المساعد الشخصي الرقمي

مشاهدة النسخة كاملة : استفسار عن حرارة المعالج بعد تركيب مشتت احترافي


A.S.M.O
05-05-2013, 22:57
السلام عليكم .. بمتلك معالج Core i7 3770K و لم اكسر السرعه نهائي .. و لسه شاري مشتت احترافي الي هو Cooler Master TPC 812 مع العلم اني ركبت مروحة اخري مع المروحة الي بتيجي معاه و بعد تركيبه قمت بالضغط علي المعالج ببرنامج Prime 95 لمدة 20 دقيقة بالظبط و كنت متابع الحرارة ببرنامج HW monitor و كانت النتائج كالتالي

https://www3.0zz0.com/2013/05/05/20/252609486.png (https://www.0zz0.com)

و بالنسبه للنتيجه ليا عدة اسألة ارجو من اهل الخبرة انا يجاوبوني عليهم

اولا .. هل درجة حرارة المعالج التي تظهر في البرنامج هي ال Package و لا ال Core #0,1,2,3 و لا TMPIN 1 و لا TMPIN 2 ؟؟

ثانيا .. بعد تحديد حرارة المعالج التي تظهر في البرنامج هل تعد مناسبة علما بأني ركبت مشتت احترافي يعتبر من المشتتات المحترمه ؟؟

ثالثا .. هل من خلال النتائج اقدر اقوم بكسر السرعه بشكل امن دون الخوف من الحرارة ؟؟

رابعا .. هل اسيب مراوح المشتت تعمل بشكل تلقائي ولا اتحكم فيها بنفسي و لو هتحكم فيها بيكون ازاي ؟؟

ارجو الاجابه بالترتيب .. معلش هو الموضوع طويل :D بس انتو قداها و قدود
eyad apdo
06-05-2013, 00:47
يا اخى درجة الحرارة عليا انت متاكد انك مركب المشتت كويس مستحيل اكيد فيه حاجة غلط
اتاكد انك مركبوا كويس ومنضف من الاتربة وتاكد انك حاطط المعجون فى حجم حبة الارز
A.S.M.O
06-05-2013, 01:12
يا اخى درجة الحرارة عليا انت متاكد انك مركب المشتت كويس مستحيل اكيد فيه حاجة غلط
اتاكد انك مركبوا كويس ومنضف من الاتربة وتاكد انك حاطط المعجون فى حجم حبة الارز

باشا انت مجاوبتنيش و لا افدتني في اي حاجه من الي انا عايز اعرفها .. و اتربة ايه بقلك جايبه المشتت انهارده لسه
kingtifass
06-05-2013, 01:44
بص يا ريس
اول شئ , لازم تعمل بروفيل للمراوح المشتت عشان تشتغل ب اقصى سرعة عند الضغط اى عندما تتجاوز درجة حرارة سطح المعالج 40 درجة
تانى شئ درجة الحرارة العالية دى نتيجة الفولت العالى على التردد الافتراضى الفولت 1.18 وده ممكن توصل بيه ل 4.4 مش تردد الافتراضى , وده نتيجة ان فولت على auto ودايما بيبقى قيمته عاليه وده بينتج حرارة ع الفاضى

ممكن اسم اللوحة اللى شغال بيها ولو تعرف تاخد print screen م البيوس لخيارات كسر وتظبيط الفولت وما شابه عشان الرؤية تتضح اكتر :)
A.S.M.O
06-05-2013, 01:54
اولا كلامك مفيد جدا و بشكرا ... اللوحة الام هي Gigabyte Z77X-UD3H .. انت شكلك خبير بسم الله ما شاءالله .. انا بقي تقدر تقول عليا جاهل ميييييح في شغل البيوس فأرجو منك انك تقلي اعمل ايه بالظبط واحده واحده .. معلش هتعبك معايا انا معرفش اعمل بروفيل للفانه و لا اغير الفولت و لا الهوا .. بس لو ممكن انت تقلي اعمل ايه في البيوس بالظبط و بالنسبه للصورة انا مش عارف اخد صورة من البيوس لو في طريقة ممكن تقلي
Ahmed Elbrbry
06-05-2013, 02:21
اولا .. هل درجة حرارة المعالج التي تظهر في البرنامج هي ال Package و لا ال Core #0,1,2,3 و لا TMPIN 1 و لا TMPIN 2 ؟؟

ثانيا .. بعد تحديد حرارة المعالج التي تظهر في البرنامج هل تعد مناسبة علما بأني ركبت مشتت احترافي يعتبر من المشتتات المحترمه ؟؟

ثالثا .. هل من خلال النتائج اقدر اقوم بكسر السرعه بشكل امن دون الخوف من الحرارة ؟؟

رابعا .. هل اسيب مراوح المشتت تعمل بشكل تلقائي ولا اتحكم فيها بنفسي و لو هتحكم فيها بيكون ازاي ؟؟

ارجو الاجابه بالترتيب .. معلش هو الموضوع طويل :D بس انتو قداها و قدود


الاجابة رقم 1 - حرارة الانوية هى core 0,1,2,3 و TMPIN2 هى حرارة سطح العالج و TMPIN 1 هى حرارة الموسفت و حرارة SOCKET HOUSE و حرارة ال TMPIN0 هى حرارة ال SHIPSET
الاجابة رقم 2- الحرارة مرتفعة بالنسبة للوضع الافتراضى حيث ان الحرارة المقبولة فى الوضع الافتراضى تتراوح ما بين 50 الى 55 درجة و الحرارة لديك وصلت 75 درجة
الاجابة رقم 3- لن تستطيع الكسر قبل ان تقوم بخفض الحرارة و هذا ما نقوم بمساعدتك فيه
الاجابة رقم 4- اترك مراوح المشتت الان حتى ننتهى من تظبيط الحرارة و تظبيط اعدادات الكسر وبعدها سوف اعرفك طريقة تظبيطهم من البايوس

و الان
بالترتيب
ما نوع الكيسة لديك و كم عدد المراوح بها و طريقة توزيعهم
هل تستخدم المعجون القادم مع المشتت ام معجون اخر و ماهى الكمية المستخدمة اسفل المشتت تقريبا
ما هو نوع المروحة الاضافية التى قمت بتركيبها للمشتت و ما هى سرعتها و هل قمت بوضعها سحب ام طرد
و ممكن تضع لنا صورة تجمع الاتى برنامج CPU-Z مع برنامج REAL TEMP او HWMONITOR مع برنامج PRIME 95 اثناء الضغط بعد 20 دقيقة ليس اقل
kingtifass
06-05-2013, 02:23
بص يا ريس ف برنامج اسمه speed fan بتقدر تتحكم ف سرعة مراوح منه
بس برنامج اللى جى م البورده easy tune تقريبا فيه الموضوع ده , (اعذرنى ما اتعملتش مع بوردات gigabyte كتير , اغلب التعامل مع Asus)
بص انت هتدخل ع البيوس وتعمل زى اللى ف الصور بالظبط بالترتيب (عشان نشوف ايه اخبار الفولت )

https://im37.gulfup.com/aquio.jpg (https://www.gulfup.com/?RFgfHV)
https://im37.gulfup.com/Wcvql.jpg (https://www.gulfup.com/?ory7Ey)
https://im37.gulfup.com/zWbUy.jpg (https://www.gulfup.com/?ZeeS4i)


فى اخر صورة عايز تصورلى حتى من ع الموبيل الخيارين اللى متعلمين فوق دولت ازاى عندك ف الماذربورد
وعلى فكرة لو عندك فلاشة خليها fat32 مش ntfs وركبها ودوس f12 م على الكيبورد , هيصور الصفحة دى ويحفظها عل الفلاشة :)
A.S.M.O
06-05-2013, 02:44
الاجابة رقم 1 - حرارة الانوية هى core 0,1,2,3 و TMPIN2 هى حرارة سطح العالج و TMPIN 1 هى حرارة الموسفت و حرارة SOCKET HOUSE و حرارة ال TMPIN0 هى حرارة ال SHIPSET
الاجابة رقم 2- الحرارة مرتفعة بالنسبة للوضع الافتراضى حيث ان الحرارة المقبولة فى الوضع الافتراضى تتراوح ما بين 50 الى 55 درجة و الحرارة لديك وصلت 75 درجة
الاجابة رقم 3- لن تستطيع الكسر قبل ان تقوم بخفض الحرارة و هذا ما نقوم بمساعدتك فيه
الاجابة رقم 4- اترك مراوح المشتت الان حتى ننتهى من تظبيط الحرارة و تظبيط اعدادات الكسر وبعدها سوف اعرفك طريقة تظبيطهم من البايوس

و الان
بالترتيب
ما نوع الكيسة لديك و كم عدد المراوح بها و طريقة توزيعهم
هل تستخدم المعجون القادم مع المشتت ام معجون اخر و ماهى الكمية المستخدمة اسفل المشتت تقريبا
ما هو نوع المروحة الاضافية التى قمت بتركيبها للمشتت و ما هى سرعتها و هل قمت بوضعها سحب ام طرد
و ممكن تضع لنا صورة تجمع الاتى برنامج CPU-Z مع برنامج REAL TEMP او HWMONITOR مع برنامج PRIME 95 اثناء الضغط بعد 20 دقيقة ليس اقل


بشكرا علي المساعده

اولا الكيسة نوعها NZXT LEXA-S و بها 4 مراوح بخلاف مراوح المشتت نفسه .. مروحتين في سقف الكيسه كل واحده 140 نوعهم NZXT و مروحة فق مقدمة الكيسة 120 جاية معاها و مروحة 120 بردو في اخر الكيسة مع العلم انهم كلهم تقريبا شفط للهوا مش تبريد

ثانيا المعجون الي استخدمته هو Noctuas NT-H1 و حاتط قد حبايتين رز في نص المعالج

ثالثا المروحة التانيه في المشتت هي نفس المروحة الاولي و هي COOLER MASTER Blade Master 120m

رابعا هقوم بالمطلوب و هرفع الصور بعد التجربه فورا ... و بشكرك جدا علي مساعدتك :)
Ahmed Elbrbry
06-05-2013, 02:51
بشكرا علي المساعده

اولا الكيسة نوعها NZXT LEXA-S و بها 4 مراوح بخلاف مراوح المشتت نفسه .. مروحتين في سقف الكيسه كل واحده 140 نوعهم NZXT و مروحة فق مقدمة الكيسة 120 جاية معاها و مروحة 120 بردو في اخر الكيسة مع العلم انهم كلهم تقريبا شفط للهوا مش تبريد

ثانيا المعجون الي استخدمته هو Noctuas NT-H1 و حاتط قد حبايتين رز في نص المعالج

ثالثا المروحة التانيه في المشتت هي نفس المروحة الاولي و هي COOLER MASTER Blade Master 120m

رابعا هقوم بالمطلوب و هرفع الصور بعد التجربه فورا ... و بشكرك جدا علي مساعدتك :)

اولا مراوح الكيسة لى تعليق عليهم يجب ان يكون منهم من يدخل هواء و منهم من يخرج الهواء الساخن
و يجب ان تكون كمية الهواء الداخل مساوية للخارج و انت لديك اربع مراوح 1 تدخل هواء اللى جاية مع الكيسة و 3 يخرجو هواء منهم 2 بقطر 140 مم
و يجب تعديلهم بحيث ان يكون هناك مروحتين فى المقدمة لادخال الهواء و مروحتين فى الخلف و الاعلى لاخراج الهواء

ثانيا المعجون جيد جدا و يجب وضع كمية بحجم حبة ارز واحدة و ليس حبتين

ثالثا مروحة المشتت الاخرى يجب ان تعمل بنفس سرعة المروحة الاولى و يجب ان تكون فى نفس اتجاه المروحة الاولى بمعنى اذا كانت الاولى تدفع الهواء داخل المشتت يبقى الثانية تقوم باخراجه بحيث ان يخرج الهواء اللى الجزء الاخير الاعلى فى الكيس
kingtifass
06-05-2013, 02:53
حاول تخلى توزيع المراوح ف الكيسة زى الصورة عشان الهوا يتجدد ف الكيسة , اما بالنسبة للمشتت ف خليه بنظام push&pull يعنى المروحة الاول تدخل هواء داخل المشتت والاخرى تخرج الهواء منه ومنتظر منك صورة للفولت ف البيوس :)
https://img294.imageshack.us/img294/3747/airflow2ow1.png
Ahmed Elbrbry
06-05-2013, 02:53
هذه صورة لوحتك
ممكن توضح لى فى اى المنافذ موصل مراوح المشتت

https://www.globalpc.co.nz/prodimages/mb08147.jpg
A.S.M.O
06-05-2013, 02:57
اولا مراوح الكيسة لى تعليق عليهم يجب ان يكون منهم من يدخل هواء و منهم من يخرج الهواء الساخن
و يجب ان تكون كمية الهواء الداخل مساوية للخارج و انت لديك اربع مراوح 1 تدخل هواء اللى جاية مع الكيسة و 3 يخرجو هواء منهم 2 بقطر 140 مم
و يجب تعديلهم بحيث ان يكون هناك مروحتين فى المقدمة لادخال الهواء و مروحتين فى الخلف و الاعلى لاخراج الهواء

ثانيا المعجون جيد جدا و يجب وضع كمية بحجم حبة ارز واحدة و ليس حبتين

ثالثا مروحة المشتت الاخرى يجب ان تعمل بنفس سرعة المروحة الاولى و يجب ان تكون فى نفس اتجاه المروحة الاولى بمعنى اذا كانت الاولى تدفع الهواء داخل المشتت يبقى الثانية تقوم باخراجه بحيث ان يخرج الهواء اللى الجزء الاخير الاعلى فى الكيس

بص يا ريس هو كمان في مروحة انا نيستها في باب الكيسه موجهة لكارت الشاشه حجمها 120 و هي للتهويه مش للشفط ... و بالنسبه لمراوح المشتت يعني لو واحده راكبة بوشها التانيه تبقي بضهرها صح ؟؟ .. بالنسبه لتعديل المراوح مينفعش اركب غير واحدة بس قدام و واحدة بس ورا و اتنين في السقف و هي للاسف تقسيمتها كده
A.S.M.O
06-05-2013, 02:59
حاول تخلى توزيع المراوح ف الكيسة زى الصورة عشان الهوا يتجدد ف الكيسة , اما بالنسبة للمشتت ف خليه بنظام push&pull يعنى المروحة الاول تدخل هواء داخل المشتت والاخرى تخرج الهواء منه ومنتظر منك صورة للفولت ف البيوس :)
https://img294.imageshack.us/img294/3747/airflow2ow1.png
هي كده بالظبط عندي .. طمنتني :)
kingtifass
06-05-2013, 03:05
بص يا ريس هو كمان في مروحة انا نيستها في باب الكيسه موجهة لكارت الشاشه حجمها 120 و هي للتهويه مش للشفط ... و بالنسبه لمراوح المشتت يعني لو واحده راكبة بوشها التانيه تبقي بضهرها صح ؟؟ .. بالنسبه لتعديل المراوح مينفعش اركب غير واحدة بس قدام و واحدة بس ورا و اتنين في السقف و هي للاسف تقسيمتها كده
زى م استاذ احمد بيقول الاتنين ف نفس الاتجاة بمعنى واحده تدخل الهوا للمشتت والتنية تطرد هواء م المشتت
يعنى واحده يكون الجنب اللى فيه عواميد بلاستيك اللى شايلة الموتور ناحية المشتت ودى الاصليه , والتانية يبقى الجنب اللى ف العواميد يبقى ناحية مروحة اللى ف خلف الكيسة
عشان يبقوا الاتنين ف اتجاه واحد :)
A.S.M.O
06-05-2013, 03:06
دي بالظبط وضعية التوصيل

https://www5.0zz0.com/2013/05/06/01/133469987.jpg (https://www.0zz0.com)
A.S.M.O
06-05-2013, 03:08
و دي الصورة بعد الضغط حوالي 25 دقيقة

https://im33.gulfup.com/RhpXA.png (https://www.gulfup.com/?nCh06c)
kingtifass
06-05-2013, 03:09
دي بالظبط وضعية التوصيل

https://www5.0zz0.com/2013/05/06/01/133469987.jpg (https://www.0zz0.com)
فى الصورة اللى فاتت خلى المروحة رقم 2 هيا اللى تدخل الهوا للمشتت والمروحة رقم 1 هيا اللى تخرج الهوا م المشتت بنفس طريقة التركيب اللى كتبهالك فوق
وغير اماكن توصيل مراوح ع الماذربورد يعنى خلى المروحة رقم 2 تتوصل على سوكت رقم 1 والعكس صحيح :)
A.S.M.O
06-05-2013, 03:11
فى الصورة اللى فاتت خلى المروحة رقم 2 هيا اللى تدخل الهوا للمشتت والمروحة رقم 1 هيا اللى تخرج الهوا م المشتت بنفس طريقة التركيب اللى كتبهالك فوق
وغير اماكن توصيل مراوح ع الماذربورد يعنى خلى المروحة رقم 2 تتوصل على سوكت رقم 1 والعكس صحيح :)

تمام هعمل كده بس يارب السلك يجيب
A.S.M.O
06-05-2013, 03:16
و دي الصور الي حضرتك طلبتها من البيوس

https://im33.gulfup.com/JdVd5.bmp (https://www.gulfup.com/?c5ioQG)

و

https://im33.gulfup.com/AevMO.bmp (https://www.gulfup.com/?mOSnTH)
kingtifass
06-05-2013, 03:30
طب تمام على خيار cpu vcore بدل auto خليه normal
وانزل ع الخيار اللى تحتيه dynamic vcore وخلى القيمة (0.0100-)
واحفظ الاعدادات واضغط ع المعالج لمده 20 دقيقة وف اثناء الضغط ف الدقيقة العشرين خد برنت سكرين للحرارة والفولت وارفعها :)
A.S.M.O
06-05-2013, 04:43
طبقت المطلوب تمام و ظبطت المراوح ... و في فرق واضخ في الحرارة .. كده ده الوضع الي المفروض تكون عليه الحرارة مع المشتت ولا لسه في حاجه ممكن تتعمل ؟


https://im41.gulfup.com/LVO7a.png (https://www.gulfup.com/?l9xThx)

بس في سؤال .. اخوك ميييح في الحاجات بتاعت البايوس دي فهل الي عملناه ده هيأثر في اداء المعالج ؟؟ خصوصا في الالعاب ؟؟
kingtifass
06-05-2013, 11:24
تمام يا ريس زى مانت لاحظت الفولت لما قل 0.100 فولت الحرارة والمراوح اتظبطت الحرارة قلت 15 درجة وده الوضع الطبيعى ف ظل الاجواء الحارة
وده بياكد ان الفولت ع الوضع الافتراضى (auto) بيبقى عالى وده بينتج عنه حرارة ع الفاضى
وانت على فكرة المعالج مش ع التردد الافتراضى , مكسور ل 3.9 لكل الكور
وان شاء الله هتلاقى استقرار مع الالعاب والتطبيقات , كله تمام يعنى :)
Ahmed Elbrbry
06-05-2013, 14:05
لو عاوز تكسر السرعة انت ممكن توصل لتردد 4.4 الان
و الاختيار لك
A.S.M.O
07-05-2013, 03:55
تمام يا ريس زى مانت لاحظت الفولت لما قل 0.100 فولت الحرارة والمراوح اتظبطت الحرارة قلت 15 درجة وده الوضع الطبيعى ف ظل الاجواء الحارة
وده بياكد ان الفولت ع الوضع الافتراضى (auto) بيبقى عالى وده بينتج عنه حرارة ع الفاضى
وانت على فكرة المعالج مش ع التردد الافتراضى , مكسور ل 3.9 لكل الكور
وان شاء الله هتلاقى استقرار مع الالعاب والتطبيقات , كله تمام يعنى :)

شكرا لمساعدتك مش عارف اقلك ايه و الله .. بس هو ازاي مكسور ل 3.9 انا ملعبتش في اي حاجه نهائي و مش عارف ازاي كسر مع نفسه كده انا اصلا زي مقلتلك ميييح في شغل البيوس و كسر السرعه لو في طريقة اني ارجعه للوضع الافتراضي ممكن تقلي عليها
A.S.M.O
07-05-2013, 04:01
لو عاوز تكسر السرعة انت ممكن توصل لتردد 4.4 الان
و الاختيار لك

هفتح موضوع جديد قريب اكسر فيه السرعه و طبعا هستعين بخبراتك يا فناااااااااااان .. ايه الي انت عملته في البروسيسور كده تقلعه :D في الفديو .. ده انا كل لما اوريه لحد يقلي الراجل ده المفروض يشتغل في انتل :D