المساعد الشخصي الرقمي

مشاهدة النسخة كاملة : طريقة تقسيم هارد 4 تيرا بلاك



fifazalata
24-06-2013, 21:14
السلام عليكم ورحمة الله وبركاته
كيف الحال يا أخوة، عسى يكون الجميع بخير
انا الحمد لله اشتريت النهاردة هارد 4 تيرا بلاك على الهارد ال500 جيجا البلو اللى عندي
فانا سمعت ان الهرود اللى فوق ال2 تيرا مش بتقرا كاملة
وكمان لازم البوردة تكون بتدعم UEFI
انا الحمد لله بوردتي بتدعمها
وبوردتي هي ASUS P8Z68 V PRO
انا سألت صاحب المحل قالي اني هاركب الهارد على الهارد ال500 اللى عندي واقسمه من النسخة عادي
وطبعاً مش هايقرا غير 2 تيرا والباقي هافكه ببرنامج جاي مع اسطوانة البوردة اسمه ASUS DISK UNLOCKER
ودا لفك بقية المساحة
-----------------------------------
انا الحقيقة محتار وحوار اعمل كذا وكذا بدون شرح تفاصيل محيرني اكتر
لأني سمعت قبل كدة اني لازم احول نظام التقسيم من MBR لـ GPT
والراجل قال مش محتاج تعمل حاجة
وبصراحة الكدب خيبة انا مش عارف الفرق بين الاتنين
فياريت طريقة تقسيم الهارد من اول ما اضغط على زر التيرن اون فى الكيسة :D
لغاية ما اقسمه
وياريت برضو لو تم التقسيم بنجاح تدلوني على بعض البرامج لاختبار الهارد
انا اللى اعرفه HD TUNE بس، فهل هاحتاج اختبارات ببرامج تانية ولا ايه النظام
معلش انا تقلت عليكم بس دا من عشمي والله
وشكراً مقدماً لمن يساعدني
ومتقلقوش اللى هايسعدني ليه مني بعد الليلة دي باكو لبان تشيكلتس :D

fifazalata
25-06-2013, 18:20
نظراَ لتأخر خبراءنا فى الرد لعل يكون المانع خير بإذن الله
انا دورت على طريقة الفرمتة والتقسيم وقسمته الحمد لله
انا الحمد لله سطبت الهارد بس المشكلة انه مش بيبوت الا وهو لوحده ولو ركبت اي هارد تاني معاه مش بيبوت او لو الهارد التاني فيه نسخة بيبوت منها




لو رجعت ركبته لوحده يبوت عادي




انما مع اى حاجة تانية مش بيبوت نهائي
الهرود اللى ركبتها معاه هي الويسترن البلو 500 جيجا به ويندوز
والويسترن البلاك 1 تيرا وهو للتخزين
فى حالة تركيبه مع البلو بيبوت من وبيندوز البلو
وفى حالة تركيبه مع البلاك مش بيبوت لانه البلاك مش عليه نسخة
طبعاً انا متأكد من اعدادات boot priority من البيوس وعاملها عالهارد ال4 تيرا




اتمنى من الخبراء الرد لاني بصراجة قاعد على اعصابي وخايف ليكون في حاجة

MOUSA AL-SARI
25-06-2013, 19:09
اولا اخي الكريم هل تعرف النظام على كامل حجم الهارد ام لا ؟؟؟

ثانيا حل مشكلتك سهل وهو وجود اكثر من قرص على الجهاز يحمل نوع ملفات SYSTEM BOOT FILE الحل ان تقوم بتنصيب ويندوز

جديد على الهارد ال 4 تيرا بلاك واثناء التنصيب تقوم بحذف البارتشن الخاص في الهارد الاخر الموجود فيه نسخة ويندوز قديمة

ثم تقوم بحذف البارتشن الذي تريد استخدامه للويندوز في الهارد 4 تيرا وتقوم بعمله من جديد لكي يقوم الويندوز بحجز 100 ميجا

لمفات النظام والبوت على الهارد ال 4 تيرا :)

fifazalata
25-06-2013, 20:23
بالنسبة لنقطة الحذف هل تقصد delete واتركه يصبح انلوكيتيد؟
ولو افترضنا ذلك هناك 3 برتشنات بعد عمل تقسيم بالGPT للهارد ال 4 تيرا
واحد 100 ميجا وواحد 128 ميجا والتالت هو البارتشن نفسه
فهل انا بحاجة لعمل دا مرة تانية
ولا اكتفى بحذف بارتشن اللى عليه ويندوز ال500 وانزل نسخة من الهارد ال4 تيرا عادي
باستخدام uefi من البوردة ؟
معلش هاتعبك معايا بس انا حاسس اني تايه ومش عارف اعمل ايه
فعايز اتاكد من كل حاجة لاني خايف ابوظ حاجة عن جهل مني
اسف مرة تانية على تعبك معايا وكتر الف خيرك مقدماً

MOUSA AL-SARI
25-06-2013, 20:59
وحدة وحدة كدة :)

اولا تقوم بحذف اي بارتشن عليه النظام في الهاردات القديمة وتبقيها ان لوكيتد بعد تشغيل الجهاز سوف تقوم بعمل باترشن بحجمها

ثم تقوم بحف البارتشن الخاص في النظام بالهارد ال 4 تيرا + اي بارتشن اخر بحجم 100 ميجا منن الويندوز القديم

ثم تقوم بعمل باترشن جديد بحجم البارتشن الذي حذفته وسوف يقوم النظام بعمل بارتشن 100 ميجا للملفات الجديدة

وكدة انت ابقيت هارد واحد اساسي وهو ال 4 تيرا وتستطيع الاقلاع منه لوحده او مع تركيب باقي الهاردات :)

BAZOOKA_N2O
26-06-2013, 01:36
قبل حذف اي بارتيشن

قم بالتأكد من اول هارد يتم البحث فيه عن نظام هو ال 4 تيرا الجديد

وللتأكد قم بضغط مفتاح f8 بعد فتح الجهاز مباشرة ستظهر لك قائمة boot اختار منها الهارد الجديد

fifazalata
26-06-2013, 09:20
بالنسبة لنقطة حذف الملف ال100 ميجا احذفة من اسطوانة النسخة واسيبه انلوكيتيد
ولا بعد احذفه ادمجه مع البارتشن بتاع النسخة اللى هو 200 جيجا
وماذا عن البارتشن ال128 ميجا ؟

fifazalata
26-06-2013, 19:49
ياريت يا اخوة حد يأكدلي الاسئلة أعلاه دي لاني منتظر اجابة من حضراتكم
عشان ابدأ بتنفيذ اللى قولتولي عليه
شكراً مقدماً

MOUSA AL-SARI
26-06-2013, 20:56
بالنسبة لنقطة حذف الملف ال100 ميجا احذفة من اسطوانة النسخة واسيبه انلوكيتيد
ولا بعد احذفه ادمجه مع البارتشن بتاع النسخة اللى هو 200 جيجا
وماذا عن البارتشن ال128 ميجا ؟

بالنسبة لبارتشن ال 100 ميجا الموجود على الهارد 4 تيرا تقوم بحذفه اولا ثم تقوم بحذف البارتشن المخصص للويندوز ثم تقوم بانشاء

البارتشن مرة اخرى لكي يقوم الويندوز بحجز 100 ميجا للملفات القديمة

واي بارتشن اخر بحجم 100 ميجا قديم قم بحذفه اولا لا يوجد اي مشكلة :)

safeelfares
01-10-2013, 16:13
ممكن اعرف اشتريته منين و بكام

Hafdal1
05-05-2014, 05:34
انا سجلت وعملت الشرح دا ليك مخصوص علشان انا تعبت علي بال ما عرفت الطريقة علي العموم دا شرح فديو
وفي حالتك دي اعمل زي الفديو
https://www.youtube.com/watch?v=aXSzsyVOw3Q

وعلشان انت عندك هارد 500 و هارد 4 تيرا يا ريت تقرا الوصف الي تحت الفديو ولو احتجت أي حاجة فالموضوع دا انا جاهز ودي صفحتي ع الفيس
www.facebook.com\fortemoo (https://www.facebook.com\fortemoo)

ومكان شراء الهارد من مول البستان الدور الأول شركة المصطفي / أستاذ اكرم
وصاحب الفكرة في التقسيم شركة السراج / أستاذ مصطفي دياب

محمد_MoHaMeD
13-01-2015, 00:59
https://store.arabhardware.net/western-digital-wd-black-wd4001faex-4tb.html