التجميع اى فايف ايفى بريدج ؟؟؟
سيفرق نوع اللوحة معك والباور وممكن الرامات في حال كان الجهاز اورجينال
والافضل تشتري جهاز انت تقوم بتجميعة

[azzelden]

من الافضل التجمع يعنى ثمن جهاز I5 اوريجينال وتقدر تجمع اقوى منه بنفس الثمن I5

[desha1001]

واضح ان سؤالى مش واضح انا هقولكم واوضح اكتر

انا مثلا شفت جهاز اتش بى اورجنال اى فايف مثلا اوك ؟؟؟ لو انا بقة عملت جهاز تجميع نفس القطع اللى الجهاز الاتش بى هيبقى فى اختلاف ؟؟

م الاخر كد هل الاجهزة اللى بنجمعها فى مصر هنا هى نفس الفرز بتاع التجميع اللى ف امريكا او اروبا ؟؟؟ اللى بنقول عليها اورجنال ؟؟؟

اخر مرة هسال عشان حاسس انى صدعتكم وشكرا بجد على تفاعلكم

[azzelden]

ايوه واحسن كمان مافيش حاجة اسمها بتتصنع للعالم الثالث مش الصين هى بتضرب حجر قلم علشان يتباع فى العتبه
القطع بتصنع لفئات مختلفة تتناسب معها حسب الامكانيات المدية فقط وجميعها جيد جدا

[desha1001]

??????????????????????

ارجو التاكييييييييييييد

الاجهزة الاورجنال المجمعة فى امريكا هل البروسيسور الموجود بداخلها او القطع الاخرى تختلف فى جودتها عن الاجهزة المجمعة فى مصر ؟؟؟؟؟

[المتمرد11]

لاااااااااااااااااااااااااااااااااا

[unexpected]

??????????????????????

ارجو التاكييييييييييييد

الاجهزة الاورجنال المجمعة فى امريكا هل البروسيسور الموجود بداخلها او القطع الاخرى تختلف فى جودتها عن الاجهزة المجمعة فى مصر ؟؟؟؟؟
اذا كانت القطع تحمل نفس المواصفات لا يوجد اي اختلاف بينهم:)

[desha1001]

يعنى لو مثلا التجميعة دى


Intel® Core™ i3-2120 3.30GHz Processor 800
Gigabyte GA-H61M-S2P-B3 Socket 1155 400
Seagate Barracuda ST500DM002 500GB (https://rover.ebay.com/rover/1/711-53200-19255-0/1?toolid=10029&campid=CAMPAIGNID&customid=CUSTOMID&catId=58058&type=2&ext=290884275027&item=290884275027) 7200.14 SATA HDD 400
230 Kingston ValueRAM 4GB DDR3 1333MHz (https://rover.ebay.com/rover/1/711-53200-19255-0/1?toolid=10029&campid=CAMPAIGNID&customid=CUSTOMID&catId=58058&type=2&ext=310637440284&item=310637440284) CL9 1.5v
SAPPHIRE HD 7750 2GB GDDR3 700
HEC VN-RX Series 350w PSU (https://www.%2A%2A%2A%2A%2A%2A%2A%2A.com/product.php?id=20652) 200

جمعتها هنا فى مصر هتبقى هيا هيا نفسها لو جمعتها فى اوروبا او امريكا :rolleyes: :)

وشكرا ليك يامان بجد على اهتمامك :ah49:

[halim007]

لايوجد فرق بين المعالجات

[الحياة وهلة]

يا جماعة صاحب الموضوع مفكر ان شركات الاجهزة الاوريجينال هما اللى بيصنعو القطع ( معالجات _ لوحات ام _ رامات .. الخ )

عشان كدة بيسأل ( هل يوجد فرق ؟ )

الاجابة :

لا يوجد فرق لان المكونات التى بداخل الاجهزة الاوريجينال هى هى المكونات التى بداخل الاجهزة التجميع

بمعنى ان الجهاز الاوريجينال يحتوى على

معالج INTEL OR AMD ونفس الحال فى الجهاز التجميع

لوحة ام Gigabyte or Msi ... الخ ونفس الحال فى الجهاز التجميع

الى اخره .....

الفرق ان الاجهزة الاوريجينال يقوم بتجميعها شركات كبيرة مثل HP - DELL - COMPAQ الخ

اما الاجهزة التجميع يقوم بتجميعها المستهلك بنفسه لكى يختار القطع التى تناسب استخدامه .. اضافة الى سهولة عملية التحديث

بعكس الاجهزة الاوريجينال فغالبا ما يكون التحديث فيها محدود


فايهما تفضل ؟ ان تقوم باختيار القطع المناسبة لاستخدامك بنفسك ام تكون مجبرا على شىء معين ؟

[desha1001]

انا فاهم كلامك استاذ الحياه وهلة

انا بس كل الحوار مثلا التجميعة اللى انا عرضتها فى المشاركة السابقة لو انا جمعتها فى امريكا او اوربا هتبقى نفس جودة وكفاءة لو جمعتها هنا فى مصر :ah46:

[desha1001]

لايوجد فرق بين المعالجات

وماذا بشان القطع الاخرى ؟؟؟ فى التجميعة ؟؟؟

[MOBH]

معالجات intel تصنعها intel
ومعالجات AMD تصنعها شركة لتصنيع أشباه الموصلات إسمها Global foundries
جزء منها تباع بعقود لشركات OEM مثل dell و hp
وجزء يباع في الأسواق للأفراد

أما عن الماذربورد
فالتفوق لصالح الأجهزة المجمعة
لن تجد أي ماذربورد تدعم كسر السرعة في الأجهزة الأورجينال إلا في الأجهزة باهضة الثمن (أكثر من 1500 دولار)

الرام والهارديسك وبقية القطع تشتريها شركات الأوريجينال بعقد مع شركات أخرى مثل WD, Samsung, Corsair

حتى تطمئن أكثر
موقع newegg يبيع جميع أنواع قطع الحاسوب من المعالج إلى مراوح التبريد
لكنه مخصص فقط لأمريكا وكندا (دول متقدمة)
حتى أنه لا يمكن الشراء منه إلا ببطاقة مسجلة في أمريكا أو كندا (جرب إذا أردت)
https://www.newegg.com/CPUs-Processors/Category/ID-34
https://www.newegg.com/Motherboards/Category/ID-20

[الحياة وهلة]

انا فاهم كلامك استاذ الحياه وهلة

انا بس كل الحوار مثلا التجميعة اللى انا عرضتها فى المشاركة السابقة لو انا جمعتها فى امريكا او اوربا هتبقى نفس جودة وكفاءة لو جمعتها هنا فى مصر :ah46:

نفس الجودة لان الشركات المصنعة واحدة

ولكن احيانا بعض القطع يظهر فيها عيوب بعد نزولها الى الاسواق .. وبالتالى يتم خفض سعرها قليلا وهنا يأتى دور المستوردين من العالم

الثالث فيقومو باستيرادها وبيعها بثمنها الاصلى .. ولكن مثل هذه العيوب عادة تكون غير مؤثرة على الاداء او العمر الافتراضى للقطعة بشكل كبير

[baha timimi2011]

بكل بساطة
لدينا في العراق الأجهزة التي تسميها انت اورجنال نسميها عندنا Complete System وهي عادة ما تكون أغلى بكثير من الأجهزة التي نجمعها عندنا
وبالعكس فأجهزة السستم (الأورجنال) تكون بقدرة أردئ نوعا ما من أجهزة التجميع
فمثلا عندما أجمع جهاز أختار القطع بنفسي وأؤكد لك أنه لا يوجدفرق المكونات
وسبب أرتفاع سعر الجهاز الأورجنال هو الماركة فقط كونها من دل او أتش بي فقط
كنصيحة جمّع جهازك بنفسك افضل من شراء جهاز سستم
وكلمة أورجنال هي تعبير لغوي خاطئ فهي ليس المعنى منها أنها أصلية بل أنها تجميع من أحدى الشركات وستجد ماركة الشركة على جميع قطع الجهاز الخارجة أما من الداخل فمن الممكن أن ترى كل قطعة من شركة معينة. وكمثال لو أشتريت جهاز أورجنال من شركة Dell فستكون الماوس أيضا من Dell ولكنك بالتجميع تستطيعشراء ماوس مثل Logitech وهو أفضل بكثير من ماوس Dell
أما المعالج فمن الممكن أن تدخل الشركة الأورجنال معالج Tray بدلا من معالج Box وبالتأكيد عندما تجمع جهاز ستكون متأكداً أن معالجك Boxed وفي حدود ضمان 3 سنين على الأقل

[عادل الرميثي]

ملاحظة : هنالك نقطة مهمة بخصوص الاجهزة التي تبيعها الشركات الكبيرى (dell , hp,acer ) الا وهي نسألة التوافق بين مكونات النظام , حيث ان نسبة التوافق بين مكونات الاجهزة التي تجمعها الشركات تصل الى 99 % وهذا لا يتوفر في الاجهزة التي يجمعها المستخدم العادي او اصحاب المحلات وهذا ثبت بالاختبارات الخاصة بأداء كل قطعة _ بروسسر او رام او كارت شاشة ....الخ _ حيث ان التوافق من الناحية النظرية واعتماد المواصفات الموجودة على كتيبات التشغيل لتلك القطع لا يكفي لتجميع حاسوب بل لا بد من اختبار معملي لتلك المكونات بشكل دقيق وهذا غير ممكن الا عند الشركات الكبرى . وينتج عنه حاسب ذو اداء عالي جدا , ولكن ذلك يسبب ارتفاع سعر تلك الاجهزة .

[MohamedRaafat]

واضح ان سؤالى مش واضح انا هقولكم واوضح اكتر

انا مثلا شفت جهاز اتش بى اورجنال اى فايف مثلا اوك ؟؟؟ لو انا بقة عملت جهاز تجميع نفس القطع اللى الجهاز الاتش بى هيبقى فى اختلاف ؟؟

م الاخر كد هل الاجهزة اللى بنجمعها فى مصر هنا هى نفس الفرز بتاع التجميع اللى ف امريكا او اروبا ؟؟؟ اللى بنقول عليها اورجنال ؟؟؟

اخر مرة هسال عشان حاسس انى صدعتكم وشكرا بجد على تفاعلكم




النوع اول اورجينال تقوم شركه مشهوره بخبرائها بتجميع كمبيوتر من خبرتهم وبيعه لك قطعه واحده

النوع ثاني كمبيوتر مجمع كما تعلم انت يعنى انك بخبرتك ومالك تجمع كمبيوتر لنفسك



نفهم هنا انه الاول من تجميع خبراء والثانى من تجميع خبرتك انت (سواء اكان باعلى الامكانيات او بامكانيات بسيطه)

ولكنى اعلم فى نفس الوقت ان سوالك ياتى تحت مسمى هل ما يتم تجميعه من القطع من النوع الاول يشابه تماما نفس القطع من النوع الثانى الاجابه نعم طلما انك جمعت من النوع الثانى مثلما

جمع من النوع الاول

ولكن !!! ............لماذا تجمع شركه مشهوره بنفسها من خبرائها بينما من الممكن ان تنصح المستهلك بالقطع الملائمه ؟!

وهنا اعطيك الاجابه ان هذه شركه وتعرف الربح والخساره فلن تكسب من النصائح بينما ستكسب لو جمعت بنفسها كمبيوتر متكامل !! هل فهمت الفكره ....

ولكنى اريد ان تفتح عقلك على شئ هام !.... مثلا نجد ان الشركات المشهوره تجمع الكمبيوتر تجميع (مغلق) وكلمه مغلق اى ان نسبه تغيير امكانياته لجعله اقوى واعلى كفائه 1% فقط

لانها تجمعها لفئتين من المستهلكين الفئه الاولى المستخدم البسيط والفئه الثانيه مستخدم الاعمال !

اصحاب الاعمال فى رايك انت هل يهمهم امكانيات الكمبيوتر والمستورد والمجمع وكل ما اقوله !! لا طبعا

المستخدم البسيط .... خذ لك مثلا (الام او الاخت) هل تهتم بامكانيات الكمبيوتر !! لا طبعا

فلو انت غنى جدا وذهبت مع فتاه ما وقلت لها انك ستشترى لها كمبيوتر ب 10000 جنيه (بامكانيات عاليه فى سرك) تكون رده فعلها (واااااو)
لكن لو قلت لها انك ستشترى معالج لكمبيوتر نوعه intel core i7 (وفى سرك قيمته لوحده 7000 جنيه) فستقول لك براحتك لو عايز اشتريه ولو مش عايز بلاش !! لانها مستخدم بسيط تفهم فى سعر الجهاز ولكن ليس فى امكانياته ...

لاحظت انا ان الاعضاء يقولون لك النوع الثانى (تجميعه بنفسك) افضل بينما لم يفهموا سؤالك وهنا انا افهمتك ما كنت تريد معرفته فسافهمك ما يريده الاعضاء لك

انت تعلم النوع الاول (تجميع من الشركه) ................ هذا تجميع معين مثلا .............. سعره 2000 جنيه وهو مغلق

والنوع الثانى (تجميع مع نفسك) ............................ وهذا تجميع معين اخر ............... سعره 2000 جنيه وهو مفتوح


لاحظ ان الاعضاء قالوا لك انك ستشترى كمبيوتر ب 2000 مثلا وكانت تجميعتك عباره عن كمبيوتر قوى وفى حاجتك فى المستقبل يمكنك عزل قطع لاستبدالها باخرى بكل سهوله دون الحاجه الى تغيير الكمبيوتر ككل او يمكنك ان ترحم بالك وتشترى كمبيوتر تجميع الشركه نفسها بنفس السعر ولكن لن يكون له مستقبل اى ان (بوس ايدك وش وظهر وقول الحمد لله وحده)


وسلم عليكم