مشكلة فى الهارد مع ملف dllhost.exe

[ahmedsamaha84]

السلام عليكم ورحمة الله وبركاته

يا جماعة بعد اذنكم محتاج مساعدة ضرورى فى الموضوع دة

مشكلة اول مرة تحصلى

هو انى لما باجى ادخل على الهارد عندى وادخل على اى فولدر سواء فولدر صور او اغانى او افلام

بلاقى ملف اسمة dllhost بيظهر فى قائمة

windows task manager

وبعد كدة الملف دا بيفضل يسحب فى الرامات لحد ما يستخدمها كلها

يعنى الرام عندى 8 جيجا واول ما الملف دا يظهر الملف دا يسحب او يستهلك ال 8 جيجا رام كلهم وبعد كدة الجهاز يوقف تماما عن العمل

حاولت اوقفة معرفتش شيلت الويندوز وسطبت ويندوز تانى مفيش فايدة

محتاج حل لو تكرمتم

دى صورة اثناء المشكلة

https://im33.gulfup.com/URmTv.jpg (https://www.gulfup.com/?M2tmun)

فى الصورة دى وانا فاتح فولدر فى صور مثلا هتلاقى الملف ساحب من الرامات جيجا وشوية وطبعا بيزيد لحد ما يسحب الرام كلة

[ahmedsamaha84]

تم حل المشكلة بفضل الله سبحانة وتعالى

المشكلة كانت فى فيديو كان موجود عندى فى الهارد

دا فيديو عادى جدا كنت منزلة من على اليوتيوب

الفيديو دا او ما نزل على الديسك توب بدا الجهاز يعمل المشكلة دى ولغاية ما اكتشفت دا بالصدفة ولما رميت الفيديو دا الجهاز رجع لطبيعتة مرة تانية والحمد لله

بصراحة من اغرب الحجات اللى شوفتها على الكمبيوتر

يريت اللى عندو اى معلومات عن موضوع زى دة يفيدنا

بشكر كل اللى كان هيساعد .... الف شكر

[احمد مغازى]

بسم الله تعالى الرحمن الرحيم


وافضل الصلوات واتم التسليمات على المبعوث رحمة للعالمين حضرة حبيبى سيدنا محمد صلى حبيبى الله على حضرة حبيبى سيدنا محمد وعلى احبابى آل بيت حضرة حبيبى سيدنا محمد رسول حبيبى الله وسلم تسليماً كثيراً وعظيماً واصيلا






كانت عندى نفس المشكلة وبفضل الله عز وجل اتحلت بس من ناحية تانى غير الناحية اللى قولتها مشكلتى كانت الكمبيوتر كان شغال عادى جدا وفيش اى حاجة ومعرفش عملت اية بس فجاه وانا بفتح صفحة الكمبيوتر فى الجهاز لقيت ان الجهاز تقيل جدا وسحب رامات وبروسيسور يمكن بيوصل لنسبة 90 بالمية رغم ان الطبيعى لو شغلت برنامج قوى بيبقى حوالى 80 بالمية وبينزل تانى بسرعة بس اتفاجات ان البرسيسور والرامات ولا بتنزل عن 80 بالمية وساعات بتزيد وساعات بتنزل اقل حاجة تقريبا 52 بالمية البرسيسور رغم انى ولا نزلت لعبة جديدة ولا انا اصلا بلعب غير نادرا جدا


الحل بالنسبة ليا فى 3 حاجات تقريبا اما فية مشكلة بالهارد واما فية مشكلة بالنسخة واما فيه مشكلة فيروسات
لو فيروسات بالنسبة ليا صعبة لانى عندى برنامج فيروسات قوى وبنزل التحديثات بتاعتة 2015
ولو بالنسخة نزلت نسخة جديد وبرضو المشكلة زى ما هى
فضل اخر حاجة ان فيه مشكلة بالهارد اكتشفت ان المشكلة فى ملف فيديو عادى كنت بسمعة قبل كدا بدون اى حاجة المشكلة بالتحديد
انى مثلا عندى بالجهاز اكتر من بارتشن البارتشن يعنى اول ما تفتح الكمبيوتر الحاجات اللى بتلاقيها زى العاب وافلام وكدا انا عندى بارتشن بتاع عام فية برامج وكوكتيل المهم المشكلة دى اكتشفت انى لما بفتح الكمبيوتر وبدخل مثلا على الافلام فيش اى حاجة والبروسيسور شغال عادى بس لما بدخل على فولدر معين بالتحديد داخل مجلد بلاقى الجهاز بيبطىء والبروسيسور بيرتفع والرامات برضو اتاكدت ان المشكلة بالتحديد فى ملف الفيديو
ازى يعنى ؟ اقولك ازى مثلا انا كان عندى مجلد عاملة باسم مشغلات الفيديو يعنى حاطط فية برامج الى بتشغل الفيديو والصوت مخصصة لكدا يعنى لقيت انى لما بدخل على المجلد هذا المشكلة بتحصل معايا لانى ويندوز 7 وويندوز 7 لما بتدخل على مجلد بتلاقى شريط من فوق تقريبا لونة ازرق و اى لون مش فاكر بالتحديد المهم الشريط هذا اول ما تدخل بتلاقية بيحمل من فوق والمجلدات اللى كاخل المجلد هذا بتظهر بداخلهم انا لقيت ان الشريط اللى فوق بيجى عن مجلد معين عندى وبيوقف والمشكلة بتبدأ من هنا يعنى بفضل الله عز وجل عرفت ان المشكلة بالتحديد كان المجلد هذا قولت احذفة لقيت ان الجهاز تثيل لدرجة ان المجلد هذا ولا بيتحذف وبتطر انى اعمل ريستارت للجهاز يعنى اعادة تشغيل من جديد المهم المشكلة ولا فيروسات ولا بالهارد ولا بالنسخة المشكلة بتكون فية ملف عندك فية عطل سبب المشكلة دى لو اتمسح بيشتغل الكمبيوتر عادى جدا انا بقولت تفرمت الهارد كلة لان لو عندك ملفات مهمة صعب انك تمسحها حاول مثلا تفتح اول بارتشن وتجرب لو لقيت الجهاز تقل ونسبة البروسيسور ارتفعت حتعرف ان المشكلة فى البارتشن دة وتدخل بالتحديد وتجرب وين فى اى مجلد داخل البارتشن بتحصل المشكلة واحذف الملف اللى فية المشكلة بس خلى بالك لو دخلت نفس المجلد اللى فيه المشكلة حتقدرش تحذف المجلد لازم تحذف المجلد اللى قبل المجلد اللى فيه المشكلة بعرف ان كلامى ولا مفهموم عاوز ادى مثال مثلا انا عندى فى الكمبيوتر بارتشن اسمة افلام لو دخلت علية حلاقى مثلا داخلة مجلدات بالترتيب مثلا افلام عربى ومجلد تانى افلام اجنبى انا مثلا دخلت فى مجلد افلام عربى لقيت ان فيش مشكلة حجرب ادخل فى الفروع بتاعت الافلام العربى يعنى حجرب ادخل فى فيلم مثلا اسمة حكايات لو اول ما ادخل فى المجلد اللى بداخلة فيلم حكايات حلاقى ان المشكلة ظهرت عندى وحقدرش احذف الفيلم نفسة علشان كدا لازم اول ما ادخل فى البداية لمجلد افلام عربى امسح مجلد فيلم حكايات مش ادخل داخل مجلد الفيلم وامسح الفيلم بس لا لازم تمسح المجلد من برا مش تدخل علية من جوا وتمسحة وبس لما تمسح المجلد اعمل اعادة تشغيل للكمبيوتر وكدا اظن ان المشكلة اتحلت مشكلة غريبة جدا لان المشكلة بتكون احيانا فى ملف فيديو وفيش انسان يتوقع كدا طولت كتير بس علشان اوصل بالتحديد الطريقة اللى تتحل بيها المشكلة وممكن المشكلة برضو تبقى فى اى ملف تانى مش لازم فيديو احتمال اى حاجة بس جرب الطريقة دى والله العظيم حصلت معايا وتعبتنى شوية واتحلت شكرا مع السلامة فى رعاية حبيبى الله عز وجل