اخش كليه ايه

[a.m.m.a.r]

اخش كليه ايه
انا لسه داخل تلته ثانوى و مش عارف اخش كليه ايه يعنى انا مهتم بشبكات cisco و معايا ccna اخدنها مع مدرس معجبنيش شرحه فا اخدتها سلف ستدى لأن اغلبيه المدرسين فى مصر للأسف بيدو الأمتحانات وده غلط وكمان شرحهم زفت ما علينا انا بردو لسه مش عارف اخش كليه ايه فيها التخصص ده ياريت حد يساعدنى

[sadam20]

هندسة قسم اتصالات

[بحبك يا رب ...]

اسال اكتر عن القسم , لانى معتقدش انى قسم اتصالات بياخد كورسات ccna
يا ريت المهندسين ياكدوا لينا قسم الهندسة الخاص to ccna

[McLaren]

هندسة قسم اتصالات طبعاً
أنا كنت بفكر أدخله أصلاً

[a.m.m.a.r]

انا معتقدش ان هندسه اتصالات هتفدنى مش الى انا عاوزه فى ناس فلتلى خش حاسبات و معلومات بس برده مش متأكد

[بحبك يا رب ...]

هندسة قسم اتصالات طبعاً
أنا كنت بفكر أدخله أصلاً

يعنى قسم اتصالات هو القسم المتخصص فى كورسات MCITP - MCSA 2012 - CCNA - CCNP -CCIE ؟

يا جماعة حد يفيدنا بالتفصيل الله يخليكم ؟

انا فى هندسة القاهرة بفضل الله بس كدا معلوماتى مغلوطة ؟

يا ريت توضحلنا كورسات قسم اتصالات وقسم حاسبات ؟

شكرا جزيلا :)

[McLaren]

انا فى هندسة القاهرة بفضل الله بس كدا معلوماتى مغلوطة ؟
أنت أصلاً في هندسة القاهرة, ولا محتار تخش كلية إية ؟

ثانياً, احنا عندنا في الكلية قسم حاسبات و قسم إتصالات.

فأياً ما تبحث عنه فهو عندنا

قسم حاسبات بيكون متخصص أكثر في البرمجة والسوفت وير
وعمل Operating system أو تطوير برامج وأكواد وال kernels

يعنى عندك مثلاً تنسيق الثانوية العامة على مستوى الجمهورية
دا معمول من قسم حاسبات عندنا

بيعطوا لهم دائما حاجات للتفكير أثناء الدراسة
زى مثلاً :تعمل برنامج يعطيك أكبر عدد ممكن من الصناديق المستطيلة يمكن وضعها في حجرة بالأبعاد اللى أنت بتدخلها
وكيفية وضعهم

أو برنامج لتنظيم المرور مثلاً وهكذا

أما إتصالات وإن كان فيها جزء متعلق بالبرمجة برضه
إلا انها بتركز أكثر على الهاردوير, الشبكات والحقول الكهربائية
والإشارات و ميكرو كنترول و Logic

بتتعلم فيها عن الموجات الكهرومغناطيسية وال Integrated Circuits
الدوائر الكهربية الصغيرة وهكذا

ويطلب منهم في المشاريع حاجات تتعلق أكثر بالشبكات والهاردوير
يعنى كان فيه مشروع تخرج مثلاً
عن عمل روبوت وبتتحكم فيه لاسلكياً بذراع بلاي ستاشن wireless
ومشروع اخر يطلب عمل بروسيسور
وناس تانية كانوا مطالبين بعمل راوتر
وهكذا

بخصوص الحاجات المذكورة
فأنا مش متأكد بشكل كامل

لكنها وإن كانت تخصصهم إلا إنهم تقريباً مش بيدرسوها قوى في مناهج الكلية

بس كنت أسمع صحابي اللى فى قسم إتصالات كانوا دايماً
بيتكلموا عن كورسات سيسكو وأوراكل وال ccna وهكذا

وبرضة سمعت أن قسم حاسبات برضه بياخد فكرة عن الحاجات دى فى سنة رابعة

بشكل عام أنت بس خلص إعدادى وهتلاقى مليون معيد تسأله فى اللى أنت عايزه وفي كل الأقسام
بس انا مبدئياً ارشح لك قسم اتصالات


دا كلام عن قسم إتصالات:

https://unimasr.com/community/viewtopic.php?f=783&t=31963&p=459179&hilit=%D9%85%D9%86%D8%A7%D9%82%D8%B4%D8%A9+%D8%A7% D8%AA%D8%B5%D8%A7%D9%84%D8%A7%D8%AA#p459179


ودا كلام عن قسم حاسبات:

https://unimasr.com/community/viewtopic.php?f=2792&t=100092

وربنا يوفقك
:)

[a.m.m.a.r]

اول حاجه انا داخل تلته ثانوى يعنى المفروض اقرر من الوقت تانى حاجه انا عايز كليه (قسم متخصص ) مش سنه رابعه وخلاص وكاان فى ناس صحابى فى اتصالات قالولى متخشهاش يارب قلاقى حد يساعدنى

[sadam20]

ياباشا انا خريج قسم اتصالات وبتاع شبكات ... سيبك من حاسبات ملهاش علاقه بالشبكات بتاتا .. كلها برمجه وبتحضرك عشان تكون Software Engineer وبتاخد Operation System ممكن تاخد فكره عن الشبكات جوه .. بس اللى هتاخده دا ميجيش نص الCCNA ودى ممكن تاخدها ف اى كورس او من ع النت حتى ...تانى اوعى اوعى تدخل حاسبات او حتى حاسبات ومعلومات دى برمجه سيييرف...

قسم اتصالات هيديك شبكات اه ف رابعه بس ركز معايا ف السنين اللى قبل رابعه .. هتاخد موجات ودى هتساعدك ف الWireless لو عاوز تشتغل شبكات ويرلس ومفيش غير مهندسين اتصالات بس اللى بيفهموا ف الموضوع دا مفيش اى واحد مش اتصالات يقدر يدرس حاجه زى دى الا من رحم ربى يعنى .. نادرا اوى اوى

هتاخد Digital Communication .. ودى مهم جدا ف الVOIP لو عاوز تدخل شبكات تخصص فويب .. ومش الفويب بس حاجات تانيه كتير

هتاخد Optical Fiber ودى عشان كابلات الفايبر اى حد بيشتغل ع الكابلات وخلاص .. مهندسين الاتصالات بس هما اللى فاهمين ف الموضوع دا ونادرا برده لو لقيت حد تانى بيفهم فيها

هتفهم كل انواع الكابلات شغاله ازاى ... بتاعة دش بقا او نت او اى عفريت هتفهمها

هتاخدSecurity .. لو عاوز تشتغل شبكات تخصص سيكيوريتى

ومواد تانيه برده هتنفعك ف الشبكات بس مش زى الحاجات اللى قولتلك عليها فوق دى ... شوف بقا هتختار ايه انت وقرر

[a.m.m.a.r]

طب معندكش اى اقتراح تانى مثلا يعنى ترجحلى كليه تانيه او فسم تانى
و شكرا على الملومات المفيده

[a.m.m.a.r]

يا ناس يالى فى المنتدى حد يساعدنى