المشتت الإحترافي والإفتراضي... تباينات واستعمالات!!

[tarake]

السلام عليكم
قد يبدو العنوان وكأنه درس لكنّني في الحقيقة من يبحث عن الدرس ;)
=/ماهو المشتت الإحترافي وما الذي يختلف فيه عن الإفتراضي؟ متى قد أحتاج واحدا فعلا؟!
=/ ماهي هذه الأشياء هنا (https://www.geekzonedz.com/index.php?cat=composants&page=watercooling) ومتى قد احتاجها ؟؟ (أتوقع أنها جزء من المشتت الإحترافي)

[hisham2002]

وعليكم السلام
المشتت الاحترافى هو ايضا مشتت ولكن قدرته على التبريد اعلى بمراحل من المشتت الافتراضى
فى عوامل كتير بتفرق انواع المشتتات الاحترافيه عن بعضها زى نسبه دفق الهواء ونسبع التبريد وايضا نسبه الهدوء
كلما كان المشتت اكثر تبريدا واقل ازعاج كلما كان افضل وكلما فى الغالب ارتفع سعره
المشتتات الاحترافيه منها ما هو هوائى اى يعتمد على المراوح فى التبريد ومنها ما يعتمد على سوائل حراريه
زى فكره الرادييتور بتاع العربيه وفى منها حتى ما يعتمد على الفريون زى فكره عمل الفريزر فى التلاجه ولكن
النوع ده بيحتاج احترافيه اكتر وصعوبه فى التعامل علشان كده مش منتشر قوى

امتى تحتاج مشتت احترافى دى عمليه نسبيه بتعتمد على استخدامك يعنى
لو هتكسر سرعه البروسيسور طبعا هترفع الفولت وده بدوره هيرفع حراره المعالج وفى الحاله دى لازم مشتت احترافى
او لو عاوز افضل اداء وافضل درجه حراره لو انت مثلا فى مكان حر ومافيش تكييف وشغلك بيحتاج ضغط على المعالج حتى لو مش كاسر سرعه المعالج فالحراره
لها تاثير على اداء الجهاز بشكل عام

الحاجات اللى فى اللينك اللى حضرتك ارفقته دى مكونات عمل مشتت احترافى باستخدام سوائل التبريد
فى نوعين من المشتتات دى نوع جاهز بيبقى بالمراوح و بالمضخه وبالبلوك و الرادييتور وده سهل جدا فى تركيبه وعاده ادائه جيد
النوع التانى اللى تقدر انت تجمعه بايدك يعنى تشترى مراوح مثلا اكثر هدؤا وكمان تجيب رادييتور اكبر علشان قوه التبريد وتقدر تجيب
انابيب شفافه لنقل السائل علشان الشكل الجمالى وايضا تقدر كمان تعمل تبريد لكارت الشاشه مع المعالج عن طريق مضخه قويه وبلوكات
مخصصه لكروت الشاشه يعنى باختصار كانك بتجمع كمبيوتر وبتختار بمزاجك كل قطعه فيه حسب احتياجاتك وميزانيتك علشان توصل لافضل اداء

يارب اكون افدتك

[tarake]

شكرا لك أخي كفيت ووفيت :)
طلب واحد فقط... ممكن تذكر لي نوع لمشتت احترافي هوائي وآخر احترافي بسوائل تبريد وشكرا

[hisham2002]

شكرا لك أخي كفيت ووفيت :)
طلب واحد فقط... ممكن تذكر لي نوع لمشتت احترافي هوائي وآخر احترافي بسوائل تبريد وشكرا

افضل مشتت هولئى احترافى هو noctua nh d14 اداء اكثر من رائع فى التبريد وايضا هدوء مراوح يجعلك تشك فى انها تعمل بالكاد تسمعها
ودى صوره للمشتت
https://https://img818.imageshack.us/img818/8962/58383596.jpg (https://imageshack.us/photo/my-images/818/58383596.jpg/) Uploaded with ImageShack.us (https://imageshack.us)
من افضل المشتتات المائيه الان هو corsair hydro h100i وهو نسخه معدله لنفس المشتت h100 ودى صوره للمشتت
https://https://img844.imageshack.us/img844/407/69548290.jpg (https://imageshack.us/photo/my-images/844/69548290.jpg/) Uploaded with ImageShack.us (https://imageshack.us)

[unexpected]

وعليكم السلام
اريد ان اضيف فقط على كلام الاخ هشام
انة يجب ان تعلم ان التبريد المائية مثل الموجود في الصورة الثانية دة تتأثر درجات الحرارة على حسب حرارة الغرفة يعني لو كان موجود في الغرفة تكيف الحرارة ستكون جيدة وانما لو استعملت تبريد مائي بدون تكيف
او بدرجات حرارة غرفة مرتفعة لن تحصل على الاداء المطلوب مع التبريد المائي:)