المساعد الشخصي الرقمي

مشاهدة النسخة كاملة : مارايكم فى هذا الجهاز Alcatel One Touch Scribe HD



dedooo
11-08-2013, 00:45
السلام عليكم ورحمة الله وبركاتة

ارجو من مشوراتكم فى هذا الجهاز لانى مقبل على شرائة ولقد رائيت فيديوهات لهذا الموديل قمة فى الروعة
وهذا رابط لامكانيات الجهاز Alcatel One Touch Scribe HD

https://www.gsmarena.com/alcatel_one_touch_scribe_hd-5218.php

ارجو نصيحتكم فى هذا الجهاز ام يوجد شئ اخر بنفس المبلغ اقوى من هذا الجهاز

ولكم الشكر

dedooo
11-08-2013, 19:04
اين اهل الخبرة

HerOIraK
12-08-2013, 00:11
وعليكم السلام ورحمه الله وبركاته ..

الهاتف ممتاز جدا .. من حيث كل شيئ ..

انصحك بشرائه .. ولا يوجد له منافس من حيث هذه المواصفات والسعر ..

الهاتف متوفر في دريم 2000 بسعر 2390 جنيه ..

setup
14-08-2013, 07:07
جهاز حلو بس البروسيسور اللى فيه مش بحبه لأنه بيتصنع منه الموبايلات الصيني الهاي كوبي
في رأيي ده أفضل
https://www.gsmarena.com/lg_optimus_4x_hd_p880-4563.php
بس تزود الميزانية، يعمل في حدود 2500 - 2600

dedooo
17-08-2013, 02:28
جهاز حلو بس البروسيسور اللى فيه مش بحبه لأنه بيتصنع منه الموبايلات الصيني الهاي كوبي
في رأيي ده أفضل
https://www.gsmarena.com/lg_optimus_4x_hd_p880-4563.php
بس تزود الميزانية، يعمل في حدود 2500 - 2600

صديقى لقد قرنت بين الموبيلين واكتشفت ان جودة الفيديو والكاميرا فى الالكتل اقوى كثيرا من الال جى ويوجد فيديوهات للاثنين
https://www.youtube.com/watch?v=ULZcuvFYoms

setup
18-08-2013, 10:13
يفضل يكون الريفيو من موقع معتمد
هذا فيديو آخر لنفس الكاميرا وهناك فرق كما ترى

https://www.youtube.com/watch?v=EYcbUOY2YKg
اخيرا لا تحكم على جودة كاميرا من التصوير النهاري

FIGOSOLIEMAN
19-08-2013, 16:33
بص حضرتك على اراء الناس اللي استعملت الجهاز في الصفحة دي https://xn--mgbbh6hdsp.xn--wgbh1c/%D8%A7%D9%84%D9%83%D8%A7%D8%AA%D9%8A%D9%84/One-Touch-Scribe-HD/5.htm

dedooo
21-08-2013, 12:51
يفضل يكون الريفيو من موقع معتمد
هذا فيديو آخر لنفس الكاميرا وهناك فرق كما ترى

https://www.youtube.com/watch?v=EYcbUOY2YKg
اخيرا لا تحكم على جودة كاميرا من التصوير النهاري
فرق فى اية بلظبط انا زودت ل1080والجودة اراها جيدة ومتنساش التصوير الثابت هيبقى اقوى من المتحرك وكمان مهما يكن دة كمرة موبيل وهى على ذلك جيدة جدا
طبعا التصوير النهارى هيبقى اقوى من الليلى

dedooo
21-08-2013, 13:09
بص حضرتك على اراء الناس اللي استعملت الجهاز في الصفحة دي https://xn--mgbbh6hdsp.xn--wgbh1c/%D8%A7%D9%84%D9%83%D8%A7%D8%AA%D9%8A%D9%84/One-Touch-Scribe-HD/5.htm


اراء الناس اللي استعملتهالجهاز ممتاز

dedooo
22-08-2013, 14:23
ودة راى احد الاصدقاء اللى استعملوا الجهاز

انا لسة بقلب فى الموبايل ودة تانى موبايل اندرويد اشترية والاولانى كان سونى اريكسون برو
مش عارف لية نفسى مبتروحش ناحية السامسونج هههههههههههههههههههه
المهم
انا اشتريت الموبايل بسعر 2750 من محل الغزاوى فى الزقازيق وهو محل كبير وشهير جدا لمن يعرف او يعيش فى الشرقية ، وطبعا الموبايل جاى معاة قلم وجراب ولكن الجراب بيغطى الشاشة فقط دون ظهر الموبايل
ولما سألت البائع عن سكرين بروتكتور او جراب للموبايل قلى ان كل الاكسسوارت جاية الاسبوع الجاى للموبايل دة وباقى موبايلات الكاتيل اكسسوارتها موجودة ، فاضطريت مؤقتا انى اشترى سكرين بروتكتور لسامسونج s4 نظرا لتماثلهما فى الحجم تقريبا
مع العلم ان الموبايل شاشته لها حماية Dragon Trail Glass ومما قراته على النت والله اعلم ان هذة الحماية اقوى بسته اضعاف من الجوريلا جلاس
الموبايل من تعاملى المبدئى معاه اقدر اقول انه بسم الله ما شاء الله امكانياته تفوق سعره بكتير ويكفى انه كان معروض جانبة الجالاكسى جراند بنفس السعر مع فارق الامكانيات ودة سببب اساسى انى اشترى الموبايل فى ساعتها لانى قلت لنفسى الموبايلين جنب بعض وبسعر واحد والاتنين صناعة صينى فاية الى يخلينى اشترى الجراند بنفس السعر مع امكانيات اقل بكتير
وتوكلت على الله واشتريت الالكاتيل وان شاء الله يكون اختيار موفق
....الموبايل بخطين
....البطارية 2500 امبير
....الموبايل سرعته فى النت ابلا مبالغة طلقة مع العلم انى مشترك فى النت بسرعة 2 ميجا بس شتان بين الالكاتيل بسرعه 42 ميجا وبين السونى البرو بسرعه 7 ميجا مع العلم ان السامسونج اس 3 والجراند والنوت 2 كلهم بسرعه 21 ميجا
....الموبايل خفيف فعلا ولا تشعر انه ثقيل ابدا وتشعر اكثر فاكثر بخفته اذا مسكت فى اليد الاخرى نوت 2 او جراند
....الشاشة اكثر من ممتازة علشان IPS LCD ودى على فكرة بتوفر رؤية ممتازة من جميع الاتجاهات والرزيليوشون عالى 294 بيكسل والشاشة 5 انش والشاشة لها حماية Dragon Trail Glass كما ذكرت سابقا والشاشة هاى ديفنيشن 1280*720 كما ان الشاشة مطلية oleophobic coating ودى بردة على حسب ما قرات فى النت ان هذا الطلاء يجعل الشاشة لا تتأثر ببصمات الاصابع
....البروسيسور كواد كور عامل شغل جامد والجهاز سلس جدا وسريع مفيش تهنيجة ولا اى شئ مطلقا
.... الرام واحد جيجا
.... البلوتوث , v4.0
.... نظام التشغيل Android OS, v4.1 Jelly Bean
.... الموبايل جاى معاه قلم بيشتغل على كل حاجة فى الموبايل
.... الكاميرا الخلفية 8 ميجا بيكسل فل هاى ديفيشن 1080 والامامية 1.3 هادى ديفيشن 720 بس لسة مجربتهموش بالدرجة الى تخلينى احكم عليهم كويس
.... الموبايل تحس انه قيم وفخم وعلى فكرة انا جبت اللون الاسود والابيض معجبنيش

العيوب من وجهة نظرى
....الكاميرا الخلفية بارزة عن الموبايل مما قد يعرضها للخدوش بس ان شاء الله تتحل لما تنزل جرابات للموايل
....ذاكرة الموبايل 4 جيجا المتاح منها للمستخدم 2.5 جيجا ودى مساحة قليلة بالنسبة لامكانيات الموبايل وان كنت حليت المشكلة دى بكارت ميمورى للصور والفيديوهات وخلافة وتركت الذاكرة الداخلية للتطبيقان مع تشغيل برنامج نقل البرامج للذاكرة الخارجية
غير كدة انا مش عيوب للموبايل وهى عيوب بسيطة من وجهة نظرى وغير مؤثرة
صحيح البطارية غير قابلة للازالة وان كنت لا ارى مشكلة فى ذلك لان ذلك اصبح اتجاه عام فى الموبايلات والتاب والايباد

الخلاصة الموبايل صفق رابحة وانا والحمد لله سعيد بية جدا واتمنى من الله عز وجل انه يكون اختيار موفق واى استفسار سارد علية ان شاء الله على قدر معرفتى
مع العلم انى لسة بشوف امكانيات الجهاز فى التصوير والالعاب

hourhill
19-10-2013, 13:02
بتسائل من وراى

Romanyhabib
30-03-2015, 08:25
عندى مشكلة فى الموبيل دة هو معايا الكاميرا سعات بتيجى وتعلق مبتفتحش اعمل اية وعلشان اشغلها لازم اعمل اعادة ضبط مصنع والبيانات بتضيع اعمل اية