هل ممكن محل بيبع نسخة تجريبية من كارت شاشة

[ahmed166]

انا طبعا كتبت كتير عن gtx 770 الى كان فيه عيب مصنعى وكنت جايبه من عرب هاردوير ووديته الضمان ولقيته بيقلى انى الكارت ملوش اى بيانات عندهم مع انى عرب عاردوير قالولى انى الضمان بتاعه جاما وعليه الاستيكر كمان و مش عارف اتواصل مع المتجر اليوم ؟ فكنت بسأل هل من الممكن ان تكون نسخة الكارت تجريبية للاختبارات وتم بيعها على انها نسخة عادية للعلم يعنى ان الكارت كان عليه استيكر للعبة assassinscreed والكوبون مكنتش جوه العلبة وهما بعتوها على الايميل سكانر لو حد عنده فكره ياريت يجاوبنى

[FODET]

أخي ما هو العيب المصنعي الي في الكرت ؟

[ahmed166]

الشاشة بتجيب الوان وخطوط غريبه من قبل ما الويندوز يبدأ حتى و الويندوز مش بيقرأ الكارت و جربت كل الحلول

[FODET]

طيب اخي افتح control panal ثم device manager ثم display adapters . هل تجد اسم الكرت موجود ؟

[ahmed166]

الكارت مش معايا دلوقتى لكن لما بتجيب screen saver وبعدين advanced settings كل الخانات امامها صفر او unavailable

[cosmo2]

كويس انك قلت عشان ما اشتريش من عرب هاردوير ولعلمك زميلي اشتري من الموقع وفيه مشاكل في الكرت في قراءة البيانات

[ahmed166]

انا بسأل وعاوز اتأكد

[ahmed166]

كويس انك قلت عشان ما اشتريش من عرب هاردوير ولعلمك زميلي اشتري من الموقع وفيه مشاكل في الكرت في قراءة البيانات
قصدك ايه بقراءة البيانات ايه الى بيحصل يعنى ؟

[MohammedsF]

لا يمكن لكرت تجريبي أن يحمل معه لعبة هدية !

راجع الضمان أخي الكريم و لعلمك قد يكون السبب هو التعريف اللذي استخدمته و ليس الكرت نفسه ! ما هو رقم التعريف اللذي كنت تستخدمه ؟

الرجاء عدم التشهير بمتجر عرب هاردوير فهو لم يقم بصناعة الكرت !

اذا كان الضمان من المتجر تفضل و راجعهم و اذا كان الضمان من الوكيل المحلي تفضل و راجعهم و لا علاقة للمتجر بهذا الخصوص...

[adel soliman]

مع احترامى الكامل للموقع ولحضرتك كمشرف لكن ده مش تشهير بحد
العضو كاتب انه ذهب للوكيل اللى المفروض انه اشترى الكارت على اساس انه له ضمان كما بيع له ولكن الرد كان ان الوكيل ليس له علاقة بهذا وعدم وجود بيانات المنتج لديه
اذا فمن باب اولى طالما حضرتك تدخلت للرد ان تقدم يد المساعدة وتحاول استيضاح الامر من ادارة المتجر
ربما كما ذكرت ان التعريف هو اساس المشكلة ولكن ماذا سيحدث اذا لم يكن التعريف واذا حدثت مشاكل اخري؟
التوكيل ينفى علمه بذلك الكارت فاين يذهب به؟

[sprocketgear]

راجع الكارت للمتجر واستبدله او استرجع فلوسك
انت خارج الموضوع تماما والمتجر يتحمل مسؤلية الضمان فى حالة ان الوكيل ذكر انه ليس لديه بيانات بالكارت
وبشكل عام انا توقفت عن التعامل مع المتجر لاسباب شخصية اهمها تأخر الاوردرات 9 ايام بدون مبرر واضح

[Ahmed Abdelwahab]

رجع البطاقة للمتجر مفيهاش مشكلة
اتصل بيهم بكرة وتواصل معم

[ahmed166]

شكرا للجميع على التواصل وللمشرف MohammedsF (https://arabhardware.net/forum/member.php?u=13532) انا لا اشهر بأحد انا حصلت مشكلة معايا و كتبتها و علشان اثبت كده انا تواصلت معاهم وهما كانوا بصراحة ذوق وقالوا مفيش اى مشاكل وكلموا الوكيل واتحلت المشكلة وهروح الضمان تانى بكره ان شاء الله

[kingtifass]

يااخى كما اوضحت لك رجعه الى المتجر لتستبدله بواحد جديد والحق نفسك عشان مده الاستبدال ما تنتهى

:):)

[ahmed166]

لا يمكن لكرت تجريبي أن يحمل معه لعبة هدية !

راجع الضمان أخي الكريم و لعلمك قد يكون السبب هو التعريف اللذي استخدمته و ليس الكرت نفسه ! ما هو رقم التعريف اللذي كنت تستخدمه ؟

الرجاء عدم التشهير بمتجر عرب هاردوير فهو لم يقم بصناعة الكرت !

اذا كان الضمان من المتجر تفضل و راجعهم و اذا كان الضمان من الوكيل المحلي تفضل و راجعهم و لا علاقة للمتجر بهذا الخصوص...


اخى انا لا اقصد التشهير ولا اى شئ انا حصلت مشكلة معايا وعرضتها زى ما هى ولعلمك بقى هما الى قالولى ممكن تروح الضمان مباشرة ورحت و طبعا رفضوا يستلموا الكارت للسبب السابق وكل الحلول انا جربتها ولم تنفع مع الكارت لكن الحمد لله هما قالولى انهم حلوا المشكلة مع الضمان وكانوا محترمين جدا وان شاء الله اروح الضمان تانى بكره و لو الضمان خده هكتب برده لأنى مش فى نيتى التشهير زى ما حضرتك قلت و بالنسبى للتعريف كان التعريف الى على الاسطوانة المرفقة 320.08 تقريبا

[FODET]

بما أنك في ال 14 يوم يمكنك ارجاع البطاقة للمتجر نفسه وليس الضمان . لكني ما زلت لم أفهم مشكلة الكرت لأن تقريبا مشكلتك هذه بحذافيرها حصلت معي وكان الكرت سليم وكانت المشكلة في بيوس اللوحة لم يتعرف على البطاقة أو شيء من هذا القبيل وقمت بحلها .

[ahmed166]

بما أنك في ال 14 يوم يمكنك ارجاع البطاقة للمتجر نفسه وليس الضمان . لكني ما زلت لم أفهم مشكلة الكرت لأن تقريبا مشكلتك هذه بحذافيرها حصلت معي وكان الكرت سليم وكانت المشكلة في بيوس اللوحة لم يتعرف على البطاقة أو شيء من هذا القبيل وقمت بحلها .

مشكلة الكارت انه اشتغل فى الاول وبعدين حصلت المشكلة وجربته على اكتر من جهاز

[Mohamad Ayman19]

مشكلة الكارت انه اشتغل فى الاول وبعدين حصلت المشكلة وجربته على اكتر من جهاز

مممم اخي الصراحة مفيش حاجة اسمها ان مينفعش يستلموا الكارت طالما انت اشتريتة بالضمان يبقي دا جزء من حقك ولو جصل غير كدا علي اقرب قسم وتعمل بلاغ بالحكاية دي هي فلوس الناس لعبة !!!!!!