جهازي عاوز ارميه من البلكونه

[الحسن سيد حسين]

الأخوة الكرام محترفي الصيانه بالموقع أرجو المساعدة
جهازي امكانياته هي :

Processor: Intel ® Celeron ® CPU 2.40 GHZ

Cashe Memory: 256 Kb

Bios: ASUS – 42302e31 Award modular V6.0

Motherboard: ASUS Tek Computer INK.P4S800MX

RAM: 480 (74% used)

Power supply: P4 – 400T


VGA: SIS 661FX
ومليان مشاكل : بيطفي لوحده ، ومروحة البروسيسور بتقف لوحدها رغم اني لسه مغيرها من شهرين تقريبا وبطيء جدا رغم اني اشتريت رامات وركبتها من كام شهر برضه
انا عاوز مساعدتكم لتطوير الجهاز ، نفسي انزل نسخة ويندوز سفن واوفيس 2010 وفوتو شوب ، وعاوز اعرف ممكن اعدلها ازاي ممكن مساعدتي؟

[Ḿǿĥâmeḋ Ấḅḑ Ệlậẑiz]

اخى الكريم الافضل انك ترميه من البلكونة و تجيب جهاز جديد لانك لو اشتريت جديد مش هيركب فى البوردة القديمة

[Black foxer]

دا عايز يتولع فيه مش يترمي

[الحسن سيد حسين]

بسم الله ما شاء الله ، أيه يا محترفين الردود اللي تفتح النفس دي ، ما تخليكوا محضر خير لحسن والله البلكونه موجوده والكمبيوتر اهو جنبي ، عاوز حد يفكر معايا عشان انتوا عارفين الجديد دلوقتي غالي ، عموما جزى الله خيرا كل من ارسل لي رأيه وساعدني في حل مشكلتي ، اشكر أخي الكريم محمد عبد العزيز ، وأخي بلاك فوكسر

[Ḿǿĥâmeḋ Ấḅḑ Ệlậẑiz]

بسم الله ما شاء الله ، أيه يا محترفين الردود اللي تفتح النفس دي ، ما تخليكوا محضر خير لحسن والله البلكونه موجوده والكمبيوتر اهو جنبي ، عاوز حد يفكر معايا عشان انتوا عارفين الجديد دلوقتي غالي ، عموما جزى الله خيرا كل من ارسل لي رأيه وساعدني في حل مشكلتي ، اشكر أخي الكريم محمد عبد العزيز ، وأخي بلاك فوكسر

الافضل ان حضرتك تبيعه و تجيب جديد علشان القطع اللى هتجيبها جديدة مش هتركب فى البوردة القديمة
الا فى حالة شراء مستعمل

[Black foxer]

حضرتك مهما رفعت منه مش هتقدر تعليه لان الماذر بورد قدييييييييييييييمة و اكيد مفيهاش pci لتركيب كروت شاشة من الجديد الي ممكن تغيره بس هو البروسيسور

[الحسن سيد حسين]

طيب يا اخوة يا كرام لو انا هابيعه في رأيكم يجيب كام

[البعد الخامس]

اخى فى الله قبل ما تفكر تبيعه

ممكن تضفنى على الايميل بتاعك

chfi.egypt@ymail.com

ممكن اقدر اساعدك

[HexCode]

جهازك قديم جداً جداً وغير قابل للبيع .

[البعد الخامس]

جهازك قديم جداً جداً وغير قابل للبيع .

مع احترامى لرئيك بس كل شىء بيتباع بمصر

[HexCode]

مع احترامى لرئيك بس كل شىء بيتباع بمصر

حرام تبيع الكمبيوتر لإي شخص مع وجود كل المشاكل المذكورة في الأعلى يبقى ما في ضمير .

[Ḿǿĥâmeḋ Ấḅḑ Ệlậẑiz]

حرام تبيع الكمبيوتر لإي شخص مع وجود كل المشاكل المذكورة في الأعلى يبقى ما في ضمير .
هيتباع مع العلم بمشاكله ..
اصلا الاجهزة دى لما بتتباع بتستخدم فيما بعد كسيرفر تحكم مايكروتك

[Black foxer]

هو انت لسة مولعتش فيه هههههههههه

هو ممكن يجبلك 300 جنيه

[ahmedking201]

اعمله حوض سمك ههههههههه

[Ḿǿĥâmeḋ Ấḅḑ Ệlậẑiz]

خلاص يا جماعة الراجل كدة زمانه ولع فى الجهاز :D
بس نصيحة بجد اللى هيقولك حدثه كدة مش هيكون لمصلحتك
و الافضل تشترى جديد

[الحسن سيد حسين]

السلام عليكم ورحمة الله وبركاته
الأخوة الكرام ، بصرف النظر عن بيعه او تحديثه ، هذا النصح بل والجهد المبذول منكم في محاولة مساعدتي شيء رائع جزاكم الله كل خير واتمنى ان اساعد كل من نصحني ان امكنني ذلك يوما ، بالنسبة للآخ الذي يتحدث عن ان بيعه بهذه الحالة يجعلني بلا ضمير قول ومن قال اني لن اخبر من سيشتريه على ما به من عيوب ، ولعله سيكون مفيدا له وخصوصا ان استخدمه كحوض للسمك :)

[الحسن سيد حسين]

اشكر اخوتي الكرام محمد عبد العزيز ، بلاك فو كسر ، بيور مان (ارسلت لك طلب اضافة) ، هيكس كود ، احمد كينج 201 جزاكم الله كل خير

[البعد الخامس]

شكرا تم القبول وبكون موجود غالباً من بعد العشا الى بعد الفجر

[unexpected]

يا شباب الاخ يريد مساعدة لماذا ارى ردود غريبة لا تخص الموضوع
برجاء منكم من يستطيع مساعدة الاخر يكتب ردة ومن يريد كتابة رد خارج عن استفسار الاخ الافضل ان لا يكتب الرد
ملاحظة: بعض الردود قمت بتعديل حجم الخط فيها وبرجاء لا احد يستعمل حجم خط اكبر من 4 لانة مخالف

[MrTom]

أخوانى الكرام أرجو من الجميع اللى يرد على موضوع يحتاج فيه عضو لحل مشكلة يقول رد مفيد

ميدخلش يستهزء من غيره أحنا كلنا أبتدينا بأجهزة على قدها لما الاستهزاء من أجهزة الغير

[Dark shadow]

نفس امكانيات جهازك دى كانت عندى الجهاز كلو لو اتباع يعملو حوالى 400 جنية تقريبا بلشاشة بكلو
:ah8::(
ومليان مشاكل : بيطفي لوحده ؟ على ماعتقد ان سبب طفى الجهاز هو الارتفاع الشديد من حرارة البروسسر
، ومروحة البروسيسور بتقف لوحدها رغم اني لسه مغيرها من شهرين تقريبا ؟ حضرتك بتستخدم كولر ردىء ابو 10 جنية وبصراحة استخدمتو كثير وبيكون مليان عيوب وبلنسبة انك لسة شاريها تاكد من انها راكبة كويس وبخصوص انها بتقف كل شوية تاكد من توصيلها جيدا فى بعض الفنات التجارية التى تعاملت معها سابقا بتلاقيها بتلمس كل شوية السلك بيفصل يعنى :D:Dوبيكون فيها مشاكل كثير انصحك بانك تجيب فانة تكون كويسة شوية تجارية بارضو بس قول لصاحب المحل قالو عايز افضل حاجة عندك
:D وان شاء الله تقعد معاك وقت جيد
وبطيء جدا رغم اني اشتريت رامات وركبتها من كام شهر برضه ؟ اعتقد انه بطىء جدا بسبب الارتفاع الشديد لدرجة حرارة البروسسر بسبب الفانة يوجد بها مشاكل
انا عاوز مساعدتكم لتطوير الجهاز ؟ يمكنك جلب معالج كور تو ديو E7200 فى حدود 300 جنية تقريبا مستعمل ، نفسي انزل نسخة ويندوز سفن ؟ عادى تقدر تنزل سفن بس هتكون بطيئة جدا . جرب النسخة دى windows starter 7 :ah8: واوفيس 2010 وفوتو شوب ،
وعاوز اعرف ممكن اعدلها ازاي ممكن مساعدتي؟ بلنسبة لتعديل النسخة فقم بعمل موضوع فى القسم الخاص بنظم التشغيل يمكن يقدر حد يفيدك

مع انى انصحك ببيع الجهاز وشراء منصة جديدة افضل :rolleyes:

وبلتوفيق لك

[البعد الخامس]

بالنسبه للمروحه دور على مورحه تكون 240 جرام او اكبر بس مش اقل من كده

المروحه ديه هتنزل درجه حراره البرسسور الى + 30 درجه وانسى موضوع السخونيه

جرب تشوفها فى الموﻻد الكبيره زى سوق العصر وادخل كل المحلات صغير وكبير


وبالنسبه لنسخه ويندوز ارجو الموضوع ده يساعدك

https://www.itp.net/arabic/578899#.UbJELaem7ec

اما لو انت الان غير مناسب لك لشراء جهاز جديد

ممكن تنزل اكس بى بشكل ويندوز 7

او تنزل لينكس مناسب لاميكانيات جهازك وان شاء الله تقدر تنزل البرامج وتشتغل معاك كويس

شوف المناسب ليكى واعمله

[hasanez44]

سيبك من الناس دي خلينا نشغل الغسالة دي بالهداوة كده :) (أو مرة حد يكتب بالهداوة )
أحنا غلابة يابا وبنقضيها



الأخوة الكرام محترفي الصيانه بالموقع أرجو المساعدة
جهازي امكانياته هي :

Processor: Intel ® Celeron ® CPU 2.40 GHZ

Cashe Memory: 256 Kb

Bios: ASUS – 42302e31 Award modular V6.0

Motherboard: ASUS Tek Computer INK.P4S800MX

RAM: 480 (74% used)

Power supply: P4 – 400T


VGA: SIS 661FX
ومليان مشاكل : بيطفي لوحده حرارة الباور سبلاي ممكن المروحة بايظة بتاعت الباور سبلاي لو صوته عالي يبقي تغيرله مروحةأو حرارة البروسيسور برده، ومروحة البروسيسور بتقف لوحدها رغم اني لسه مغيرها من شهرين تقريبا تتغير أو تتنظف الأول وتجرب وبطيء جدا رغم اني اشتريت رامات وركبتها من كام شهر برضه الجهاز أخرجه شوية فرجه افلام كلام من ده
انا عاوز مساعدتكم لتطوير الجهاز أنسي ياحج شيل الفكرة من دماغك ، نفسي انزل نسخة ويندوز سفن واوفيس 2010 وفوتو شوب دي بقي أحلام اليقظة ، وعاوز اعرف ممكن اعدلها ازاي ممكن مساعدتي؟حوش من دلوقتي وأستحميل وهات جهاز نضيف

وأقوي نصيحة أقولك عليها كل أسبوع تخصص 10 دقايق وتضرب جهازك بالبلاور أو المكنسة (بالعكس) وهتلاقي جهازك تمام أن شاء الله


وربنا يرزقك وتجيب جهاز أحسن من الأعضاء الي تحبط دي (نحن أصحاب الغسالات لكننا مبدعون)

[Ḿǿĥâmeḋ Ấḅḑ Ệlậẑiz]

سيبك من الناس دي خلينا نشغل الغسالة دي بالهداوة كده :) (أو مرة حد يكتب بالهداوة )
أحنا غلابة يابا وبنقضيها




وأقوي نصيحة أقولك عليها كل أسبوع تخصص 10 دقايق وتضرب جهازك بالبلاور أو المكنسة (بالعكس) وهتلاقي جهازك تمام أن شاء الله


وربنا يرزقك وتجيب جهاز أحسن من الأعضاء الي تحبط دي (نحن أصحاب الغسالات لكننا مبدعون)

احباط ايه حضرك ؟؟!! الرامات 256 بروسيسور celeron دة برنامج الافيرا لوحده بيسحب 100 ميجا على الاقل من الرامات

[mohamad_buny]

ان شاء الله تلاقى حل

[joker300]

مع عدم امكانية تغيير الجهاز وأيضاً فكرة تطويره ، فلا يوجد امامك غير إعارة بعض الاهتمام بالجهاز تنظيفه جيداً وتغيير مروحة البروسيسور والباورسبلاى وأيضاً فى حدود الامكانيات ولا اعتقد ان الموضوع مكلف
غير ذلك ستظل المشكلة قائمة بالطبع وستسمر المعاناة :ah27:

[imadoo@live.com]

ارميه من البلكونه وانساااااااااااااااااااه

[dr.ahmed shahin]

حطه على باب جامع :D