استفسار بخصوص تجميعه جهازى الى اشتريته

[samar fouad]

السلام عليكم ورحمه الله وبركاته
اشتريت جاهز كمبيوتر لتصميمات الهندسيه بامكانيات كويسه كالتالى
LG screen monitor 19 inch
Intel® Core™ i7-3770 Ivy Bridge 3.4GHz 8MB Cache Desktop Processo
Gigabyte GA-B75M-D3H Socket 1155 Motherboard (https://www.ebay.com/sch/Consumer-Electronics-/293/i.html?_nkw=motherboard)
Corsair Vengeance cmz8gx3m1a1600c10 / 8GB / DDR3 / 1600 MHz -
Gigabyte GeForce GTX 650 2048MB GDDR5
Cooler Master Mid Tower 280 k
Cooler Master 500 wt psu
دلوقتى كل ماجى اصمم على الماكس وارندر الجهاز بيسخن جامد اوى وبتوصل درجه الحراره لفوق التمانين فى الكورز من برنامج سبيد فان مش عارفه العيب من ايه ؟؟؟
هل الباور سبلاى يكفى امكانيات جهازى ولا اضعف منها ؟؟؟؟

[H E S H A M]

البور ملهوش علاقة بدرجة الحرارة .
الحل انك تجيب مشتت احترافى او شبه احترافى .

[Mahmoud Essam]

I7 3470 البروسيسور لا محصل I5 3470 ولا محصل I7 :) . انا بهزر معاك :D بس ارجو توضيح موديل المعالج فهل هو I7 3770 ولا I5 3470 . بالنسبة لموضوع الحرارة فارجو رفع صورة من برنامج HW Monitor فى حالة الضغط . و ان شاء الله خير . و بالنسبة للباور فالمشكلة ليست فى الباور و المشكلة هتكون من المشتت .

[wessam-pro]

i7 3470 :confused:
آدى اخرة المشى البطال :D

عموما حل درجة الحرارة دى لانك مش مركب الفانة بشكل صحيح او مسحت المعجون الستوك الى عليها بدون قصد
اقلك تعرف ازاى
شغل الجهاز وادخل الوندوز عادى واضغط على المعالج باى برنامج ممكن prime 95 وراقب درجة حرارته نعتبرها وصلت 80 مثلا
تقوم ضاغط بايدك على المشتت ( الفانة ) وهى راكبة - تضغط جامد - لمدة دقيقة لو لقيت الحرارة بتنزل يبقى الفانة مش راكبة صح
لو منزلتش يبقى المعجون ( الكولر ) مش مظبوط وعاوز يتغير

[samar fouad]

]I7 3470 البروسيسور لا محصل I5 3470 ولا محصل I7 :) . انا بهزر معاك :D بس ارجو توضيح موديل المعالج فهل هو I7 3770 ولا I5 3470 . بالنسبة لموضوع الحرارة فارجو رفع صورة من برنامج HW Monitor فى حالة الضغط [/FONT]. و ان شاء الله خير . و بالنسبة للباور فالمشكلة ليست فى الباور و المشكلة هتكون من المشتت .

سورى هو فعلا i7 3770
انا غلطت وانا باكتب نوع البروسيسور هو بيسخن ل80 درجه واكتر لما بارندر على الماكس يبقى العيب فى ايه

[Dark shadow]

سورى هو فعلا i7 3770
انا غلطت وانا باكتب نوع البروسيسور هو بيسخن ل80 درجه واكتر لما بارندر على الماكس يبقى العيب فى ايه

المشكلة ياسمر من المشتت تلاقيه مش راكب كويس حاولى تركبى المشتت كويس . ولو المشكلة متحلتش انصحك بمشتت احترافى
Cooler Master Hyper 212 Evo Turbo Edition CPU Cooler 300 L.E واوعى تنسى تحطى معجون . هو بيجى معاه المعجون وكل حاجة وبلنسبة للبور برجاء ذكر الموديل :rolleyes: وهو كافى حتى لو موديل مش اد كدا . لان الكارت بيسحب 64 وات تقريبا :D

[عبدالله ضيف]

اعتقد تودى الجهاز للى اشتريتيه منه وهو يتصرف ممكن يكون المعالج فيه عيب تقنى ويغيره المهم تفضلى معاه هناك لحد ما يتظبط لان كده البروسيسور ممكن يتحرق منك اكيد يعنى
كروت الشاشة من شركة جيجا بايت غالبا بيبوظ المرواح بتاعتها وبترفع درجة حرارة الجهاز كله لدرجة ان جهازى مرة بسبب الكرت طلع ريحة منه :) انصحك تبدلى الكرت وتشترى كرت من msi او asus وتاكدى من مرواح الكرت وعلى فكرة المرواح بتبوظ مع الوقت يعنى مش اول لما تجحبيه فانصحك تغيريه والموضوع ده حصل معيا ومع واحد صحبى ومع ناس على النت كروت جيجا بيت رخيصة لاكن مقرفة بصراحة
لا انصحك بتاتا بحل المشكلة بنفسك رجعى الجهاز وقوليلهم على الى بيحصل وهما يتصرفو لان المعالج ممكن يتحرق بجد

[عبدالله ضيف]

وانصحك اولا ترجعى اعدادات البيوس للافتراضى لان ممكن يكون فى حاجة غلط خاصة بالمرواح او كده
ثانيا تتأكدى ان الباور يقدر يستحمل الكرت مع البروسيسور وبصراحة انا لا افقه شئ فى الباور سبلاى فاى حد هنا ممكن يساعدك
تأكدى من مراوح كرت الشاشة هل تعمل اما لا وهل شريعة ولا بطيئة
تأكدى من تركيب المشتت على المعالج جيدا لاكن افضل ليكى تودى الجهاز للمحل هما هيعرفو يتعاملو فى الموضوع ده
تاكدى من تهوية الغرفة وكمان تهوية الكيس خصوصا اننا فى الصيف
نصيحة لوجه الله رجعى الجهاز للمحل وهما يتصرفو وحاولى تغيرى كرت الشاشة

[Mahmoud Essam]

سورى هو فعلا i7 3770
انا غلطت وانا باكتب نوع البروسيسور هو بيسخن ل80 درجه واكتر لما بارندر على الماكس يبقى العيب فى ايه
هوه العيب من المشتت و لكن ياريت صورة من برنامج HW Monitor فى وقت لما درجة الحرارة بتبقى فوق 80 عشان نشوف عدد لفات المروحة عادى ولا قليل . و يجب التأكد من تثبيت المشتت على المعالج جيدا و وضع معجون حرارى فى منتصف المعالج على هيئة حبة الارز يعنى حته صغيرة اوى .