طلب مساعدة فى شراء لاب للافلام و الالعاب

[Unknown_Dragon]

انا لو -لو بقى - هشترى لاب توب تنصحونى بايه
وتنصحونى بامكانياته ايه
هو انا عايز يكون لاب يشتغل 24 ساعة فى اليوم ميقلش آى ولا يفتح بقه
ويكون كارت الشاشة نضيف جداً علشان يشغل كل الجودات الموجودة دلوقتى ويشغل الجودات اللى ممكن تنزل لخمس سنين قدام يعنى لو طلعت جودة احسن فى الفترة اللى جاية يعرف يشغلها علشان انا متعذب دلوقتى مع الخربان بتاعى اخر عذاب
ويكون البروسيسور بتاعه قوى يشغل احدث العاب وكده و اهم حاجة يشغل PES اللى هتنزل لخمس سنين قدام يعنى لحد PES 2017 يشغلها تمام مايشتكيش
والرام متقلش عن 4 جيجا ولو زيادة يبقى احسن
انا اخويا معاه لاب توشيبا هو امكانياته حلوة من حيث الرام والبروسيسور زى الامكانيات اللى قلتها فوق
لكن فيه عيب فظيع موجود فيه من اول ما جه هو انه بيسخن قوى وبشدة بعد ما تغشل اللاب مفيش نص ساعة وتلاقيه سخن بطريقة مش معقولة هو مش بيفصل لكن بيسخن قوى لكن بيظل بنفس الاداء ونفس السرعة وكمان الهارد اللى فى اللاب نفسه بيقرأ ببطئ شديد قمة الشلل
فانا مستبعد توشيبا نهائى ومستحيل اجيبه
انا قريت ان HP برضه بيسخن وكده هو لو كل Laptops بتسخن يبقى مش مشكلة ولو مفيهوش غير السخونية مش مشكلة
وقريت عن ديل بيقولوا مشاكل كتير فيه وبالذات الهارد
ويا ريت تقولولى السعر فى مصر و أمريكا
انا الميزانية بتاع 5 آلاف اخرها
1- الجهاز هيكون للافلام باعلى جودة يعنى بلوراى و لو اعلى من البلوراى نزل يشغلها والعاب تقيلة والجرافيكس عالى زى العاب الحروب والقتال
2- الجهاز هجيبه من خارج مصر يعنى مش هيبقى ليه ضمان فى مصر يعنى لو اى مشكلة فى الهاردوير بالسلامة بس انا هجيبه من بره علشان ارخص
انا عارف ان موضوعى طويل بس معلش لان الجهاز ده هيتنيه معايا بتاع اربع سنين ولا حاجة

[arsenal_henry]

ركز على المواصفات ديcore i5 or i7 و رامات 4 وممكن تزودهم 4 بعد كدة لو عايز وهارد 750 جيجا او 1 تيرابايت وكارت 2جيجا amd ..

Dell 5520
https://www.computershopegypt.com/en/dell-inspiron-15r-ci5-5520-laptop-110-019-11520?filter_name=dell%205520

Lenovo s400
https://www.computershopegypt.com/en/lenovo-s400-laptop-110-002-57765?filter_name=lenovo

lenovo z580
https://www.computershopegypt.com/en/lenovo-ideapad-z580-59337530-laptop-110-002-37530?filter_name=lenovo

[Unknown_Dragon]

lenovo z580
https://www.computershopegypt.com/en/lenovo-ideapad-z580-59337530-laptop-110-002-37530?filter_name=lenovo
عجبنى اوى الجهاز ده وسرعه كويس بالنسبة للامكانيات
بس معلش ممكن توضح نقطة السخونية
وكمان هل سريع فى النسخ و كده
و الالعاب والافلام
وهل مفيس مقاس شاشة اكبر من كده ولا ده اكبر مقاس فر الاب توب

[arsenal_henry]

عجبنى اوى الجهاز ده وسرعه كويس بالنسبة للامكانيات
بس معلش ممكن توضح نقطة السخونية
وكمان هل سريع فى النسخ و كده
و الالعاب والافلام
وهل مفيس مقاس شاشة اكبر من كده ولا ده اكبر مقاس فر الاب توب

بص انا عندي اخو الجهاز ده بس برامات 4 ومن غير ويندوز وكان كويس وبالنسبة للسخونية اكيد بيسخن زي اي جهاز في الالعاب والتطبيقات العالية لكن في حدود المسموح دي اهم حاجة ..
في مقاسات اكبر بس اجهزة تعدي الميزانية بكتير .. بس 15.6 بوصة كويس جداً ..

[Unknown_Dragon]

بص انا عندي اخو الجهاز ده بس برامات 4 ومن غير ويندوز وكان كويس وبالنسبة للسخونية اكيد بيسخن زي اي جهاز في الالعاب والتطبيقات العالية لكن في حدود المسموح دي اهم حاجة ..
في مقاسات اكبر بس اجهزة تعدي الميزانية بكتير .. بس 15.6 بوصة كويس جداً ..


الف شكر على متابعتك يا باشا
بس معلش طمعان فى شوية تفاصيل كمان
وبما ان انته مجرب الشركة دى
اصل موضوع السخونية ده بيستفزنى لانى لما باستعمل توشيبا بتاع اخويا بيسخن قوى ويطلع هوا سخن من فتحات التهوية كل شوية
بحس ان الجهاز بيقلى قوم ياض كفاية كده وبيسخن رغم انى مبلعبش عليه ولا افلام ولا حاجة مجرد فتح المتصفح بيسخن يعنى مش عمليات تقيلة ولا حاجة
وكمان الهارد بيقرأ ببطئ و بطئ فى النسخ برضه
وكمان الدى فى دى رغم انه مستعلموش خالص الا مرة او مرتين الا انه باظ و مبقاش يرضى يقرأ
والالوان كمان متحسش انها حلوة زى المطلوب
كل ده حصل فى جهاز توشيبا
فانا عايز اتأكد لانى مجربتش لينوفا قبل كده
يعنى سخونيته كويس و لا ايه
وبعدين الجهاز هجيبه لتصفح النت و العاب زى Pes و fifa و Crysis و العاب الحروب والقتل العالية فى الجرافيكس اللى بتنزل اليومين دول
وكمان لمشاهدة الافلام Blu 720 و Blu 1080 و HD و لو يتفع اشغل عليها 3D يبقى زيادة الخير خيرين
وشوية برامج مش تقيلة خالص و بالاضافة للفوتوشوب و برامج مونتاج الفيديو زى بتاعة سونى بس مش اساسى موضوع المونتاج الفيديو ده
يعنى اساسى تصفح والعاب وافلام
و كمان سرعة الهارد ديسك و سرعة النقل و النسخ و كمان بستعمل الفلاشة كتير فعايز النقل يكون سريع

بالنسبة لحجم الشاشة انا اقتنعت ان 15.6 كويس
تقلت عليك معلش بس انته عارق الحالة و مش كل يوم الواحد بيجيب لاب و هجيبه من بره مصر يعنى الضمان فركش

ولك جزيل الشكر

[HishamShafai]

زود ألف و هات samsung RF511 S06 i7 ram 8 Blue Ray extra bright screen كارت شاشة Nvidea 540 بالإضافة لكارت الإنتل و الجهاز عندى تحفة و لا يسخن

[Unknown_Dragon]

زود ألف و هات samsung RF511 S06 i7 ram 8 Blue Ray extra bright screen كارت شاشة Nvidea 540 بالإضافة لكارت الإنتل و الجهاز عندى تحفة و لا يسخن

اولا شكرا على الرد اخى
لكن مش هينفع ازود الميزانية عن كده
انا اخرى 5000 الاف مصرى ده بالكتير قوى
يعنى مش هعرف اجيب السامسونج
انا هحاول ازود الميزانية بس غالبا مش هعرف
فانا عايز لاب فى حدود الخمس الاف
وبعدين انا هجيبه رامات 6 جيجا
و Core i5 أو Core i7
وكارت شاشة Nvidia 2G
يعنى امكانيات حلوة
بس عايز اعرف رأى الخبراء فى الاداء و غيره لان كل الابات فيها الامكانيات دى بس الاداء بيختلف و الخامة وغيره

[arsenal_henry]

بص الجهاز lenovo z580 معايا مش بيسخن غير في الالعاب والتطبيقات العالية يعني انا مجربه على لعبة call of duty modern warfare 2 وعلى اقصى اعدادت ورزيليوشن وكان بيسخن شوية بس لكن في حدود المسموح ..
لكن في الشغل العادي زي التصفح والبرامج المعتادة مش بيسخن وزي الفل ما شاء الله واعتقد معظم الاجهزة غير شوية اجهزة ديل واتش بي الناس اشتكت من سخونيتها بس ..
في ناس بتشكر برده في dell 5520 بس شخصياً ماجربتوش عشان احكم عليه وبالتوفيق ..

[Unknown_Dragon]

شكرا على الرد اخى
بس معلش اخر سؤال
انا بعد ما بحثت و تمعنت شوية لقيت مواضيع عن ناس بتشتكى من مسألة الويندوز و الريكفرى و ده مش فى لينوفو بس انا قريت برضه ان المسألة دى موجودة فى HP - Samsung
و تفاصيلها ان قيه ناس بتشتكى انها لما شالت الويندوز و جت تسطب نسخة مش مرخصة على اساس انه يعملها كراك من جوه معرفش يسطب
وناس تانية تقولك وانا بعمل Recovery للويندوز قبلتنى مشكلة
وناس تالتة تقولك بعد ما عملت فورمات و برتشن ماجيك الويندوز مش راضى يتثبت

هو ايه حكاية ال Recovery و الويندوز دى

[Ḿǿĥâmeḋ Ấḅḑ Ệlậẑiz]

اخى الكريم يحيى انصحك بهذا الجهاز
lenovo z580
دة مناسب للتشغيل الطويل و السرعة و كارت الشاشة بتاعه

GeForce GT630M


يعنى ممتاز جدا للالعاب
و بالنسبة للسخونة اى جهاز فى الدنيا بيسخن بس السخونة العادية

[Unknown_Dragon]

اخى الكريم يحيى انصحك بهذا الجهاز
lenovo z580
دة مناسب للتشغيل الطويل و السرعة و كارت الشاشة بتاعه

GeForce GT630M


يعنى ممتاز جدا للالعاب
و بالنسبة للسخونة اى جهاز فى الدنيا بيسخن بس السخونة العادية



ايوة يا ريس انا شبه استقريت على الجهاز ده و الاصدار ده Lenovo Z580
الجهاز ده عايز اجييه حاجة محترمة يعنى يعيش فحت وردم زى ما بيقولوا يعنى شغل 24 ساعة بدون مبالغة لانى ان شاء الله هقعد العب عليه واحمل افلام بلورارى 720 وانا سرعتى ضعيفة 512 K يعنى بحمل الجيجا فى ست ساعات يعنى علشان احمل فيلم بلوراى فى 12 ساعة اقل حاجة وانا اصلا جايب الجهاز علشان الافلام والالعاب بجانب برامج اخرى
هيا امكانيات الجهاز مناسبة جدا لانها Core i7 وده مناسبنى جدا بس الامكانيات دى ممكن الاقيها فى اى ماركة سواء HP ... Toshiba ... Samsung ....Dell
انا حابب استفسر عن اداء الجهاز سخونية و تشغيل تطبيقات تقيلة وتحمل الشغل وكده


لو حضرتك معاك الجهاز ده ممكن تقولى ايه حكاية الويندوز والريكفرى اللى طالعة فى الابات الجديدة دى


ولكم جزيل الشكر

[Mohmmad Assem]

hp envy dv6 7204se

https://egypt.souq.com/eg-en/hp-envy-dv6-7204se-laptop-15-6-inch-1-tb-6-gb-steel-black-4954523/i/

[Ḿǿĥâmeḋ Ấḅḑ Ệlậẑiz]

ايوة يا ريس انا شبه استقريت على الجهاز ده و الاصدار ده Lenovo Z580
الجهاز ده عايز اجييه حاجة محترمة يعنى يعيش فحت وردم زى ما بيقولوا يعنى شغل 24 ساعة بدون مبالغة لانى ان شاء الله هقعد العب عليه واحمل افلام بلورارى 720 وانا سرعتى ضعيفة 512 K يعنى بحمل الجيجا فى ست ساعات يعنى علشان احمل فيلم بلوراى فى 12 ساعة اقل حاجة وانا اصلا جايب الجهاز علشان الافلام والالعاب بجانب برامج اخرى
هيا امكانيات الجهاز مناسبة جدا لانها Core i7 وده مناسبنى جدا بس الامكانيات دى ممكن الاقيها فى اى ماركة سواء HP ... Toshiba ... Samsung ....Dell
انا حابب استفسر عن اداء الجهاز سخونية و تشغيل تطبيقات تقيلة وتحمل الشغل وكده


لو حضرتك معاك الجهاز ده ممكن تقولى ايه حكاية الويندوز والريكفرى اللى طالعة فى الابات الجديدة دى


ولكم جزيل الشكر


لا اطمن الجهاز ناس كتير مجرباه و مفيش منه اى شكاوى بالنسبة للجهاز اللى انا شغال بيه هو hp bavillion dv6000 و دة من عيوبه انه بيسخن

[arsenal_henry]

شكرا على الرد اخى
بس معلش اخر سؤال
انا بعد ما بحثت و تمعنت شوية لقيت مواضيع عن ناس بتشتكى من مسألة الويندوز و الريكفرى و ده مش فى لينوفو بس انا قريت برضه ان المسألة دى موجودة فى HP - Samsung
و تفاصيلها ان قيه ناس بتشتكى انها لما شالت الويندوز و جت تسطب نسخة مش مرخصة على اساس انه يعملها كراك من جوه معرفش يسطب
وناس تانية تقولك وانا بعمل Recovery للويندوز قبلتنى مشكلة
وناس تالتة تقولك بعد ما عملت فورمات و برتشن ماجيك الويندوز مش راضى يتثبت

هو ايه حكاية ال Recovery و الويندوز دى

مشكلة الريكفري دي واجهتني شخصياً في جهاز اللينوفو ولقيت ناس كتير عندها نفس المشكلة حتى لو دخلت على موقع لينوفو الرسمي والمنتدى هتلاقي مواضيع كتير بتتكلم عن المشكلة دي .. لكن المشكلة مش خاصة بالويندوز .. الويندوز بينزل وكل حاجة لكن المشكلة ان الخاصية دي (الريكفري) بتحتاج ان الهارد يفضل زي ما كان اول ما اشتريته يعني لو قسمت الهارد او غيرت البارتيشنز الخاصية دي مش هتشتغل .. وفي بارتشن خاص بالريكفري لو اتفرمت برده الخاصية دي مش هتشتغل ..
في احد الاعضاء هنا جرب طريقة كدة ببرنامج وتقسيم للهارد والريكفري اشتغل معاه بس مجربتهاش بصراحة ..

الخلاصة من وجهة نظري :cool: المشكلة دي لا تساوي شئ بالنسبة لمشاكل التبريد والهارد والشاشة الزرقا وخلافه ..

[Unknown_Dragon]

مشكلة الريكفري دي واجهتني شخصياً في جهاز اللينوفو ولقيت ناس كتير عندها نفس المشكلة حتى لو دخلت على موقع لينوفو الرسمي والمنتدى هتلاقي مواضيع كتير بتتكلم عن المشكلة دي .. لكن المشكلة مش خاصة بالويندوز .. الويندوز بينزل وكل حاجة لكن المشكلة ان الخاصية دي (الريكفري) بتحتاج ان الهارد يفضل زي ما كان اول ما اشتريته يعني لو قسمت الهارد او غيرت البارتيشنز الخاصية دي مش هتشتغل .. وفي بارتشن خاص بالريكفري لو اتفرمت برده الخاصية دي مش هتشتغل ..
في احد الاعضاء هنا جرب طريقة كدة ببرنامج وتقسيم للهارد والريكفري اشتغل معاه بس مجربتهاش بصراحة ..

الخلاصة من وجهة نظري :cool: المشكلة دي لا تساوي شئ بالنسبة لمشاكل التبريد والهارد والشاشة الزرقا وخلافه ..


المشكلة دى موجودة فى لينوفو و اتش بى وسامسونج و اجهزة كتير طيب هو ايه لزمة الؤيكفرى
ده ... هو اللى انا فهمته ان نسخة الويندوز الاصلية محطوط منها نسخة على البرتشن ده يعنى شبه النورتن جوست ...صح ؟؟؟
طيب ايه الحل يا ؤيس يعنر انا بحب اسطب الليونكس
بجانب الوبندوز وده بيتطلب اعادة تقسيم الهارد وكمان افرض احتحت افرمت الهارد لارى سيب هضطر انقل كل ملفاتى العاب وافلام و برامج قبل ما افرمت لو كنت عايز انزل نسخة جديدة او اجرب ويندوز 8ولا 9 لما ينزل ايه الرذالة بتاعنهم
دى ايه الحل يا
ريس

[arsenal_henry]

المشكلة دى موجودة فى لينوفو و اتش بى وسامسونج و اجهزة كتير طيب هو ايه لزمة الؤيكفرى
ده ... هو اللى انا فهمته ان نسخة الويندوز الاصلية محطوط منها نسخة على البرتشن ده يعنى شبه النورتن جوست ...صح ؟؟؟
طيب ايه الحل يا ؤيس يعنر انا بحب اسطب الليونكس
بجانب الوبندوز وده بيتطلب اعادة تقسيم الهارد وكمان افرض احتحت افرمت الهارد لارى سيب هضطر انقل كل ملفاتى العاب وافلام و برامج قبل ما افرمت لو كنت عايز انزل نسخة جديدة او اجرب ويندوز 8ولا 9 لما ينزل ايه الرذالة بتاعنهم
دى ايه الحل يا
ريس

والله حاولت الاقي حل ودخلت ولفيت على منتديات اجنبية كتير واللي طلعت منه من اللفة دي :Dزي ما قولتلك فوق اي تغيير في تقسيمة الهارد او فرمته وتغيير البارتشنز مش هتشغل الخاصية بس في احد الاعضاء هنا جرب طريقة كدة ببرنامج و قسم الهارد واشتغلت معاه بس مجربتهاش ..

بالنسبة لفايدته .. انك بضغطة زر واحدة (جنب زرار الباور) بترجع الويندوز زي ما كان، يعني انت بتعمله backup ولو حصله حاجة بعد كدة بتعمله recovery من الزرار ده ..