استفسار عن افضل مركز تدريب كورسات برمجة

[mohammed94]

السلام عليكم

كنت عايز اسال عن افضل مركز تدريب كورسات برمجة بحيث اني لو حصلت علي الشهادة اقدر اسافر اشتغل في اي حتة في العالم

دورت ولاقيت مركز في اسكندرية اسمه inspirationegy وزي ما سمعت انه معتمد من كامبرج هل هذا صحيح ؟

شكرا :)

[OREX]

وعليكم السلام ورحمه الله وبركاته

سأتحدث عن الجافا تحديدا

ما هوا افضل مركز تدريب ؟

لو مش هتروح لمركز معتمد من جامعة اوراكل يبقى لازم تسأل على المحاضر نفسه قبل ما تروح حتى لو كان اسم السنتر كبير وفيه ناس جربوا فيه كورسات تانية وكان كويس

والمهم اللى هتسأله دا يبقى خلص الكورس مع المحاضر مش حضر كام محاضرة وخلاص , لان معظم المحاضرين بتهيس فى الاخر علشان التوبيكات اللى فى الاخر بتبقى شرحها رخم شوية وبتبين هل المحاضر دا فاهم بجد ولا حافظ كلمتين وعمال يكررهم
----------------------------------
المراكز المعتمدة طبعا سعرها غااالى جدااا ومبالغ فيه , بس مبتشغلش حد عندها كدا وخلاص , علشان كدا لو توفرت الميزانية ليها هتكون افضل الخيارات المتاحة
-------------------------
موضوع اعتماده من كامبردج او اى جامعة اجنبية :

لو حضرتك حابب تتأكد من النقطة دى تحديدا ممكن تبعت للجامعة نفسها اسم السنتر ومكانه وهما اكيد هيأكدوا المعلومة او لا او حتى هيقلولك تدور فين
-------------------------

نصيحة :
1- لآ تشغل بالك باعتماد من اى جامعة , خلص الكورس وحضر للامتحان وتوكل على الله وادخله , شهادة من اوراكل افضل بكتير من مجرد شهادة حضور فى سنتر
2- لو هتعرف تزاكر سلف استدى: يبقى توكل على الله متروحش اى سنتر ولا اى حاجة , دور على كتاب كويس ومعاه برضة فيديوهات لناس شارحه الجافا تقريبا كلها على اليوتيوب وهتلاقي نفسك مش محتاج حاجة ان شاء الله

مهم جدااا تشوف نفسك هتعرف تزاكر لوحدك ولا لاه , ولو حسيت ان بتضيع وقت على الفاضى يبقى تاخد كورس فى سنتر احسن , وكدا كدا طالما دخلت الاي تى هتتعلم تزاكر لوحدك ازاى :ah1:

التحضير للامتحان دا خليه على جمب شوية لان امتحانات الجافا رخمة حبتين

بالتوفيق ان شاء الله

[mohammed94]

السلاك عليكم

شكرا اوي لحضرتك بس كنت عايز اسال انا حلم حياتي اشتغل في اي شركة زي مثلا شركات زي جوجل ميكروسوفت الشركات ديه بتبقي طالبة ايه يعني شهادات معينة ؟ وليه حضرتك قولت لغة الجافا بالذات طب والـphp منتشرة اكتر
وان شاء الله اذاكر لوحدي بدل حاجة بحبها وحلمي بعد ما فشلت في الثانوية العامة :(

شكرا لاهتمام حضرتك
تحياتي

[OREX]

السلام عليكم
شكرا اوي لحضرتك بس كنت عايز اسال انا حلم حياتي اشتغل في اي شركة زي مثلا شركات زي جوجل ميكروسوفت الشركات ديه بتبقي طالبة ايه يعني شهادات معينة ؟ وليه حضرتك قولت لغة الجافا بالذات طب والـphp منتشرة اكتر
وان شاء الله اذاكر لوحدي بدل حاجة بحبها وحلمي بعد ما فشلت في الثانوية العامة :(

شكرا لاهتمام حضرتك
تحياتي

وعليكم السلام ورحمه الله وبركاته

اولا: انا حددت الجافا علشان دى مجال شغلى فلو كان عندك اى استفسار عنها هعرف اجاوبك عليه , مش علشان الافضليه ولا بتكلم فى مقارنة مابين حاجة وحاجة
لا لو كان استفسارك مثلا عن الدوت نت اية المراكز او اية الماتريال او نظام الامتحانات بتاعها اكيد مش هيبقى اجابتى زي الجافا لان هيبقى مجرد انى سمعت مثلا ان الكتاب دا كويس او الامتحان الفلانى نظامه كذا

اتمنى تكون فاهمنى

ثانيا: موضوع انك تشتغل فى شركة زي جوجل او ميكروسوفت : لازم تشتغل فى مجال انت حابه وعايز تطور نفسك فيه دا اولا ثم ثانيا نبقى نتكلم فى الشركة كبيرة صغيرة او حتى هتستقل بنفسك وتعمل شركه لوحدك

ثالثا: بتقول انك فشلت فى الثانوية العامة! سيدى الفاضل محدش هيشغل حد عندة مش معاه بكالريوس اصلا حتى لو كانت شركة مفيهاش غير اتنين تلاتة

اخيرا لو استقريت على الجافا فى الاخر ومحتاج مساعدة فى الماتريال انا معاك ان شاء الله , لو مجال تانى اسف مش هعرف اساعد

اتمنالك التوفيق

[I-IEMA]

الســلام عليكم و رحمة الله وبركاته

سبحان الله، انا صاحى و بتابع موضوع ليا فى منتدى تانى عن نفس الاستفسار
قولت ادخل هنا ، و خصوصا قسم الشهادات العلمية له باع طويل و هايفيدونى فيه
و لقيت الموضوع ده فى أحدث المشاركات فى المنتدى من بره خالص :)

انا برضه ببحث عن مجال جديد مهم ابدأ فيه
و تايه فى حاجات كتير
Oracle financial - php & java - CCNA

خايف ادخل مجال و مالاقيش شغل بيه ، و بدور على افضل المجالات المناسبة ليا

دا رابط موضوعى اللى فى منتدى تانى :

https://dvd4arab.maktoob.com/f112/4127860.html

و اتمنى منكم الافادة

[abdallasyam]

اتفضل كورسات برمجة (https://w3s4arb.com/) مجانية وايضا مشاريع مجانية

[Maged Karam]

مساء الخير، أنا معرفش مراكز فى الأسكندرية بس أعرف مركز أميت فى القاهرة ممكن تتواصل معاهم و تشوف فى كورسات حلوة جدا زى تطبيقات الأندرويد و الأيفون وكمان كورسات الجافا إلّى بتسأل عليها . وبالتوفيق
www.amit-learning.com

[okpa]

انا سئلت فى نيو رايزون كورس كامل احترافى لكن كان غالى جدا ١٠٥٠٠ جنية بالامتحانات الجافا سرتفيد طبعا
ايه رايكم؟

[OREX]

انا سئلت فى نيو رايزون كورس كامل احترافى لكن كان غالى جدا ١٠٥٠٠ جنية بالامتحانات الجافا سرتفيد طبعا
ايه رايكم؟

الامتحانات لغايه شهادة ايه ؟ هل هيوصل لشهادات ال EE ولا ال SE بس ؟

لو الSE ودا اللى اتوقعه فهما امتحانين بس لو هتمتحن النسخه السابعه هما OCPJSE OCAJSE
لو النسخه السادسه نفس الاتنين اللى فوق بس ممكن تدخل على الامتحان الاخير على طول فهيبقى امتحان واحد

الامتحان سعره من على موقع EGP 1008
https://education.oracle.com/pls/web_prod-plq-dad/db_pages.getpage?page_id=652&get_params=p_exam_id:1Z0-803

يعنى الكورس لوحده ب8000 مع العلم ان كل كورسات الجافا اللى هتحتاجها فى الاول (OOP, Advanced SE, Servlets,JSP,JSF,Hibernate ) موجود ليها شرح فيديو باللغه العربية ومستوى كويس جدا