المساعد الشخصي الرقمي

مشاهدة النسخة كاملة : مراجعة كارتى المتواضع AMD 5670 وجهازى مع قاهره كروت الجرافيكس Crysis 3 بالفيديو


@7oud
08-03-2013, 00:00
مساء الخير اعضاء وزوار عرب هاردوير الكرام
اسعد الله اوقاتكم جميعا اينما كنتم
اقدم لكم اليوم مراجعه لجهازى المتواضع
مع اللعبة الغنية عن التعريف Crysis 3

مبدئيا امكانيات الجهاز كالتالى
MB.Gigabyte H61
Cpu:G630
Gpu : Amd Saphire 5670 1g DDr3
Ram : 4 Gb King stone
Screen : Samsung s19 b300
Re : 1366 x 768

عموما الفيديو مراجعة للعبة بصوتى وتمت على امكانيات جهازى السابق ذكرها
بس لو مش عايز تشوف المراجعه ممكن تكتم الصوت لو عايز تشوف اداء اللعبة على الكارت فقط
جميع ما فى اللعبه من الكارت بس ما عدا الجزء الخاص بالاونلاين ده كان عرض دعائي من شركتها فحملته وحطيته زى ماهو مع بعض المونتاج البسيط
واللعبه شكلها ارقى وانقى من كده بس انا مقلل الجودة عشان اعرف ارفعه على اليوتيوب
اتفضلو الفيديو

https://www.youtube.com/watch?v=Bt3CqiskYkY

https://www.youtube.com/watch?v=Bt3CqiskYkY

والسلام عليكم ورحمة الله وبركاته :-)
MOSAHADIDI
08-03-2013, 17:21
شكرااا لك عزيزي وتم التقييم...:ah7:
unexpected
08-03-2013, 19:52
رائعة وننتظر منك المزيد وتم التقيم طبعا:)
فاتح بثوب جديد
09-03-2013, 18:51
مراجعة جميلة واخراج اما اداء اللعبة مع كرتك انت مذكرتوش ومذكرتش الاعدادات


تم التقييم..
@7oud
10-03-2013, 22:23
شكرااا لك عزيزي وتم التقييم...:ah7:
تسلم اخى الكريم على المرور والتقييم الف شكر :ah7:

رائعة وننتظر منك المزيد وتم التقيم طبعا:)
مرورك الاروع وتسلم على التقييم :)


مراجعة جميلة واخراج اما اداء اللعبة مع كرتك انت مذكرتوش ومذكرتش الاعدادات


تم التقييم..

تسلم على المرور و التقييم
بالنسبة للاعدادات فانا مغيرتهاش سيبتها على الوضع الافتراضى فى بعض الحاجات على ميديام وبعض الحاجات على لوو
والفريمات من 28 ل 31 ومحستش بتهنيج او اى شئ يضايق وبرغم قله الاعدادات دى بس شكلها جميل جدا ومرضى جدا خصوصا على كارت من الفئه دى :)
mdreem
07-04-2013, 02:32
جامد يا باشا و الله وتم التقيم
@7oud
21-05-2013, 00:55
جامد يا باشا و الله وتم التقيم

تسلم ربنا يخليك على المرور والرد المشجع
وتسلم على التقييم :)
Golden_PC
02-10-2013, 00:45
انت استاذ ورئيس قسم في الاخراج اهنيك ، معلش انا ليسه شايف الفيديو اليوم ولك تقييم بس يا ريت تستمر في عمل فيديوهات زي دي في العاب اخرى
محمد البرديسى
02-10-2013, 07:21
ممتاز يا زعيم :ah4:
omar9084
02-10-2013, 17:20
انا عندى اللغة روسية ازاى احولها انجلش !؟
Abreimann
03-10-2013, 02:12
أحب احييك يا محمود على موضوعك دا للأسباب الآتية: إنك لقيت فى نفسك شجاعة تشغل وتلعب وتراجع لعبة زى Crysis 3 على كارت قديم زى ده ورغم ذلك تطلع النتايج مقبولة وكويسة جدا!! مع وجود ميزة ان اللعبة دى أصلا بتبان شكلها حلو حتى لما تقلل الإعدادات.. لو تفتكر Doom 3 كان فيها نفس الميزة دى انك لو قللت الإعدادات ع الآخر برضه بتفضل الجرافيكس شكلها حلو.. بخلاف ألعاب تانية لما تنزل الجرافيكس بيكون شكلها عرّة :D ومراجعتك دى فكرتنى بحاجة مهمة انه مش فرض على كل واحد انه يحدث كارت الشاشة كل سنة كإنه واجب وطنى.. ممكن كارت من الفئة المتوسطة يقدر يخدم لكذا سنة ويؤدى واجبه على أكمل وجه! أديك زى ما بتقول كان معدل الإطارات متوسطه 30 إطار تقريبا فى الثانية وده شىء كويس جدا! بس عشان خاطرى اكتب معدل الإطارات ده فى متن الموضوع فوق الفيديو على طول عشان يبقى واضح.. وتم التقييم طبعا :)
وضحكتنى وانت بتقول "الهرى الفكسان ده" :D هى فعلا قصة الجزء التالت مش قادر ابلعها أبدا.. قصة الجزء الأول والتانى كانوا حلوين جدا ومنطقيين انما الجزء التالت قصته عجيبة ومش منطقية ما تفهمش ازاى Prophet رجع للحياة؟ طب Alcatraz راح فين يا جدعان؟؟ وازاى النانوسوت اندمجت مع بروفت وبقت جزء من جسمه مش فاهم؟ وازاى Psycho بيقول انهم "سلخوه" من البدلة مع إن المفروض فى الجزء الأول والتانى البدلة بتتلبس وتتقلع عادى؟؟ ما علينا :D
شكرا على مجهودك الجميل ده يا صديقى :)
Abreimann
03-10-2013, 02:15
انا عندى اللغة روسية ازاى احولها انجلش !؟

تقريبا انت نزلت النسخة الروسى من اللعبة.. لو ما عرفتش تغير إعدادات اللغة من جوة اللعبة نفسها يبقى دور ع النت على الـ English Language Pack وهتلاقيها ان شاء الله ومعاها تعليمات ازاى تحطها فى اللعبة
ولو ما نفعش للأسف عليك انك تعمل لها داونلود تانى.. بس اتأكد انها النسخة الانجليزى
على فكرة انا شخصيا لبست مقلب النسخ الروسى ده مرتين :D مرة مع Crysis 2 ومرة مع BFBC 2