استفسار عن توصيل كابل HDMI

[zoro00]

السلام عليكم

اهلا شباب

كان عندى استفسار للمجربين او الخبراء فى هذا الامر

انا عندى تلفزيون سامسونج اسمارت 40 بوصه وبوصل عليه الكمبيوتر بوصله ال HDMI بتاعت الرسيفر
علما ان كارت الشاشه ATI HD 1GB 6870 DDR5

انا شغلته تمام وبلعب كل الالعاب برزليوشن ممتاز وسريعه ومفهاش اى مشكله ومفيش اى بكسله ولا ردائه فى الصوت او الصوره علما ان الكابل الحالى طوله متر

سؤالى هناك انى عايز اجيب كابل HDMI طوله 10 متر لانى مش عايز انقل كل شويه الكيسه من على المكتب واجبها جمب التلفزيون نظرا لان الكيسه زى الداهيه والوصلات كتير

فعايز اجيب كابل 10 متر وهجيب كابل يو اس بى برضه 10 متر وهوصل فيه موزع علشان اوصل الكيبورد والماوس والدراعات

فهل كلما زاد طول السلك هيقل جوده الصوره والصوت او هيسبب اى مشاكل وهل الفرق هيكون ملحوظ ؟
برجاء الافاده من اللى جربوا قبل كدا او اللى عندهم خبره فعليا
لان الكابل ال HDMI ال 10 متر غالى تمنه فمش عايز ادفع واجيبه واتصدم فى الاخر

تحيتى

[amr_elmasry]

أخى ما اظن ان هيكون فى مشاكل يعنى لو كان طول السلك هيأثر يبقى اتعمل ليه أصلا

[Golden.Boy]

مافيش اى مشاكل ...طول السلك ليس له علاقة بجودة الصورة

[فارس الكعبي]

اخي نوعية الكابل HDMI مهمة جدا لتوصيل الصورة خصوصا مع كروت واللاعاب القوية فلو كانت النوعية رديئة مثل الذي تصنعه شركة (ax trom) فقد تختفي الصورة لكن لوكانت نوعية جيدة مثل الذي تصنعه شركة Havit فلا تختفي الصورة قطعا لجودة الكابل وبالخارج اتصور يوجد ماهو مطلي بالذهب لاجل توصيل صورة واضحة النقاوة فعليك بالنوعية الجيدة واما بالنسبة لكابل USB فالاحسن ان تاخذ ماوس وكيبورد نوع بلوتوث وايرليس لان مد كابل USB ب10 متر نشاز ومظايقة نعم تحتاج ذلك لوكنت تستخدم يدة XBOX360 للالعاب

[ahmed166]

مهم طبعا نوع الكابل وعلى فكره المطلى بالذهب موجود فى مصر انت بس روح راديو شاك هو غالى لكن حاجته جودتها ممتازة وياريت تجيب واحد اصدار 1.4 مش 1.3
بس سعر 10 متر ممكن يبقى غالى ازى لأنى كنت جايب واحد متر وشوية تقريبا ب 100 جنيه و كان مطلى بالذهب

[M o h a m a d]

وعليكم السلام
جودة الصورة لن تقل ولن تتأثر أبدا أخي بزيادة طول الكابل يعني ماتقلقش

[zoro00]

انا جبت الوصلات وحبيت انقل تجربتى للافاده
روحت اشتريت وصله HDMI طولها 10 متر نوعها ملوش ملامح مش من المركات يعنى لانى ملقتش مركات معروفه للاسف نوع اللى جبتها اسمه "ورلد استورز" تمنها 85 جنيه
وجبت تطويله يو اس بى نوعها Havit طولها 5 متر تمنها 38 جنيه
وجبت مشترك يو اس بى 7 مخارج دعم لهردات اليو اس بى حتى 500 جيجا تمنه 40 جنيه

النتيجه بعد تجربتهم جيده والصوره واضحه والصوت تمام

وشكرا لكل من شارك بالموضوع

[Ahmed Abdelwahab]

الف مبروك يا عزيزي
يغلق اذا