بعد إذن الباشمهندسين - أرجو مساعدتي ضروري

[waleedwanees2]

السلام عليكم ورحمة الله وبركاته

كان عندي مشكله بتمني انكوا تساعدوني في حلها
انا خريج 2011 معايا بكالريوس نظم معلومات
دخلت الجيش قعدت سنه وخرجت 12-2012
وعندي 24 سنه
من ساعه مخلصت جيش لحد دلوقتي
وانا بدور علي شغل
وللاسف مش لاقي
ولا انترفيو لحد دلوقتي
انا معايا ccna
ومذاكر مايكروسوفت mcitp
وشويه برمجه وقواعد بيانات وتصميم وحاجات من دي
وبحضر دلوقتي ل ccnp
بس انا
يأست
بالذات بعد متنصب عليا في سفر بره مصر
ويأسي وإحباطي ده واقف عقبه في طريقي
اني أكمل في تحضير ccnp
خايف أخدها ومشتغلش
لإن أخر فلوس معايا
همتحن بيها
كنت عايز اعرف لو انا خدتها
هل ممكن ألاقي شغل في مصر
علمأ باني في مشكله كبيره
مبعرفش اتكلم انجليزي كويس
يعني لغتي علي قدي
وعلي قد اني اذاكر وامتحن
بس طبعا بحاول اني اطورها مع الوقت
لكن طبعا بالنسبالي صعبه جدا
لاني مفيش ممارسه في اللغه
هل ممكن المشكله دي كمان تبقي
عقبه في حياتي ؟
- وهل لو كملت ccnp أخش أنهي طريق الاقي في شغل اسرع
security - voice - sp ولا أكمل في الراوتنج
طبعا انا عارف اني لو درست تخصص تاني هدرس ccna الخاصه بيها
بس انا عايز اشتغل
لاني فعلا تعبت
وكنت خاطب
وفسخت الخطوبه عشان خاطر الشغل
وحالتي النفسيه
مدمره
لاني مش عارف اعمل حاجه من ساعه مدخلت الجيش
لاني قبل الجيش كنت شغال وزي الفل
ياريت ياجماعه تساعدوني قبل فوات الأوان
بس أقولكوا حاجه أخيره بالله عليكوا
أنا الحمد لله مؤمن بالله وبصلي وعارف ربنا
ومقتنع مليون في الميه ان الارزاق بيد الله
وبقول الحمد لله علي كل حاجه حتي في اسوء الظروف
بس
انا كنت بتابع مواضيع كتير زمان عن حاجات مشابهه
وكان الرد الوحيد اللي بسمعه
المهم الخبره مش لازم المرتب
حتي لو اشتغلت من غير متاخد فلوس
انا عايز خبره
بس عايز فلوس كمان
عايز احس ان تعبي بيجيب نتيجه
انا أيام الجامعه كنت شغال it في شركه وباخد 400 جنيه وبيروحوا في المواصلات وبكمل عليهم كمان
وخدت منها خبره 4 سنين
ومعملتليش اي حاجه
بصرف علي بيت كامل
ده غير اني عايز أكون نفسي
أنا أسف لصراحتي زياده عن اللزوم دي
بس هي دي الحقيقه
طبعا انا إترددت كتير قبل مكتب الموضوع لاني مش عارف هو مخالف ولا لا
وده القسم المناسب ولا لا بس اعذروني
شكرا ليكوا

[mahmoudeid]

في الاول .. السلام عليكم ورحمة الله وبركاتة

اخي العزيز ... عايز اقولك حاجة " ولازم تقتنع بيها " ان الشغل دة عبارة عن رزق .. ربنا كاتبة ليك ... طول ما انت بتعمل الي عليك سبها لله .. وعايز اقولك حاجة كمان اوع تزهق ... بالعكس طول ما انت عامل الي عليك ولقيت ان صعب قوي تلاقي شغل ... " افرح " اة والله افرح ... عشان صدقني والله العظيم عن تجربة كل ما تتأخر كل ما يكون الحاجة الحلوة الي ربنا شيلهالك اكبر .. انا والله بتكلم بجد

في حاجة كمان .. واسف اني بقولها بس لازم تكون عارفها عشان تكون الامور كلها واضحة
بجد الحالة الاقتصادية للبلد " وحشة " ... وزيادة الرهيبة في اسعار الدولار بردو ليها تأثير كبير ...
انا شغال في Technical Support في شركة عربيات كبيرة في مصر ... وبجد انا حاسس قصة الاقتصاد دي لاني بواقع شغلي " بطلع علي ايميلات مهمة " جاية من الصين والمانيا للشركة
بجد " حال البلد واقف " ...
عشام كدة مش عايزك تزهق " انت ملكش ذنب " .. طول ما انت بتعمل الي عليك
وغير انا ليا زمايلي في مجالات مختلفة بردو " قاعدين في البيت "
..................................................
بالنسبة لقصة الكورسات .. اسف مش هاقدر افيدك
لان تخصصي بعيد شوية
................................................
في نهاية الكلام
اقسم بالله " لو بتعمل الي عليك " ربنا هايكرمك ...
................................................

وعلي العموم لو مخنوق ومضايق ممكن نكون اصحاب ونتقابل في اي مكان
...............................................
وللعلم انا كنت زيك واكتر منك كمان " وشربت الذل " ... ووصلت لمرحلة يأس اكبر مما تتخيل ........... بس عشان تعرف كرم ربنا .. والله العظيم انا اشتغلت عن طريق الانترنت ... ومريين مش مرة واحدة بس ... والله انا اشتغلت في شركتين عن طريق الانترنت .... انا عايزك تشدك حيلك .. ولا تيأس

[mody8]

السلام عليكم
اخى الحبيب

برجاء وضع بياناتك الشخصية مثل الهاتف والاميل والخ

او قم بارسالهم على الاميل الخاص بى

eng_m.sa3ed@hotmail.com

[Gawad]

قال ابن عطاء السكندري رحمه الله:

لا يكن تأخر أمد العطاء مع الإلحاح في الدعاء موجباً ليأسك: فهو (أي الله سبحانه وتعالي) ضمن لك الإجابة فيما يختاره لك، لا فيما تختاره لنفسك، وفي الوقت الذي يريد لا في الوقت الذي تريد.

[bloodyelf]

بسم الله الرحمن الرحيم

اخى.. ربنا ان شاء الله هيكرمك باللى فيه الخير ليك و يوفقك لما يحب و يرضى.
بس خلينا ناخد بالأسباب و نفكر يمكن يكون فى حاجه مش واخدين بالنا منها.
حضرتك بتقول ولا جالك انتر فيو واحد.. طيب ممكن تدور يكون فى مشكله فى CV
ممكن تكون فى طريقة عرضك للمهارات اللى عندك... فى اخطاء كتير فى السى فى ممكن نقع فيها

رايى المتواضع حاول من دلوقتى تشوف متطلبات الوظيفه اللى هتقدم فيها و تظبط CV بتاعتك عليها من كل النواحى و ابعتها لشركات حتى لو مش فاتحين وظايف دلوقتى
جرب و اسعى و ان شاء الله ربنا هيوفقك للى فيه الخير ليك..

قال الإمام الشافعى: «ولرب نازلة يضيق لها الفتى ذرعاً وعند الله منها المخـــــرج»، «ضاقت فلما استحكمت حلقاتها فرجت.. وكنت أظنها لا تفرج»

[Gawad]

وكنت أظنها كذلك تفرج

[waleedwanees2]

يااااااااااااااااااااااااااااااااااااااااااااااارب
ادعولي