شراء شاشة كمبيوتر

[ahmed50]

السلام عليكم
انا عايز ان شاء الله اشترى شاشة كمبيوتر
المواصفات لجهازى اغلب الاستخدام العاب
q6600 @2.4ghz
ram 4g
7770 vaporx
انا عايز افضل شاشة تكون مناسبة للكارت
و لو ان شاء الله ناوى اجيب 19 بوصة على ريزلوشن 1366*768
ولا افضل اجيب شاشة 23 و العب برضوا على نفس الريزلوشن دا علشان الاداء ميبقاش وحش !
و كنت بفكر انى اجيب شاشة بتردد اكتر من 60 هرتز علشان ال tearing لانى لما بشغل ال vsync بحس ببطئ فى الاعاب lag .
مع العلم انى كنت بلعب على شاشة 42 بوصة على 1366*768 و كانت حلوة جدا و مكنش فى فرق كبير بينها و بين 1080*1920 .
بالنسبة للفلوس ممكن لحد 1500 جنيه
بس انا مهما كبرت الشاشة هلعب على الريزلوشن 1366*768 علشان الكارت مش قوى اوى و مش ناوى اغيروا حاليا

[ASSASINO]

راى للشخصى ان تقوم بشراء شاشة Full HD ومستقبلاً قم بتغير البطاقة , ارشح لك شراء احد الشاشات الاتية

ASUS VX238H 23 inch Ultra-Slim LED LCD 1400 LE
او
ASUS VS248H 24 inch LED 1600 LE

[SOFTGAME]

ASUS VS248H 24 inch LED: 1600 LE

[ahmed50]

هى الشاشات ال 19 بوصة وحشة !؟
بس انا مش ناوى اغير كارت الشاشة قبل سنة
فهل ينفع العب بريزلوشن 1366*768 على الشاشات الكبيرة ولا هتبقى مش مظبوطة !

[M o h a m a d]

ينقل الى القسم الصحيح

[ahmed50]

مساعدة

[McLaren]

الشاشة الكبيرة بتفرق جداً في الأفلام والصور والتصفح الانترنت
أما الألعاب فالدقة القليلة عليها لا تكون جيدة إلا إذا كنت معتاد على ذلك

أنصحك بشراء شاشة كبيرة مع تقليل مستوى الرسوميات أثناء اللعب

[ahmed50]

انا كنت بلعب على شاشة 42 بوصة و جربت الدقتين
1366*768 و 1080*1920 و تقريبا مكنش فى فرق فى جودة الصورة ملحوظ حاجة عبيطة جدا مع اختلاف شديد فى الفريمات .
بس انا فى كذا حد قالى الشاشات الصغيرة لحد 24 بوصة الافضل تلعب على الدقة الافتراضية بتاعتها علشان الصورة بتبقى سيئة جدا و انا بالفعل جربت اشتغل على ريزلوشن 600*800 على شاشة 17 بوصة لقيتها وحشة جدا
. فشكلى هشترى واحدة 19 وخلاص و كدا كدا انا ببقى قاعد قدام الشاشى و المسافة قليلة جدا اقل من متر
فالسؤال بقى ايه افضل شاشة 19 بوصة موجودة ؟! و هل هتبقى كويسة ولا لا ؟
و هل فى شاشة 19 بوصة بتردد 120 هرتز ؟

[soul_]

لو ميزانيتك تقدر تشتري شاشه full hd بحجم 23 بوصه يبقى اشتريها وقلل الريزلوشن عند اللعب ل 1366*768 وهتحصل على نفس الاداء مع الالعاب لو لعبت على شاشة 19 لان حجم الشاشه مش مهم المهم هوه الريزلوشن وانت احسبها للمستقبل شاشة 23 full hd هتيرحك لفتره طويله جدا جدا من الزمن ولو حدثت كرت الشاشه بعد سنه هتلعب على دقة 1080 بكل اريحيه بعكس شاشة 1366 مش هيكون عندك خيار سوى اللعب على هذه الدقه
ده غير الفرق الكبير في مشاهدة الافلام والصوره بشكل عام
باختصار ليه تشتري شاشة 19 بوصه وانت معاك ميزانيه 23 بوصه

[ahmed50]

مهو انا خايف ان الشاشة ال 23 بوصة هتبقى وحشة على الريزلوشن القليل 1366*768
يعنى الافضل انى اجيب 19 على الريزلوشن دا علشان الصورة تبقى كويسة و ميبقاش فيها مشاكل او متبقاش واضحة و كدا على اساس انها اصلا مصممة على ريزلوشن 1080 مش 1366
فعلشان كدا انا خايف و انا مش عايز اغير كارت الشاشة خالص دلوقتى مش اقل من سنة و كدا كدا الريزلوشن دا انا كنت بلعب بيه على شاشة 42 و كان كويس جدا بس مش عارف لو شاشة 23 او 24 مجربتهاش قبل كدا :(
و يا ريت يا جماعة لو فى شاشة 19 و تكون بتردد 120 هرتز علشان ال tearing و لما باجى اشغل ال vsync بحس بان اللعبة مش ثلثة خالص و انا كل لعبى تقريبا online fps games

[ahmed50]

انا ناويت على واحدة من دول ان شاء الله مين افضل
Samsung SyncMaster S19B300B 19 inch LED LCD monitor (Malaysia)
Philips 196V3LSB2 18.5 inch LED monitor
او لو فيه حاجة تالتة افضل منهم بس تكون 19 بوصة ؟

[ahmed50]

اجيب انى واحدة يا رجالة ؟

[McLaren]

السامسونج أفضل

بس لتانى مرة :
أسمع الكلام وهات ال 23 أحسن
:)
ومفيش مانع أنك تقلل من خيارات الجرفيكس في الألعاب