المساعد الشخصي الرقمي

مشاهدة النسخة كاملة : الاستفادة القصوى من شاشات tnpanel وجعلها قريبة من ips



عبدالله ضيف
25-03-2013, 08:59
بسم الله الرحمن الرحيم




طبعا من العنوان الموضوع ده هتكلم فيها عن الاستفادة القصوى من شاشات tn panel لاعطاء افضل صورة من حيث التدرج اللونى والى بتفتقده معظم شاشات ال tn panel لدرجة ان الصورة بتبقى مبهوقة وووحشة جدا لدرجة تخلى ناس ترجع شاشاتها تانى للمحل
اولا بعد البحث الكثير وجدت ان الفرق بين شاشات ال ips panel وشاشات tn panel هو الاضاءة الخلفية يعتبر فقط فشاشات ال ips panel تحتوى على اضاءة خلفية تكون خلف البكسيلز وده بيعطى زوايا رؤيا ممتازة جدا وكمان وضوح صورة وتدرج لونى ممتاز على عكس الشاشات tn panel فهى تحتوى على اضاءة من الجوانب وبيتم توزعها على بقية الشاشة بطرق معينة عشان كده فى بعض الشاشات tn panel بتلاقى فى حاجة اسمها كالور بليدنج او اضاءة زيادة بتأُثر على الالوان فى احد جوانب الشاشة وبعض الشركات بتتغلب عليها عن طريق حاجة اسمها cutin edge
او قص الحواف هو عبارة عن حل هزلى مبيتذل عبيط من الاخر بيعملو شاشة مثلا 24 بوصة وبعدين يغطو الجوانب بحيث الكلور بليدنج ميظهرش وتبقى الشاشة 23 بوصة فقط وتتباع على هذا الاساس شوفتو تخلف الشركات وصل لفين يا جماعة حسبى الله ونعم الوكيل المهم
هنا بقى وجدت حل لكل المشاكل دى لاك ن البعض قد لا يحفزه ولاكنى مقتنع بيه وشغال لبيه بقالى سنة ونصف ولا حاجة وحاسس انى شاشاتى tn panel مش خسارة فيها الفلوس الى اتدفعت :D اوى يعنى ههههه على العموم انا امتلك الان شاشة سامسونج tn panel الاصدار
samsung a23s350h وطبعا اول لما اشتريتها كانت صورتها وحشة لا بصراحة كانت تيت اوى مش هنضحك على بعض يعنى


الحل السحرى لمشاكل tn panel وهو تقليل قيمة اضاءة الشاشة للصفر الصحيح ههههه :D واقصى اضاءة مسموح بيها للعمل بهذه الفكرة هو 30 % من من اضاءة الشاشة :


عيوب الفكرة :

1. الشاشة طبعا هتبقى غامقة جدا وده اولا لانك متعود عليها اضائتها عالية ثانيا لاننا لسه مظبطناش بقيت الفكرة
2. زوايا الرؤية بتقل عن الاول بس ده فى اول مت قريب من الشاشة

حلول للعيوب :

1. هنعوض غمقان الشاشة عن طريق جعل البكسيلز نفسها تبقى اضاءتها اعلى عن طريق متحكمات كروت الشاشة وده عن طريق رفع مستوى الجاما وكمان رفع السطوع الى فى متحكم كرت الشاشة وليس من الشاشة نفسها
2.زوايا الرؤية بتزيد بعد عمل الحل الى فوق وبتبقى مقبولة جدا


مزايا الفكرة :

1.الشاشة هيبقى التدرج اللونى فيها راءع بمعنى الكلمة ده غير مستوى خرافى من اللون الاسود ومعدل تباين ابيض واسود جامد طحن يعنى صورة الشاشة عموما هتبقى خرافية خصوصا مع الافلام البلوراى
2.الشاشة هتوفر فى الطاقة لأقصى درجة ممكنة فاحنا قفلنا الاضاءة وده اكتر شئ بيستخدم طاقة كهربية
3. الشاشة هتبقى مريحة للعين لان طبعا لما الاضاء تكون عالية بيبقى كأنك فاتح لمبة فلورست وقاعد قدامها مبحلق فيها وده طبعا مع الوقت بيتعب العين جدا وممكن يعمل صداع لوقعدت قدام الكمبيوتر كتير الاضاءة الخفيفة تريح حدقة العين
4.صورة اشاشة فى الالعاب هتبقى حلوة ويمكنك رفع الاضاءة مع الالعاب او حتى تزويد معدل التباين من متحكم كرت الشاشة الخاص بك


طبعا شرح الفكرة هيتم بضرب مثال على شاشتى ال samsung s23a350h

طبعا انا عملت الخطوات الاتية لتطبيق الفكرة على شاشتى
1. بأستخدام برنام ماجك تول الخاص بسامسونج او من متحكم الشاشة نفسه ونعدل العدادات كالاتى الاتى
1. طبعا صورة الشاشة الاسود بتاعها تبيت اوى هنروح ونخلى الsharpness على 40 ونخلى الالاضاءة على صفر واعلى حاجة مسموح بيها 30 ونخلى cloretone علىcool 1ونخلى الجاما على 2 او اعلى جاما تخلى الصورة بيضة اكتر نخلى معدل التباين contrast على 100 مائة
طبعا لو لاحظتو الاعداادت كلها دى بتعمل على الغاء الاضاءة الخلفية وكمان وجعل الجاما اقل شئ ممكن ومعدل التباين من الشاشو نفسه اعلى حاجة ممكنة والكلور تون ازرق شوية بحيث يبقى مريح والشاربنس قليل عشان الافلام تبقى صورتها حلوة هيه والالعاب والخط يكون واضح
2. نحفظ الاعدادت الى فاتت ونخرج من البرنامج او المتحكم بتاع الشاشة
3. ندخل عليه تانى ونخلى الماجيك كالور magic color على intelligent ونغير كمان السامسونج ماجك برايت ل cnimea
لان الماجك كالور على انتلجنت بيدى افضل الوان وكما الماجك برايت على cniema اكتر وضع بيدى ترج لونى خصوصا مع اللون الابيض لاكن الجاما بتاعه قليل جدا وده هنعدله من متحكم كرت الشاشة هنرفع الجاما بحيث نعوض الجاما القليلة دى
اخر شئ لازم نعمله من الشاشة نفسها و هو جعل البلاك ليفل hdmiعلى اكتر خيار يجعل الاسود اغمق وده للناس الى موصلة شاشتها بال hdmi


هنروح بقى كرت الشاشة فى متحكم نيفيديا ونمعل نفس الاعدادت الى فى الصورة دى بالظبط :



https://img145.imageshack.us/img145/8526/96058486.jpg



طبعا زى ما فى الصورة هتلاحظو انى رافع البرايت نس لحد 67 وده لاننا قللنا البرايت نس من الشاشة نهائى وده بيخلى كرت الشاشة نفسه يعدل على الصورة الى طالعه منه ويعلى البرايت نس فيها للرقم ده
بعدي معدل التباين صفر لاننا اساسا معليينه من الشاشة نفسها ولو عليناه هنا الصورة اللون الابيض فيها هيبقى ابيض جدا زيادة عن معدل تباين الشاشة وده هيخلى اسطع درجات من اللون الابيض وكل الالوان لاتستطيع التمييز بينها وده هيقلل التردج اللونى وخليت الالجاما يعلى ل 1.45 مثلا لان اساسا مود السينما زى ما قولت من قبل بيدى ترج لونى مع الالون الابيض رائع لاكن الجاما بتاعه قليل جدا عشان كده هنعلى الجاما
بعدين خليت الديجتال فايبرنس ل 59 وده خيار بيتحكم فى الالوان بيخلى الالوان غنية واعتقد 59 كافى لصورة طبيعية
بعد كده غيرت الديجتال كالور فورمات ل ycbcr444 وده للناس الى موصلة hdmi الناس الى موصلة بكيبل عادى يسيبوه زى ما هوه :)
طبعا اخر واحدة دى على مزاجك حسب يعنى بتستخدم برامج ولا افلام
مع الالعاب يمكنك رفع الاضاءة كما تحب وكمان يمكنك رفع معدل التباين من متحكم كرت كرت الشاشة لان طبعا الالعاب بتحتاج معدل تباين عالى وكمان اضاءة عالية بس كده

الخلاصة :

طبعا زى ما شوفتو الشرح ده مش هينفع مع اى شاشة انما انا وريتكم ازاى تفكرو بيحث تاخدو افضل صورة ممكنة من الشاشة لاقصى درجة فى تدرج الالوان وكما التردج الالبيض اسود وكمان الحفاظ على الطاقة والنظر
ملحوظة الاعدادات دى افضل اعدادت لشاشات سامسونج كلها من رأى طبعا
لازم تجرب الموضوع ده بتاع ربع ساعة لو معجبكش رجع كل حاجة زى ما كانت لان فى ناس مش بتبقى متعودة على الاضاءة القليلة وبتحس ان الشاشة بقت صورتها وحشة ربع شاعة كافية للتعود على الاضاءة الجيدة ومكتنسوش فده افيد للنظر :)
الاضاءة هى السبب الرئيس فى بهقان الصورة فى شاشات tn panel
لتانى مرة ده مش شرح لكل الشاشات المفروض تفهمو فكرة الاستفادة القصوى من الشاشة عن طريق المثال الى ضربته على شاشتى ده

عبدالله ضيف
29-12-2013, 00:28
غريبة الموضوع ده من اهم المواضيع بالنسبة للشاشات يحصل على صفر ردود :( هيه الناس جرالها ايه

Spartacus
30-12-2013, 08:53
تم تثبيت الموضوع لفترة لما يحتويه من معلومات مفيدة للأعضاء وقد أفادنى شخصياً, شكراً جزيلاً أخى عبد الله :)

zeka005
04-01-2014, 04:05
موضع رائع جدا وشكرا علي المعومات القيمة

brahim110
19-06-2014, 06:10
شكرا على الموضوع الرائع .لقد أفادني كثيرا

zeka005
27-06-2014, 09:05
ياريت رفع الموضوع مع الشرح بخصوص كورت amd وشكراا

عبدالله ضيف
24-09-2014, 21:25
للأسف اخى ZEKA مش عندى كرت AMD وبالتالى لن استطيع رفع الشرح يريت حد عنده الكرت ينفذ الفكرة ويرفع الشرح :)

whiteknights
07-10-2014, 00:44
طيب بالنسبة لشاشات ال samsung PLS Panels هل بتكون مبهوقة زى شاشات ال TN فى الألوان و الوضوح؟ ولا بتكون اقرب لل IPS ؟

عبدالله ضيف
09-10-2014, 00:34
لا طبعا الوانها بتبقى اعلى من tn بكتير ولو استخدمت الشرح الى فى الموضوع ده هتاخد منها الجودة الى انت عايزها :)

whiteknights
09-10-2014, 02:10
هى شاشات سامسونج لو انتشر منها ال PLS فى مصر اعتقد مفيش حد هيتوجه لل TN تانى....عشان ال PLS تعتبر ارخص من ال IPS و لكن بتعطى نفس الجودة

ronaldo5
07-11-2014, 23:48
موضع رائع جدا وشكرا علي المعومات القيمة

احمد80
01-05-2015, 17:09
طيب وحضرتك بالنسبة لشاشة BENQ GL24 ممكن اعمل الحاجت دية عاليها لانى بصراحة حاسس انى الوانها زبالة بس اضائتها حلوة

عبدالله ضيف
10-05-2015, 04:27
اى شاشة يمكن استخدام هذا الشرح معاها بتطبيق الفكرة وليس تنفيذ الشرح كما هو

YuriZ
13-05-2015, 22:04
موضوع مفيد و جديد بالنسبالي, مشكور

thegame2006
19-06-2015, 01:48
موضوع اكثر من رائع اخى الكريم

eslam502
05-12-2015, 19:35
يا اخي خلي الشاشة عندك علي mode3 في لوحة التحكم بدون متغير حاجة و شوف الالوان عاملة ازاي:)