أريد شرحا لأفضل ضبط لجرافيك الألعاب

[nanonona]

اللي عنده كارت قوي بيخلي كل حاجة VERY HIGH وYES وON من غير ما يفكر إيه اللي عامله ON.. ده اللي حصل معايا مع خاصية V-SUNC اللي من ساعة ما طلعت وأنا بعملها ON وفاكرها نوع من أنواع الـ"BLUR" لعبة زي NFS THE RUN - CRYSIS2 لعبتها كذا مرة بفريم أقصاه 30 وأول مرة في حياتي أشوف الفريم ده:

https://www7.0zz0.com/2013/03/05/00/943219042.jpg (https://www.0zz0.com)


أنا أصلا مكنتش بحسب الفريم ومكنتش أعرف إن ممكن أشوف سلاسة جرافيك أحلى بكتيييير من اللي متعود عليه..
وظلمت كارتي ولا كروتي السابقة بسبب الـ V-SUNC

لذلك أنا أتمنى عمل موضوع يشرح خصائص الجرافيك لمن لا يعرفها فمثلا أنا كارتي GTX 680 أختار أنيي ANTIALISING من دول في لعبة CRYSIS 3:

https://www7.0zz0.com/2013/03/05/00/417035972.jpg (https://www.0zz0.com)


هل كروت NVIDIA تدعم أنواع وكروت AMD تدعم الباقي ولا كله بتاع كله ولا إيه الأحسن وهل في خصائص تانية محتاجة شرح يعني مثلا إيه SYSTEM SPEC اللي تحتها دي؟!
واللي عنده شاشة 120 هرتز يظبطها منين دي؟
أكيد في ناس كتيير عايزة تفهم الكلام ده..

[kingtifass]

عمة مشرفنا الكبير احمد كان قايل ف موضوع اللعبة


إذا تم زيادة ال Texture Resolution إلى Very High لا يحدث فرق كبير بمعدل الفريم مع دقة عرض 1080*1920

لكن إذا تم زيادة System spec إلى Very High يحدث هبوط كبير بمعدل الفريم ويجب تقليل دقة العرض إلى 900*1440 للعب اللعبة بمعدل فريم مقبول على أعلى الأعدادات

ولكن إذا تم تقليل ال Shading إلى High يمكن زيادة دقة العرض إلى 1050*1680 واللعب ببقية الأعدادات على ال Very High

والفرق الوحيد الذى أحسسته عند تغيير أعدادات اللعبة من ال high إلى ال Very High هو أنعكاس الضوء على الماء وأنعكاس الضوء من على الماء على الشجر والخضرة

وما يضايقنى هو أنخفاض معدل الفريم عند تطبيق Vsync وأضطر لإلغائه مما يتسبب فى حدوث Shuttering فى الصورة

واللعبة تسحب كثيراً من رامات الكارت وأظن أنها تحتاج إلى كارت بذاكرة أكثر من 1 جيجا لتعمل بسلاسة أكثر بدون تقطيع.



لقد جربت SMAA Medium وأعطتنى نفس مستوى الفريم أثناء أستخدام FXAA مع مستوى تنعيم أفضل

ولكن SMAA High تتسبب فى هبوط مستوى الفريم لكن تعطى أداء أفضل من ال MSAA 4X خصوصاً مع ورق الأشجار ولا تتسبب فى هبوط معدل الفريم كثيراً مثل ال MSAA

خلاصة القول SMAA Medium هى الأفضل بالنسبة للأداء مقابل الجودة وأتمنى أن يتم أضافتها رسمياً لكروت أنفيديا.

ف جرب SMAA Medium وارفعلنا صورة عشان نشوف الفريم على قد ايه و قلنا لاحظت اختلاف كبير ولا ف الجرافكس ما بينه و مابين MSAA
وsystem spes دى اكيد ميتر اذا كنت عايز الجرافكس على انى مستوى مابين low , medium high على حسب متطلبات اللعبة اللى وضعتها شركة يعنى مثلا لو على very high الشركة طالبة ان جهاز يكون I7 2600k < GTX680 or AMD 7970 < 8Gb ram
وهكذا يعنى

[nanonona]

أنا أريد أن أعرف أعلى إعدادات لكل لعبة بصفة عامة، أريد موضوعا يشرح إعدادات الجرافيك المعقدة للألعاب، وأنا آخذ CRYSIS 3 كمثال فقط

فهل MSAA HIGH هي أعلى ANTIALISING للعبة كرايسس 3 على NVIDIA أم أن MSAA HIGH خاصة بـ AMD فقط وتشغيلها على نفيديا غير منطقي .. أنظروا حديث GEFORCE.com على Anti-aliasing Modes:

Two New Anti-aliasing Modes: FXAA and TXAA
Anti-aliasing smoothes out jagged edges but can be demanding on framerates. FXAA is a new antialiasing technology that produces beautiful smooth lines with minimal performance impact. And with Kepler based GPUs, you'll be able to enable FXAA in hundreds of game titles through the NVIDIA Control Panel.

The second mode, TXAA, is an in-game option that combines MSAA, temporal filtering, and post processing for even higher visual fidelity.


هذا الكلام واحد في صفحتي تيتان و680..
https://www.geforce.com/hardware/desktop-gpus/geforce-gtx-680/features\
https://www.geforce.com/hardware/desktop-gpus/geforce-gtx-titan/features
إذن من غير المنطقي محاولة تشغيل MSAA على كروت نفيديا

أنا أصلا جربت كل أنواع الـ antialising على جهازي القديم AMD وعلى جهازي الحالي INTEL-NVIDIA ومش حاسس بالخاصية خالص ولا أدري لماذا وسوف أرفع صور إن شاء الله المهم:

هل كلامي صحيح ??????????
وإن كان صحيحا ما الذي أحتاج لفهمه غير TXAA و V-SUNC: NO

[Ahmed.Elsayed]

حضرتك عند عمل المجسمات يكون هناك تعرجات فى حواف الجرافيك عند المعالجة ويتم إستخدام أنظمة ال Antialiasing لتنعيم الحواف حتى تظهر بشكل سلس ومريح للعين وهى لا تظهر بشكل كبير فى الدقات العالية لكن تظهر بشكل واضح فى الدقات المنخفضة

وبالنسبة لنظام التنعيم MSAA فهو الأشهر بينهم وعيبه أنه يستهلك مساحة كبيرة من الرام الخاصة بكارت الشاشة بالأضافة إلى أنه يتسبب فى هبوط كبير فى معدل الفريم لأنه يضغط على كارت الشاشة

وظهرت أنظمة تنعيم حواف جديدة مثل ال FXAA و بعد ذلك ظهر نظام تنعيم جديد من أنفيديا هو TXAA

وال FXAA يعتبر Effect يتم على الجرافيك بعد أنتهاء معالجته وهو تأثير Blur يتم على حواف الجرافيك لأخفاء الحواف لكنه يؤثر على الصورة ولا يتم تطبيقه بشكل جيد مع دقات العرض العالية ولكن ميزة هذا النظام هو عدم تأثيره على معدل الفريم

أما بالنسبة لنظام ال TXAA فهو تطوير لل FXAA وهو أقوى منه فى معالجة الحواف وتم مقارنته ب MSAA 8X وتفوق عليه فى معالجة الحواف لكنه يتسبب فى التأثير قليلاً على جودة الجرافيك لكن ليس مثل ال FXAA

أما بالنسبة لنظام التنعيم SMAA فهو أفضل من ال MSAA فى تنعيم الحواف وتأثيره على معدل الفريم أقل من ال MSAA فيعتبر بديل جيد له

والنظام المتبع فى ال MSAA لتنعيم الحواف هو زيادة دقة العرض الخاصة بالشاشة لدقة عرض كبيرة ثم بعد ذلك تحجيمها لدقة العرض التى قمت بأختيارها مما يتساعد فى التخلص من التعرجات فى الحواف الموجودة حول الجرافيك

وإذا لم تستطيع التعرف على الفرق ما بين أستخدام ال Antialiasing من عدمه فلا تستخدمه

وكل لعبة لها بعض الأعدادات التى تختلف عن لعبة أخرى وشرحها بالتفصيل يطول فشرح ال Antialiasing بمفرده ممكن أن يحتاج إلى موضوع طويل جداً لشرحه بشكل مفصل بالصور.

[nanonona]

أفهم من كلام حضرتك أنها تكنولوجيات مختلفة كل له ما يميزه وليست تحديثات لبعضها
أنا لا أجد فرقا بين تفعيله وعدمه ولكني أرى التعرجات وتضايقني وأريد التخلص منها خاصة وأنا عندي 680..

[BASEM1GM]

السلام عليكم ..انا كمان اخى اشاركك فى هذه الموضوع نرايد شرح لهذه الخصائص حتى نعرف ..كلنا متعودين اول متنازل لعبة جديدة ..نخش اول حاجة على الاوبشن ..والفيديو.. ونرفع الى اعلى اعدادات ومش فاهمين ايه المناسب مع البطاقة كما قولت فى اول الموضوع انا بألى سنين بفعال خاصية

V-SUNC على on وكنت فاكر اللعبة هتنطلق ههههههه بس اكتشفت العكس متأخر ..... انا لدى كارت amd 7970 و انا ايضا طرح موضوع عايز اعرف اى هو

V-SUNC وعلاقة بدرجة الحرارة فى هذا الرابط https://arabhardware.net/forum/showthread.php?t=339675

[nanonona]

رائع اخي باسم أنت كده فاهمني الحمدلله اني لاقيت اللي معايا.. عايزين نعمل اعتصام بقى لحد ما ينزل موضوع يشرح ضبط الجرافيك.. بهزر طبعا :ah21:

[nanonona]

التعرجات المشار إليها على قوس آخر زمن اختفتت لما فعلت تنعيم الحواف وأنا كده فعلا فهمت وأعترف إني كنت فاهم غلط

https://www7.0zz0.com/2013/03/06/01/322890580.jpg (https://www.0zz0.com)

نأتي للتعرجات -او اللي انا متخيلها تعرجات- ومضيقاني في كل الالعاب سواء لما كان عندي AMD أو حاليا على NVIDIA:

https://www7.0zz0.com/2013/03/06/01/234984353.jpg (https://www.0zz0.com)

إيه الخطوط المقطعة دي واللي مالية الدولاب وبلاحظها في ألعاب كتير جدا ومشاهد أكتر خالص.. بتتحرك مع الحركة كأنها انعكاس ضوء على جزء آه وجزء لأ ودي بقى لا نافع معاها لا
Antialiasing ولا Vsync ولا غيرهم.. ما الحل يا شباب؟!

[Ahmed.Elsayed]

هل جربت TXAA أو SMAA High ؟

وممكن قريب بأذن الله لو لقيت وقت أعمل موضوع لشرح أنظمة ال Antialiasing والأعدادات المشتركة الموجودة بالألعاب.

[nanonona]

هل جربت TXAA أو SMAA High ؟

وممكن قريب بأذن الله لو لقيت وقت أعمل موضوع لشرح أنظمة ال Antialiasing والأعدادات المشتركة الموجودة بالألعاب.

شكرا جدا لحضرتك.. وبالنسبة للـTXAA والـ SMAA HIGH مفيش فايدة نفس الخطوط المقطعة..

[ayoub_bob]

شكرا جدا لحضرتك.. وبالنسبة للـTXAA والـ SMAA HIGH مفيش فايدة نفس الخطوط المقطعة..
ليس عندى هذة المشكلة على الاطلاق
جرب تأخذ ملف ال E:\Games\Crysis 3\USER
كوبى وبعدها قم بحذفة من ملف اللعبة
وادخل قم بالتطبيط من جديد
وشوف سوف تطبط معك ام لا

[الحياة وهلة]

وانا بضم صوتى لصوتك .. وفعلا محتاجين نفهم ايه لازمة الخصائص دى وايه الوضعية المناسبة لكل نوع من انواع كروت الشاشة

[nanonona]

ليس عندى هذة المشكلة على الاطلاق
جرب تأخذ ملف ال E:\Games\Crysis 3\USER
كوبى وبعدها قم بحذفة من ملف اللعبة
وادخل قم بالتطبيط من جديد
وشوف سوف تطبط معك ام لا
اعتقد المشكلة عامة لكن مش كل الناس بتدقق ﻷن المشكلة دي بشفها في كل اللعب وعلى جهازي السابق والحالي ومش في كل المشاهد لكن عامة بتبقى موجوده في الحوائط البعيدة المواجهة لك وتختفي لما تقرب منها