المساعد الشخصي الرقمي

مشاهدة النسخة كاملة : hp G62 شاشة بيضاء


N@der
12-05-2013, 21:58
سلام عليكم

عندي لاب توب hp G62 فجأه الشاشة بقت الصورة فيها بتقف وبتجيب أبيض بالتدريج من الزاوية العليا من الشمال وتزحف على بقية الشاشة بالتدريج وتصبح كلها بيضاء (https://egychip.com/vb/showthread.php?t=20174)وأحياناً تبقى شغالة وتقلب أبيض كلها مرة واحدة وفيها خطوط بيضاء (https://egychip.com/vb/showthread.php?t=20174)أيضاً بالعرض بس لون أبيض درجة مختلفة عن اللون الأبيض اللي معمم عالشاشة ، المهم لما بدوس أو بضغط ضغطة خفيفة كده على زاوية الشاشة السفلى من الشمال الصورة بتظبط على طول ولو تركتها أو رفعت يدي ترجع تاني للبياض وهكذا كلما قمت بالضغط الصور تتظبط تاني وبس..


فما الحل في هذا الموضوع

ملحوظة الجهاز بيبقى شغال عادي لما الشاشة بتجيب أبيض يعني مابيبقاش مهنج مثلاً أول لما بفتحه الشاشة تبقى بيضاء (https://egychip.com/vb/showthread.php?t=20174)بس بيدخل ويندوز وبسمع صوته عادي ونفس النظام لما بيقفل برده بسمع صوته عادي يعني المشكلة مش في كارت الشاشة كمان بيبقى شغال عادي على شاشة (https://egychip.com/vb/showthread.php?t=20174)كمبيوتر عادية ولا أظن العيب من الشاشة الكريستالة نفسها أقصد بتاعة اللاب لأني فتحتها ووجدت خلفها بوردة طويلة ورفيعة بعرض الشاشة من الأسفل وتبو لي سليمة تماماً لا فيها كسر أو شرخ أو غيره فما العيب هذا

أرجو المساعدة..

وشكراً مقدماً
gouba
12-05-2013, 23:18
المشكلة دي مشكلة شيلد الموصل للشاشة من اللاب

جرب انك توصل اللاب علي شاشة خارجية لو نفس المشكلة يبقي كرت الشاشة لو اختفت الجهاز شغال تمام تبقي الشيلد

ولتغير الوضع للشاشة الخارجية ضغط fn+ f2 وبتخلتف من لاب لاخر المهم زر fn + الزر المرسوم علية شكل الشاشة
N@der
12-05-2013, 23:37
أولا شكرا جداً لردك السريع
ثانياً هي شغالة على شاشة خارجية فعلا كويس ، وعلى فكرة أنا لما بضغط بايدي ضغطة خفيفة كدة على الفريم بتاع الشاشة من الناحية الشمال من تحت الصورة بتظبط ده غير ان الجهاز بيبقى شغال عادي لما تكون الصورة بيضاء وبسمع صوت الويندوز يعني مش مشكلة شيب الفيجا ، فأكيد هو الشيلد بس أعمل ايه بئا في الشيلد ده يعني بيتغير واللا هو راكب مش كويس بيلمس مثلا وعاوز يتركب كويس واللا ايه ، ملحوظة في كابلين وحد رفيع وواحد عريض في الشاشة بس من ناحية اليمين والمكان اللي لما بضغط عليه تقوم الصورة تتظبط من الشمال يعني وراها فاضي مفيش كابلات ولا اي قطع او حاجة والبوردة شكلها بحال ممتاز جداً مفيش شرخ أو كسر أو أي حاجة
N@der
12-05-2013, 23:57
في ملحوظة كمان ، أنا لاحظت ان البوردة دي مرتبطة بالشاشة باربع كابلات عريضة من الاسفل واحد يمين وواحد شمال و2 في المنتصف وهما عاملين زي الكابل اللي بيبقى موجود في الالة الحاسبة كده اللي هو بين الشاشة وبوردة الالة الحاسبة

بس دول ملحومين في البوردة وداخلين في الشاشة ، في فريم حديد حول الشاشة الاربع كابلات داخلين ما بين الفريم الحديد والشاشة وملحومين في البوردة يعني ماينفعش يتفكو ، بس لما فكيت البوردة وشغلت الجهاز وهي مفكوكة اشتغل عادي والشاشة ماتغيرتش للون الابيض بس بعد ما قفلتها رجعت تعمل لون ابيض تاني بس قبل لوجو hp بس وبعدين تتعدل لوحدها فوراً..

أرجو الإفادة
gouba
12-05-2013, 23:58
الموضوع ليس طغط ليس بمقياس مكان الطغط

ممكن تطغط ناحية اليمين ويكون السبب السوكت الخلفي في الشاشة نفسها وممكن يكون السبب في الشيلد ناحية الشمال مع الطغط يتصل السلك المقطوع وتعمل الشاشة

لو لديك خبرة في صيانة اللاب توب ممكن تعرف اذا كانت شيلد ام شاشة

بعد فك الفريم الخارجي للشاشة اطغط برفق علي الشيلد من ناحية المفصلة (الشيلد كيبل عريض يكون غالبا ناحية المفصلة الشمال) مع الهز البسيط لو اشتغلت الشاشة تمام يبقي شيلد لو لم يحدث اي تغير يبقي الطغط بسيط ناحيت السوكت الخلفي للشاشة او انك تفك الشيلد من الشاشة برفق وتعيد تركيبة


ويفضل انك تعطية لمتخصص صيانة لان الشيلد ممكن تفصل نهائي منك وتبقي ابيض بس او يحدث تلامس في الشاشة من الخلف فيحص قفلة في الللاب

وان شاء الله تكون بسيطة وهي غالبا شيلد
N@der
13-05-2013, 00:09
الف شكر أخي الكريم طيب دلوقتي أنا عملت التالي

لزقت البوردة في الشاشة من الخلف كويس لأنها مكانتش لازقة فيها كويس من ناحية اليمين ( اللي بضغط عليها ) لكن من الشمال لازقة كويس.. ، المهم أنا لزقتها كلها :D في الشاشة بشريط لاصق قوي ورحت قافل الجهاز وشغال عادي بس ممكن كل فين وفين يعني من بين 10 مرات مثلاً يجيب الصورة البيضاء في بداية الفتح قبل لوجو hp وبعدين يظبط لوحده على طول ويفضل شغال عادي حتى بعد الخبط والرزع فيه:ah1:للتأكد من انه مش هايفصل تاني.. ومفصلش فهل كده فيه خطورة عالجهاز اني اسيبه على هذا الحال أقصد انه يقلب ابيض كل فين وفين واللا لازم أتأكد من الشيلد ده ، أنا بس لازم أعمله اليومين دول عشان بمتحن ومفيش وقت خالص اني أوديه لحد بتاع صيانة..
gouba
13-05-2013, 00:19
الف شكر أخي الكريم طيب دلوقتي أنا عملت التالي

لزقت البوردة في الشاشة من الخلف كويس لأنها مكانتش لازقة فيها كويس من ناحية اليمين ( اللي بضغط عليها ) لكن من الشمال لازقة كويس.. ، المهم أنا لزقتها كلها :D في الشاشة بشريط لاصق قوي ورحت قافل الجهاز وشغال عادي بس ممكن كل فين وفين يعني من بين 10 مرات مثلاً يجيب الصورة البيضاء في بداية الفتح قبل لوجو hp وبعدين يظبط لوحده على طول ويفضل شغال عادي حتى بعد الخبط والرزع فيه:ah1:للتأكد من انه مش هايفصل تاني.. ومفصلش فهل كده فيه خطورة عالجهاز اني اسيبه على هذا الحال أقصد انه يقلب ابيض كل فين وفين واللا لازم أتأكد من الشيلد ده ، أنا بس لازم أعمله اليومين دول عشان بمتحن ومفيش وقت خالص اني أوديه لحد بتاع صيانة..

لم افهم اي برودة تقصد لو قصدك بوردة الشاشة دة الطبيعي ليها انها تكون ملتصقة من ناحية اليمين

ولو قمت باللصق علي البوردة وعملت الشاشة تمام يبقي زيل اللصق وفك الشيلد بعد ازالة اللصق من علي الشيلد والشاشة من الخلف واعد تركيب الشيلد مرة اخري واللصك ناحية الشيلد فقط حتي لايزيد اللصق ويؤدي لكسر الشاشة لا قدر الله عند الطغط عليها من الخلف



https://www.mbt3th.us/vb/imgcache/121723.pnghttps://www.mbt3th.us/vb/imgcache/121724.png
N@der
13-05-2013, 00:25
أيوة أيوة هي بوردة شبه دي بس مختلفة شوية ، بس أنا ماعنديش المسطرة الصغيرة دي اللي واصل فيها سلكتين صغيرين ابيض واحمر تقريبا الكابل الرفيع اللي من الجنب عندي ينوب عنها هو واصل في نفس البوردة بس من الجنب أما الكابل العريض ده اللي هو الشيلد لو أنا فاهم صح واصل من تحت وسواء كده كده أو كده أنا فكيت الاتنين وركبنهم تاني كويس كمان البوردة عندي من تحت وكابل الشيلد ده ارفع من اللي في الصورة بشوية ممكن يكون في نص حجمه فهل كده انا فاهم واللا ايه
gouba
13-05-2013, 00:29
الكيبل الابيض والاحمر دة للهاي تنشن والكيبل الكبير للشيلد ارفع صورة لتركيبك في النهاية وضع لزق بسيط علي الشيلد بس زي الي في الصورة وما تكترش اللزق حتي لو انطغط علي الشاشة ما تتكسرش

وكده تمام المشكلة باذن الله راحة من عندك
N@der
13-05-2013, 00:31
اوك راح ارفعهم بس افك الجهاز تاني انتظرني قليلا لو سمحت معلش تقلت عليك
N@der
13-05-2013, 00:41
طيب هو كده شغال كويس ، عشان بصراحة أنا مكسل أفكه تاني وخايف لينام مني خالص كمان ده فيلم هندي حوار الفك والتركيب ده بس تركيبي شبيه للتركيب اللي في الصورة مع العكس ان كل حاجة تحت..

بس زي ما قلت انه ممكن كل عشرة او 15 مرة وهو بيفتح بيجيب الشاشة البيضاء بس لجزء من الثانية فقط قبل لوجو hp وبعدين بتروح لوحدها فوراً والجهاز بيشتغل عادي من اول اللوجو لحد دخول الويندوز ويفضل شغال عادي بس الكلام ده كل فترة يعني مش بيجيبها في كل مرة اشغله ، أنا ممكن أفكه بكرة على رواقة لأني بصراحة فصلت دلوقتي ، وارفع صور واشيل اللزق زي ما قلت لي وأتأكد برده من الكابلات وممكن أرش سبراي جاف احتياطي..

وبجد شكراً ليك جداً على مساعدتك وجزاك الله كل خير ومعلش تقلت عليك وهاتقل عليك بكرة برده :D
gouba
13-05-2013, 00:44
ولا يهمك انا في الخدمة المهم انك تظبط التركيب كويس وما تكترش من اللزق

وبالنسبة للشاشة البيضا الي بتطلع كل 15 مرة دة هيختفي مع الوقت والحمد لله ان المشكلة اختفت
N@der
13-05-2013, 00:45
الحمد لله والف شكر مرة تانية
N@der
13-05-2013, 03:06
سلام عليكم

للأسف المشكلة ظهرت تاني وبرده بمجرد لمسة خفيفة الصورة تتظبط ، أنا بصراحة فكيته ومعملتش أي حاجة غير اني شغلته وهو مفتوح شغال تماااااام ، بمجرد ما اركب الفريم أمامي وخلفي ترجع المشكلة معرفش بئا حران واللا ايه ، المهم أنا شيلت اللزق وبيه أو من غيره الجهاز شغال تمام ، المهم انه يكون مفتوح..! ، على كل أنا أكدت على الكابلات وطلعوا راكبين تمام ومع ذلك فكيتهم ونضفتهم وركبتهم ونفس العيب ، وتأكدت انه العيب مش فيهم لأن فعلاً مجرد لمسة خفيفة جداً في مكان بعيد عنهم جداً الصورة بترجع..

المهم أنا رفعت 3 صور للجهاز 2 من الخلف وواحدة من الامام موضحاً المكان اللي بضغط فيه أو بمعنى أدق بلمسه بس مش ضغط ولا حاجة معلش الصور مش واضحة أوي..

صورة 1 للمكان اللي بلمسه من الامام وده على الفريم الحديد اللي حول الشاشة

https://im34.gulfup.com/onuAZ.bmp


صورة 2 للمكان المقابل بس من الخلف وراجعت عليه احتياطي ووجدته فارغ مفهوش حاجة مجرد بوردة خضراء ولما العيب بيحصل بدوس عليها من الخلف اللي بيقابل المكان الامامي مابيحصلش حاجة لكن لو لمست بس الفريم المعدن من الامام اللي هو موضح في الصورة 1 الصورة تتظبط فوراً

https://im34.gulfup.com/sxDSQ.bmp


صورة 3 فيها مكان الكابلين الشيلد واللي في الجنب ده غالبا بينوب عن الهاي تينشن وهو نازل من فوق وبعدين جاي من الجنب كده زي الصورة

https://im34.gulfup.com/B23ae.bmp


بصراحة الجهاز جنني طول ما هو مفتوح والشاشة بره وأحشاءه خارجة شغال تماما كل ما اقفله يرجع يهيس تاني مع اني تأكدت انه مفيش حاجة ضاغطة عليه أو ملمسة ، بس كل ما اقفله يخرف وأنا ما بصدق أقفله :ah38: يقوم يضطرني افتحه تاني..

معلش بئا هاكمل تتقيل النهاردة مش بكرة:o
gouba
13-05-2013, 11:01
الي في الجمب الهاي تنشن دة للاضاءة

الشاشة الي عندك 14 سليم ودي رخمة جدا

الوقتي انت لما تطغط من الامام لم تحدد مكان المشكلة في الشاشة

الطغط من الخلف زي ما وضحت سابقا اطغط علي كيبل الشيلد من عند المفصلة للشاشة وعند السوكت ايضا وبكده تحدد اذا كان عيب شيلد او سوكت

بالنسبة لو البوردة فاصلة لحام فحاول برفق انت تطغط علي البوردة من الخلف وعلي الايسيهات الي بالخلف بردو

في انتظارك
N@der
13-05-2013, 13:06
اوك شكراً للتوضيح ، دلوقتي أنا ضغطت على كيبل الشيلد محصلش حاجة وضغطت عند المفصلتين من الخلف وعند السوكت ولم يحدث أي شئ البتة وضغطت على البوردة في كل الاماكن وعلى الايسيهات برفق وبغير رفق وبرده الشاشة ماعملتش اي مشاكل شغالة عادي ولا جابت ابيض ولا حاجة وكما من عند المفصلات والله فاي من الناحيتين الشمال فيه الهايتينشن واليمين فاضية تماما والشمال مفهاش اي مكان جاي منه الشيلد الشيلد جاي من النص المهم برده ضغطت على الشيلد اللي جاي من النص وعلى السوكت وهي هي مفيش مشاكل مش عارف بئا هل العيب من الشاشة نفسها كده واللا ايه انا حاسس اني هاقفلها من هنا وترجع تبيض من هنا..
gouba
13-05-2013, 14:24
المشكلة دي مشكلة ايسهات او بيكون في لحام بسيط فاكك من الشاشة

الوقتي معاك حلين تروح لفني مختص هيعيد اللحام علي الايسهات هيقدر يضلع ليك الايسي الي فية المشكلة

او انك تتعامل معاه لحد ما تفصل تماما وتغيرها بعد كده

بس للعلم الشاشة السليم اغلي شاشة وغير متوفرة زي باقي الشاشات
N@der
13-05-2013, 14:31
اوك شكرا مرة تانية أنا هاشتغل مؤقتاً عليها وبعدين أبقى أشوف هاوديها لحد بس ده أكيد في ايسيهات البوردة واللا الشاشة نفسها واللا هما الاتنين جزء واحد
gouba
13-05-2013, 14:40
العفو

ممكن في الايسهات او الجزء الموصل من البوردة للشاشة

ولما تغلق الشاشة لافضل استخدام دايما وانت بتقفل شاشة اللابتوب امسكها من النصف في الجزء الاعلي لتوزيع الحمل علي المفصلتين والبعد جزء الشيلد
N@der
13-05-2013, 14:43
تمام انا بعمل كده فعلاً وشكرا ليك مرة تانية